તાજેતરમાં અમદાવાદનો એક વિડીયો વાયરલ થયો હતો, જેમાં અમુક ગુંડાતત્વો જાહેર માર્ગ ઉપર હાથમાં તલવારો લહેરાવતા, લાઠી-દંડા લઈને વાહનોમાં તોડફોડ કરતા અને રસ્તા પરથી પસાર થતા રાહદારીઓને મારતા જોવા મળ્યા. આ આરોપીઓ વિરુદ્ધ હવે બુલડોઝર કાર્યવાહી કરવામાં આવી છે.
અમદાવાદ પોલીસે વિડીયો વાયરલ થયા બાદ આ કેસમાં એક સગીર સહિત 14 ઇસમોની ધરપકડ કરી લીધી હતી. બીજા દિવસે તેમને સ્થળ પર લઈ જઈને ઘટનાનું રિકન્સ્ટ્રક્શન પણ કરવામાં આવ્યું હતું. પછીથી તપાસ દરમિયાન જાણવા મળ્યું કે 7 આરોપીઓએ પોતાનાં મકાન ગેરકાયદેસર ઊભાં કરી દીધાં છે. ત્યારબાદ કાર્યવાહી હાથ ધરવામાં આવી.
અમરાઇવાડીમાં આરોપીઓનું દબાણ દૂર કરવાની કામગીરી શરૂ.
— NewsCapital Gujarat (@NewsCapitalGJ) March 15, 2025
પળે પળની સ્થિતિ પર ગૃહ રાજ્યમંત્રી હર્ષ સંઘવીની નજર.#Vastral | #Demolition | #બુલડોઝર | @Bhupendrapbjp | @sanghaviharsh | @AhmedabadPolice
Report : @Journ_Ashutosh
Anchor : @theyashbhatt pic.twitter.com/iC1Lxp492B
શનિવારે (15 માર્ચ) પોલીસ કમિશનરની હાજરીમાં પોલીસ અને પ્રશાસનની ટીમો પહોંચી હતી અને ડિમોલિશન શરૂ કરવામાં આવ્યું હતું. જેના પગલે આરોપીઓના પરિજનોએ હોબાળો મચાવવાનો પ્રયાસ કર્યો, પણ પોલીસે સ્થિતિ નિયંત્રણમાં લઈ લીધી હતી.
બીજી તરફ, પોલીસે આ ગુંડાઓની તેમની શેરીમાં લઈ જઈને જ સરભરા કરી અને સ્થાનિકો અને પરિવારની હાજરીમાં જ મારતા-મારતા ઘર સુધી લઈ જવામાં આવ્યા. જેના વિડીયો પણ ફરતા થયા છે.
Remember those goons creating chaos on the streets of Ahmedabad two days ago?
— Mr Sinha (@MrSinha_) March 15, 2025
They forgot that Gujarat isn’t a movie set.
Now, police are taking them back to their own streets & showing them how it’s done—right in front of their neighbors.@GujaratPolice @sanghaviharsh 🫡 pic.twitter.com/IfVNwgRWcA
ઘટનાની વધુ વિગતો એવી છે કે મામલો મૂળ ગેંગવૉરનો છે. બે ગેંગ વચ્ચે કોઈ વાતને લઈને બબાલ થતાં બંને વસ્ત્રાલમાં મળવાના હતા. પણ બંનેને એકબીજાના માણસો ન મળતાં જાહેર માર્ગ પરથી પસાર થતા લોકો અને વાહનો પર હુમલો કરવાનું શરૂ કરી દીધું હતું. જોકે પોલીસે તેમને રાત્રે જ પકડી લીધા હતા અને મારતા-મારતા લઈ જવામાં આવ્યા હતા.
