શિવસેના (Shivsena-UBT)ના સુપ્રીમો ઉદ્ધવ ઠાકરે ફરી એક વાર ચર્ચામાં છે. વિધાસભા ચૂંટણીઓને (Maharashtra Assembly Elections) લઈને તેઓ વની એર પોર્ટ પર પહોંચ્યા હતા. આ દરમિયાન ચૂંટણી પંચના (Election Commission) અધિકારીઓએ ઉદ્ધવ ઠાકરેનું (Uddhav Thackeray) બેગ અને હેલિકોપ્ટર ચેક કરતા તેમને કઠી ગયું હતું. તેમણે અધિકારીઓનો વિડીયો બનાવીને સોશિયલ મીડિયા પર ફરતો કરી દીધો. સાથે જ તેમણે આરોપ લગાવ્યો કે આયોગ ભેદભાવ કરે છે અને માત્ર વિપક્ષ અને તેની સહયોગી પાર્ટીઓના નેતાઓની જ તપાસ કરવામાં આવે છે.
પ્રાપ્ત માહિતી અનુસાર ઉદ્ધવ ઠાકરે સોમવારે (11 નવેમ્બર 2024) યવતમાલના વની એરપોર્ટ પહોંચ્યા હતા. અહીં જેવું તેમનું હેલિકોપ્ટર લેન્ડ થયું કે ચૂંટણી પંચના અધિકારીઓ તેમની તપાસ કરવા પહોંચ્યા હતા. પોતાની તપાસ થવાની છે તે જાણીને ઉદ્ધવ ઠાકરે અકળાઈ ગયા હતા. તેમણે તપાસ કરના અધિકારીઓના આઈ-કાર્ડ તપાસ્યા અને તેમની ઓળખ પૂછી હતી. ઉદ્ધવે અધિકારીઓને પૂછ્યું હતું કે શું તેમણે ક્યારેય એકનાથ શિંદે, દેવેન્દ્ર ફડણવીસ કે પછી નરેન્દ્ર મોદી કે અમિત શાહના થેલા ચેક કર્યા છે?
મારું યુરીન પોટ જોઇલો… થેલો ખોલો પાછું હું તમને ખોલીશ: ઉદ્ધવ ઠાકરે
પ્રોટોકોલને લઈને પોતાનું નહીં ચાલે તેમ જાણી જતા ઉદ્ધવે અધિકારીઓનો વિડીયો બનાવવાનું શરૂ કરી દીધું હતું. તેમણે તપાસ દરમિયાન અધિકારીઓને કહ્યું કે, “જોઈ લો, મારું બેગ ખોલી દો… પછી હું તમને લોકોને ખોલીશ. મારું યુરીન પોટ પણ ચેક કરી લો.” આ દરમિયાન તેમણે અધિકારીઓને એમ પણ કહ્યું કે તેમને પીએમ મોદી અને ગૃહમંત્રી અમિત શાહના થેલા ચેક કરતો વિડીયો પણ જોઇશે. તેમણે કહ્યું કે, તેઓ આ વિડીયો જાહેર કરી દેશે. “તમે થેલા ખોલો બાદમાં હું તમને ખોલી દઈશ.” એમ પણ કહેતા સંભળાયા.
VIDEO | Shiv Sena (UBT) chief Uddhav Thackeray's bags were checked by election officials after he arrived in Yavatmal via helicopter earlier today.
— Press Trust of India (@PTI_News) November 11, 2024
(Source: Third Party)#MaharahstraElection2024 pic.twitter.com/sMkm0Cffcu
તેમણે ચૂંટણી પંચના અધિકારીને પૂછ્યું કે, “ખાલી અમારા થેલા જ કેમ તપાસી રહ્યા છો? શું મોદી, અમિત શાહ, દેવેન્દ્ર ફડણવીસ કે એકનાથ શિંદેના થેલા તપસ્યા છે ક્યારેય?” તેમના આ સવાલ પર ચૂંટણી પંચના અધિકારીએ કહ્યું કે તેઓ હજુ સુધી ચૂંટણી પ્રચાર માટે નથી આવ્યા, જો તેઓ આવશે તો તેમને પણ તપાસવામાં આવશે તેમ ચૂંટણી પંચના અધિકારીએ ઉદ્ધવ ઠાકરેને જણાવ્યું હતું.
જોકે આટલી ચર્ચાઓ પછી પણ ઠાકરેનો ગુસ્સો શાંત ન થયો. તેમણે અધિકારીને ફરી પાછું કહ્યું કે, “એતો જોઈશું, હું આ વિડીયો જાહેર કરવાનો છું. પરંતુ પછી તમારે પણ મેં કહ્યું એટલા નેતાના થેલા તપાસતો વિડીયો જાહેર કરવો પડશે. તમે મારો થેલો તપાસી શકો છો, હું સહયોગ આપીશ. મારું યુરીન પોટ પણ જોઇલો જો કશું મળે તો.”
શિવસેનાએ (UBT) ચૂંટણી પંચ પર પક્ષપાતના આરોપ લગાવ્યા
બીજી તરફ ઉદ્ધવ ઠાકરે સાથે બનેલી આ ઘટનાને લઈને ઉદ્ધવ ઠાકરેના નેતા સંજય રાઉતે પણ પ્રેસને સંબોધતા ચૂંટણી પાંચ પર પક્ષપાતનો આરોપ લગાવ્યો હતો. રાઉતે કહ્યું કે જો ચૂંટણી પંચ નિષ્પક્ષ રીતે કામ કરતું હોય તો તેમને કે તેમની પાર્ટીને કોઈ જ વાંધો નથી. તેમનો આરોપ છે કે આયોગ માત્ર વિપક્ષ અને તેના સહયોગી દળોને જ ટાર્ગેટ કરી રહ્યું છે. રાઉતે તેમ પણ કહ્યું હતું કે આ પ્રકારની કાર્યવાહી સત્તાપક્ષ સાથે નથી કરવામાં આવતી.
Mumbai, Maharashtra: Shiv Sena (UBT) leader Sanjay Raut, reacts on the bag checking of Uddhav Thackeray, says, "The Election Commission continues to do its work. Whether it's Maharashtra, Jharkhand, Haryana, or Jammu and Kashmir, you check our belongings, our helicopters, private… pic.twitter.com/4pAYyD87Fd
— IANS (@ians_india) November 12, 2024
સંજય રાઉતે મીડિયાને સંબોધતા કહ્યું કે, “ચૂંટણી પંચ પોતાનું કામ ચાલુ રાખી શકે છે. ચાહે મહારાષ્ટ્ર હોય, ઝારખંડ હોય, હરિયાણા હોય કે પછી જમ્મુ-કાશ્મીર હોય, તમે અમારો સામાન, અમારા હેલિકોપ્ટર, અમારા પ્રાઈવેટ જેટ અને ગાડીઓની તપાસ કરી શકો છો. તમે અમારા ઘર સુધી પણ આવી શકો છો, અમને તેનાથી કોઈ જ વાંધો નથી. પરંતુ તમારે નિષ્પક્ષતાથી આ કામ કરવું જોઈએ. તમારે સત્તા પક્ષના હેલિકોપ્ટર, ગાડીઓના કાફલા અને અને થેલા ચેક કરવા જોઈએ.”
