સોશિયલ મીડિયા પર એક હિંદુ મહિલા પત્રકારનો વિડીયો સામે આવ્યો છે. પત્રકારનું નામ આમ્રપાલી શર્મા છે. તેમણે સોશિયલ મીડિયા પ્લેટફોર્મ X પર વિડીયો પોસ્ટ કરીને આરોપ લગાવ્યો છે કે, તેમની હિંદુ ઓળખ અને પશુપ્રેમી હોવાના કારણે તેમને મહારાષ્ટ્રના મલાડમાં સ્થાનિક મુસ્લિમો હેરાન કરી રહ્યા છે. મહિલા પત્રકારે કહ્યું કે, પશુઓને ભોજન આપવા પર મુસ્લિમ ભીડ તેમના ઘરની બહાર માંસ ફેંકે છે. તેમણે વિડીયો પોસ્ટ કરીને આ ઘટના પર નિરાશા વ્યક્ત કરી છે અને આ ઘટનાને ‘અસ્તિત્વના સવાલ’ તરીકે ગણાવી છે.
વિડીયોમાં તેમને આ ઘટના વિશે બોલતા સાંભળી શકાય છે. તેમણે કહ્યું છે કે, તેઓ આ મામલે ફરિયાદ કરવા માટે પોલીસ સ્ટેશન પણ ગયા હતા. પરંતુ તેમની વાત સાંભળવામાં નથી આવી રહી. સ્થાનિક મુસ્લિમો સતત તેમને હેરાન કરી રહ્યા હોવાનો તેમણે આરોપ લગાવ્યો છે. આમ્રપાલી અનુસાર, તેઓ સેક્યુલર હિંદુ છે, પરંતુ આજે તેમની સાથે જે કાંઈ પણ થઈ રહ્યું છે તે માત્ર એટલા માટે થઈ રહ્યું છે કારણ કે, તેઓ હિંદુ બ્રાહ્મણ મહિલા છે અને પશુઓને પ્રેમ કરે છે.
I am being harassed n threatened by local communal Muslim crowd with the excuse of feeding Strays.Need help pls protact me I am a single Hindu animal.lover pic.twitter.com/cTS6rXBAj3
— Amrapali Sharma (@amrapalisharma) July 28, 2024
તેમની ફરિયાદ છે કે, ગાર્ડ અને અન્ય લોકોની મદદથી તેમના ઘરના દરવાજા પર માંસ ફેકવામાં આવ્યું છે. આ સાથે જ તેમણે એવું પણ કહ્યું કે, તેઓ પોલીસ પાસે આ મામલાની ફરિયાદ કરવા માટે પહોંચ્યા તો પોલીસે પણ તેમની વાત સાંભળી નહોતી. તેમનો આરોપ છે કે, તેમની ફરિયાદ કોઈપણ વ્યક્તિ દ્વારા સાંભળવામાં આવી રહી નથી. તેમના ઘરની બહાર ફેંકવામાં આવી વસ્તુ ગૌમાંસ છે કે શું તેની પણ કોઈએ તપાસ સુદ્ધાં કરી નથી. તેમણે આ ઘટનાને ‘પોતાના અસ્તિત્વ’ના સવાલ તરીકે ગણાવી છે.
Muslim crowd threatening me being Single Hindu animal lover Malad w Malwani.threatened moblynchinchying NoFIR. Mohommad Khan n Aysha Turki passing communal remarks on Hindutv PLS HELP #savehindus #hindmuslim @Dev_Fadnavis @PiyushGoyal @RajThackeray @CPMumbaiPolice pic.twitter.com/z3f4hoKwNn
— Amrapali Sharma (@amrapalisharma) July 28, 2024
આમ્રપાલી વિડીયોમાં કહે છે કે, તેઓ નથી જાણતા કે તે લોકો (મુસ્લિમો જે તેમને હેરાન કરી રહ્યા છે) સાથે તેમનું શું કનેક્શન છે કે, માત્ર તેમને જ ટાર્ગેટ કરવામાં આવી રહ્યા છે અને મજબૂર કરવામાં આવી રહ્યા છે કે, તેઓ આત્મહત્યા કરી લે અથવા તો મલાડ છોડીને ભાગી જાય, જેથી મુસ્લિમો તેમના ફ્લેટ પર કબજો કરી શકે.
Never buy house in sick Muslim area its always a nasty crowd unsafe for woman like Malwani malad mumbra etc
— Amrapali Sharma (@amrapalisharma) July 28, 2024
તેમણે પોતાના સોશિયલ મીડિયા હેન્ડલ પર એવું પણ લખ્યું છે કે, હિંદુ મહિલા હોવાને કારણે કોઈએ પણ મુંબઈ, મલાડ અને મુંબ્રા જેવા મુસ્લિમ બાહુલ્ય વિસ્તારમાં મકાન ન લેવું જોઈએ, નહીં તો આવી જ સ્થિતિ બનવા પામશે. પોતાની પોસ્ટમાં તેમણે કેટલાક વિડીયો પણ શેર કર્યા છે. તે વિડીયોમાં જોઈ શકાય છે કે, કેટલાક સ્થાનિક લોકો તેમને રસ્તા પર પશુઓને ભોજન આપવા માટેની ના પાડી રહ્યા છે. આમ્રપાલી તે લોકોને સમજાવતા પણ જોઈ શકાય છે કે, આ બધા નિયમો બિલ્ડિંગમાં લાગુ પડે છે, પરંતુ પબ્લિક પ્લેસમાં આ નિયમો લાગુ પડી શકતાં નથી.
નોંધનીય છે કે, આમ્રપાલી શર્માના X એકાઉન્ટ પરથી માહિતી મળી છે કે, તેમણે આજતક, IBN7 જેવી ચેનલોમાં સેવા આપી છે. આજે તેઓ લાચારીથી તેમના સોશિયલ મીડિયા હેન્ડલ પર પોસ્ટ કરે છે અને માત્ર પશુઓને ખાવાનું આપવા પર તેમના સાથે કેવો વ્યવહાર થઈ રહ્યો છે તે વિશે જણાવવાનો પ્રયાસ કરે છે.
