Saturday, November 16, 2024
More
    Home Blog Page 1159

    માર્વેલ લાવ્યું પહેલી મુસ્લિમ સુપરહીરો સીરિઝઃ આ સાથે ફરહાન અખ્તર હોલિવૂડમાં કરશે બિસ્મિલ્લાહ, કહ્યું- હું ખૂબ નસીબદાર છું

    ઑપઇન્ડિયા સ્ટાફ
    -
    0
    માર્વેલ લાવ્યું પહેલી મુસ્લિમ સુપરહીરો સીરિઝઃ આ સાથે ફરહાન અખ્તર હોલિવૂડમાં કરશે બિસ્મિલ્લાહ, કહ્યું- હું ખૂબ નસીબદાર છું

    બોલિવૂડ એક્ટર ફરહાન અખ્તર માર્વેલ સ્ટુડિયોની પહેલી મુસ્લિમ સુપરહીરો સિરીઝ ‘મિસ માર્વેલ’માં જોવા મળશે. આ ફિલ્મ કમલા ખાન ઉર્ફે મિસ માર્વેલની વાર્તાને રજૂ કરશે, જે જર્સી શહેરમાં ઉછરેલી મુસ્લિમ અમેરિકન કિશોરી છે. આ પાત્ર ઈમાન વેલાની ભજવશે. ફરહાન અખ્તર આ ફિલ્મમાં ક્યા રોલમાં હશે, તે હજુ નક્કી થયું નથી. પરંતુ તે આ ડિઝની પ્લસ સિરીઝથી હોલીવુડમાં પદાર્પણ કરશે. કેટલાક અહેવાલો જણાવે છે કે તે આ શ્રેણીમાં અતિથિ ભૂમિકામાં જોવા મળશે.

    ડિઝની+ સિરીઝ એ અભિનેતાનો પહેલો હોલીવુડ પ્રોજેક્ટ હશે. 48 વર્ષીય અભિનેતાએ પોતે એક ઇન્સ્ટાગ્રામ પોસ્ટ દ્વારા આ વાતનો ખુલાસો કર્યો છે. તેણે પોસ્ટના કેપ્શનમાં લખ્યું, “હું ભાગ્યશાળી છું, બ્રહ્માંડ તમને વિકાસ કરવાની અને શીખવાની આવી તકો આપે છે અને મને આ કિસ્સામાં આ ભૂમિકા ભજવવામાં ખરેખર આનંદ આવ્યો.”

    ડેડલાઈન 6 મેના રિપોર્ટમાં પણ આ મુસ્લિમ સુપરહીરો સિરીઝ વિષે પુષ્ટિ કરવામાં આવી હતી. આ મુજબ, કમલા ખાન શોમાં ગેમર અને ફેન ફિક્શન રાઈટર છે, જે કેપ્ટન માર્વેલની ફેન છે. જ્યાં સુધી તેને તેના મનપસંદ પાત્રની જેમ સુપરપાવર ન મળ્યા ત્યાં સુધી તેને પોતાના ઘર અને શાળામાં પોતાને બહારની વ્યક્તિ હોય એવો અનુભવ થાય છે.

    નોંધનીય છે કે ગયા વર્ષની શરૂઆતમાં પણ એવી ચર્ચાઓ સામે આવી હતી કે અભિનેતા બેંગકોક માર્વેલ સ્ટુડિયોના એક પ્રોજેક્ટ પર કામ કરી રહ્યો છે. હવે તેની પુષ્ટિ પણ થઈ ગઈ છે. આ શ્રેણી 8 જૂન 2022 ના રોજ OTT પ્લેટફોર્મ ડિઝની + હોટ સ્ટાર પર રિલીઝ થશે. અહીં તે અંગ્રેજી, તમિલ, તેલુગુ, હિન્દી અને મલયાલમ ભાષાઓમાં ઉપલબ્ધ થશે. નોંધનીય છે કે આ પહેલા અખ્તરે ‘રોક ઓન!’, ‘ઝિંદગી ના મિલેગી દોબારા’, ‘ભાગ મિલ્ખા ભાગ’ અને ‘દિલ ધડકને દો’ જેવી હિટ ફિલ્મો આપી છે.

    ફરહાન અને વેલાની ઉપરાંત, મિસ માર્વેલ શ્રેણીમાં અરામિસ નાઈટ, ઝેનોબિયા શ્રોફ, મોહન કપૂર, સાગર શેખ, રિશ્યા શાહ, મેટ લિન્ટ્ઝ, અઝહર ઉસ્માન, યાસ્મીન ફ્લેચર, લેથ નક્લી, ટ્રવિના સ્પ્રિંગર અને નિમરા બુકા પણ જોવા મળશે. આ સિવાય અભિનેતા ફવાદ ખાને પણ અગાઉ પુષ્ટિ કરી છે કે તે પણ આ શ્રેણીમાં સામેલ છે. અભિનેતાએ એક ઇન્ટરવ્યુમાં કહ્યું હતું કે, “હા, હું પણ આ સિરીઝનો એક ભાગ છું. હું હવે તેનો ઇનકાર પણ કરી શકતો નથી, હું હવે જૂઠું બોલી શકતો નથી, તેમણે (માર્વેલે) પોતે જ આ સમાચાર આપ્યા છે.”

    નવનીત રાણાએ કર્યું CM ઉદ્ધવ ઠાકરે વિરૃદ્ધ ચુંટણી લડવાનું એલાન, કહ્યું : હનુમાન ચાલીસા અપરાધ તો 14 દિવસ શું 14 વર્ષ જેલમાં રહેવા તૈયાર

    ઑપઇન્ડિયા સ્ટાફ
    -
    0
    નવનીત રાણાએ કર્યું CM ઉદ્ધવ ઠાકરે વિરૃદ્ધ ચુંટણી લડવાનું એલાન, કહ્યું : હનુમાન ચાલીસા અપરાધ તો 14 દિવસ શું 14 વર્ષ જેલમાં રહેવા તૈયાર

    સાંસદ નવનીત રાણા જેલથી છુટ્યા બાદ હોસ્પીટલમાં ભરતી હતાં, જ્યાં તેમનો ઈલાજ ચાલી રહ્યો હતો. હવે હોસ્પીટલથી રાજા મળતાજ તેમણે મુખ્યમંત્રી ઉદ્ધવ ઠાકરે વિરુદ્ધ મોરચો માંડી દીધો છે, રાણા દંપતીસોમવારે (9 મે 2022) દિલ્હી રવાના થશે અને કેન્દ્રીય ગૃહ મંત્રાલય જશે. નવનીત રાણાએ લોકસભા અધ્યક્ષ ઓમ બિરલાને મળીને આખા મામલે ફરિયાદ આપવાની પણ યોજના બનાવી છે, જેજે હોસ્પીટલમાં નવનીત રાણાનો સ્પોંડીલોસીસનો ઈલાજ ચાલી રહ્યો હતો.

    આ પહેલા એમને ભાયખલા જેલમાં રાખવામાં આવ્યા હતા, હોસ્પીટલથી નીકળ્યા બાદ તેમના સમર્થકોએ ‘જય શ્રીરામ’ના નારા સાથે રાણાનું સ્વાગત કર્યું હતું, તેમણે શિવસેના સુપ્રીમો ઉદ્ધવ ઠાકરે સામે પડકાર ફેંકતા કહ્યું હતું કે અગામી ચુંટણી તે ગમે ત્યાથી લડે, એમના વિરુધ્ધમાં તેણી મોરચો માંડશે. આગામી બૃહદ મુંબઈ મહાનગરપાલિકાની ચૂટણીમાં શિવસેના વિરુદ્ધ પ્રચાર કરવાનું પણ એલાન કર્યું છે. નવનીત રાણાએ સ્પષ્ટ કહ્યું કે જો હનુમાન ચાલીસાનો પાઠ કરવો અપરાધ હોય તો તેના માટે તેઓ 14 દિવસ તો શું 14 વર્ષ જેલમાં જવા તૈયાર છે.

    મહારાષ્ટ્રના પૂર્વ મુખ્યમંત્રી તેમજ ભાજપ નેતા દેવેન્દ્ર ફડણવિસે પણ નવનીત રાણાની મુલાકાત લીધી હતી, 36 વર્ષીય નવનીત રાણાએ કહ્યું કે “હું ઉદ્ધવ ઠાકરે વિરુદ્ધ ચુંટણી લડીશ, હિંમત હોય તો જીતીને બતાવે.” 12 દિવસ જેલ અને 3 દિવસ હોસ્પીટલમાં રહીને ઘરે પરત ફરેલા નવનીત રાણાએ જેલમાં અધિકારીઓ દ્વારા દુર્વ્યવહાર કર્યો હોવાનો આક્ષેપ પણ લગાડ્યો હતો. રાણાએ કહ્યું હતું કે “સંજય રાઉતે મને 20 ફૂટ જમીનમાં દાટી દેવાની વાત કરી હતી, BMC માં શિવસેનાએ જે ભ્રષ્ટાચાર કાર્ય છે તેમાં જનતા તેમને જમીનથી 20 ફૂટ નીચે ફેંકી દેશે.”

    રાણા દંપતીએ કહ્યું હતું કે શિવસેના પ્રવક્તા સંજય રાઉત અને મંત્રી અનીલ પરબ ટૂંક સમયમાંજ જેલભેગા થવાના છે, તો બીજીતરફ મહારાષ્ટ્ર સરકાર દ્વારા નવનીત રાણા વિરુદ્ધ હાઇકોર્ટમાં યાચિકા દાખલ કરશે તેવી ચર્ચાઓએ પણ જોર પકડ્યું છે, મહારાષ્ટ્ર સરકારનો દાવો છે કે રાણાએ મીડિયામાં નિવેદન આપીને ન્યાયાલયના આદેશનું ઉલ્લંઘન કર્યું છે. નવનીત રાણાએ એલાન કર્યું છે કે તેમની લડાઈ ચાલુ રહેશે, હાલ રાણા દંપતી જમીન પર બહાર છે,હવે સૌની નજર અદાલતની અગામી સુનાવણી પર છે.

    હિમાચલ પ્રદેશ વિધાનસભા ભવનના ગેટ પર ફરકાવવામાં આવ્યા ખાલિસ્તાની ઝંડા; CM જયરામ ઠાકુરે કહ્યું, આતંકીઓ જ્યાં પણ હશે ગોતી લઈશું

    ઑપઇન્ડિયા સ્ટાફ
    -
    0
    હિમાચલ પ્રદેશ વિધાનસભા ભવનના ગેટ પર ફરકાવવામાં આવ્યા ખાલિસ્તાની ઝંડા; CM જયરામ ઠાકુરે કહ્યું, આતંકીઓ જ્યાં પણ હશે ગોતી લઈશું

    દેશમાં ખાલિસ્તાની સમર્થકોની હિંમત દિવસે ને દિવસે વધી રહી છે. હિમાચલ પ્રદેશની શીતકાલીન રાજધાની ધર્મશાળાના વિધાનસભા પરિસરના ગેટ પર ખાલીસ્તાનીઓએ ઝંડા લગાવી દીધા હતા. રવિવાર (8 મે 2022)ની સવારે વિધાનસભાના મુખ્ય ગેટ પર ખાલિસ્તાની જંડા અને દીવાલો ઉપર ખાલિસ્તાન લખેલું જોઇને લોકો ચોંકી ઉઠ્યા હતાં. ઘટનાની સુચના મળતાજ પોલીસે ઝંડા ઉતારીને ખાલિસ્તાન લખેલા ઉપર કલરકામ કરાવી દીધું હતું.

    હિમાચલ પ્રદેશના મુખ્યમંત્રી જયરામ ઠાકુરે આ ઘટના બાદ નારાજગી વ્યક્ત કરતા કહ્યું કે. “રાતના અંધારામાં આવવાની હિમત છે, તેઓ દિવસે આવીને બતાવે,આ ઘટનામાં સામેલ લોકોની ભાળ મેળવવા પોલીસ આખા વિસ્તારના CCTV ફુટેજ તપાસી રહી છે.”

    વધુમાં તેમને જણાવ્યું હતું કે “આ એક દુર્ભાગ્યપૂર્ણ ઘટના છે, આ પ્રકારની ઘટનાને અંજામ દેવા વાળા લોકો નિષ્ફળ થશે. આ મામલામાં FIR દાખલ થયા બાદ અમે તપાસના આદેશ આપ્યા છે,ધર્મશાળાના દોષીઓ જ્યાં પણ ત્યાંથી તેમને તરત પકડી લેવામાં આવશે. તે લોકોનો કાયરતાપૂર્ણ વ્યવહાર સમય વધુ નહીં ટકી શકે. આ ઘટનાને અંજામ દેવાવાળા ઉપર કઠોરમાં કઠોર પગલા લેવામાં આવશે.”

    ઉલ્લેખનીય છે કે ખાલિસ્તાન સમર્થકોએ શીમલાના વિધાનસભા પરિસર પર ખાલિસ્તાની ઝંડો ફરકાવવાની ધમકી આપી હતી, જોકે તેમાં તેઓ નિષ્ફળ થયા હતા. પરંતુ ધર્મશાળાના તપોવન સ્થિત વિધાનસભા પરિસરમાં તેમને ખાલિસ્તાની ફરકાવ્યો હતો.

    જણાવી દઈએ કે માર્ચ 2022 માં જયરામ ઠાકુર સરકારે ખાલિસ્તાની આતંકી ભિંડરાવાલેના પોસ્ટર લાગેલી ગાડીઓને રાજ્યમાં ઘુસવા પર રોક લગાવવાના આદેશો આપ્યા હતા, સીએમ જયરામ ઠાકુરે સ્પષ્ટપણે કહ્યું હતું કે અમે ‘નિશાન સાહિબ’ (શીખ ધ્વજ) નું પૂરું સન્માન કરીએ છીએ, પરંતુ ખાલિસ્તાની આતંકી ભિંડરાવાલેને સહન કરવામાં નહીં આવે.

    વાસ્તવમાં પંજાબથી આવવા વાળી ઘણી ગાડીઓ ઉપર ખાલિસ્તાની આતંકી ભિંડરાવાલેની તસ્વીરો વાળ બેનર લાગેલા હતા, જેના ઉપર જ્વાળામુખી અને મંડી જીલ્લાના લોકોએ આપત્તિ જતાવી હતી.એવા અનેક વિડીઓ પણ સામે આવ્યા હતા જેમાં સ્થાનીય લોકો આ ઝંડા હટાવવાની માંગ કરતા જોવા મળ્યા હતા, ત્યારબાદ સરકારે પગલા ભર્યા હતા.

    અમન બાલી નામના ટવીટર યુઝરે ભિંડરાવાલેનો ઝંડો પકડેલા એક શીખ વ્યક્તિનો વિડીયો શેર કર્યો હતો, જેમાં કેટલાક લીકો ભિંડરાવાલેની તસવીરનો વિરોધ કરતા જોવા મળ્યા હતા. અમન બાલીએ અને ગુંડાગર્દી જાહેર કરતા ખાલિસ્તાની આતંકી ભિંડરાવાલેને ‘સંત જી’ કહીને સંબોધ્યો હતો.

    આ પહેલા પણ ઓગસ્ટ 2021 માં આતંકી ગુરપવંત સિંહ પન્નુંએ હિમાચલ પ્રદેશ ના મુખ્યમંત્રી જયરામ ઠાકુરને ધમકી આપી હતી કે તે 15મી ઓગસ્ટે તિરંગો નહિ ફરકાવવા દે, ઓડિયો સંદેશમાં તે હિમાચલ પ્રદેશ પર કબજો કરવાની વાત પણ કરી રહ્યો હતો, કારણકે હિમાચલ પ્રદેશ પહેલા પંજાબ પ્રાંતમાં શામેલ હતું.

    રાહુલ ગાંધીએ અજાણતા સ્વીકાર્યું કે એલપીજી સિલિન્ડરની કિંમત મોદી સરકાર કરતાં કોંગ્રેસની આગેવાની હેઠળની યુપીએ સરકારમાં વધુ હતી

    ઑપઇન્ડિયા સ્ટાફ
    -
    0
    રાહુલ ગાંધીએ અજાણતા સ્વીકાર્યું કે એલપીજી સિલિન્ડરની કિંમત મોદી સરકાર કરતાં કોંગ્રેસની આગેવાની હેઠળની યુપીએ સરકારમાં વધુ હતી

    રવિવારે (8 મે), કોંગ્રેસના વંશજ રાહુલ ગાંધીએ દેશમાં લિક્વિફાઇડ પેટ્રોલિયમ ગેસ (એલપીજી) ની વધતી કિંમતો અને એલપીજી સિલિન્ડરની કિંમતમાં વધારો કરવા માટે મોદી સરકારને દોષી ઠેરવવાનો પ્રયાસ કરતી વખતે ઉડતું તીર લઇ લીધું હતું.

    એક ટ્વીટમાં, તેમણે દાવો કર્યો હતો કે 2014માં કોંગ્રેસના શાસન દરમિયાન એલપીજી સિલિન્ડરની કિંમત મોદી સરકારના 999 રૂપિયાની સરખામણીમાં ₹1,237 હતી. રાહુલ ગાંધીએ સમજાવ્યું કે ઉપભોક્તા ત્યારે પોતાના ખિસ્સામાંથી સીધા ₹410 ચૂકવતા હતા જ્યારે સરકાર સબસિડી પર પ્રતિ સિલિન્ડર કરદાતાઓના વધારાના ₹847 ખર્ચ કરતી હતી. એટલે કે હાલમાં એલપીજી સિલિન્ડરની કિંમતમાં વધારો થવા છતાય કુલ કિમત 2014 કરતાં ઓછી છે.

    રાહુલ ગાંધીએ કરેલ ટ્વિટનો સ્ક્રિનશોટ

    “હાલના 1 સિલિન્ડરની કિમતમાં તે સમયે 2 સિલિન્ડર મળતા. ગરીબ અને મધ્યમ વર્ગના પરિવારોના કલ્યાણ માટે માત્ર કોંગ્રેસ જ શાસન કરે છે. તે અમારી આર્થિક નીતિનો મુખ્ય ભાગ છે, ”તેમણે ટ્વિટ કર્યું હતું.

    રસપ્રદ વાત એ છે કે, વર્ષ-દર-વર્ષે મોંઘવારી વધવા છતાં એલપીજી સિલિન્ડરની ચોખ્ખી કિંમત હવે 8 વર્ષની સરખામણીએ સસ્તી છે. મેક્રોટ્રેન્ડ્સના એક લેખ મુજબ, ભારતમાં ફુગાવાનો દર 6.65% (2014), 4.91% (2015), 4.95% (2016), 3.33% (2017), 3.95% (2018), 3.72% (2019) અને 6.62% (2020) હતો. 2014માં 1,237 રૂપિયાનું મૂલ્ય 2022માં 1,950ની આસપાસ હશે, આમ ફુગાવાએ રાહુલ ગાંધીની દલીલનો છેદ ઉડાડયો.

    ભારતમાં વર્ષ-દર-વર્ષનો ફુગાવો, મેક્રોટ્રેન્ડ્સ દ્વારા ગ્રાફ

    એલપીજી ઉત્પાદન, ક્રૂડ ઓઈલના ભાવ અને આયાત

    પોતાના બચાવમાં કોંગ્રેસ પાર્ટી દાવો કરી શકે છે કે તેમના કાર્યકાળ દરમિયાન ક્રૂડ ઓઈલ અને કુદરતી ગેસના ભાવ ઊંચા હતા. છેવટે, એલપીજી ક્રૂડ ઓઇલ રિફાઇનિંગ પ્રક્રિયા દરમિયાન ઉત્પન્ન થાય છે અથવા કુદરતી ગેસ ઉત્પાદન પ્રક્રિયા દરમિયાન કાઢવામાં આવે છે.

    એલ્ગાસના એક લેખમાં જણાવવામાં આવ્યું છે કે, “એલપીજી બે સ્ત્રોતોમાંથી આવે છે, જેમાં કુદરતી ગેસની પ્રક્રિયા દરમિયાન લગભગ 60% કાચા કુદરતી ગેસમાંથી છીનવાઈ જાય છે અને લગભગ 40% એલપીજી ક્રૂડ ઓઈલ રિફાઈનરી પ્રક્રિયામાંથી આવે છે. એલપીજી એ સહ-ઉત્પાદન છે જે કુદરતી રીતે થાય છે. તે LPG ગેસ સિલિન્ડરો અને મોટા જહાજોમાં સંગ્રહિત અને વિતરિત કરવામાં આવે છે.”

    “એલપીજી ગેસ એ એલપીજી ગેસ ઉત્પાદન પ્રક્રિયા (એલપીજી ઉત્પાદન પ્રક્રિયા) માંથી બનાવવામાં આવે છે જે કુદરતી ગેસ પ્રક્રિયા અને ક્રૂડ તેલના અપૂર્ણાંક નિસ્યંદન દરમિયાન થાય છે,” અહેવાલમાં ઉમેર્યું હતું. ભારત મોટાભાગનું ક્રૂડ ઓઈલ ગલ્ફ વિસ્તારમાંથી આયાત કરે છે.

    ભારતમાં ઓઇલનો નિકાસ કરનાર પ્રદેશો

    અહી એ ઉલ્લેખ કરવો આવશ્યક છે કે બ્રેન્ટ ક્રૂડ એ યુરોપ, આફ્રિકા અને મધ્ય પૂર્વમાં તેલ બજારો માટે વપરાતું બેન્ચમાર્ક છે. ઉપલબ્ધ ડેટા મુજબ, 1 બેરલ ક્રૂડ ઓઈલની કિંમત 2014માં એ જ કિંમતની આસપાસ હતી એટલે કે $113 જે આજે છે.

    2014 અને 2022 ની વચ્ચે બ્રેન્ટ ક્રૂડ ઓઈલના ભાવ, ટ્રેડિંગ ઈકોનોમિક્સ દ્વારા આલેખ

    ક્રૂડ ઓઈલની કિંમતો સમાન હતી તે જોતાં, એલપીજી સિલિન્ડરના ભાવમાં ₹200 કરતાં વધુની અસમાનતાને કઈ રીતે સમજાવી શકાય? જોકે રાહુલ ગાંધીએ એવું કહેવાનો પ્રયાસ કર્યો હતો કે મોદી સરકારની નીતિઓ મધ્યમ વર્ગને અસર કરી રહી છે, પરંતુ તેમણે સાબિત કર્યું કે એલપીજી સિલિન્ડર હવે પહેલા કરતા સસ્તા છે. સબસિડીમાં બચેલા પૈસા હવે સરકાર દ્વારા અન્ય કેટલાક પ્રોજેક્ટ માટે વાપરવામાં આવી રહ્યા છે.

    કોંગ્રેસને મોટો ફટકો; દીવ નગર પાલિકા કાઉન્સિલર સહિત 500થી વધુ લોકો BJPમાં જોડાયા

    ઑપઇન્ડિયા સ્ટાફ
    -
    0
    કોંગ્રેસને મોટો ફટકો; દીવ નગર પાલિકા કાઉન્સિલર સહિત 500થી વધુ લોકો BJPમાં જોડાયા

    દીવ નગર પાલિકામા કુલ 13 બેઠકો માંથી 10 બેઠકો કોંગ્રેસ ખાતે અને 3 બેઠકો BJP ખાતે હતી. છેલ્લા 10 વર્ષથી આ નગર પાલિકા પર કોંગ્રેસનું શાસન હતું. પરંતુ ગઈકાલે તેના 7 સભ્યો BJP માં જોડાતા હવે કોંગ્રેસ પાસે માત્ર 3 સભ્યોજ બાકી રહ્યા છે અને દિવ કોંગ્રેસને મોટો ફટકો પડ્યો છે.

    દીવ નગરપાલિકામાં BJP એ મોટો ભડાકો કર્યો છે. કેન્દ્રશાસિત પ્રદેશ દીવ ખાતે આગામી નગરપાલિકાની ચૂંટણીને લઈ હાલ રાજકીય માહોલ ગરમ જોવા મળી રહ્યો છે. આગામી જૂન મહિનામાં નગરપાલિકાની ચૂંટણી થનારી છે. કોંગ્રેસના દિગ્ગજ ગણાતા નેતાઓ BJPમાં જોડાતા કોંગ્રેસને મોટો ઝટકો લાગ્યો છે. અહીં નગરપાલિકામાં અવિશ્વસ્નીય બાબતો સામે આવવાના એંધાણ છે. આજે 7 સદસ્યો ભાજપમાં જોડાતા હવે કોંગ્રેસ પાસે 3 સભ્યોજ બાકી રહ્યા છે. સામે પક્ષે ભાજપની બેઠકમાં વધારો થયો છે અને તેની બેઠક વધીને 10 થતા ભાજપ મજબૂત પક્ષ બન્યો છે. નોંધનીય છે કે હવે આગામી જૂન મહિનામા દીવ નગર પાલિકાની ચૂંટણી યોજવા જઇ રહી છે. આવા ખરે ટાણે જ ભાજપે ખેલ પડી દીધો છે. દિવ કોંગ્રેસ ને મોટો ફટકો વાગ્યો છે.

    મળતી માહિતી પ્રમાણે, વર્તમાન કાઉન્સિલર હરેશ પાચા છેલ્લી પાંચ ટર્મથી એટલે કે 25 વર્ષનાલાંબા સમય ગાળાથી કાઉન્સિલર છે, જે કોંગ્રેસમાંથી ભાજપમાં જોડાતા કોંગ્રેસને મોટો ઝટકો લાગ્યો છે, તે જ રીતે દિનેશ સોલંકી પણ છેલ્લી બે ટર્મથી કાઉન્સિલર છે તે પણ ભાજપમાં જોડાયા હતા,સાથે રવિન્દ્ર સોલંકી, નિકિતા શાહ, ભાવના દૂધમલ, રંજન રાજુ તથા ભાગ્યવંતી ચૂનીલાલ વગેરે કાઉન્સિલરો ભાજપમાં જોડાયા હતા. તેમની સાથે ઉષા મહિલા મંડળ, અને અન્ય 500 થી વધુ લોકો ભાજપમાં જોડાયા છે. ભાજપે ઘોઘલા ફિશરમેન શેડ ખાતે કાર્યક્રમનું આયોજન કરી કોંગ્રેસના નેતાઓને કેસરી ખેસ પહેરાવ્યા હતા. આ પ્રસંગે મોટી સંખ્યામાં ભાજપના કાર્યકર્તાઓ અને હોદ્દેદારો હાજર રહ્યા હતા.

    અત્રે ઉલ્લેખનીય છે કે દીવ મ્યુનિસિપલ કાઉન્સિલના પ્રમુખને લાંબા સમયથી સસ્પેન્ડ કરવામાં આવ્યાં છે. તેમના પર આવક કરતાં વધુ સંપત્તિનો કેસ હોવાના કારણે સસ્પેન્ડ કરવામાં આવ્યાં હતા. આ ઉપરાંત તેમણે દીવની પ્રખ્યાત કોહિનૂર હોટલનો કેટલોક ભાગ સરકારી જમીન પર વધાર્યો હતો.હવે કોંગ્રેસના 7 સભ્યોના જૂથે પક્ષપલટો કરતા દીવમાં કોંગ્રેસ તૂટી છે અને ભારતીય જનતા પાર્ટી મજબૂત થઇ છે.

    ચૂંટણી પેલા ભાજપ તરફી પવન, પાર્ટીમાં જોડવા માટે પડાપડી

    ભાજપનો ખેસ પહેરતા કોટવાલ, તસવીર સાભાર : BJP ગુજરાત ઓફિશિયલ

    આ પહેલા ખેડબ્રહ્મા વિધાનસભા બેઠકના ધારાસભ્ય અને આદિવાસી સમાજના આગેવાન અશ્વિન કોટવાલ પણ વિધિવત રીતે ભાજપમાં જોડાયા હતા. ત્યારબાદ મીડિયાને સંબોધન કરતા કોટવાલે વડાપ્રધાન મોદીની પ્રશંસા કરતા જણાવ્યું હતું કે ” હું ભલે કૉંગ્રેસમાંથી ત્રણ વખત ચૂંટાયો, પણ મારા દિલમાં નરેન્દ્ર મોદી વસેલા હતા. હું ભાજપમાં 2007માંજ જોડાવાનો હતો. મોદીએ મને બોલાવ્યો અને કહ્યું કે રાજકારણમાં સારા સ્વચ્છ અને સારી પ્રતિષ્ઠા ધરાવતા લોકોની મારા પક્ષમાં જરૂરિયાત છે. ત્યારથી હું વડાપ્રધાન મોદીનો ભક્ત બન્યો હતો.”

    આ સિવાય છેલ્લા 4 વર્ષમાં જયરાજસિંહ પરમાર જેવા કોંગ્રેસના દિગ્ગજ ગણાતા 16 જેટલાં ધારાસભ્યો ભાજપમાં જોડાયા છે, અને ગુજરાતમાં આમ આદમી પાર્ટીની સફેદ ટોપી ઉતારીને 3000 કાર્યકરતાઓએ ગાંધીનગરના કમલમ ખાતે કેસરી ટોપી ધારણ કરી હોય તેવા દ્રશ્યો પણ જોવા મળ્યા હતા, આવનાર વિધાનસભા ચૂંટણી પહેલા ગુજરાતનું રાજકારણ કેટલા અને કેવા કેવા રંગો બદલે છે તે જોવું રહ્યું.

    રાહુલ ગાંધી હજુ નેપાલ પ્રવાસના નશામાં: તેલંગણાની જનસભાના વિષયથી જ અજાણ, પોતે હૈદરાબાદમાં હોવા છતાય હિન્દુ મૃતક નાગારાજુના પરિવારને મળવા માટે સમય નહિ

    ઑપઇન્ડિયા સ્ટાફ
    -
    0
    રાહુલ ગાંધી હજુ નેપાલ પ્રવાસના નશામાં: તેલંગણાની જનસભાના વિષયથી જ અજાણ, પોતે હૈદરાબાદમાં હોવા છતાય હિન્દુ મૃતક નાગારાજુના પરિવારને મળવા માટે સમય નહિ

    કોંગ્રેસ નેતા રાહુલ ગાંધી નેપાળ પ્રવાસ પરથી ભારત પરત ફર્યા છે. નેપાલમાં ભારતવિરોધી માનસિકતાવાળી પત્રકારના લગ્ન માટે ગયેલ રાહુલ ગાંધીના કાઠમાંડુના નાઈટબારમાં એક વિદેશી મહિલા સાથે પાર્ટી કરતાં વિડીયો વાઇરલ થયા હતા. ભારત આવતાની સાથે જ તેઓ તેલંગાણાના બે દિવસના પ્રવાસે ગયા હતા. આ દરમિયાન તેમનો એક અન્ય વિડીયો સોશિયલ મીડિયા પર ઝડપથી વાયરલ થઈ રહ્યો છે, જેમાં તેઓ કોંગ્રેસના નેતાઓને પૂછતા જોવા મળે છે કે શું કહેવું છે. આ વીડિયો તેલંગાણા કોંગ્રેસના નેતાઓ સાથેની બેઠકનો છે.

    17 સેકન્ડની ક્લિપમાં, રાહુલ ગાંધી ખુરશી પર બેસીને કોંગ્રેસના બાકીના નેતાઓને પૂછતા જોઈ શકાય છે, “આજનો મુખ્ય વિષય શું છે… શું કહેવું છે?” નોંધનીય છે કે શુક્રવારે (6 મે 2022) તેલંગાણા પહોંચેલા રાહુલ ગાંધી ખેડૂતોના મુદ્દે વારંગલમાં જનસભાને સંબોધિત કરવાના હતા.

    કોંગ્રેસ નેતા રાહુલ ગાંધી શુક્રવારે તેલંગાણાની બે દિવસની મુલાકાતે પહોંચ્યા હતા જ્યાં તેઓ વારંગલમાં ખેડૂતોના મુદ્દાઓ પર જાહેર સભાને સંબોધવાના હતા. જો કે, આ વાત પર કટાક્ષ કરતા ભાજપના આઈટી સેલના પ્રમુખ અમિત માલવિયાએ કહ્યું, “જ્યારે તમે ખાનગી વિદેશ પ્રવાસો અને નાઈટક્લબિંગ વચ્ચે રાજકારણ કરો છો ત્યારે આવું થાય છે.”

    દરમિયાન AIMIM પ્રમુખ અસદુદ્દીન ઓવૈસીએ પણ રાહુલ ગાંધીના આ વીડિયો પર ટિપ્પણી કરી હતી. ઓવૈસીએ કહ્યું, “જ્યારે તમે નથી જાણતા કે તમે તેલંગાણાના લોકોને શું સંદેશ આપવા માંગો છો, તો તેઓ શા માટે તમારું સમર્થન કરશે.” ઓવૈસીએ રાહુલ ગાંધી પર કટાક્ષ કર્યો કે “તમારું મન ખાલી છે. તમે TRS સામે કેવી રીતે લડશો? ગ્રેટર હૈદરાબાદ મ્યુનિસિપલ કોર્પોરેશનમાં કોંગ્રેસનો સફાયો થઈ ગયો છે.”

    રાહુલ ગાંધી એટલા વ્યસ્ત કે હૈદરાબાદમાં હોવા છતાં હિન્દુ મૃતક નાગારાજુના પરિવારને મળવાનો સમય નથી

    કોંગ્રેસના નેતા ગીથા રેડ્ડીએ પુષ્ટિ કરી છે કે તેમના વરિષ્ઠ કોંગ્રેસ નેતા રાહુલ ગાંધી, જેઓ તેલંગાણાની બે દિવસની મુલાકાતે છે, તેઓ તેમના ‘વ્યસ્ત શિડ્યુલ’માંથી સમય કાઢીને હિન્દુ યુવક નાગારાજુના પરિવારને મળવા માટે સક્ષમ નહીં હોય. હૈદરાબાદમાં તેની મુસ્લિમ પત્ની સાથેના આંતર-ધર્મીય લગ્નને લઈને જાહેરમાં નિર્દયતાથી હત્યા કરવામાં આવી હતી.

    મરેડપલ્લીના રહેવાસી 25 વર્ષીય બિલ્લાપુરમ નાગારાજુને બુધવારે રાત્રે સરોરનગર તલાટિની ઓફિસમાં તેની પત્નીના પરિવારના સભ્યોએ ચાકુ મારીને હત્યા કરી દીધી હતી.

    હૈદરાબાદ, તેલંગાણામાં ભારતીય રાષ્ટ્રીય કોંગ્રેસ પાર્ટીના મુખ્ય કાર્યાલય, ગાંધી ભવનની બહાર બોલતા, જ્યાં રાહુલ ગાંધી તેમના પક્ષના કાર્યકરોને મળવાના છે, ગીતા રેડ્ડીએ મીડિયાકર્મીઓને કથિત રીતે જણાવ્યું હતું કે મૃતકના પરિવારને મળવું “રાહુલ ગાંધીની સૂચિમાં નથી.”. તેમના વ્યસ્ત શેડ્યૂલ ઉપરાંત, કોંગ્રેસના નેતાએ રાહુલ ગાંધીની સુરક્ષાની ચિંતાઓને પણ એક કારણ તરીકે ટાંક્યું કે શા માટે તેમને નાગારાજુના પરિવારની મુલાકાત લેવામાં મુશ્કેલી પડશે.

    જ્યારે પૂછવામાં આવ્યું કે શું રાહુલ ગાંધી નાગારાજુના શોકગ્રસ્ત પરિવારને મળવા માટે થોડો સમય કાઢશે, કોંગ્રેસના નેતા ગીતા રેડ્ડીએ અહેવાલ મુજબ ટાઈમ્સ નાઉને જણાવ્યું હતું કે, “તેમની દિલ્હીની ફ્લાઈટ પહેલેથી જ બુક થઈ ગઈ છે, શું તેઓ આ મુલાકાત માટે જશે કે પાછા જતાં રહેશે એ એવી વસ્તુ છે જેનો હું જવાબ આપી શકતી નથી.”

    અહિયાં એ નોંધનીય છે કે જ્યારે જ્યારે કોઈ અપ્રિય ઘટનામાં વિકટીમ મુસ્લિમ હોય છે ત્યારે રાહુલ ગાંધી અલગથી ખાસ સમય નીકળીને એમના પરિવારને મળવા જતાં હોય છે. ભલે એ મુજફ્ફરનગર હોય કે દાદરી હોય કે પનક્કડ હોય.

    બોટાદમાં કુખ્યાદ સિરો ડોને VHP બોટાદ તાલુકા અધ્યક્ષને આપી ધમકી, “…. નહિ તો તારી સાથે કિશન ભરવાડવાળી થશે.”

    Lincoln Sokhadia
    -
    0
    બોટાદમાં કુખ્યાદ સિરો ડોને VHP બોટાદ તાલુકા અધ્યક્ષને આપી ધમકી, “…. નહિ તો તારી સાથે કિશન ભરવાડવાળી થશે.”

    બોટાદમાં એક ગંભીર મામલો સામે આવ્યો છે. માહિતી મુજબ સ્થાનિક અસામાજિક તત્વ, કે જેનું નામ સિરાજ ઉર્ફે સિરો ડોન ઉર્ફે ડોન હુસેન ખલ્યાણી બોટાદવાળો છે, તેણે બોટાદ તાલુકાનાં વિશ્વ હિન્દુ પરિષદના તાલુકા અધ્યક્ષ મહેન્દ્રભાઇ લાલજીભાઇ માળી ઉર્ફે મુન્નાભાઈ માળીનો રસ્તો રોકી પોતાની ગાડીમાં બેસાડીને ધમકાવ્યા હતા. મુન્નાભાઈને જાનથી મારવાની ધમકી આપતા સિરાજ ડોને કહ્યું હતું કે એની સાથે પણ કિશન ભરવાડવાળી થશે.

    આ બાબતે મુન્નાભાઈ માળી દ્વારા 7 તારીખે બોટાદ પોલીસ સ્ટેશનમાં ફરિયાદ નોંધાવી હતી. બોટાદ પોલીસ દ્રારા ફરિયાદ નોંધી આગળની કાર્યવાહી કરાતા આરોપીને પકડી પડાયો હતો. આરોપી સિરો ડોન લાંબો ગુનાહિત ઇતિહાસ ધરાવે છે તથા અગાઉ પણ ઘણા ગુનાઓમાં તેના વિરુદ્ધ ફરિયાદો નોંધાયેલી છે.

    ઑપઇન્ડિયા સાથેની ખાસ વાતચીતમાં ફરિયાદકર્તા મુન્નાભાઇએ જણાવ્યુ હતું કે, તેઓ 5 મેનાં રોજ બપો૨નાં ત્રણ વાગે પોતાના ઘરેથી દુકાન તરફ જતા હતા. તે દરમિયાન નગલપર દરવાજા પાસે મેડિકલ નજીક રોડ ઉપર સામેથી નંબર વગરની સ્વિફ્ટ ગાડીમાં સિરાજ ઉર્ફે સિરો ડોન ઉર્ફે ડોન હુસેન ખલ્યાણી બોટાદવાળો આવીને તેમને કહેવા લાગ્યો હતો કે ‘ગામમાં તમારા દ્વારા માઈક બાંધેલા છે તે ઉતારી લેજો નહિતર કિશન ભરવાડવાળી થશે. તમને ગાડીમાં બેસાડી અપહરણ કરી જાઉં તો મારૂ કોણ શું ઉખાડી લેશે’ અને તેણે ઊંચા અવાજે વાત કરી તેમને (મહેન્દ્રભાઈને) જાનથી મારી નાખવાની ધમકી આપી હતી.

    આગળ વાત કરતાં મુન્નાભાઇએ કહ્યું કે, આ ઘટના થયા બાદ તેમણે વિશ્વ હિન્દુ પરિષદના ભાવનગર વિભાગના અધ્યક્ષ રસિકભાઈ તળશીભાઈ કણજરિયાને ફોન કરીને સમગ્ર ઘટનાક્રમ જણાવ્યો. તેમની સલાહ લઈને 7 તારીખે મુન્નાભાઇએ બોટાદ પોલીસ સ્ટેશન ખાતે આ સિરા ડોન વિરુદ્ધ ફરિયાદ નોંધાવી હતી.

    ઑપઇન્ડિયા દ્વારા VHPના ભાવનગર વિભાગના અધ્યક્ષ રસિકભાઈ તળશીભાઈ કણજરિયાનો સંપર્ક કરાતા તેમણે જણાવ્યુ કે, સમગ્ર ભારત અને ગુજરાતની જેમ બોટાદમાં પણ ઘણા મંદિરોમાં હનુમાન ચાલીસાના પાઠ કરવા માઈક લગાવવામાં આવ્યા હતા. મુન્નાભાઈ છેલ્લા 20 વર્ષથી VHP સાથે જોડાયેલા હોઈ આ સિરા ડોને પહેલા એમની રેકી કરી હતી. પછી 5 તારીખે જ્યારે મુન્નાભાઈ 3 વાગ્યે પોતાના ઘરેથી પોતાની ફૂલોની દુકાન તરફ જતાં હતા ત્યારે તક જોઈને સિરાએ તેમને રોકીને ગાડીમાં બેસાડીને ધમકાવ્યા હતા અને કિશન ભરવાડની જેમ તેમની પણ હત્યા કરવાની ધમકી ઉચ્ચારી હતી.

    રસિકભાઈએ ઑપઇન્ડિયા સાથેની આ ખાસ વાતચીતમાં વધુમાં જણાવ્યુ હતું કે તેમની સ્પષ્ટ માંગ છે કે વિસ્તારમાં ધાર્મિક સદભાવનો માહોલ ખરાબ કરતાં સિરાજ જેવા અસમાજિક તત્વો વિરુદ્ધ સખતમાં સખત કાર્યવાહી થવી જોઈએ.

    મુસ્લિમ ગુંડાઓ દ્વારા કિશન ભરવાડની નિર્મમ હત્યા થઈ હતી.

    25 જાન્યુઆરીએ અમદાવાદ ગ્રામ્યમાં આવતાં ધંધૂકા તાલુકામાં 27 વર્ષીય યુવક કિશન ભરવાડની ‘ધાર્મિક સોશિયલ મીડિયા પોસ્ટ’ બાબતે અંગત અદાવત રાખી ગોળી મારી હત્યા કરવામાં આવી હતી. પોલીસ દ્વારા હત્યા કરનાર શબ્બીર તથા ઇમ્તિયાઝ પઠાણની ધરપકડ કરવામાં આવી હતી અને આગળની તપાસમાં મુસ્લિમ મૌલવીની સંડોવણી પણ સામે આવી હતી.

    CAA (નાગરિકતા સુધારા અધિનિયમ) અંતર્ગત પાકિસ્તાનથી આવેલ 17 હિન્દુ શરણાર્થીઓને અમદાવાદ કલેક્ટર દ્વારા નાગરિકતા પત્ર એનાયત કરાયા

    ઑપઇન્ડિયા સ્ટાફ
    -
    0
    CAA (નાગરિકતા સુધારા અધિનિયમ) અંતર્ગત પાકિસ્તાનથી આવેલ 17 હિન્દુ શરણાર્થીઓને અમદાવાદ કલેક્ટર દ્વારા નાગરિકતા પત્ર એનાયત કરાયા

    અમદાવાદ કલેક્ટર કચેરીના કોન્ફરન્સ હોલ ખાતે જિલ્લા કલેક્ટર સંદીપ સાગલેના હસ્તે પાકિસ્તાનથી આવેલા 17 હિન્દુ શરણાર્થીઓને નાગરિકતા સુધારા અધિનિયમ અંતર્ગત નાગરિકતાપત્ર એનાયત કરવામાં આવ્યા. આ અવસરે લાભાર્થી સવામલે કલેક્ટર સામે આભરા વ્યક્ત કરતાં કહ્યું કે તેઓ ભારતમાં આવીને શાંતિનો અનુભવ કરી રહ્યા છે.

    લાભાર્થી શરણાર્થીઓ (ફોટો : દિવ્ય ભાસ્કર)

    અમદાવાદ જિલ્લા કલેક્ટર સંદીપ સાગલેએ લાભાર્થીઓ સાથે ભાવપૂર્ણ સંવાદ સાંધ્યો અને તેમણે લાભાર્થીઓને શિક્ષણ અને કારકિર્દી સંબધિત પ્રશ્નો પૂછ્યા હતા તથા સાંત્વના આપી હતી. અહીં ઉપસ્થિત રહેલા લાભાર્થીઓએ નાગરિકતા પત્ર આપવાની પ્રક્રિયામાં અમદાવાદ જિલ્લા વહીવટી તંત્રની અધિકારીઓએ દાખવેલી તીવ્રતા બદલ લાભાર્થીઓએ આભાર પણ વ્યક્ત કર્યો હતો.

    અગત્યની બાબત એ છે નાગરિકતા સુધારા અધિનિયમ પ્રમાણે 7 વર્ષથી એક જ સ્થળે રહેતા વિદેશી નાગરિકોને બંધારણીય પ્રક્રિયા અનુસરીને નાગરિકતા પત્ર આપવામાં આવે છે. આ અવસરે અધિક નિવાસી કલેક્ટર પરિમલ પંડ્યા અને અગ્રણી મેઘરાજભાઈ તેમજ રાજેશભાઈ મહેશ્વરી સહિતના મહાનુભાવો પણ ઉપસ્થિત રહ્યા હતા.

    અત્રે નોંધનીય છે કે, નાગરિકતા એનાયત કરાતા પહેલા રાજ્ય અને કેન્દ્રની આઇ.બી. ટીમ દ્વારા યોગ્ય ચકાસણી થયા બાદ તેઓને સ્વીકાર પત્ર એનાયત કરવામાં આવે છે. જેને આધારે બાકીના નિયમોનુસાર જરૂરી પૂરાવા રજૂ કર્યા બાદ જિલ્લા કલેક્ટર કચેરી દ્વારા આખરી નાગરિકતા પ્રમાણપત્ર આપવામાં આવે છે.

    ઉલ્લેખનીય છે કે વર્ષ 2016 અને 2018ના ગેઝેટથી ગુજરાત રાજ્યમાં અમદાવાદ, ગાંધીનગર અને કચ્છ જિલ્લા કલેક્ટરને અફધાનિસ્તાન, બાંગ્લાદેશ અને પાકિસ્તાની લધુમતિ ધરાવતા (હિન્દુ, શીખ, બૌધ્ધ, જૈન, પારસી અને ખ્રિસ્તી) ધર્મના લોકોને નાગરિકતા સુધારા અધિનિયમ અંતર્ગતની પ્રક્રિયા અનુસરીને ભારતીય નાગરિકતા આપવામાં આવે છે.

    CAA શું છે?

    નાગરિતા સુધારા અધિનિયમને વધાવતા શરણાર્થીઓ (ફોટો : The Economics Times)

    નાગરિકતા સુધારા અધિનિયમ, 11 ડિસેમ્બર 2019 ના રોજ ભારતની સંસદ દ્વારા પસાર કરવામાં આવ્યો હતો. તેણે અફઘાનિસ્તાન, બાંગ્લાદેશ અને પાકિસ્તાનના અત્યાચાર પામેલી ધાર્મિક લઘુમતીઓ કે જેઓ ડિસેમ્બર 2014ના અંત પહેલા ભારતમાં આવ્યા હતા હિન્દુઓ, શીખો, બૌદ્ધ, જૈન, પારસી અથવા ખ્રિસ્તીઓ, માટે ભારતીય નાગરિકત્વનો માર્ગ પ્રદાન કરીને નાગરિકતા અધિનિયમ, 1955 માં સુધારો કર્યો હતો. આ કાયદો મુસ્લિમ બહુમતી ધરાવતા દેશોના મુસ્લિમોને આવી યોગ્યતા આપતો નથી.

    આ પહેલા પણ અમદાવાદમા આ અધિનિયમ અંતર્ગત નાગરિકતા આપવામાં આવેલ

    આ પહેલી વાર નથી કે અમદાવાદ કલેક્ટર દ્વારા CAA અંતર્ગત શરણાર્થીઓને નાગરિકતા આપવામાં આવી હોય. આ પહેલા 23 ડિસેમ્બર 2021ના રોજ અમદાવાદમાં 24 હિન્દુ શરણાર્થીઓને નાગરિકતા અપાઈ હતી અને 6 માર્ચ 2022ના રોજ બીજા 41 શરણાર્થીઓને પણ નાગરિકતા મળી હતી.

    2021ના નાગરિકતા પામેલ શરણાર્થીઓ (ફોટો : VTV)

    મોબાઇલની દુકાન માટે દહેજ ન મળતા મોહમ્મદ આદિલે પત્નીને આપ્યા ટ્રિપલ તલાક, ગોધરા મહિલા પોલીસ સ્ટેશનમાં કેસ થતાં ધરપકડ

    ઑપઇન્ડિયા સ્ટાફ
    -
    0
    મોબાઇલની દુકાન માટે દહેજ ન મળતા મોહમ્મદ આદિલે પત્નીને આપ્યા ટ્રિપલ તલાક, ગોધરા મહિલા પોલીસ સ્ટેશનમાં કેસ થતાં ધરપકડ

    પંચમહાલના ગોધરામાં ટ્રિપલ તલાક તેમ જ દહેજનો કિસ્સો સામે આવ્યો છે. મહિલાએ પોતાના પતિ મોહમ્મદ આદિલ નિસાર તથા સાસરિયાઓ વિરુદ્ધ ગોધરા મહિલા પોલીસ મથકમાં ફરિયાદ નોંધાવી હતી. જે બાદ ટૂંકા સમયમાં જ પતિ અને સાસરાની ધરપકડ કરવામાં આવી હતી.

    પોલીસ પકડમાં આવેલ આરોપી પતિ તથા સસરા (ફોટો : દિવ્ય ભાસ્કર)

    ગોધરાની રાણી મસ્જિદ પાસે મૌલાના આઝાદ રોડ ખાતે રહેતી મદીયા ઝફર એહમદ સુઝેલાના લગ્ન 2019માં ગોધરાના ગોન્દ્રાની સલામત સોસાયટીમાં રહેતા મોહમદઆદીલ નિશાર બડંગા સાથે સામાજિક રીતે થયા હતા. લગ્ન થયા પછી સાસુ ફરજાના નિશાર બડંગા, સસરા નિશાર હુસેન બડંગા સાથે સંયુક્ત કુટુંબમાં રહેતી હતી. લગ્નના બે માસ સુધી મદીયા સાથે સાસરી પક્ષે સારુ રાખ્યું હતું. ત્યાર બાદ પતિ મોહમદઆદીલ દ્વારા નાની નાની બાબતે શંકા વહેમ રાખીને ગાળો બોલી મદીયા સાથે મારઝૂડ કરતો હતો.

    વારંવાર મદીયાને દહેજ માટે પતિ મોહમદઆદીલ, સાસુ ફરજાના તથા સસરા નિશાર મેણા ટોણા મારી હેરાન પરેશાન કરતા હતા. પોતાના માતા પિતા દહેજ આપવાની સ્થિતિમાં ન હોવાનું જણાવતા મદીયાને પતિ મોહમદઆદીલ દ્વારા મારઝૂડ કરી શારિરીક તથા માનસિક ત્રાસ આપવામાં આવતો હતો. મોહમદ આદીલને મોબાઇલની દુકાન કરવી હતી જેના માટે એ પત્નીને મારજૂડ કરીને પિયરમાંથી પૈસા લઈ આવવા દબાણ કરતો. મદીયાએ પૈસા નહીં આપતા મોહમદઆદીલે તા. 24 એપ્રિલના રોજ મદીયાના માતા, પિતા તથા બે મામાની સામે ત્રણ વાર તલાક તલાક તલાક બોલીને ટ્રિપલ તલાક આપ્યા હતા. આમ પંચમહાલ તેમજ ગોધરામાં ટ્રિપલ તલાક અંતર્ગત પહેલી ફરિયાદ નોંધાઈ હતી.

    જેને લઇને મદીયાએ ગોધરા મહિલા પોલીસ મથકે મુસ્લિમ મહિલા લગ્ન પર અધિકારોનું રક્ષણ અધિનિયમ તથા દહેજના ગુના હેઠળ ફરિયાદ નોંધવતા પોલીસે કાર્યવાહી હાથ ધરી હતી. ફરિયાદ બાદ એલસીબી પોલીસ ઈન્સ્પેકટર જે.એન.પરમારને ખાનગી બાતમીદાર દ્વારા બાતમી મળી હતી કે ગોધરા મહિલા પો.સ્ટે. દહેજ તથા મુસ્લિમ મહિલા લગ્ન અધિકારોનું રક્ષણના ગુનાના આરોપી મોહમદઆદીલ નિશાર હુસેન બડંગા તથા નિશાર હુસેન બડંગા તેમના ઘરે ગોન્દ્વાની સલામત સોસાયટી હાજર છે. બાતમીના આધારે એલસીબી પોલીસ સબ ઈન્સ્પેકટર આઇ.એ.સીસોલીયા, મહિલા પોલીસ સ્ટેશનના સ્ટાફ સાથે એલ.સી.બી. સ્ટાફના માણસોએ બાતમી વાળા ઘરે તપાસ કરતા બંન્ને મળી આવતા તેઓને પકડી પાડી કાયદેસરની કાર્યવાહી કરવા અટક કરી હતી.

    મોદી સરકારે 2019માં ટ્રિપલ તલાક વિરુદ્ધ કાયદો બનાવ્યો

    કેન્દ્રની મોદી સરકારે 2019માં જ મુસ્લિમ સમાજની આ સામાજિક બદીથી મહિલાઓને રક્ષણ પૂરું પાડવા ટ્રિપલ તલાક વિરુદ્ધ કાયદો બનાવ્યો હતો. કેન્દ્ર સરકારે લાગુ કરેલા ટ્રિપલ તલાક કાયદા હેઠળ કોઈ પણ વ્યક્તિ તેની પત્નીને મૌખિક, લેખિત કે અન્ય કોઈ પણ માધ્યમથી ત્રણ વખત તલાક બોલીને છોડી દે તો તે ગુનો ગણાશે અને તેને પોલીસ વોરંટ વગર ધરપકડ પણ કરી શકે છે અને ત્રણ વર્ષ સુધીની સજા પણ થઇ શકે છે. આ મામલે પીડિત મહિલા સ્વયં કે તેના સબંધીઓ કેસ દાખલ કરી શકે છે.

    કેન્દ્ર સરકારે 2019માં ટ્રિપલ તલાક વિરુદ્ધ બિલ રજૂ કરી કાયદો ઘડ્યો હતો. (ફોટો : LIVELAW)

    કેન્દ્રીય મંત્રી મુખ્તાર અબ્બાસ નકવી દ્વારા ઓગસ્ટ 2021 માં જારી કરવામાં આવેલ આંકડાઓ અનુસાર, કાયદો લાગુ થયા બાદ ટ્રિપલ તલાકના કેસમાં લગભગ 80 ટકા જેટલો ઘટાડો નોંધાયો છે.

    હમણાં જ ગુજરાતમાં આ કાયદા અંતર્ગત પહેલી સજા સંભળાવવામાં આવી

    ગુજરાતમાં ટ્રિપલ તલાક કેસમાં પહેલી સજા ફટકારવામાં આવી છે. બનાસકાંઠાની પાલનપુર કોર્ટે ટ્રિપલ તલાક કેસમાં એક મુસ્લિમ અધિકારી સરફરાજખાન બિહારીને એક વર્ષની કેદ અને પાંચ હજાર રૂપિયાનો દંડ ફટકાર્યો છે.

    રાજસ્થાન : ઝાકિર હુસૈન-નાઝિમ શેખ મંદિરની છત પર માંસ રાંધતા પકડાયા, વિવાદ બાદ ધરપકડ

    ઑપઇન્ડિયા સ્ટાફ
    -
    0
    રાજસ્થાન : ઝાકિર હુસૈન-નાઝિમ શેખ મંદિરની છત પર માંસ રાંધતા પકડાયા, વિવાદ બાદ ધરપકડ

    રાજસ્થાનના ઉદયપુરમાં એક હિંદુ મંદિરની છત પર 2 મુસ્લિમ યુવકો દ્વારા માંસ રાંધવામાં આવ્યા બાદ આ મામલે વિવાદ થયો હતો. કૃત્ય કરનાર બંને આરોપીઓના નામ ઝાકિર હુસૈન અને નાઝિમ શેખ હોવાનું જણાવવામાં આવી રહ્યું છે. તેમની ઉપર આરોપ છે કે તેમણે માંસ ખાધા બાદ હાડકાંઓ મંદિરમાં જ ફેંકી દીધા હતા. આ મામલે પોલીસે કેસ દાખલ કરીને આગળની કાર્યવાહી હાથ ધરી છે.

    આ ઘટના શુક્રવારની (6 મે 2022) છે. આ મામલે પોલીસે કેસ દાખલ કર્યા બાદ બંને આરોપીઓની ધરપકડ પણ કરી લીધી હતી.

    ભાજપ નેતા લક્ષ્મીકાંત ભારદ્વાજે મંદિરનો વિડીયો શેર કર્યો છે. તેમણે મુખ્યમંત્રી અશોક ગેહલોતને આ મામલે કાર્યવાહી કરવા માટે અપીલ કરી છે. વિડીયોમાં ‘જય શ્રીરામ’ લખેલા મંદિરના ગેટ આગળ પોલીસ જવાનો તહેનાત જોવા મળે છે. મંદિરની છત પર ગેસ સિલિન્ડર અને ચૂલા પર વાસણો રાખેલા જોવા મળે છે. વાસણને ખોલીને બતાવવામાં આવે ત્યારે તેમાં માંસ રાંધવામાં આવેલ હોય તેમ જણાઈ રહ્યું છે.

    ઇન્ડિયા ન્યૂઝના રિપોર્ટ અનુસાર, આરોપીઓ લગભગ 15 દિવસથી મંદિરની છત પર રહેતા હતા. દરમ્યાન તેઓ નોનવેજ બનાવીને ખાઈ રહ્યા હતા. જેની જાણ સ્થાનિક લોકોએ કોર્પોરેટરને કરતા તેમણે લોકો સાથે પહોંચીને તમામ સામાન રસ્તા પર ફેંકી દેવડાવ્યો હતો. જે બાદ મંદિર પરિસર પાણીથી  ધોઈને સાફ કરવામાં આવ્યું હતું. આ મંદિર અલીપુર વિસ્તારમાં સામુદાયિક ભવન પાસે બનાવવામાં આવેલ છે તેમ જાણવા મળ્યું છે. ઘટનાની જાણકારી બાદ સ્થાનિક લોકો મંદિરની આગળ ભેગા થઈને વિરોધ કરી રહ્યા હતા.

    પકડાયેલા આરોપીઓ વિશે સ્થાનિક લોકોનું માનવું છે કે તેઓ બિહારથી રસ્તા બનાવવા માટે બોલાવવામાં આવેલા મજૂરો છે. તેમને પહેલાં પણ મંદિર પરિસરમાં જવા બાબતે ચેતવણી આપવામાં આવી હતી પરંતુ તેઓ માન્યા ન હતા. નગરપાલિકા અને સ્માર્ટ સિટીના અધિકારીઓ પણ બંને આરોપીઓને ઓળખતા નથી. વધુમાં, પકડાયેલા આરોપીઓએ અગાસીએ માંસ બનાવવાનું કબૂલ કર્યું હતું.

    આ મામલે સ્થાનિક કોર્પોરેટર કુસુમ પવારે ઓપઇન્ડિયાને જણાવ્યું કે, તેમને જાણ થતા તાત્કાલિક માંસ બહાર ફેંકી દેવડાવ્યું હતું અને મંદિર પરિસરની સાફસફાઈ કરવામાં આવી હતી. તેમજ બંને આરોપીઓને તાત્કાલિક જગ્યા છોડી દેવા માટે સૂચના આપી હતી. જોકે, જ્યારે બીજા દિવસે જઈને જોયું તો ફરીથી મંદિર પરિસરમાં હાડકાં જોવા મળ્યાં હતાં. જે બાદ તેમણે ભૂપાલપુરા પોલીસ મથકે જઈને ફરિયાદ નોંધાવી હતી. જે બાદ પોલીસે સ્થળ પર પહોંચીને બંને આરોપીઓને પકડી લીધા હતા.

    અન્ય એક રિપોર્ટ અનુસાર, ભૂપાલપુરા પોલીસ મથકે કેસ દાખલ કરવામાં આવ્યો છે. આરોપીઓ સામે કલમ 295 હેઠળ કેસ દાખલ કરવામાં આવ્યો છે. આ મામલે કોર્પોરેટરે ફરિયાદ આપી હતી. DSPએ આ કેસ મામલે કાર્યવાહીની પુષ્ટિ કરી હતી.

    1...1,1581,1591,160...1,178Page 1,159 of 1,178

    © Copyright - OpIndia.com