દિલ્હીના ઉત્તમ નગરમાં હોળીના દિવસે થયેલી તરુણ ભુટોલિયાની હત્યાના કેસમાં કોર્ટે કડક વલણ અપનાવ્યું છે. જુવેનાઇલ જસ્ટિસ બોર્ડે (JJB) આ કેસમાં સામેલ બે સગીર આરોપીઓની જામીન અરજી એ કહીને ફગાવી દીધી છે કે તેમની મુક્તિથી વિસ્તારની શાંતિ ભંગ થઈ શકે છે અને ન્યાય પ્રક્રિયામાં અવરોધ આવી શકે છે.
દ્વારકા સ્થિત બોર્ડે 8 એપ્રિલ 2026ના રોજ પોતાના આદેશમાં કહ્યું કે ઉત્તમ નગરમાં હજુ પણ સાંપ્રદાયિક તણાવ ચાલુ છે. આવા ‘સંવેદનશીલ’ માહોલમાં આરોપીઓને મુક્ત કરવું જોખમી સાબિત થઈ શકે છે. કોર્ટે સ્પષ્ટ કર્યું કે કેસની તપાસ હજુ પ્રારંભિક તબક્કામાં છે, અનેક આરોપીઓ ફરાર છે અને કેટલાક મહત્વના પુરાવા હજુ મેળવવાના બાકી છે. આવી સ્થિતિમાં બહાર આવવાથી આરોપીઓ તપાસને પ્રભાવિત કરી શકે છે.
આ દુઃખદ ઘટના 4 માર્ચ 2026 એટલે કે હોળીના દિવસે બની હતી. વિવાદ ત્યારે શરૂ થયો જ્યારે તરુણના પરિવારની એક બાળકીએ છત પરથી ફુગ્ગો ફેંક્યો, જેનું પાણી નીચે ઊભેલી એક પાડોશી મહિલા પર પડી ગયું. હિંદુ પરિવારે તરત જ માફી પણ માંગી, પરંતુ મુસ્લિમ મહિલાએ આશરે 15-20 લોકોને બોલાવી લીધા. જ્યારે હિંદુ યુવક તરુણ બાઇક પરથી ઘરે પાછો આવી રહ્યો હતો, ત્યારે આ ઇસ્લામી ટોળાએ તેને ઘેરી લીધો.
હુમલાખોરોએ લોખંડની રોડ, ઈંટ અને પથ્થરોથી તરુણને નિર્દયતાથી પીટ્યો. પરિવારજનો અનુસાર જ્યારે તરુણ રસ્તા પર પડી ગયો ત્યારે તેના છાતી પર ભારે પથ્થરથી વાર કરવામાં આવ્યો. હોસ્પિટલમાં સારવાર દરમિયાન તરુણનું મૃત્યુ થયું હતું.
