બુધવારે (8 ઓક્ટોબર,2023) સુરત શહેરનો એક એક વીડિયો સોશિયલ મીડિયા પર વાયરલ થયો. વીડિયોમાં એક ST બસ એક ઓવરબ્રિજ પર રિવર્સ જતી જોવા મળે છે. દાવો કરવામાં આવ્યો કે આ વીડિયો વરાછાના કલાકુંજ ઓવરબ્રિજનો છે જેને તે જ દિવસે (બુધવારે) ખુલ્લો મૂકવામાં આવ્યો હતો. વધુમાં એવું કહેવામાં આવ્યું કે બ્રિજના નિર્માણમાં ખામી હોવાના કારણે બસ ટર્ન ન લઇ શકી અને રિવર્સ જવું પડ્યું.
સુરત મહાનગરપાલિકાના આમ આદમી પાર્ટીના કોર્પોરેટર અને અગાઉ હોસ્પિટલના કર્મચારીને માર મારવાના ગુનામાં સપડાઇ ચૂકેલા વિપુલ સુહાગિયાએ આ ઓવરબ્રિજનો વીડિયો પોસ્ટ કરીને લખ્યું, ‘આ છે આપણા અભણ નેતાઓનું નવું નજરાણું. આજે જ ખુલ્લા મુકાયેલા નવા કલાકુંજ ચીકુવાડી બ્રિજ ઉપર એસ.ટી બસ ટર્ન ન લઇ શકતાં રિવર્સ લઇ જવી પડી. આ અભણ નેતાઓએ દેશનો દાટ વાળ્યો છે. જનતા ભલે ટેક્સ અને વેરા ભર્યા કરતી, કમલમ્ (ભાજપનું કાર્યાલય) આલીશાન બને છે.’
આ છે આપણા અભણ નેતાઓ નું નવું નજરાણું, આજે જ ખુલ્લા મુકાયેલા નવા ક્લાકુંજ ચિકુવાડી બ્રિજ ઉપર એસ. ટી.બસ ટર્ન ના લઈ શકતા રિવર્સ લઈ જવી પડી, આ અભણ નેતાઓએ દેશનો દાટ વાળ્યો છે, જનતા ભલે ટેકસ અને વેરા ભર્યા કરતી, કમલમ આલીશાન બને છે… pic.twitter.com/lRdkHCCvky
— Vipul Suhagiya (@VipulSuhagiya) November 8, 2023
આ જ ટ્વિટને ક્વોટ કરીને AAPના પ્રદેશ પ્રમુખ ઈસુદાન ગઢવીએ X પર ભાજપને મળેલી 156 બેઠકોનો ઉલ્લેખ કરીને કટાક્ષ કરતાં લખ્યું કે, તેઓ બધું રામભરોસે ચલાવે છે, છતાં પ્રજાને ભોળવીને મત લઇ જાય છે.’
વાહ ! 156 ની કમાલ ! પણ આ લોકોની કળાને સલામ મારવી પડે ! બધુ રામ ભરોશે ચલાવે છે છતાં પણ ભોળવીને પ્રજા પાસેથી મત લઇ જાય છે ! https://t.co/DhfLWlWUKG
— Isudan Gadhvi (@isudan_gadhvi) November 8, 2023
પછીથી AAPના પૂર્વ પ્રદેશ પ્રમુખ અને કતારગામ બેઠક પરથી હારનો સામનો કરી ચૂકેલા ગોપાલ ઈટાલિયાએ ભાજપના મંત્રીને ‘અભણ’ કહ્યા અને લખ્યું કે સુરતમાં ‘અભણ ભાજપ નેતાઓએ’ એવો બ્રિજ બનાવ્યો છે કે બસ કે મોટી SUV ગાડીઓ નીચે ઉતારવા માટે ટર્ન નથી લઇ શકતી. પછી તેમણે આપત્તિજનક શબ્દો પણ વાપર્યા.
आज सूरत में भाजपाई अनपढ़ मंत्री के हाथों से इस नये फ़्लायओवर का उद्घाटन किया गया।
— Gopal Italia (@Gopal_Italia) November 8, 2023
चौथी पास के अनपढ़ भाजपाईयो ने इतना जबरजस्त ब्रिज बनाया है की बस / बड़ी SUV गाड़ीया नीचे उतरने के लिए टर्न नहीं ले सकती।
ये भाजपाई इतने जाहिल है कि इनको अब किसी बात से फ़र्क़ नहीं पड़ता। https://t.co/sJT3qlXfCz
આમ આદમી પાર્ટીએ દાવો કર્યા બાદ હવે વારો અમુક યુ-ટ્યુબ ચેનલોનો હતો. ‘જમાવટ’ નામની અગાઉ પણ ભ્રામક સમાચારોને લઈને વિવાદમાં આવી ચૂકેલી ચેનલે પોતાના X હેન્ડલ પર આ જ વીડિયો પોસ્ટ કરીને ‘હર શાખ પે ઉલ્લુ બૈઠા હૈ’ લખીને કટાક્ષ કર્યો અને લખ્યું કે, ‘સુરતમાં નવા બ્રિજનું લોકાર્પણ થયું, પણ સરકારી બસ ટર્ન ક્યાંથી લે?’
લ્યો બોલો! સુરતમાં નવા બ્રિજનું લોકાર્પણ થયું પણ સરકારી બસ ટર્ન ક્યાંથી લે? #surat #chikuwadi #newbridge #suratbridge #viral #gsrtc #jamawat #jamawatupdate pic.twitter.com/LVf3TOb4lG
— Jamawat (@Jamawat3) November 8, 2023
ગુજરાત સમાચાર પણ પછીથી કૂદી પડ્યું અને વીડિયો પોસ્ટ કરીને મહાનગરપાલિકાના પ્લાનિંગ પર સવાલ ઉઠાવ્યા.
વાહ તમારા પ્લાનિંગનું શું કહેવું
— Gujarat Samachar (@gujratsamachar) November 8, 2023
Surat માં ક્લાકુંજ ચિકુવાડી ખાતે નવા ખુલ્લા મૂકાયેલા બ્રિજ પર બસ અટવાઈ એસ.ટી બસ બ્રિજ પર ટર્ન લઈ ન શકી બસને રિવર્સ લેવાની ફરજ પડી#TapiRiver #Bridge #Chikuwadi #Surat #Gsrts #Bus #ViralVideo #SuratCity #gscard #gujaratsamachar pic.twitter.com/37VCm9EMlb
વધુ ન ટકી શક્યો પ્રોપગેન્ડા, લોકોએ ખોલી નાખી પોલ
આમ તો સોશિયલ મીડિયા પર જ અનેક લોકોએ આ પ્રોપગેન્ડાની પોલ ખોલી નાખી છે. કારણ કે હકીકત એ છે કે જ્યાં બસ અટવાયેલી જોવા મળે છે તે મુખ્ય બ્રિજ નહીં પણ એક્સટેન્શન બ્રિજ છે. અને આ બ્રિજ મોટાં વાહનો માટે બનાવવામાં આવ્યો જ નથી. તે માત્ર નાનાં વાહનો માટે જ છે. આ માટે ત્યાં રીતસરનાં બોર્ડ પણ લગાવવામાં આવ્યાં છે.
મહાનગરપાલિકાએ સ્પષ્ટતા કરતાં કહ્યું છે કે, આ બ્રિજ પર 7.5 મીટરથી વધુ લંબાઈ ધરાવતાં વાહનો માટે પ્રવેશ નિષેધ છે અને તે માટે ત્યાં બોર્ડ પણ લગાવવામાં આવ્યાં છે. સોશિયલ મીડિયા પર અનેક લોકોએ આ બોર્ડના ફોટા પોસ્ટ કરીને પોલ ખોલી નાખી હતી. ફોટામાં બોર્ડ પર લખેલું જોવા મળે છે કે, ‘7.5 મીટરથી વધુ લંબાઈ ધરાવતાં વાહનો માટે પ્રવેશ નિષેધ.’
વિરોધ વિરોધ ને બસ વિરોધ….આ કોપી પેસ્ટ ન્યુઝ વાળા નહિં સુધરે. pic.twitter.com/LWtqugBhQa
— ɱιɳιʂƚɾყ σϝ ƙαƚԋιყαɯαԃ (@rohitm_1144) November 8, 2023
ભગવાને મોઢું સારું અને સાચું બોલવા માટે આપ્યું છે. શૌચ કરવાનું ટાળો. @devanshijoshi71 pic.twitter.com/FN278Z4Ap9
— Abhishek Singh Rao Sanatani | अभिषेक सिंह राव (@AbhishekSinhRao) November 8, 2023
મજાની વાત એ છે કે જે ગુજરાત સમાચારે આગલા દિવસે વીડિયો પોસ્ટ કરીને સવાલ ઉઠાવ્યા હતા તેમણે પણ બીજા દિવસના છાપાંમાં આ હકીકત જણાવી અને લખ્યું કે, લાંબાં વાહનો માટે પ્રતિબંધ હોવા છતાં ડ્રાઇવરોએ બોર્ડ વાંચ્યું ન હતું અને 2 બસ પહોંચી ગઈ હતી, જેથી રિવર્સ લેવાનો વારો આવ્યો હતો.
ટૂંકમાં, અહીં બ્રિજ બનાવવામાં કોઇ ખામી નથી કે ન બેદરકારી દાખવવામાં આવી છે. એક્સટેન્શન બ્રિજ બનાવાયો જ એટલા માટે છે કે નાનાં વાહનો ત્યાંથી બ્રિજ પર ચડી કે ઊતરી શકે. મોટાં વાહનોએ મુખ્ય બ્રિજનો જ ઉપયોગ કરવાનો હોય છે. બ્રિજનું લોકાર્પણ થોડા કલાકો પહેલાં જ થયું હોવાના કારણે સ્વભાવિક રીતે બસના ચાલકોને પણ ધ્યાન નહીં ગયું હોય અને બસ તે રસ્તે હંકારી હોય, પરંતુ પછીથી ધ્યાને ચડતાં રિવર્સ લઇ લેવામાં આવી હશે.
પરંતુ આ બાબતની ખરાઈ કર્યા વગર કે હકીકત જાણ્યા વગર જ નેતાઓ અને પત્રકારત્વના ઝંડાધારીઓએ ચલાવવા માંડ્યું હતું. જોકે, સોશિયલ મીડિયાના જમાનામાં જેમ અન્ય જુઠ્ઠાણાં વધુ ટકતાં નથી તેમ આ પણ ન ટકી શક્યું.
