જાણીતા લેખક અને રાજ્યસભાના સાંસદ વી વિજયેન્દ્ર પ્રસાદે ‘રાષ્ટ્રીય સ્વયંસેવક સંઘ’ – RSS પર ફિલ્મ ફિલ્મ અને વેબ સિરીઝ બનાવવાની જાહેરાત કરી છે. તેઓ એસએસ રાજામૌલીના પિતા છે. તેમણે કહ્યું કે તે RSS પર ફિલ્મ અને વેબ સિરીઝ બંને બનાવવા જઈ રહ્યા છે.
તેમણે મંગળવારે (16 ઓગસ્ટ, 2022) વિજયવાડામાં આયોજિત એક કાર્યક્રમમાં આ જાહેરાત કરી હતી. આ પુસ્તક વિમોચન કાર્યક્રમમાં સંઘના નેતા રામ માધવ પણ હાજર રહ્યા હતા. વિજયેન્દ્ર પ્રસાદે કહ્યું કે પહેલા આરએસએસ વિશે તેમની વિચારસરણી સકારાત્મક ન હતી, પરંતુ હવે તેઓ આ સંગઠન પર વિશ્વાસ કરી રહ્યા છે.
This is massive. #Bahubali #RRR writer V Vijayendra Prasad to tell #RSS story on Silver screen.
— Aravind Sharma (@aravind_views) August 20, 2022
Video courtesy – @10TvTeluguNews pic.twitter.com/R5kobmesus
અગાઉ 2018 માં, એવા અહેવાલ હતા કે વી વિજયેન્દ્ર પ્રસાદ RSS પર એક ફિલ્મ લખવા જઈ રહ્યા છે, જેમાં તેના સ્થાપક કેશવ બલિરામ હેડગેવાર અને સંગઠનના અન્ય નેતાઓના જીવનને પણ બતાવવામાં આવશે. હવે તેમણે વિજયવાડાની KVSR સિદ્ધાર્થ ફાર્માસ્યુટિકલ સાયન્સ કોલેજમાં રામ માધવના પુસ્તક ‘પાર્ટીશન્ડ ફ્રીડમ’ના લોકાર્પણ કાર્યક્રમમાં નવી જાહેરાત કરી હતી. તેમણે કહ્યું કે 3-4 વર્ષ પહેલા સુધી તેઓ આરએસએસ વિશે વધુ જાણતા ન હતા અને સમજતા હતા કે મહાત્મા ગાંધીની હત્યામાં તેનો હાથ હતો.
તેમણે કહ્યું, “4 વર્ષ પહેલા મને RSS પર ફિલ્મ લખવાનું કહેવામાં આવ્યું હતું. આ માટે મને પૈસા મળ્યા હોવાથી હું નાગપુર ગયો અને મોહન ભાગવતને મળ્યો. હું ત્યાં 1 દિવસ રહ્યો અને પહેલીવાર જોયું – RSS શું છે અને તે કેવી રીતે કાર્ય કરે છે તે સમજાયું. મને ખૂબ જ અફસોસ છે કે હું આજ સુધી આવી મહાન સંસ્થા સાથે પરિચિત નહોતો. જો RSS ન હોત તો આજે કાશ્મીર ન હોત. પાકિસ્તાનના કારણે લાખો હિંદુઓ માર્યા ગયા હોત.”
એસએસ રાજામૌલીના 80 વર્ષીય પિતાએ જણાવ્યું કે તેમણે 2 મહિનામાં વાર્તા લખી, જેનાથી મોહન ભાગવત પણ ખુશ થયા. વરિષ્ઠ લેખક, જેમણે ‘મગધીરા (2009)’, બાહુબલી સિરીઝ (2015, 2017), રાઉડી રાઠોડ (2012), ‘બજરંગી ભાઈજાન (2015)’, ‘મણિકર્ણિકા (2019)’ અને ‘RRR’ (2022) જેવી બ્લોકબસ્ટર ફિલ્મો લખી છે, કહ્યું કે RSSએ માત્ર એક જ ભૂલ કરી છે અને તે એ છે કે તેણે લોકોને તેના કામ વિશે જણાવ્યું નથી. તેમણે કહ્યું કે તેમના પ્રયત્નો પછી લોકો ગર્વથી તેની મહાનતા વિશે વાત કરશે.
