પ્રયાગરાજમાં વિશ્વનો સૌથી મોટો ધાર્મિક ઉત્સવ મહાકુંભ ચાલી રહ્યો છે. દેશવિદેશથી કરોડો શ્રદ્ધાળુઓ આવીને આસ્થાની ડૂબકી લગાવી ચૂક્યા છે. બીજી તરફ અમુક એવા પણ છે જેઓ સતત આ મહાકુંભની મહત્તા ઓછી કરવા પર અને સનાતન પરંપરાને બદનામ કરવા માટે વ્યસ્ત છે. તેના માટે ફેક ન્યૂઝનો પણ સહારો લેવામાં આવી રહ્યો છે. આવા જ ફેક ન્યૂઝ ફેલાવનારાં અમુક સોશિયલ મીડિયા હેન્ડલો સામે પ્રયાગરાજ મહાકુંભ પોલીસે સંજ્ઞાન લઈને કાર્યવાહી શરૂ કરી છે. તાજા કિસ્સામાં 7 સોશિયલ મીડિયા યુઝરો સામે FIR દાખલ કરવામાં આવી હોવાનું જાણવા મળ્યું છે, જેમણે અલગ-અલગ માધ્યમો પર મહાકુંભને લઈને ફેક ન્યૂઝ ફેલાવ્યા હતા.
આજતકના અહેવાલ અનુસાર પોલીસે જણાવ્યુ હતું કે આ યુઝર્સે 5 વર્ષ પહેલાંના ગાજીપુરના વિડીયો સોશિયલ મીડિયા પર પોસ્ટ કરીને તેને મહાકુંભ સાથે સરખાવીને વાયરલ કરવાનો પ્રયાસ કર્યો હતો. પોસ્ટ કરેલા વિડીયોમાં ગંગા નદીમાં લાશો તરતી દેખાઈ રહી હતી, આ વિડીયો પોલીસના સોશિયલ મીડિયા મોનિટરિંગ દરમિયાન સામે આવ્યા હતા.
यूपी के गाजीपुर मे मोदी और योगी की पोल खोल रहा यह वीडियो गंगा नदी मे तैर रही है सैकड़ों लाशे एक तरफ #महाकुंभ_प्रयागराज का डंका बजाया जा रहा है दूसरी तरफ उसी गंगा मे लाशे तौर रही है झूठोमक्कारो बेशर्मो की सरकार चल रही है देश और प्रदेश मे #महाकुंभ_2025_प्रयागराज #kumbhmela2025☑️ pic.twitter.com/009PUu8UXm
— Sony Chaudhary (@SonyChaudhary70) February 6, 2025
જ્યારે પોલીસે આ વિડીયો અંગે તપાસ કરી તો સામે આવ્યું કે વિડીયો 2021નો છે. જેમાં એક નદી કિનારે શવ મળી આવ્યા હતા. આ મામલાને મહાકુંભ સાથે જોડીને સોશિયલ મીડિયા પર પોસ્ટ કરી ફેક ન્યૂઝ ફેલાવવામાં આવી રહ્યા હતા. પ્રયાગરાજ પોલીસે આવી ભ્રમણા ફેલાવનારાં અકાઉન્ટ સામે ગુનો દાખલ કર્યો છે.
આ 7 યુઝર્સમાં ઇનસ્ટાગ્રામના 2 યુઝર્સ Yadavking000011 (@Yadavking000011) અને Komal Yadav (@komalyadav_lalubadi94) મેટા થ્રેડનો એક યુઝર Amar Nath Yadav (amar_ydvkvp_5354_), Xના 3 યુઝર Banwari Lal – Bairwa (@B_L__VERMA), Kavita Kumari (@KavitaK22628), સમાજવાદી પાર્ટી સાથે જોડાયેલ Sonu Chaudhary (SonyChaudhary70) અને યુટ્યુબનો એક યુઝર Putul Kumar Kumar (@Puatulkumar9795)નો સમાવેશ થાય છે.
આ સિવાય સોશિયલ મીડિયા પર અન્ય એક વિડીયો વાયરલ થયો હતો, જેમાં એક બાળકી ડૂબતી દેખાઈ રહી છે. આ વિડીયો માટે પણ દાવો કરવામાં આવ્યો હતો કે મહાકુંભમાં 4 વર્ષની બાળકીનું ગંગા નદીમાં ડૂબવાથી મોત થયું. જ્યારે આ વિડીયો પોલીસના ધ્યાનમાં આવ્યો અને વિડીયોની તપાસ કરવા માટે જ્યારે વિડીયોને રિવર્સ ઈમેજ દ્વારા તપાસવામાં આવ્યો ત્યારે બીજી ઘણી પોસ્ટ્સ સામે આવી.
જેમાં સામે આવ્યું કે આ વિડીયો 5 નવેમ્બર 2024નો હતો. આ સિવાય ઘણા મીડિયા હાઉસે પણ આ ન્યુઝ કવર કરેલા હોવાના પુરાવા મળ્યા, તથા સ્પષ્ટ થઈ ગયું કે આ વિડીયો મહાકુંભનો નથી પરંતુ ગત વર્ષનો છે અને ગાજીપુરનો છે. આ વિડીયો devsingh_lodhi44 નામના ઇન્સ્ટાગ્રામ યુઝરે પોસ્ટ કર્યો હતો.
નોંધનીય છે કે મહાકુંભને લઈને આવી ઘણી ભ્રામક માહિતી ફેલાવવામાં આવી રહી છે, ત્યારે આ અંગે પોલીસ, પ્રશાસન તથા CM યોગી સુધીના વરિષ્ઠ નેતાઓ અફવાઓ પર ધ્યાન ન આપવાની અપીલ અને વિનંતી કરી ચૂક્યા છે.
