શનિવારે (27 જુલાઈ) દિલ્હીમાં એક ઘટના ઘટી ગઈ. સાંજના અરસામાં ટૂંકાગાળામાં ભારે વરસાદ વરસી ગયો, જેના કારણે અમુક વિસ્તારોમાં પાણી ભરાવા માંડ્યું. રાજેન્દ્રનગર વિસ્તારમાં આવી જ સ્થિતિ હતી. ડ્રેનેજની પૂરતી સાફસફાઈ ન થઈ હોવાના કારણે પાણી ભરાવા માંડ્યું અને આ જ વિસ્તારના Rau’s કોચિંગ સેન્ટરમાં જવા માંડ્યું. અહીં એક બેઝમેન્ટ આવેલું છે, પાણી ત્યાં ઘૂસી ગયું. આ સમયે અમુક UPSCની તૈયારી કરતા વિદ્યાર્થીઓ અહીં અભ્યાસ કરતા હતા, તેઓ અંદર ફસાઈ ગયા અને તેમાંથી ત્રણનાં મોત થયાં.
સાવ યુવાન વયના ત્રણ વિદ્યાર્થીઓનાં અપમૃત્યુ નાની વાત ન કહેવાય. પરંતુ આપણે ત્યાંના લિબરલો ઘટનાની ગંભીરતા તે ક્યાં બને છે તેની ઉપરથી નક્કી કરે છે. તેમનો ‘ગોલ્ડન રુલ’ એ છે કે જો ઘટના કોઇ ભાજપશાસિત રાજ્યમાં બની તો જે-તે રાજ્ય સરકાર દોષી ઠેરવવામાં આવશે. પરંતુ જો આવી ઘટના કોઇ બિનભાજપ શાસિત રાજ્યમાં બની તો તેઓ દોષ આપવા માટે માથાં શોધતા થઈ જાય છે. આવી સ્થિતિમાં કાં તો તેઓ મૌન રહેશે, અથવા ઘટના વિશે બોલે તો તદ્દન સાદી ભાષામાં ટિપ્પણી કરીને મૂકી દેશે. આવું ઉદાહરણ આ ઘટના વખતે પણ જોવા મળ્યું છે.
આ ઘટના પર અમુક તો મૌન જ રહ્યા છે, જેમણે સોશિયલ મીડિયા પર લખ્યું છે તેમણે એ વાતનું ધ્યાન રાખ્યું છે કે ક્યાંક આમ આદમી પાર્ટી સરકાર કે કેજરીવાલનો ઉલ્લેખ ન થઈ જાય. અમુકે તો કેજરીવાલ અને AAP સરકાર સિવાય બાકીના તમામને જવાબદાર ઠેરવવાના નિષ્ફળ પ્રયાસ કર્યા છે. જ્યારે હકીકત એ છે કે આ ઘટના પર આમ આદમી પાર્ટી પર અનેક પ્રશ્ન ઉઠી રહ્યા છે. કારણ કે એવી વાતો સામે આવી છે કે સ્થાનિકોએ અનેક વખત રજૂઆતો કર્યા છતાં ડ્રેનેજની સફાઈ થઈ ન હતી કે પછી બિલ્ડીંગને ફાયર NOC અપાયું હતું, પણ પરવાનગી સ્ટોરેજની હતી અને ત્યાં લાઇબ્રેરી ચાલતી હતી.
‘ધ વાયર’નાં ‘પત્રકાર’ રોહિણી સિંઘે સવારે એક પોસ્ટ કરી. તેઓ લખે છે, ‘લાઇબ્રેરીમાં જો વિદ્યાર્થીઓ આ રીતે મરતા હોય તો દેશ માટે કેવું કહેવાય? આ બાળકો ન તો પાર્ટી કરી રહ્યાં હતાં કે ન ગાડી બેફામ હંકારીને અકસ્માત સર્જ્યો હતો, તેઓ શાંતિથી બેસીને પરીક્ષાની તૈયારી કરતા હતા. કોણ જવાબદાર ઠેરવાશે? આ એક રાષ્ટ્રીય દુર્ઘટના છે અને ભારત માટે શરમની વાત છે.’
What does it say about a nation where students die senselessly by drowning in a library? These children weren’t out partying where they crashed their car but were quietly studying for an exam. Who will be accountable? This is a national tragedy and India’s shame.
— Rohini Singh (@rohini_sgh) July 28, 2024
અહીં ‘આમ આદમી પાર્ટી’ કે ‘અરવિંદ કેજરીવાલ’નો ઉલ્લેખ શોધી કાઢનારને ઈનામની જાહેરાત કરીએ તોપણ એક રૂપિયાનું નુકસાન નથી, કારણ કે ઉલ્લેખ છે જ નહીં. બહુ સિફતપૂર્વક ઘટનાને વળાંક આપીને રાજ્ય સરકારને ચર્ચામાંથી દૂર કરી દેવામાં આવી અને તેને આખા દેશ માટે શરમજનક ગણાવાઈ. જ્યારે હકીકતે આ ઘટના આમ આદમી પાર્ટી માટે શરમની વાત છે.
બીજો ક્રમ રાજદીપ સરદેસાઈનો છે. રાજદીપ કોઈ બિનભાજપ શાસિત રાજ્યમાં કશુંક નાનકડું પણ બને તો સરકારથી માંડીને મોદી સુધીનાને પ્રશ્નો કરી નાખે છે. પણ આ ઘટનામાં તેમની પોસ્ટ નાનકડી વાત કહીને પૂરી થઈ જાય છે. તેમાં પણ બે લીટી તો તથ્યો જ રજૂ કર્યાં છે. કોઇ વધારાની ટિપ્પણી કરવામાં આવી નથી. ન AAP સરકારને પ્રશ્ન પૂછવામાં આવ્યા છે. સાથે એમ પણ કહ્યું કે, બેઝમેન્ટ જોખમી હોય છે. લોકો કહે છે કે તો બેઝમેન્ટની ધરપકડ કરી લેવી જોઈએ!
Story that caught the eye: 3 students dead after flooding in basement of IAS coaching centre in Delhi colony. Many house basements are a real hazard. Needs proper investigation. https://t.co/OrrUdrC0ln
— Rajdeep Sardesai (@sardesairajdeep) July 28, 2024
અન્ય એક ‘પત્રકાર’ છે રવીશ કુમાર. તાલિબાને જ્યારે રોયટર્સના એક ‘પત્રકાર’ દાનિશ સિદ્દિકીની હત્યા કરી હતી ત્યારે રવીશે આતંકવાદીઓને ભાંડવાને બદલે ગોળીને લાનત મોકલી હતી. આ ઘટનામાં પણ રવીશે વ્યવસ્થા અને સિસ્ટમની વાત કહીને વાતને રાષ્ટ્રીય સ્તરે લઇ જઈને મૂકી દીધી છે. સાથે જવાબ મળવામાં મુખ્યમંત્રી વિરુદ્ધ LG થતું રહેશે તેમ કહીને LGને પણ વચ્ચે લાવ્યા. પરંતુ ક્યાંય કેજરીવાલ સરકારનું કે આમ આદમી પાર્ટીનું નામનિશાન જોવા મળતું નથી.
कहीं किसी विभाग में लोग नहीं हैं, साधन नहीं है, तीन घंटे तक कोई नहीं आया। इसीलिए नहीं आया होगा कि सूचना मिलने पर रिएक्ट करने की व्यवस्था और लोग नहीं होंगे। एक दो को निलंबित कर दिया जाएगा उससे क्या होगा। जिसका काम लाइसेंस देना है, निरीक्षण करना है, पूछ लीजिए दिल्ली या कहीं के… https://t.co/o056BqqX8S
— ravish kumar (@ravishndtv) July 28, 2024
પોતાને ‘પત્રકાર’ ગણાવનારાઓની આવી હાલત હોય તો પછી રાજકારણીઓ તો સ્વાભાવિક એજન્ડામાં ફિટ બેસે એવું જ લખશે. શિવસેના (ઉદ્ધવ) સાંસદ પ્રિયંકા ચતુર્વેદી આમ મહારાષ્ટ્ર અને અન્ય ભાજપશાસિત રાજ્યોમાં કશુંક બને ત્યારે જ્ઞાન આપતાં હોય છે. આ ઘટના પર તેઓ લખે છે કે, જે કોઇ પણ આ બેદરકારી માટે જવાબદાર હોય તેમની સામે કાર્યવાહી કરીને સજા અપાવી જોઈએ.
Just so heartbreaking to read about the 3 students who lost their lives due to flooding of their coaching class basement in Rajendra Nagar. Hope those responsible for this sheer negligence are brought to book and punished for their irresponsibility.
— Priyanka Chaturvedi🇮🇳 (@priyankac19) July 28, 2024
આમ આ ટોળકી ન્યાયાધીશની ખુરશી પર બેસીને આદેશો પસાર કરી દેતી હોય છે અને વડાપ્રધાનથી માંડીને ગૃહમંત્રીને પણ જવાબદાર ઠેરવી દે છે, પણ આ ઘટનામાં કલાકો પછી પણ માત્ર ‘જવાબદાર વ્યક્તિઓને સજા થવી જોઈએ’ લખીને છટકબારી શોધી નાખવામાં આવે છે.
