કર્ણાટકના મૈસુરથી એક તાજા સમાચાર આવી રહ્યા છે. વડા પ્રધાન નરેન્દ્ર મોદીના ભાઈ પ્રહલાદ મોદી આજે બપોરે કર્ણાટકના મૈસુર નજીક તેમની કારને અકસ્માત નડતાં ઈજાગ્રસ્ત થયા હતા. અહેવાલો અનુસાર, આ દુર્ઘટના મૈસુરની બહાર કડકોલ્લા નામના વિસ્તારની નજીક બની હતી.
નરેન્દ્ર મોદીના ભાઈ પ્રહલાદ મોદી, તેમની પત્ની, પુત્ર, પુત્રવધૂ અને પૌત્ર સાથે, મર્સિડીઝ-બેન્ઝ એસયુવીમાં બાંદીપુરા જઈ રહ્યા હતા. ત્યારે તે ગાડી બપોરે 2 વાગ્યાની આસપાસ ડિવાઈડર સાથે અથડાઈ હતી. અકસ્માત થયો ત્યારે તેમનો સુરક્ષા કાફલો પણ તેમની સાથે મુસાફરી કરી રહ્યો હતો.
કોઈ જાનહાની નહિ, માત્ર સામાન્ય ઈજાઓ
પ્રહલાદ મોદીના પૌત્રને પગમાં ફ્રેક્ચર થયું છે જ્યારે અન્યોને નાની ઈજાઓ સાથે મૈસરુની જેએસ હોસ્પિટલમાં દાખલ કરવામાં આવ્યા છે. તે તમામને પ્રાથમિક સારવાર આપવામાં આવી હતી અને અન્ય તબીબી તપાસ કરવામાં આવી હતી.
PM Modi's relatives injured in an accident. Their car was travelling towards Bandipur when the accident happened. Prahlad Modi, His son and daughter in law injured in the accident. They have been rushed to hospital #Karnataka pic.twitter.com/hLJ9IuqJQj
— Imran Khan (@KeypadGuerilla) December 27, 2022
ઘટનાસ્થળેથી સામે આવેલા ફોટા-વિડીયોમાં કારના આગળના ભાગને ભારે નુકસાન જોવા મળ્યું હતું. દરમિયાન પોલીસના ઉચ્ચ અધિકારીઓ અકસ્માત સ્થળે પહોંચી ગયા છે.
તાજા જાણકારીઓ સાથે અહેવાલને અપડેટ કરવામાં આવશે.
