સોશિયલ મીડિયા પર અમદાવાદના વસ્ત્રાલ વિસ્તારનો એક વિડીયો વાયરલ થઈ રહ્યો છે. જેમાં દેખાઈ રહ્યું છે કે કેટલાક અસામાજિક તત્વો લાકડી-દંડા અને તલવાર જેવા તીક્ષ્ણ હથિયારો વડે આતંક મચાવી રહ્યા છે. આ ટોળાએ એક કારને ઉભી રાખીને તેમાંથી નીકળેલા વ્યક્તિ પર પણ હુમલો કર્યો હોવાનું દેખાઈ રહ્યું છે.
આ ઘટના વસ્ત્રાલમાં આવેલ શાશ્વત સોસાયટી નજીકના વિસ્તારમાં બની હતી. પ્રાપ્ત જાણકારી અનુસાર, વસ્ત્રાલ-ગોમતીપુર વિસ્તારમાં બે અલગ-અલગ ગેંગ સક્રિય છે. જેમાંથી એક ગેંગનો લીડર ત્યાં આવવાનો હતો, જોકે એ ત્યાં ન આવતા આ ટોળાએ રાહદારીઓને નિશાનો બનાવવાનું શરૂ કર્યું હતું.
અમદાવાદ પોલીસના ડરનું ચીરહરણ કરી રહ્યા છે આ લુખ્ખાઓ.
— Janak Dave (@dave_janak) March 13, 2025
આતંકને રજૂ કરતો આ વીડિયો તમને સુવા નહીં દે.
અમદાવાદ પોલીસને શું થઈ ગયું છે ?
અસામાજિક તત્વોમાં પોલીસનો એ ડર,એ રૂતબો જાણે ખત્મ થઈ ગયો છે.@dgpgujarat | @GujaratPolice @AhmedabadPolice | pic.twitter.com/OSoPrHI2Ns
કહેવાઈ રહ્યું છે કે ટોળામાં સામેલ લોકો દારૂ પીધેલા હતા અને આવતા જતા રાહદારીઓ પર લાકડી-દંડા અને તલવાર જેવા તીક્ષ્ણ હથિયારો વડે હુમલો કરી રહ્યા હતા. આ ઘટનાના સામે આવેલ વિડીયોમાં પણ જોઈ શકાય છે કે, આ લોકો વિસ્તારમાં ઘર-મકાન-દુકાનોની આજુબાજુ ઊભેલા વાહનોમાં પણ તોડફોડ મચાવી રહ્યા છે.
નોંધનીય છે કે આ ઘટનાનો વિડીયો વાયુવેગે સોશિયલ મીડિયા પર વાયરલ થઈ ગયો હતો. જેને લઈને અમદાવાદ પોલીસે પણ તાત્કાલિક કાર્યવાહી કરી હતી. પોલીસ કાર્યવાહીનો પણ વિડીયો સામે આવ્યો છે, જેમાં જોઈ શકાય છે કે પોલીસ સિંઘમ અંદાજમાં આરોપીઓને ફટકારતી લઈ જઈ રહી છે.
सबसे महत्वपूर्ण बात ये है की अपराध पर पुलिस का रिस्पॉन्स कैसा है.. अगर वस्त्राल की घटना का वीडियो देख कर लोगों को गुस्सा आया है तो पुलिस के इनिशियल ऐक्शन का ये वीडियो देख कर राहत जरूर होगी .. अहमदाबाद पुलिस ने तुरंत ऐक्शन लेते हुए रात भर में उपद्रव मचाने वाले 11 आरोपियों को डिटेन… https://t.co/qDxi5H2Jbz pic.twitter.com/35Dz2oTtlp
— Nirnay Kapoor (@nirnaykapoor) March 14, 2025
જે રીતે આ અસામાજિક તત્વોએ લોકોને હેરાન-પરેશાન કર્યા તથા ઉત્પાત મચાવ્યો તે જોઈને પોલીસ પણ તેમને મેથીપાક ચખાડતાં ચખાડતાં પોલીસ સ્ટેશન સુધી લઈ ગઈ હતી. જેથી ફરીથી કોઈ આવા કૃત્ય કરતા પહેલાં વિચાર કરે. અહેવાલ મુજબ પોલીસે વિડીયોના આધારે કુલ 11 આરોપીઓની ધરપકડ કરી લીધી હતી.
