Wednesday, May 14, 2025
More

    ‘ધેર ઈઝ નો સીઝફાયર’: પાકિસ્તાનની અવળચંડાઈ બાદ કાશ્મીર સીએમ અબ્દુલ્લાની પોસ્ટ, કહ્યું– એર ડિફેન્સ યુનિટ ફરી સક્રિય થયાં

    ભારત અને પાકિસ્તાન વચ્ચે સહમતીથી યુદ્ધવિરામ જાહેર થયા બાદ હવે ફરી પાકિસ્તાને અવળચંડાઈ કરી હોવાનું સામે આવ્યું છે. જાણવા મળી રહ્યું છે કે, જમ્મુ-કાશ્મીર અને ખાસ શ્રીનગરમાં પાકિસ્તાની ડ્રોન જોવા મળી રહ્યા છે. અનેક ડ્રોન ઉડતા દેખાયાના સમાચાર મળ્યા બાદ એર ડિફેન્સ યુનિટ્સ પણ ખોલી દેવાયા છે. જમ્મુ-કાશ્મીરના મુખ્યમંત્રી ઓમર અબ્દુલ્લાએ આ વિશેની જાણકારી પણ આપી છે.

    ઓમર અબ્દુલ્લાએ સોશિયલ મીડિયા પ્લેટફોર્મ X પર પોસ્ટ કરીને આ વિશેની માહિતી આપી છે. તેમણે એક વિડીયો પણ શેર કર્યો છે. જેમાં પાકિસ્તાની ડ્રોન ઉડતા જોઈ શકાય છે અને ગોળીઓનો અવાજ પણ આવે છે. આ સાથે જ CM અબ્દુલ્લાએ પોસ્ટમાં લખ્યું છે કે, “આ કોઈ યુદ્ધવિરામ નથી. શ્રીનગરના મધ્યમાં એર ડિફેન્સ યુનિટ્સ હમણાં-હમણાં જ ખોલવામાં આવ્યા છે.”

    આ પહેલાં પણ તેમણે એક પોસ્ટ કરી હતી અને કહ્યું હતું કે, “આખરે યુદ્ધવિરામનું શું થયું?” આ ઉપરાંત તેમણે આખા શ્રીનગરમાં ધડાકાના અવાજ સંભળાયા હોવાનું કહ્યું હતું. સોશિયલ મીડિયા પર પાકિસ્તાને કરેલા યુદ્ધવિરામ ઉલ્લંઘનને લઈને અનેક પોસ્ટ જોવા મળી રહી છે અને મીડિયા રિપોર્ટ્સમાં પણ આ વિશેની માહિતી સામે આવી છે.

    © Copyright - OpIndia.com