ઈરાન વિરુદ્ધ શરૂ કરેલા ઑપરેશનમાં હવે ઇઝરાયેલી સશસ્ત્ર બળોએ મધ્ય પૂર્વીય દેશના વધુ બે કમાન્ડરોને ઠાર કર્યા છે. ઇઝરાયેલનું કહેવું છે કે ઈરાનની સેનાના બંને અધિકારીઓ હમાસ સાથે પણ સંકળાયેલા હતા અને 7 ઑક્ટોબરના હુમલામાં પણ સીધી કે આડકતરી ભૂમિકા હતી.
સઈદ ઇઝાદી નામના કુદ્સ ફોર્સ પેલેસ્ટાઇન કોર્પ્સના કમાન્ડરને ઇઝરાયેલે મારી નાખ્યો છે. IDFએ કહ્યું કે તે ઈરાનની સરકાર અને હમાસ વચ્ચેની મુખ્ય કડી હતો. ઉપરાંત 7 ઑક્ટોબરનો હુમલો કરાવવામાં પણ ભૂમિકા ભજવી હતી. તે IRGCના વરિષ્ઠ કમાન્ડરો અને ઈરાની સરકારના માણસોને હમાસ સાથે સંકલન સાધવામાં મદદ કરતો હતો. ઉપરાંત તે ઇઝરાયેલ વિરુદ્ધ આતંકી ગતિવિધિઓને અંજામ આપવા માટે હમાસને ફન્ડિંગ પહોંચાડવામાં પણ મદદ પૂરી પાડતો હોવાનું જણાવવામાં આવ્યું છે.
🔴ELIMINATED: Saeed Izadi, a founder of the Iranian regime’s plan to destroy Israel, was eliminated in a precise IDF strike in the area of Qom.
— Israel Defense Forces (@IDF) June 21, 2025
Izadi was also the commander of the Palestine Corps of the Quds Force, a key coordinator between the Iranian regime and Hamas, and… pic.twitter.com/ICPna4O4no
IDF અનુસાર, યુદ્ધ દરમિયાન ઇઝાદીએ હમાસના આતંકવાદીઓને લેબનોન મોકલીને ત્યાંથી ઇઝરાયેલ પર હુમલા કરાવ્યા હતા. હમાસ ગાઝામાં સક્રિય રહે તે માટે તે સતત પ્રયાસરત હતો.
અન્ય એક કુદ્સ ફોર્સ કમાન્ડર બેહનામ શહરિયારીને પણ ઠાર કરવામાં આવ્યો છે. તે વેપન ટ્રાન્સફર યુનિટનો કમાંડર હતો. પશ્ચિમ ઈરાનમાં ઇઝરાયેલી સેનાએ કરેલા હુમલામાં તે માર્યો ગયો છે.
🔴ELIMINATED: Behnam Shahriyari, commander of the Quds Force’s Weapons Transfer Unit in the IRGC, was eliminated in a precise IDF strike in western Iran.
— Israel Defense Forces (@IDF) June 21, 2025
Shahriyari was responsible for all weapons transfers from the Iranian regime to its proxies across the Middle East in order… pic.twitter.com/O9nEjuauuW
કહેવાય છે કે તે ઇઝરાયેલ વિરુદ્ધ લડતી ઈરાનની પ્રોક્સીઓને હથિયારો પહોંચાડવામાં મદદ પૂરી પાડતો હતો. ઉપરાંત તે વિવિધ આતંકવાદી સંગઠનોને લાખો ડોલરનું ફંડ પહોંચાડવામાં પણ ભૂમિકા ભજવતો હતો. આ આતંકી સંગઠનો મોટેભાગે ઇઝરાયેલ વિરુદ્ધ કામ કરે છે.
શહરિયારી પશ્ચિમ ઈરાનમાં ક્યાંક જઈ રહ્યો હતો ત્યારે તેની ઉપર હુમલો કરવામાં આવ્યો, જેમાં તે માર્યો ગયો.
