દિલ્હીના પૂર્વ ઉપ-મુખ્યમંત્રી અને આમ આદમી પાર્ટી નેતા મનિષ સિસોદિયા હાલ જેલમાં બંધ છે. CBIએ તેમની ધરપકડ કર્યા બાદ તેમણે મંત્રી પદેથી રાજીનામું આપી દીધું હતું. હવે કેજરીવાલ સરકારે મનિષ સિસોદિયાનું સરકારી નિવાસસ્થાન નવાં બનેલાં મંત્રી આતિશી માર્લેનાને ફાળવી દીધું છે અને સિસોદિયા પરિવારને ઘર ખાલી કરવા માટે નોટિસ આપવામાં આવી છે.
સોશિયલ મીડિયા અને મીડિયામાં એક પત્ર ફરી રહ્યો છે, જેની ઉપર 14 માર્ચ 2023ની તારીખ લખવામાં આવી છે. દિલ્હી સરકારના લેટરહેડ અને અધિકારીના હસ્તાક્ષર સાથેના આ પત્રમાં બંગલો આતિશી માર્લેનાને ફાળવવા માટે કહેવામાં આવ્યું છે તેમજ સિસોદિયા પરિવારને 21 માર્ચ સુધીમાં બંગલો ખાલી કરવા માટે કહેવામાં આવ્યું છે.
Kejriwal had promise to look after Manish Sisodia and his family. But he was removed as minister almost immediately, while Satyendra Jain was retained as minister for 9 months, when in jail. Now Sisodia has been asked to vacate the bungalow so that it can be allotted to Aatishi. pic.twitter.com/3O7fmUHZw8
— Amit Malviya (@amitmalviya) March 17, 2023
ઉલ્લેખનીય છે કે મનિષ સિસોદિયાએ ગત 28 ફેબ્રુઆરીના રોજ દિલ્હીના મંત્રી પદેથી રાજીનામું ધરી દીધું હતું. 26 ફેબ્રુઆરીએ CBIએ તેમની ધરપકડ કરી લીધી હતી, ત્યારબાદ બે દિવસ પછી તેમણે પદ છોડી દીધું હતું. તેમની સાથે ગયા વર્ષથી ભ્રષ્ટાચારના કેસમાં જેલમાં બંધ સત્યેન્દ્ર જૈને પણ રાજીનામું આપી દીધું હતું.
મનિષ સિસોદિયાએ રાજીનામું આપ્યાના દિવસોમાં જ તેમના પરિવારને નિવાસસ્થાન ખાલી કરવાની નોટિસ અપાયા સોશિયલ મીડિયા પર ચર્ચા શરૂ થઇ ગઈ છે કે શું અરવિંદ કેજરીવાલે તેમના મિત્રને તરછોડી દીધા છે? કેટલાક યુઝરોએ મીમ્સ પણ શૅર કર્યાં હતાં.
તાજેતરમાં અરવિંદ કેજરીવાલ એક લેન્ડફિલ સાઈટના નિરીક્ષણ માટે પહોંચ્યા હતા, જ્યાં તેમને મનિષ સિસોદિયા વિશે પૂછવામાં આવતાં તેમણે સવાલ ટાળી દીધો હતો અને કહ્યું કે આખો દિવસ આ જ ચાલતું રહે છે, થોડું કામ પણ કરવું જોઈએ. આ વિડીયો ટ્વિટ કરીને એક વ્યક્તિએ લખ્યું કે, લોકો ચામાંથી માખી કાઢે તેમ કેજરીવાલે મનિષ સિસોદિયાને કાઢી મૂક્યા છે.
એક વ્યક્તિએ લખ્યું કે, એવો કોઈ સગો નથી, જેને કેજરીવાલે ઠગ્યો નથી.
ऐसा कोई सगा नही
— हर हर महादेव 🇮🇳 (@rahul2023_) March 17, 2023
जिसको@ArvindKejriwal ने ठगा नही।
એક યુઝરે ‘ક્યા યે હૈ આપકી ઇક્વાલિટી’નું મીમ શૅર કર્યું હતું.
Sisudia to Kejriwal; pic.twitter.com/Anmp8XCQWk
— SK28 (@_london_diaries) March 17, 2023
એક વ્યક્તિએ લખ્યું કે, કેજરીવાલે મનિષ સિસોદિયાના પરિવારનું ધ્યાન રાખવાનું વચન આપ્યું હતું પરંતુ હવે સિસોદિયા જેલમાં છે અને કેજરીવાલ મોજમાં છે.
And he promised Sisodia his family will be taken care of….. pic.twitter.com/KrqJ8WEROR
— RamaG🚩🇮🇳 Vande Mataram (@gana_rg) March 17, 2023
અન્ય એક વ્યક્તિએ કટાક્ષ કરીને કહ્યું કે, કેજરીવાલે મનિષ સિસોદિયાના પરિવારનું ધ્યાન રાખવા માટે કહ્યું હતું, બંગલાનું નહીં.
Kejriwal meant he would take care of Sisodia’s family, not the bungalow ! 😀
— Capt Harish Pillay (@captpillay) March 17, 2023
આ સિવાય પણ ઘણા લોકોએ મીમ્સ શૅર કર્યાં હતાં.
Kejriwal ditched Sisodia 😂🤣 pic.twitter.com/pBVSccXWDX
— Mohit Babu 🇮🇳 (@Mohit_ksr) March 17, 2023
નોંધનીય છે કે મનિષ સિસોદિયા હાલ દિલ્હીની તિહાડ જેલમાં બંધ છે. તેમની ઉપર એક્સાઇઝ પોલિસી બનાવીને ગોટાળો કરવાનો આરોપ છે. આ મામલાને લઈને સીબીઆઈ તપાસ કરી રહી હતી. દરમ્યાન ગત 27 ફેબ્રુઆરીએ એજન્સીએ આઠ કલાકની પૂછપરછ બાદ તેમની ધરપકડ કરી લીધી હતી.
ધરપકડ બાદ બે વખત CBI રિમાન્ડ પર મોકલ્યા બાદ કોર્ટે તેમને જ્યુડિશિયલ કસ્ટડીમાં મોકલી આપ્યા હતા. ત્યારબાદ ઇડીએ પણ તેમની ધરપકડ કરી હતી અને કસ્ટડી મેળવી હતી. આજે તેમને ફરીથી કોર્ટમાં રજૂ કરવામાં આવતાં કોર્ટે પાંચ દિવસની ઇડી કસ્ટડી મંજૂર કરી હતી.
