Thursday, July 18, 2024
More
    હોમપેજદેશ1994ના ISRO જાસૂસી કેસમાં નંબી નારાયણનને ફસાવવાનો મામલો: CBIએ 5 આરોપીઓ સામે...

    1994ના ISRO જાસૂસી કેસમાં નંબી નારાયણનને ફસાવવાનો મામલો: CBIએ 5 આરોપીઓ સામે દાખલ કરી ચાર્જશીટ; 2021માં સુપ્રીમ કોર્ટના આદેશથી શરૂ કરી હતી તપાસ

    નંબી નારાયણની અરજીના આધારે સુપ્રીમ કોર્ટે આ મામલે તપાસ માટે ત્રણ સભ્યોની એક પેનલની રચના કરી હતી. સમિતિનો રિપોર્ટ સામે આવ્યા બાદ વર્ષ 2021માં સુપ્રીમ કોર્ટે આ મામલે તપાસ કરવા માટે CBIને આદેશ આપ્યો હતો.

    - Advertisement -

    ISROના પૂર્વ એરોસ્પેસ વૈજ્ઞાનિક નંબી નારાયણનને ખોટા આરોપોમાં ફસાવવા મામલેની તપાસ કરતી એજન્સી CBIએ પાંચ આરોપીઓ સામે ચાર્જશીટ દાખલ કરી દીધી છે. જોકે, આ વ્યક્તિઓ કોણ છે તે હજુ સુધી જાણવા મળ્યું નથી. 

    આ ચાર્જશીટ કેરળની તિરુવનંતપુરમ કોર્ટમાં દાખલ કરવામાં આવી. કેસ વર્ષ 1994માં ISRO જાસૂસી કેસમાં નંબી નારાયણનને ખોટી રીતે ફસાવવા મામલેનો છે, જે વર્ષ 2021માં સુપ્રીમ કોર્ટે આદેશ આપ્યા બાદ CBI દ્વારા નોંધવામાં આવ્યો હતો અને ત્યારથી આ મામલે તપાસ ચાલી રહી હતી. આખરે આ મામલે ચાર્જશીટ રજૂ કરી દેવામાં આવી છે. 

    ઉલ્લેખનીય છે કે જાન્યુઆરી, 2023માં આ આરોપીઓની જામીન અરજી પર સુનાવણી દરમિયાન CBIએ કોર્ટને જણાવ્યું હતું કે, નંબી નારાયણન પર લાગેલા આરોપો ખોટા હતા અને તેમને ફસાવવાનું એક અંતરરાષ્ટ્રીય ષડ્યંત્ર રચવામાં આવ્યું હતું. તેમની ધરપકડ પણ ગેરકાયદેસર હતી અને જે આરોપો લગાવવામાં આવ્યા હતા તે પણ ખોટા હતા તેમ એજન્સીએ કોર્ટને જણાવ્યું હતું. 

    - Advertisement -

    શું છે સમગ્ર કેસ? 

    વર્ષ 1994માં ઈસરોના વૈજ્ઞાનિક એસ નંબી નારાયણ પર ક્રાયોજેનિક એન્જીન તકનીકને માલદિવ્સની એક નાગરિક દ્વારા પાકિસ્તાનની ISIને વેચવાના આરોપો લગાવવામાં આવ્યા હતા. આ મામલે કેરળ પોલીસે તેમની અને તત્કાલીન ડેપ્યુટી ડાયરેક્ટર ડી શશિકુમારન અને કે ચંદ્રશેખર સહિતના અન્ય સાથીદારોની ધરપકડ કરી હતી. 

    કેરળ પોલીસે આઈબી ઇનપુટના આધારે આ કાર્યવાહી કરી હોવાનું જણાવ્યું હતું પરંતુ પછીથી સીબીઆઈને કેસ સોંપવામાં આવ્યા બાદ અને એજન્સીએ તપાસ શરૂ કર્યા બાદ સામે આવ્યું હતું કે કેસ બનાવટી હતો અને નામ્બી નારાયણ સહિતના વ્યક્તિઓને ખોટી રીતે ફસાવવામાં આવ્યા હતા. CBIએ આ બાબતની જાણ ચીફ જ્યુડિશ્યલ મેજિસ્ટ્રેટને કરી હતી અને કોર્ટે પણ રિપોર્ટને માન્ય રાખ્યો હતો અને તમામને નિર્દોષ ઠેરવ્યા હતા. 

    જોકે, ત્યારબાદ પણ કેરળની CPI(M) સરકારે આ મામલે વધુ તપાસના આદેશ આપ્યા હતા પરંતુ 1998માં સુપ્રીમ કોર્ટે આ આદેશ રદ કરી દીધા હતા. ત્યારથી કેરળ સરકાર આ કાંડમાં સામેલ પોલીસ અધિકારીઓને છાવરતી આવી હતી. ગત એપ્રિલ 2017માં નંબી નારાયણે એક અરજી દાખલ કરીને તેમને ફસાવનાર પોલીસ અધિકારીઓ સામે કાર્યવાહીની અપીલ કરી હતી. જેમાં પૂર્વ IPS આરબી શ્રીકુમાર પણ સામેલ હતા, જેમનું નામ ગુજરાત રમખાણો કેસમાં દસ્તાવેજો સાથે છેડછાડ કરવાના કેસમાં પણ સંડોવાયેલું છે. 

    નંબી નારાયણની અરજીના આધારે સુપ્રીમ કોર્ટે આ મામલે તપાસ માટે ત્રણ સભ્યોની એક પેનલની રચના કરી હતી. સમિતિનો રિપોર્ટ સામે આવ્યા બાદ વર્ષ 2021માં સુપ્રીમ કોર્ટે આ મામલે તપાસ કરવા માટે CBIને આદેશ આપ્યો હતો.

    - Advertisement -
    Join OpIndia's official WhatsApp channel

    સંબંધિત લેખો

    - Advertisement -

    તાજા સમાચાર

    ચૂકશો નહીં