મહિલા પત્રકાર દ્વારા બિંદી ન લગાવવા પર મહારાષ્ટ્રના લોકપ્રિય હિંદુ કાર્યકર્તા સંભાજી ભીડે ગુસ્સે થયા હતા. અને તેમણે પત્રકાર સાથે વાત કરવાની ચોખ્ખી ના પાડી દીધી હતી. મહિલા પત્રકારને આંગળી બતાવતા સંભાજીએ આક્રમક રીતે કહ્યું, ભારત માતા વિધવા નથી. સંભાજીના વાંધાજનક વર્તનની નોંધ લેતા મહારાષ્ટ્ર મહિલા આયોગે નોટિસ જારી કરી છે.
અહેવાલો અનુસાર એક ટીવી ચેનલની મહિલા પત્રકારે ભીડેનો ઈન્ટરવ્યુ લેવાનો પ્રયાસ કર્યો હતો. મહિલા પત્રકારને જોઈને તે ગુસ્સે થઈ ગયો અને કહ્યું કે તે મહિલા પત્રકાર સાથે વાત નહીં કરે જેણે તેના માથા પર બિંદી ન લગાવી હોય. ભીડેએ પત્રકારને કહ્યું, ‘દરેક મહિલા ભારત માતા જેવી છે અને ભારત માતા વિધવા નથી. તેણીએ વિધવા જેવું ન દેખાવવું જોઈએ અને તેમની સાથે ચર્ચા કરવા આવતા પહેલા તેના માથા પર બિંદી લગાવવી જોઈએ.
કાર્યકર્તા સંભાજી ભીડેની લાઈવ પ્રસારણમાં બિંદી લગાવવા વાળી કોમેન્ટ જોત-જોતામાં જ વાયરલ થઈ ગઈ અને વિવાદ શરૂ થઈ ગયો હતો. સંભાજીએ સામ ટીવી ન્યૂઝની મહિલા પત્રકાર સાથે વાત કરવાની ના પાડી. સોશિયલ મીડિયા પર વાયરલ થયેલા વીડિયોમાં જોઈ શકાય છે કે યુવતી તેમને પૂછપરછ કરવાનો પ્રયાસ કરે છે, પરંતુ તેનું કપાળ કોરું હોવા પર સંભાજી તેની સાથે વાત કરવાની ના પાડી દે છે.
ભારત માતા વિધવા નથી: સંભાજી ભીડે
ભીમા કોરેગાંવ અને મહારાષ્ટ્રના અન્ય સ્થળોએ લોકપ્રિય કાર્યકર સંભાજી ભીડે પણ જમણેરી નેતા તરીકે ઓળખાય છે. રાજ્ય મહિલા આયોગે ભિડેને તેમના નિવેદન પર તેમને નોટિસ પાઠવી છે જેમાં તેમણે એક મહિલા પત્રકારને કહ્યું હતું કે, “દરેક મહિલા ભારત માતા જેવી છે અને ભારત માતા વિધવા નથી.”
महाराष्ट्र में सामाजिक कार्यकर्ता संभाजी भिड़े ने महिला पत्रकार से सवाल पूछने से पहले बिंदी पहनने को कहा।
— Shubhankar Mishra (@shubhankrmishra) November 2, 2022
– तुम कुंकुम या बिंदी लगा फिर तुमसे बात करूँगा।
– हमारी नज़र में हर स्त्री भारत माता है और वो विधवा नहीं है।
– भिड़े महाराष्ट्र के मुख्यमंत्री एकनाथ शिंदे से मिलने आए थे pic.twitter.com/Gi5ketkNjW
સંભાજી ભીડે અને મહિલા પત્રકાર વિવાદ પર હિન્દુસ્તાન ટાઈમ્સના અહેવાલ મુજબ, આ ઘટના ત્યારે બની જ્યારે સંભાજી ભીડે મુખ્યમંત્રી એકનાથ શિંદેને મળ્યા હતા. બહાર આવતા જ સામ ટીવી ન્યૂઝની મહિલા પત્રકારે પ્રશ્ન પૂછ્યો હતો
બિંદી લગાવવી કે નહીં એ મારી અંગત પસંદગી: મહિલા પત્રકાર
સંભાજી ભીડેના આ વર્તનથી નારાજ થયેલા મહિલા પત્રકારે ટ્વીટ કરીને પોતાની નારાજગી વ્યક્ત કરી હતી, જેમાં તેઓ લખે છે કે, “અમે લોકોની ઉંમર જોઈને માન આપીએ છીએ. પરંતુ લોકો પણ સન્માનના પાત્ર હોવા જોઈએ. બિંદી લગાવવી કે ન લગાવવી તે મારી અંગત પસંદગી છે. આ લોકશાહી છે.”
आज माझ्यासोबत घडलेला हा सगळा प्रकार.. आपण एखाद्याचं वय बघून त्याला मान देतो मात्र, समोरची व्यक्ती देखील त्या पात्रतेची असावी लागते. मी टिकली लावावी-लावू नये किंवा कधी लावावी हा माझा अधिकार आहे. आपण लोकशाही असलेल्या देशात राहतोय. #democracy #freedom pic.twitter.com/wraTJf8mRn
— Rupali B. B (@rupa358) November 2, 2022
રાજ્ય મહિલા આયોગે નોંધ લીધી
જ્યારે સંભાજી ભીડેએ ચેનલના પત્રકારને ‘બાઈટ’ આપવાની ના પાડી ત્યારે ચેનલે આ ઘટનાનો વીડિયો પોતાના ટ્વિટર હેન્ડલ પર ટ્વીટ કર્યો હતો. અને SaamTV સમાચારના વીડિયો અને સ્ક્રીનશોટ શેર થવા લાગ્યા હતા. મહારાષ્ટ્ર મહિલા આયોગે આ મામલાની નોંધ લીધી અને નોટિસ જારી કરી હતી.
રાજ્ય મહિલા આયોગના અધ્યક્ષ રૂપાલી ચકાંકરે પણ સંભાજી ભીડેના નિવેદનની આકરી નિંદા કરી હતી. તેમણે કહ્યું કે મહિલાના ગૌરવ અને સામાજિક કદને ધ્યાનમાં રાખીને કાર્યકર્તાની ટિપ્પણી અપમાનજનક છે. સોનાલી ચકણકરે કહ્યું, “એક મહિલા તેના કામની ગુણવત્તા દ્વારા એક છાપ બનાવે છે.”
साम टीव्हीच्या महिला पत्रकाराला तु टिकली लावली नाही म्हणून तुझ्याशी बोलणार नाही असे सांगत त्या महिलेचा आणि पत्रकारितेचाही अपमान करणार्या संभाजी भिडेंचा निषेध आहे.
— Rupali Chakankar (@ChakankarSpeaks) November 2, 2022
याआधी ही महिलांना हीन समजणारी, तुच्छतादर्शक वक्तव्य त्यांनी वारंवार केली आहेत त्यांची मनोवृत्ती यातून दिसून येते.1/2 pic.twitter.com/fVmxNdMivo
કમિશને આ ઘટનાની સંજ્ઞાન લીધી અને વાયરલ વીડિયોના આધારે નોટિસ જારી કરીને કહ્યું કે, “સ્ટેટ કમિશન ફોર વુમન એક્ટ, 1993ની કલમ 12(2) અને 12(3) હેઠળ, તમારે એક મહિલા પત્રકાર સાથે વાત ન કરવાના તમારા નિર્ણય પર તમારે ખુલાસો આપવો પડશે, કારણકે તમે તેણે બિંદી ન લગાવી હતી તેના આધારે પત્રકાર સાથે વાત કરવાનું ટાળ્યું હતું.
