એક તરફ નવા સંસદ ભવનના ઉદ્ઘાટનને લઈને દેશભરમાં ઉત્સાહનો માહોલ જોવા મળી રહ્યો છે તો બીજી તરફ કોંગ્રેસ સહિતની વિપક્ષી પાર્ટીઓએ અંતર બનાવી લીધું છે. ઉદ્ઘાટન વડાપ્રધાન મોદીને સ્થાને રાષ્ટ્રપતિએ કરવું જોઈએ તેવું કારણ ધરીને આ પાર્ટીઓએ કાર્યક્રમનો બહિષ્કાર કર્યો હતો. જેમાંથી એક લાલુ પ્રસાદ યાદવની પાર્ટી RJD (રાષ્ટ્રીય જનતા દળ) પણ સામેલ હતી. RJDએ કાર્યક્રમનો બહિષ્કાર તો કર્યો જ પણ એક ડગલું આગળ વધીને હવે આ નવનિર્મિત ભવનનું અપમાન પણ કરી દીધું છે.
RJDના અધિકારીક ટ્વિટર હેન્ડલ પરથી રવિવારે (28 મે, 2023) સવારે એક બે તસ્વીરો શૅર કરવામાં આવી હતી. જેમાં એકમાં કોફીન જોવા મળે છે જ્યારે બીજી તસ્વીર નવા સંસદ ભવનની છે. બંનેના આકાર સરખાવીને RJDએ લખ્યું કે- ‘આ શું છે?’
ये क्या है? pic.twitter.com/9NF9iSqh4L
— Rashtriya Janata Dal (@RJDforIndia) May 28, 2023
RJDનું આ અપમાનજનક ટ્વિટ જેવું વાયરલ થયું કે લોકોએ પાર્ટીની ઝાટકણી કાઢી હતી અને લોકતંત્રના મંદિર કહેવાતા પવિત્ર સંસદ ભવનના અપમાન બદલ ખરીખોટી સંભળાવી હતી. ઘણાએ તો એમ પણ કહ્યું કે, આવી કરતૂતો કરીને પાર્ટી પોતાના પગ પર જ કુહાડો મારી રહી છે.
બીજી તરફ, ભારતીય જનતા પાર્ટીએ પણ પ્રતિક્રિયા આપી છે. ભાજપ પ્રવક્તા શેહઝાદ પૂનાવાલાએ આ ટ્વિટનો સ્ક્રીનશોટ પોસ્ટ કરીને લખ્યું કે, ‘તેઓ આ સ્તર પર ઉતરી આવ્યા છે. RJDના રાજકારણના કોફિનમાં આ ટ્વિટ અંતિમ ખીલો સાબિત થશે. ત્રિકોણ કે ત્રિભુજનું ભારતીય પ્રણાલીમાં ખાસ મહત્વ છે.
This is the level to which they have fallen
— Shehzad Jai Hind (@Shehzad_Ind) May 28, 2023
Disgusting
This will prove to be the final nail in the coffin of RJD’s politics
Trikon or Tribhuj has much significance in Indian system
By the way the coffin is hexagonal or has 6 sided polygon pic.twitter.com/S5SN5Ro3hN
આ ઉપરાંત ઘણા ટ્વિટર યુઝરોએ પણ આ ટ્વિટ પર પ્રતિક્રિયા આપી હતી. એક વ્યક્તિએ લખ્યું કે, આ કોફિન આરજેડીએ પોતાના માટે બનાવ્યું છે કારણ કે હવે તેમાં દફન થવાનો સમય આવી ગયો છે.
यह ताबूत आरजेडी ने अपने लिया बनवाया है क्यूंकि इनका समय ताबूत में दफ़न होने का आ गया है।
— Abhishek Mishra (@Abhishek_Mshra) May 28, 2023
આલોક સિંઘે લખ્યું કે, 2024માં તેમને (RJD) નવી સંસદમાં જવા નહીં મળે એટલે પહેલાં જ પોતાના માટે કોફિન શોધી લીધું છે.
2024 में आप लोग नई संसद में तो जाने वाले नहीं है इसलिए पहले ही अपने लिए ताबूत ढूंढ लिया..
— Alok Singh (@as001007) May 28, 2023
એક યુઝરે કહ્યું કે, આમાંથી પહેલી તસ્વીર છે એ આરજેડીનું ભવિષ્ય દર્શાવે છે, જ્યારે બીજો ફોટો ભારતનું ભવિષ્ય છે.
पहला फोटो – RJD पार्टी का भविष्य
— Rupesh Chanchal (@rupeshchanchal) May 28, 2023
दूसरा फोटो – भारत का भविष्य
ઘણાએ આ કૃત્યને વિનાશકાળે વિપરીત બુદ્ધિ ગણાવી.
विनाशकाले विपरीत बुद्धि 💯
— Nitin D 🇮🇳 (@The_NitinD) May 28, 2023
એક વ્યક્તિએ કહ્યું કે, તમે તો અહીં જઈ પણ ન શકો, કારણ કે ત્યાં જવા માટે સાંસદ જોઈએ અને જે જનતાએ તમને એકેય આપ્યો નથી. ઉલ્લેખનીય છે કે લોકસભામાં RJD પાસે એકેય બેઠક નથી.
Aap toh jaa bhi nai sakte, yahan jaane ke liye MP chahiye, jo janta ne aapko ek tak nai diya hai. 😆
— P@J@ (@parthjuneja89) May 28, 2023
જતન આચાર્યે લખ્યું કે, જ્યારે આખું રાષ્ટ્ર લોકતંત્રના મંદિર સમાન સંસદ ભવનના ઉદ્ઘાટનને લઈને ઉત્સાહિત છે ત્યારે RJDનું આ ટ્વિટ ભારત પ્રત્યે તેમની નફરત ઉજાગર કરે છે. સાથે તેમણે લખ્યું કે, RJDએ આ ટ્વિટ કર્યું એ સારું કર્યું કારણ કે તેનાથી જનતાને એ જાણવા મળશે કે RJDના ભારત પ્રત્યે શું વિચાર છે.
जब पूरा राष्ट्र लोकतंत्र के मंदिर के समान संसद भवन के उद्घाटन को लेकर उत्साहित है ऐसे में तुम्हारा यह ट्विट भारत के प्रति तुम्हारी नफरत को उजागर करता है।
— Jatan Acharya (@jatanacharya) May 28, 2023
अच्छा हुआ आपने यह ट्विट किया, भारत की जनता को जानना चाहिए कि RJD की भारत के प्रति क्या सोच है।
અન્ય એક વ્યક્તિએ લખ્યું કે, રાજકારણમાં આટલી નીચતા શરમજનક છે. એ સમજાતું નથી કે તમારો વિરોધ મોદી સાથે છે કે દેશ સાથે? આ ફોટો પરથી તમારી નિયત પર શંકા જાય છે.
इतनी नीचता राजनीति में शर्मनाक, समझ नहीं आता आपका विरोध मोदी जी से है या देश से है , वैसे इस फोटो से आपकी नीयत पर शक हो रहा है
— vikas sethi (@vikassethi1) May 28, 2023
ઉલ્લેખનીય છે કે નવા સંસદ ભવનના ઉદ્ઘાટન પહેલાં વિપક્ષી પાર્ટીઓએ વિરોધનો નવો મુદ્દો શોધી કાઢીને તેનો બહિષ્કાર કરવાની જાહેરાત કરી હતી. તેમનું કહેવું હતું કે ઉદ્ઘાટન વડાપ્રધાને નહીં પરંતુ રાષ્ટ્રપતિએ કરવું જોઈએ. આ મુદ્દે સુપ્રીમ કોર્ટમાં એક જાહેરહિતની અરજી પણ દાખલ કરવામાં આવી હતી પરંતુ કોર્ટે આ તેમનો વિષય નથી તેમ કહીને ફટકાર લગાવીને અરજી ફગાવી દીધી હતી. આજે વડાપ્રધાન મોદીએ સંસદ ભવન રાષ્ટ્રને સમર્પિત કર્યું હતું.
