Thursday, July 18, 2024
More
    હોમપેજદેશભારે વરસાદના કારણે દિલ્હી એરપોર્ટના ટર્મિનલ-1ની છત કકડભૂસ થઈને પડી: 1નું મોત,...

    ભારે વરસાદના કારણે દિલ્હી એરપોર્ટના ટર્મિનલ-1ની છત કકડભૂસ થઈને પડી: 1નું મોત, 6 ઘાયલ, અનેક ગાડીઓને નુકશાન

    દિલ્હી ફાયર સર્વિસના અધિકારીએ જણાવ્યું હતું કે, "સવારે લગભગ 5.30 વાગ્યે, અમને દિલ્હી એરપોર્ટના ટર્મિનલ 1 પર છત તૂટી પડવાની માહિતી મળી હતી. ફાયરની 3 ઘડીઓને ઘટનાસ્થળે મોકલવામાં આવી હતી."

    - Advertisement -

    દિલ્હી એરપોર્ટના (Delhi Airport) ટર્મિનલ-1 પર એક દુ:ખદ અકસ્માત સર્જાયો છે અને તેની છતનો એક ભાગ તૂટી પડતાં એક વ્યક્તિનું મોત થયું છે. જ્યારે 6થી 8 લોકો ઘાયલ હોવાનું કહેવાય છે. ઈજાગ્રસ્ત લોકોને તાત્કાલિક હોસ્પિટલ લઈ જવામાં આવ્યા હતા. જ્યાં તેમની સારવાર ચાલી રહી છે. છતનો એક ભાગ ધરાશાયી થતાં નીચે પાર્ક કરાયેલા ઘણા વાહનો દટાઈ ગયા હતા.

    આ બાબતે દિલ્હી ફાયર સર્વિસના એક અધિકારીએ આ જાણકારી આપી. અધિકારીએ જણાવ્યું હતું કે, “દિલ્હી એરપોર્ટના ટર્મિનલ 1 (Terminal-1) પર છત તૂટી પડી હતી. ત્રણ ફાયર ટેન્ડરોને સ્થળ પર મોકલવામાં આવ્યા હતા તે સુનિશ્ચિત કરવા માટે સર્ચ ઓપરેશન હાથ ધરવામાં આવી રહ્યું છે કે ક્ષતિગ્રસ્ત વાહનોમાં અન્ય કોઈ ફસાઈ ન જાય.” અધિકારીઓએ જણાવ્યું કે છત સિવાય સપોર્ટ બીમ પણ પડી ગયો હતો. દિલ્હી-એનસીઆરમાં ભારે વરસાદ વચ્ચે આ દુર્ઘટના બની હતી.

    આ જ હરોળમાં ડેપ્યુટી કમિશનર ઓફ પોલીસ (DCP), IGI એરપોર્ટ ઉષા રંગનાનીએ કહ્યું, “સવારે 5 વાગ્યે, IGIA (ડોમેસ્ટિક એરપોર્ટ) ના ટર્મિનલ 1 ની બહારનો શેડ, જે ડિપાર્ચર ગેટ નંબર 1 થી ગેટ નંબર 2 સુધી ફેલાયેલો હતો, તૂટી પડ્યો હતો, જેમાં આસપાસ 4 વાહનોને નુકસાન થયું છે અને 1 વ્યક્તિનું મૃત્યુ થયું છે અને 6 ઇજાગ્રસ્ત થયા છે. તમામ ઇજાગ્રસ્તોની સ્થિતિ સ્થિર છે. દિલ્હી પોલીસ, ફાયર સર્વિસ, CISF અને NDRFની ટીમો ઘટનાસ્થળે હાજર છે. કાયદેસરની કાર્યવાહી હાથ ધરી છે.”

    - Advertisement -

    દિલ્હી-NCRમાં પડી રહ્યો છે અતિભારે વરસાદ

    નોંધનીય છે કે દિલ્હી-NCR વિસ્તારમાં ગત રાતથી ભારે વરસાદ વરસી રહ્યો છે. રાજ્યના અનેક વિસ્તારોમાં પાણી ભરાયા છે. તે જ રીતે વહેલી સવારે દિલ્હી એરપોર્ટના ટર્મિનલ-1 પર આ દુર્ઘટના ઘટી હતી.

    શરૂઆતમાં જે વિડીઓ સામે આવ્યા તે ભયાવહ કરનારા હતા. છતને પકડી રાખનાર મેટલના મોટા અને ભારે બિંબ નીચે પાર્ક કરેલ ગાડીઓ પર પડતા ગાડીઓના ભૂકા બોલાઈ ગયા હતા. આવી જ એક ગાડી પર છત પડતા તેના ડ્રાઇવરનું મૃત્યુ થયું હતું અને 6 લોકો ઘાયલ થયા છે. હાલ બચાવકાર્ય ચાલી રહ્યું છે.

    - Advertisement -
    Join OpIndia's official WhatsApp channel

    સંબંધિત લેખો

    - Advertisement -

    તાજા સમાચાર

    ચૂકશો નહીં