શાહરૂખ ખાન અભિનીત ફિલ્મ ‘જવાન’ રીલિઝ થઈ ત્યારથી જ કોંગ્રેસ અને I.N.D.I.A ગઠબંધનની પાર્ટીઓ તેના સહારે મોદી સરકારને ઘેરવામાં લાગી પડી હતી. એક તરફ ફિલ્મનું પ્રમોશન કર્યું તો બીજી તરફ તેનો રાજકારણ માટે પણ ઉપયોગ કર્યો હતો. અનેક એવી પોસ્ટ્સ જોવા મળી જેમાં વિપક્ષી નેતાઓએ ‘જવાન’નો ઉલ્લેખ કરીને મોદી સરકાર પર આરોપો લગાવવાના પ્રયાસ કર્યા હોય.
કોંગ્રેસ પ્રવક્તા સુપ્રિયા શ્રીનેતે 9 સપ્ટેમ્બર, 2023ના રોજ X પર એક પોસ્ટ કરીને જવાન વિશે લાંબીલચાક પોસ્ટ કરી હતી અને ફિલ્મને ‘બોલ્ડ’ અને ‘બ્રેવ’ ગણાવીને કહ્યું કે, આ ફિલ્મ લોકોને પાંચ વર્ષ માટે સરકારને જવાબદારી સોંપવા માટે મત આપતાં પહેલાં બેરોજગારી, શિક્ષણ, સ્વાસ્થ્ય વગેરે મુદ્દાઓ પર સવાલ કરવા માટે પ્રેરે છે. તેમણે એવું સાબિત કરવાનો પ્રયાસ કર્યો કે વિપક્ષી પાર્ટીઓ મોદી સરકાર સામે જે સવાલો ઉઠાવી રહી છે તેને આ ફિલ્મે વાચા આપી છે.
Watched Jawan. A full on entertainer – with all the Bollywood masala and SRK magic.
— Supriya Shrinate (@SupriyaShrinate) September 9, 2023
But I loved it for women at the centre stage fighting for justice and for what the movie bluntly speaks about:
▪️Farmer suicides pushed by economic misery
▪️Massive loan write offs for rich…
આ પ્રકારની પોસ્ટ કરવામાં કોંગ્રેસ નેતા જયરામ રમેશ પણ પાછળ નથી. તેમણે ‘જવાન’ની સરખામણી ગદર-2 ફિલ્મ સાથે કરી અને કહ્યું કે, મોદી સરકારે થોડા દિવસ પહેલાં નવા સંસદ ભવનમાં ગદર-2નું સ્ક્રીનિંગ કર્યું હતું, શું તેમનામાં ‘જવાન’ પણ બતાવવાની હિંમત છે?
Gadar-2 was shown in the new Parliament building a few days back. Will the Modi Sarkar have the courage to screen Jawan as well?
— Jairam Ramesh (@Jairam_Ramesh) September 9, 2023
नए संसद भवन में कुछ दिन पहले गदर-2 दिखाया गया था। क्या मोदी सरकार में जवान की भी स्क्रीनिंग कराने की हिम्मत है?
આ જ ક્રમમાં આમ આદમી પાર્ટી પણ જોડાઈ. પાર્ટીના અધિકારિક હેન્ડલ પરથી એક પોસ્ટ કરીને કહેવામાં આવ્યું કે, “જે અરવિંદ કેજરીવાલ વર્ષોથી કહેતા હતા એ જ વાત જવાન ફિલ્મમાં શાહરૂખ ખાને પણ કહી.” ત્યારબાદ એવી જ વાતો કરવામાં આવી જે કોંગ્રેસ પ્રવક્તાએ કહી હતી. આમ આદમી પાર્ટીએ લખ્યું કે, ડર, પૈસા, જાતપાત, ધર્મ સંપ્રદાય માટે મત આપતાં પહેલાં જેઓ મત માંગવા આવે તેને લોકોએ પ્રશ્નો કરવા જોઈએ.
जो @ArvindKejriwal जी सालों से कहते आ रहे है, वो बात आज #Jawan फिल्म में SRK ने भी कह डाली
— AAP (@AamAadmiParty) September 7, 2023
Jawan का Dialogue:
"डर, पैसा, जात-पात, धर्म, सम्प्रदाय के लिए वोट देने की बजाय जो आपसे Vote मांगने आये, आप उससे सवाल पूछें
– पूछो उससे कि मेरे लिए अगले 5 साल में क्या करोगे?
– अगर… pic.twitter.com/ttufzwR1ac
મમતા બેનર્જીની પાર્ટી ટીએમસી પણ આમાં પાછળ નથી. TMC સાંસદ સાકેત ગોખલેએ એક પોસ્ટમાં ભાજપ આઇટી સેલ હેડ અમિત માલવિયા પર નિશાન સાધીને કહ્યું કે, જવાન અને શાહરૂખ ખાન બોક્સ ઓફિસ પર જે રેકોર્ડ બનાવશે તેનાથી જનતાના મૂડની ખબર પડી જશે.
BJP is at a point where it’s too rattled to understand the mood of the nation.
— Saket Gokhale (@SaketGokhale) September 7, 2023
Wait for the box office records that #Jawan & King @iamsrk are going to create. That’ll tell you the mood of the nation 😊 pic.twitter.com/NbdNN7DYS6
શાહરૂખ ખાને G-20 સમિટના સફળ આયોજન બદલ પીએમ મોદીની પ્રશંસા કરી
આ તમામ નેતાઓ અને પાર્ટીઓનો ઉત્સાહ રવિવારે કકડભૂસ થઈ ગયો, જ્યારે શાહરૂખ ખાને X (અગાઉ ટ્વિટર) પર વડાપ્રધાન મોદીની પ્રશંસા કરી દીધી. વિપક્ષી પાર્ટીઓ એક કાલ્પનિક ફિલ્મનો ઉપયોગ વડાપ્રધાન મોદી અને તેમની સરકાર સામે કરવા ગયા, પરંતુ શાહરુખ ખાનની પોસ્ટે તેમના પ્રયાસો પર પાણી ફેરવી દીધું.
Congratulations to Hon. PM @narendramodi ji for the success of India’s G20 Presidency and for fostering unity between nations for a better future for the people of the world.
— Shah Rukh Khan (@iamsrk) September 10, 2023
It has brought in a sense of honour and pride into the hearts of every Indian. Sir, under your… https://t.co/x6q4IkNHBN
શાહરૂખ ખાને વડાપ્રધાન નરેન્દ્ર મોદીની પોસ્ટને ક્વોટ કરીને G20ની સફળ અધ્યક્ષતા અને વિશ્વના કલ્યાણ માટે તમામ દેશો વચ્ચે એકતા સ્થાપિત કરવા બદલ તેમને શુભકામનાઓ પાઠવી. સાથે શાહરૂખે લખ્યું કે, આ સંમેલનથી દરેક ભારતીયના હૃદયમાં ગર્વની લાગણી અનુભવાય રહી છે. આગળ કહ્યું કે, વડાપ્રધાન મોદીના નેતૃત્વમાં ભારત એક થઈને સમૃદ્ધિના પથ પર આગળ વધશે. સાથે તેમણે G-20 સમિટનું ભારતે આપેલું સૂત્ર ટાંક્યું- એક વિશ્વ, એક પરિવાર, એક ભવિષ્ય..
