Friday, August 19, 2022
More
    હોમપેજન્યૂઝ રિપોર્ટલુલુ મોલ બાદ હવે ચારબાગ રેલ્વે સ્ટેશનમાં નમાઝ પઢવાનો વિવાદ, હિંદુ મહાસભા...

    લુલુ મોલ બાદ હવે ચારબાગ રેલ્વે સ્ટેશનમાં નમાઝ પઢવાનો વિવાદ, હિંદુ મહાસભા સીઓ જીઆરપી સામે મઝાર અને જેહાદનો મુદ્દો ઉઠાવશે

    ઉત્તર પ્રદેશની રાજધાની લખનૌમાં લુલુ મોલ બાદ હવે અહીંના પ્રખ્યાત ચારબાગ રેલવે સ્ટેશને પણ આવેલી મઝાર સમક્ષ નમાઝ પઢવાનો કિસ્સો સામે આવ્યો છે. હિંદુ મહાસભાએ આ અંગે કડક પગલાં લેવા સત્તાવાળાઓને ચીમકી ઉચ્ચારી છે.

    ચારબાગ રેલ્વે સ્ટેશનમાં નમાઝ પઢતા વિવાદને વેગ મળ્યો છે, ઉત્તર પ્રદેશની રાજધાની લખનૌના લુલુ મોલમાં નમાઝનો મુદ્દો ઉઠાવનાર હિંદુ મહાસભા હવે રેલ્વે સ્ટેશનોની અંદર કરવામાં આવતી નમાજ સામે આંદોલન કરશે. હિન્દુ મહાસભાના નેતા નેતા અને વકીલ શિશિર ચતુર્વેદીએ આની શરૂઆત કરી છે અને તેઓ આજે ચારબાગ રેલ્વે સ્ટેશનમાં નમાઝ પઢવાનો વિરોધ કરશે. હિન્દુ મહાસભા હવે દેશભરમાં રેલવે સ્ટેશનમાં બનેલી મઝારને લઈને એક મોટું આંદોલન કરવાની તૈયારી કરી રહી છે.

    હિન્દુ મહાસભાના નેતા શિશિર ચતુર્વેદીએ કહ્યું કે તેઓ આજે લખનૌથી તેની શરૂઆત કરી રહ્યા છે અને તેઓ ચારબાગમાં સીઓ જીઆરપીને મળશે અને આ મામલે વાંધો ઉઠાવશે. શિશિર ચતુર્વેદીએ કહ્યું કે આ મામલો ખૂબ જ ગંભીર છે. તેમણે કહ્યું કે લખનૌના ચારબાગ સ્ટેશન પર બનેલી મઝાર પર લોકો આવે છે અને આ લોકો ટિકિટ પણ લેતા નથી. આ લોકો બીજા દરવાજેથી પ્રવેશ કરે છે. જેના કારણે કોઈ મોટી દુર્ઘટના થઈ શકે છે. તેમણે કહ્યું કે દેશના તમામ રેલવે સ્ટેશનોમાં આવી મઝારો બનાવવામાં આવી છે અને તેમની પાસે જમીનના કાગળો કે રજિસ્ટ્રી પણ નથી. તે છતાં, કબર-મઝાર બની રહી છે. મઝાર જેહાદમાં રેલવે પ્રશાસનના અધિકારીઓ પણ સામેલ છે. તેથી આ લોકો સામે પણ કાર્યવાહી થવી જોઈએ. ચતુર્વેદીએ કહ્યું કે આ ગંભીર બાબત છે. તપાસ થવી જોઈએ કે આખરે રેલવે સ્ટેશન અને રસ્તાઓ પર મઝાર કેવી રીતે બનાવવામાં આવી છે.

    સ્ટેશનની અંદર નમાઝનો વિરોધ કરશે

    - Advertisement -

    અહેવાલોમાં જણાવ્યા અનુસાર તેમણે કહ્યું કે રેલવે સ્ટેશનની અંદર નમાઝ અદા કરવામાં આવે છે. આ એક ખોટી પરંપરા છે અને તેને ખતમ કરવી જોઈએ. ચતુર્વેદીએ આ માટે એક વીડિયો પણ શેર કર્યો છે. જેમાં એક વ્યક્તિ રેલવે સ્ટેશનમાં નમાઝ અદા કરી રહ્યો છે. ચતુર્વેદીનો દાવો છે કે આ વીડિયો ચારબાગ રેલવે સ્ટેશનનો છે. જીઆરપીએ આ અંગે કડક કાર્યવાહી કરવી જોઈએ અને સ્ટેશનની અંદર નમાઝ પર પ્રતિબંધ મૂકવો જોઈએ.

    લુલુમાં લવ જેહાદ થાય છે-હિંદુ મહાસભા

    મીડિયા રીપોર્ટ અનુસાર હિન્દુ મહાસભાના રાષ્ટ્રીય પ્રવક્તા શિશિર ચતુર્વેદીનું કહેવું છે કે લુલુ મોલમાં લવ જેહાદ થાય છે. કેરળમાં અનેક ઘટનાઓ બની છે. લખનૌમાં પણ આવું જ થઈ શકે છે. તેમણે કહ્યું કે લુલુ મોલ મેનેજમેન્ટ પાસેથી કર્મચારીઓની યાદી માંગવામાં આવી છે અને જો તેઓ નહીં આપે તો લવ જેહાદનો મામલો ઉઠાવવામાં આવશે. તેમનો દાવો છે કે લુલુ મોલમાં 80 ટકા મુસ્લિમ યુવાનો કામ કરે છે જ્યારે 80 ટકાથી વધુ હિંદુ છોકરીઓને નોકરી આપવામાં આવી છે.

    સંબંધિત લેખો

    - Advertisement -

    તાજા સમાચાર

    ચૂકશો નહીં