ભારતીય જનતા પાર્ટીએ (ભાજપે) લોકસભા ચૂંટણી 2024 માટે તેના ઉમેદવારોની પાંચમી યાદી જાહેર કરી છે. આ યાદીમાં 19 ઉમેદવારોના નામ છે. જેમાં રેખા પાત્રાને બસીરહાટ લોકસભા સીટથી ઉમેદવાર બનાવવામાં આવ્યા છે. તે બસીરહાટના જ સંદેશખાલી વિસ્તારમાં છે, જે ટીએમસીના ગુંડાઓને કારણે સમાચારોમાં છે. સંદેશખાલીમાં, ટીએમસી નેતા શેખ શાહજહાં શેખ અને તેના ખાસ ગુંડા શિબુ હાઝરા અને ઉત્તર સરદાર પર મહિલાઓની ઉત્પીડન અને જમીન હડપ કરવાનો આરોપ છે.
રેખા પાત્રાને ઉત્તર 24 પરગણાની બસીરહાટ લોકસભા સીટ પરથી મેદાનમાં ઉતારવામાં આવ્યા છે. તેમને ટીએમસીના હાજી નૂરૂલ ઇસ્લામ તરફથી પડકારનો સામનો કરવો પડશે. અભિનેત્રી નુસરત જહાંએ વર્ષ 2019માં ટીએમસી વતી આ બેઠક જીતી હતી, પરંતુ લોકસભા ચૂંટણી પહેલા તેણે ચૂંટણી ન લડવાની જાહેરાત કરી હતી અને સાંસદ પદ પરથી રાજીનામું પણ આપી દીધું હતું.
રેખા પાત્રાએ ભાજપ દ્વારા નામાંકિત થયા બાદ વડાપ્રધાન નરેન્દ્ર મોદીનો આભાર માન્યો છે. તેમણે કહ્યું છે કે તેઓ મહિલાઓ અને પીડિતોને ન્યાય અપાવવા માટે આ લડાઈ મજબૂત રીતે લડશે.
#WATCH | BJP releases 5th list of candidates for the upcoming Lok Sabha elections; BJP announces Rekha Patra's name from Basirhat.
— ANI (@ANI) March 24, 2024
On her candidature from Basirhat, Rekha Patra says, "I want to thank PM Modi for the candidature (from Basirhat for the upcoming Lok Sabha polls). I… https://t.co/75M1KsGEWe pic.twitter.com/mPrcblcsZc
રેખા પાત્રાએ સંદેશખાલીમાં જમીન પચાવી પાડવા અને ઉત્પીડન અંગે પોતાનો અવાજ ઉઠાવ્યો હતો. સંદેશખાલીમાં હિંસા પીડિત હોવા છતાંય તેઓ મહિલા ચળવળનો ચહેરો બન્યા હતા. સંદેશખાલી કેસમાં ત્રણેય આરોપી શાહજહાં શેખ, શિબુ હાઝરા અને ઉત્તમ સરદાર હાલ જેલમાં છે. સંદેશખાલી વિસ્તાર બસીરહાટ લોકસભા સીટમાં આવે છે, જ્યાં હિંસા અને ઉત્પીડનની સેંકડો ઘટનાઓ સામે આવી હતી.
બીજેપી પ્રવક્તા અમિત માલવિયાએ પણ રેખા પાત્રા વિશે એક્સ પર જણાવ્યું હતું. તેમણે લખ્યું છે કે ભાજપે રેખા પાત્રાને બંગાળની બસીરહાટ સીટ પરથી ઉમેદવાર બનાવ્યા છે. માલવિયાએ X પર લખ્યું, “રેખા પાત્રા સંદેશખાલીના પીડિતોમાંથી એક છે, જેમણે શેખ શાહજહાંના હાથે ત્રાસ સહન કર્યો હતો. ભાજપ સંદેશખાલી અને બંગાળની મહિલાઓ સાથે છે.” તેમણે મમતા બેનર્જી પર પણ પ્રહારો કર્યા હતા.
The BJP has fielded Rekha Patra from Basirhat in Bengal. She is one of the victims of #Sandeshkhali, who suffered at the hands of Sheikh Shahjahan.
— Amit Malviya (मोदी का परिवार) (@amitmalviya) March 24, 2024
Let Mamata Banerjee wipe the tears of women like her, who are suffering in silence, and are subject to her apathy, before she asks…
નોંધણીય છે કે વડાપ્રધાન નરેન્દ્ર મોદી પણ સંદેશખાલીના પીડિતોને મળ્યા હતા. સૂત્રોના જણાવ્યા અનુસાર, આ પછી વડાપ્રધાને પોતે રેખાના નામને મંજૂરી આપી હતી.
