કોંગ્રેસ નેતા રાહુલ ગાંધી થોડા સમયથી વિદેશ પ્રવાસે હતા. પરત ફર્યા બાદ તેઓ હવે ફરી દેખાવા માંડ્યા છે. તાજેતરમાં તેમણે દિલ્હીમાં એક સભા કરી હતી અને જે કેજરીવાલ સાથે લોકસભા ચૂંટણીમાં હાથ મિલાવ્યા હતા, તેમની જ સામે આરોપો લગાવવાના શરૂ કરી દીધા. બુધવારે (15 જાન્યુઆરી) તેઓ કોંગ્રેસ પાર્ટીના નવનિર્મિત કાર્યાલયના ઉદ્ઘાટનમાં જોવા મળ્યા.
અહીં રાહુલ ગાંધીએ સભા પણ સંબોધિત કરી. તેમાં તેમણે કહ્યું કે, તેમની લડાઈ માત્ર ભારતીય જનતા પાર્ટી અને RSS સામે નથી પરંતુ ઈન્ડિયન સ્ટેટ (ભારતનું શાસન, સત્તા) સામે પણ છે.
#WATCH | Delhi: Lok Sabha LoP and Congress MP Rahul Gandhi says "Do not think that we are fighting a fair fight. There is no fairness in this. If you believe that we are fighting a political organisation called the BJP or RSS, you have not understood what is going on. The BJP and… pic.twitter.com/wuZRnxDysB
— ANI (@ANI) January 15, 2025
રાહુલે કહ્યું, “એવું ન વિચારશો કે આપણે એક નૈતિક લડાઈ લડી રહ્યા છીએ. આમાં નૈતિકતા જેવું કશું નથી. જો તમે વિચારતા હો કે આપણે ભાજપ કે RSS જેવાં રાજકીય સંગઠનો સામે લડી રહ્યા છીએ, તમને એ ખબર જ નથી કે શું ચાલી રહ્યું છે. ભાજપ અને RSSએ આપણાં દેશની દરેક સંસ્થાઓ કબજે કરી લીધાં છે. આપણે હવે ભાજપ, RSS અને ઈન્ડિયન સ્ટેટ સામે પણ લડી રહ્યા છીએ.”
Rahul Gandhi has now declared an open war against the Indian State itself. This is straight out of George Soros’s playbook. pic.twitter.com/YTVQ83exCD
— Amit Malviya (@amitmalviya) January 15, 2025
ભાજપે આ વિડીયોના આધારે કોંગ્રેસ-રાહુલ પર પ્રહાર કર્યા છે. IT સેલ પ્રમુખ અમિત માલવિયાએ કહ્યું કે, રાહુલ ગાંધીએ હવે ભારતીય સ્ટેટ સામે જ યુદ્ધ જાહેર કરી દીધું છે. આ સીધું જ્યોર્જ સોરોસ પાસેથી આવ્યું છે.