વિવાદાસ્પદ ડાયલૉગ્સ અને રામાયણના નબળા ચિત્રણના કારણે વિવાદોમાં ઘેરાયેલી ફિલ્મ ‘આદિપુરૂષ’ના સંવાદ લેખક મનોજ મુંતશિરે હવે માફી માંગી છે. એક ટ્વિટ કરીને તેમણે કહ્યું કે, આદિપુરૂષના કારણે લોકોની ભાવનાઓને ઠેસ પહોંચી છે એ બાબત તેઓ સ્વીકારે છે અને જે માટે સૌની બે હાથ જોડીને માફી માંગે છે.
मैं स्वीकार करता हूँ कि फ़िल्म आदिपुरुष से जन भावनायें आहत हुईं हैं.
— Manoj Muntashir Shukla (@manojmuntashir) July 8, 2023
अपने सभी भाइयों-बहनों, बड़ों, पूज्य साधु-संतों और श्री राम के भक्तों से, मैं हाथ जोड़ कर, बिना शर्त क्षमा माँगता हूँ.
भगवान बजरंग बली हम सब पर कृपा करें, हमें एक और अटूट रहकर अपने पवित्र सनातन और महान देश की…
મનોજ મુંતશિરે ટ્વિટમાં લખ્યું કે, ‘હું સ્વીકાર કરું છું કે ફિલ્મ આદિપુરૂષના કારણે લોકોની ભાવનાઓને ઠેસ પહોંચી છે. હું તમામ ભાઈ-બહેનો, વડીલો, પૂજ્ય સાધુ-સંતો અને શ્રીરામના ભક્તોની બે હાથ જોડીને બિનશરતી માફી માંગુ છું. ભગવાન બજરંગ બલી આપણા સૌની ઉપર કૃપા વરસાવે અને આપણને એક અને અતૂટ રહીને પવિત્ર સનાતન અને મહાન દેશની સેવા કરવાની શક્તિ આપે.’
જોકે, મનોજ મુંતશિરની માફીને લઈને લોકોનું કહેવું છે કે આ જ્ઞાન પહેલાં આવવું જોઈતું હતું. તો એમ પણ પૂછ્યું કે માફી માંગવામાં આટલો સમય કેમ લગાડવામાં આવ્યો?
माफी मांगने में इतनी देर क्यों?
— Prapti (@i_m_prapti) July 8, 2023
‘ધ સ્કિન ડોક્ટરે’ લખ્યું કે, ‘ફિલ્મ ફ્લૉપ થઇ ગઈ અને સિનેમાઘરોમાંથી ઉતરવાની શરૂ થઇ, ગુમાવવા માટે કંઈ ન બચ્યું, જ્યારે જનતાનો આક્રોશ આપમેળે ઠંડો પડી ગયો ત્યારે માફી માંગી રહ્યા છો. આ કામ ફિલ્મ રિલીઝ થયાના થોડા દિવસોમાં જ થઇ જવું જોઈતું હતું પરંતુ ત્યારે તો તમે કલેક્શન ગણવામાં અને ફિલ્મનો બચાવ કરીને ઘા પર મીઠું ભભરાવવામાં વ્યસ્ત હતા. હવે ફિલ્મની કમાણી અટકી ગઈ છે તો માફી માંગી રહ્યા છો.’
काफी देर कर दी। जब फिल्म फ्लॉप हो गई, सिनेमा घर से उतरनी शुरू हो गई, जब खोने को कुछ और नहीं बचा, जब जनता का आक्रोश खुद ही ठंडा हो गया, तब माफी मांग रहे हो। यह काम तो फिल्म रिलीज़ होने के कुछ दिनों के भीतर ही होना चाहिए था लेकिन तब तो आप कलेक्शन गिनने और फिल्म का बचाव कर घाव पर…
— THE SKIN DOCTOR (@theskindoctor13) July 8, 2023
મોના પટેલ નામના યુઝરે લખ્યું કે, આ તમે નહીં પણ ફ્લૉપ ફિલ્મ બોલી રહી છે અને હવે ઘણું મોડું થઇ ચૂક્યું છે.
ये आप नहीं फ्लॉप फ़िल्म बोल रही है! 😅
— Mona Patel 🇮🇳🐅🌳 (@MonaPatelT) July 8, 2023
It’s too late
એક વ્યક્તિએ કહ્યું કે, મનોજ મુંતશિરે બહુ પહેલાં માફી માંગી લેવાની જરૂર હતી, પરંતુ તેમને ભૂલ સમજાઈ એ સારું થયું.
आपको क्षमा बहुत पहले ही मांग लेनी चाहिए थी, चलो ठीक है, जो भी हुआ अच्छा हुआ आपको एहसास तो हुआ कि आपने गलती तो की है।
— Vijay Thakre (@vijaythakre_IND) July 8, 2023
અન્ય એક યુઝરે લખ્યું કે, ફિલ્મ નિર્માતાઓનો ઉદ્દેશ્ય પૈસા કમાવાનો જ છે અને હિંદુઓએ બહિષ્કાર કર્યો ત્યારે જઈને તેમની આંખ ઊઘડી છે.
हिंदुओं ने जब बहिष्कार करना शुरू किया तब जाकर आँखे खुली हैं क्योंकि पैसा कमाना ही एक मात्र उद्देश्य है तुम्हारा।
— कल्पना श्रीवास्तव 🇮🇳 (@Lawyer_Kalpana) July 8, 2023
ફિલ્મ ‘આદિપુરૂષ’ રિલીઝ પહેલાં ખાસ્સી ચર્ચામાં રહી હતી અને પ્રમોશન પણ ખૂબ કરવામાં આવ્યું હતું. જોકે, તેનું ટીઝર લૉન્ચ થયું ત્યારે જ લોકોએ નબળા VFX અને અન્ય બાબતો પર વાંધો ઉઠાવ્યો હતો. આખરે જ્યારે ફિલ્મ રિલીઝ થઇ તો દર્શકોની આશા પર પાણી ફરી વળ્યું. ખાસ કરીને ફિલ્મમાં હનુમાનજીના પાત્ર દ્વારા બોલાયેલા ડાયલૉગ્સના કારણે નિર્માતાઓ-લેખકોએ ભારે ટીકાનો સામનો કરવો પડ્યો હતો. ફિલ્મમાં એક દ્રશ્યમાં હનુમાનજીનું પાત્ર ‘કપડા તેરે બાપ કા, તેલ તેરે બાપ કા, આગ ભી તેરે બાપ કી ઔર જલેગી ભી તેરે બાપ કી..’ જેવા સંવાદ બોલે છે. અન્ય પણ કેટલાક સંવાદો સામે વાંધો ઉઠાવવામાં આવ્યો હતો. જોકે, વિરોધ બાદ આ ડાયલૉગ્સ બદલી નાંખવામાં આવ્યા હતા પરંતુ તેનો પણ કોઈ ખાસ ફેર પડ્યો નહીં.
ફિલ્મ આદિપુરૂષે શરૂઆત સારી કરી હતી અને ત્રણ જ દિવસમાં 300 કરોડની કમાણી કરી હતી. પરંતુ જેમ-જેમ વિરોધ વધતો ગયો તેમ દર્શકોનું પ્રમાણ ઘટતું ગયું અને હવે ફિલ્મ થીયેટરોમાંથી ઉતરવાની શરૂ થઇ ગઈ છે. આ ફિલ્મ 500 કરોડ રૂપિયાના બજેટથી બનાવવામાં આવી હતી પરંતુ તે બજેટ જેટલો આંકડો પણ મેળવી શકી નથી. ક્યાંક તેની કમાણી 128 કરોડ તો ક્યાંક 450 કરોડ જણાવવામાં આવી રહી છે.
