ચૂંટણી વ્યૂહરચનાકાર પ્રશાંત કિશોર કહે છે કે ભારતીય જનતા પાર્ટી આગામી બે થી ત્રણ દાયકાઓ સુધી દેશના રાજકારણમાં વર્ચસ્વ જાળવી રાખશે અને અન્ય પક્ષો માટે તેને ચૂંટણીમાં હરાવવા ખૂબ મુશ્કેલ થઈ પડશે. અંગ્રેજી અખબાર ધ ઈન્ડિયન એક્સપ્રેસ સાથેની ખાસ વાતચીતમાં પ્રશાંત કિશોરે કહ્યું છે કે કોંગ્રેસે બિહારમાંથી શીખવું જોઈએ કે રાજકીય વિરોધીને કેવી રીતે પડકારી શકાય અને વિપક્ષમાં કેવી રીતે રહેવું જોઈએ. તેમનો સંદર્ભ બિહારના મુખ્ય વિરોધ પક્ષ રાષ્ટ્રીય જનતા દળનો હતો.
भाजपा सरकार को लेकर चुनावी रणनीतिकार प्रशांत किशोर की बड़ी भविष्यवाणी#Prashantkishor #BJP #Congress #ModiGovernment #UPA #Punjabkesari pic.twitter.com/bS9TOXPgHh
— Punjab Kesari (@punjabkesari) May 24, 2022
પ્રશાંત કિશોરે કહ્યું, “1977 સિવાય, આઝાદી પછી 1990 સુધી, કોંગ્રેસ પાર્ટી ભારતીય રાજનીતિના કેન્દ્રમાં રહી. તે સમયે પણ આજના જેવું વાતાવરણ હતું. તમારી સાથે હોય કે વિપક્ષમાં, તે સમયે રાજકારણના દરેક દાવપેચ કોંગ્રેસ તરફથી કે વિરુદ્ધ હતા. તે સમયે અન્ય કોઈ પક્ષ પાન ઈન્ડિયા સુધી પહોંચી શક્યો ન હતો. આજના યુગમાં ભાજપે એ પકડ જાળવી રાખી છે.”
તેમણે કહ્યું, “હાલના માહોલને જોતા એવું લાગે છે કે આગામી 20-30 વર્ષ સુધી દેશની રાજનીતિના કેન્દ્રમાં ભાજપ જ રહેશે. રાજકારણ ભલે તેના સમર્થનમાં હોય કે વિરોધમાં, પરંતુ કેન્દ્રમાં ભાજપ જ રહેવાનું છે. વડાપ્રધાન નરેન્દ્ર મોદીએ ભાજપ પક્ષને એવા માર્ગ પર મૂક્યો છે જ્યાં તેને પડકારવું સરળ કામ નથી. રાજકારણમાં સુસંગત રહેવા માટે, વ્યક્તિએ પ્રસિદ્ધિમાં રહેવું જરૂરી છે. પોઝિટિવ હોય કે નેગેટિવ, કોંગ્રેસ આ મામલે પીછેહઠ કરી રહી છે.”
પ્રશાંત કિશોરે કહ્યું કે “1984ના યુગમાં કોંગ્રેસ ચરમસીમા પર હતી, તે સમયે મળેલી જીત ઐતિહાસિક હતી, આ એક મોટી જીત હતી. પરંતુ 1990 પછીના યુગમાં કોંગ્રેસ સંકોચાવા લાગી હતી. પાર્ટી ફરી એકવાર સોનિયા ગાંધીના નેતૃત્વમાં ઊભી થઈ અને અટલ બિહારી વાજપેયી જેવા વ્યક્તિત્વને પડકાર ફેંક્યો હતો. તે પછી યુનાઈટેડ પ્રોગ્રેસિવ એલાયન્સ (યુપીએ) ભારતમાં 10 વર્ષ સુધી સત્તામાં રહ્યું, પરંતુ આ સમયગાળામાં એવું ના ગણી શકાય કે કોંગ્રેસ દરેક જગ્યાએ હતી. તે ગઠબંધનની લાકડીની મદદથી સરકાર બનાવી રહી હતી, પરંતુ કોંગ્રેસની એ છાપ ગાયબ હતી જે 90ના દાયકા પહેલા હતી. ઘણા લોકો એ વાત પર ધ્યાન આપતા નથી કે 1984 પછી કોંગ્રેસે પોતાના દમ પર લોકસભામાં બહુમતી મેળવી નથી.”
પ્રશાંત કિશોર દ્વારા આ દરમિયાન કહેવાયું હતું કે ” ‘જે ઉપર જઈ રહ્યો છે, તે નીચે પણ આવશે’ એવું નથી. તેવું થઈ શકે છે, પરંતુ તે લાંબો સમય લેશે. ભાજપ આવનારા દાયકાઓ સુધી ભારતમાં એક રાજકીય પક્ષ રહેશે, જેને ચૂંટણીમાં હરાવવો ખૂબ મુશ્કેલ થઈ પડશે. એકવાર તમે ભારતમાં એક સ્તર પર 30 ટકાથી વધુ મત મેળવી લીધા પછી, તમે ફક્ત કોઈની ઇચ્છાને કારણે અદૃશ્ય થઈ જશો નહીં. પરંતુ આનો અર્થ એ પણ નથી કે ભાજપ દરેક ચૂંટણી જીતવાનું ચાલુ રાખશે. પરંતુ તે ચોક્કસપણે રાજકારણના કેન્દ્રમાં રહેશે. પછી ભલે તે તેના સમર્થનમાં હોય કે તેની વિરુદ્ધ.”
