જમ્મુ-કાશ્મીરમાં વિધાનસભા ચૂંટણીને લઈને સળવળાટ શરૂ થઈ ગયો છે. તેને જોતા ચૂંટણી પંચે મોટો નિર્ણય લીધો છે. જમ્મુ અને કાશ્મીરના મુખ્ય ચૂંટણી અધિકારી હૃદયેશ કુમારે આદેશ જારી કર્યો છે કે રાજ્યમાં રહેતા બિન-કાશ્મીરી લોકો હવે મતદાર યાદીમાં તેમના નામની નોંધણી કરાવીને પોતાનો મત આપી શકશે. હ્રદેશ કુમારે કહ્યું કે જમ્મુ-કાશ્મીરમાં તૈનાત સશસ્ત્ર દળોના સૈનિકો અને અધિકારીઓ પણ મતદાર યાદીમાં તેમના નામનો સમાવેશ કરીને મતદાન કરી શકશે. આ માટે તેમને રહેઠાણ પ્રમાણપત્રની જરૂર નહીં પડે.
A top electoral body official in Indian-administered Kashmir says people from any part of India "living ordinarily" in the region are eligible to vote in the elections for the local assembly likely to be held next year https://t.co/EQwH5QCtce
— TRT World (@trtworld) August 17, 2022
હૃદયેશ કુમારે કહ્યું કે જમ્મુ-કાશ્મીરમાં આ વખતની વિધાનસભા ચૂંટણીમાં 25 લાખ નવા મતદારોના નામ મતદાર યાદીમાં ઉમેરાય તેવી શક્યતા છે. તેમણે કહ્યું કે કાશ્મીરમાં રહેતા કર્મચારીઓ, વિદ્યાર્થીઓ, સૈનિકો, મજૂરો અને અન્ય કોઈપણ બિન-કાશ્મીરી લોકો પણ મતદાર યાદીમાં તેમના નામ નોંધાવી શકે છે. તેમનું નામ મતદાર યાદીમાં સામેલ કરવા માટે ચૂંટણી પંચે તેમને સ્થાનિક રહેઠાણનું પ્રમાણપત્ર આપવાની જરૂર નથી.
કલમ 370 નાબૂદ થયા બાદ યોજાનાર પહેલી ચૂંટણી
નોંધનીય છે કે જમ્મુ અને કાશ્મીરને વિશેષ દરજ્જો આપતી બંધારણની કલમ 370 નાબૂદ કર્યા પછી, પ્રથમ વખત, રાજ્યમાં મતદાર યાદીનું વિશેષ સંક્ષિપ્ત સંશોધન કરવામાં આવી રહ્યું છે. મુખ્ય ચૂંટણી અધિકારી હૃદયેશ કુમારે 25 નવેમ્બર સુધીમાં મતદાર યાદીના વિશેષ સારાંશ સુધારણાને પૂર્ણ કરવાની ચાલી રહેલી કવાયતને એક પડકારજનક કાર્ય ગણાવ્યું છે.
આ સાથે જ પૂર્વ મુખ્યમંત્રી અને પીડીપી પ્રમુખ મહેબૂબા મુફ્તીએ આ નિર્ણય પર નિશાન સાધ્યું છે. તેમણે કહ્યું કે આ ભાજપને ફાયદો કરાવવાનો પ્રયાસ છે.
સ્થાનિક પક્ષોએ નિર્ણયનો વિરોધ કર્યો
મહેબૂબા મુફ્તીએ કહ્યું કે આ પ્રક્રિયાનો વાસ્તવિક હેતુ સ્થાનિક લોકોને શક્તિહીન બનાવવાનો છે. તેમણે કહ્યું કે જમ્મુ અને કાશ્મીરમાં ચૂંટણી સ્થગિત કરવાનો કેન્દ્ર સરકારનો નિર્ણય પહેલા ભાજપની તરફેણમાં ઝુકાવવાનો હતો અને હવે બિન-કાશ્મીરી લોકો માટે મતદાન કરવાની મંજૂરી આપીને ચૂંટણી પરિણામોને પ્રભાવિત કરવાનો હતો. ખરો ઉદ્દેશ્ય સ્થાનિક લોકોને સત્તાહીન બનાવીને ભાજપને ફાયદો કરાવવાનો છે.
GOIs decision to defer polls in J&K preceded by egregious gerrymandering tilting the balance in BJPs favour & now allowing non locals to vote is obviously to influence election results. Real aim is to continue ruling J&K with an iron fist to disempower locals. https://t.co/zHzqaMseG6
— Mehbooba Mufti (@MehboobaMufti) August 17, 2022
જમ્મુ કાશ્મીરના પૂર્વ મુખ્યમંત્રી ઓમર અબ્દુલ્લાએ પણ ભાજપ પર પ્રહારો કરતા કહ્યું કે, “શું ભાજપ J&Kના સાચા મતદારોના સમર્થનને લઈને એટલી અસુરક્ષિત છે કે તેને બેઠકો જીતવા માટે કામચલાઉ મતદારોને આયાત કરવાની જરૂર છે? જ્યારે J&Kના લોકોને તેમના મતાધિકારનો ઉપયોગ કરવાની તક આપવામાં આવશે ત્યારે આમાંથી કોઈ પણ વસ્તુ ભાજપને મદદ કરશે નહીં.”
Is the BJP so insecure about support from genuine voters of J&K that it needs to import temporary voters to win seats? None of these things will help the BJP when the people of J&K are given a chance to exercise their franchise. https://t.co/ZayxjHiaQy
— Omar Abdullah (@OmarAbdullah) August 17, 2022
નોંધનીય છે કે આ માત્ર જમ્મુ કાશ્મીરને સમગ્ર ભારત સાથે સામાન્ય પ્રવાહમાં લાવવાનો એક પ્રયાસ છે. આ અધિકાર ભારતના દરેક રાજ્યમાં વસતા બિન-સ્થાનિક લોકોને દાયકાઓથી મળેલો જ છે.
