Tuesday, April 16, 2024
More
    હોમપેજન્યૂઝ રિપોર્ટફોઈ શબાના સાથે આડા સબંધ ધરાવતા ભત્રીજા શાહરૂખે ફુવા નઇમને પહેલા દારૂ...

    ફોઈ શબાના સાથે આડા સબંધ ધરાવતા ભત્રીજા શાહરૂખે ફુવા નઇમને પહેલા દારૂ પીવડાવ્યો, પછી ઈંટ વડે માર મારીને કાસળ કાઢ્યું: UPના ફિરોઝાબાદની ઘટના

    ફિરોઝાબાદમાં ફોઈ અને ભત્રીજા વચ્ચે પ્રેમ ખીલ્યો. મહિલાનો પતિ ગેરકાયદે સંબંધોમાં અવરોધ બની રહ્યો હતો. આના પર મહિલાએ તેના પ્રેમી (ભત્રીજા) સાથે મળીને તેના પતિની હત્યા કરી નાખી. પોલીસે પ્રેમીની ધરપકડ કરી છે. પોલીસ આરોપી મહિલાને શોધી રહી છે.

    - Advertisement -

    1 જાન્યુઆરીના રોજ ઉત્તરપ્રદેશના ફિરોઝાબાદ જિલ્લાના એક ખાલી પ્લોટમાં લાશ પડેલી મળી આવી હતી. માહિતી મળતાં પોલીસે મૃતદેહનો કબજો લઈ પોસ્ટમોર્ટમ માટે મોકલી આપ્યો હતો. આ બાબતે તપાસ કરી રહ્યા હતા. તપાસ દરમિયાન ફોઈ સાથે આડાસંબંધમાં એક વ્યક્તિની હત્યાનો મામલો સામે આવ્યો હતો. જે બાદ પોલીસે એક આરોપીની ધરપકડ કરી હતી. અન્યની શોધ ચાલુ છે.

    એસપી ગ્રામીણ રણવિજય સિંહે જણાવ્યું કે 1 જાન્યુઆરીએ બપોરે મલિખાનપુર રોડ નજીક પવન ભટ્ટા પાસેના પ્લોટમાંથી એક મૃતદેહ મળી આવ્યો હતો. તેની ઓળખ પાવર હાઉસની પાછળ, મોહલ્લા શીશગર, મદૈયા, પોલીસ સ્ટેશન-સિકંદરરૌ, જિલ્લા હાથરસના રહેવાસી નઈમ (40) તરીકે થઈ હતી. હાલમાં તે તેની પત્ની સાથે શિકોહાબાદના શંકરપુરી મોહલ્લામાં રહેતો હતો. મૃતકની બહેન સાયરા ખાતૂને હત્યાની ફરિયાદ નોંધાવી હતી. એસએસપી આશિષ તિવારીએ તપાસ માટે બે ટીમોની રચના કરી અને ઘટનાનો ખુલાસો કરવા સૂચના આપી હતી.

    ઈન્ચાર્જ ઈન્સ્પેક્ટર હરવેન્દ્રકુમાર મિશ્રાએ તપાસ કરી હતી. પહેલા ખૂનીની ઓળખ કરવામાં આવી હતી અને તેની સામે દસ હજાર રૂપિયાનું ઈનામ જાહેર કર્યું હતું. સંયુક્ત કાર્યવાહી કરીને, પોલીસ સ્ટેશન અને સર્વેલન્સ ટીમે શનિવારે દસ હજારનું ઈનામ ધરાવતા હત્યારાની ધરપકડ કરી હતી. એસપીએ પોલીસ અને સર્વેલન્સ ટીમને ઘટનાના ઝડપી તપાસ માટે પ્રશસ્થિપત્રો આપીને પ્રોત્સાહિત કર્યા હતા.

    - Advertisement -

    ભત્રીજા શાહરૂખે ફુવા નઇમને મારતા પહેલા દારૂ પીવડાવ્યો હતો

    આરોપી શાહરૂખે પૂછપરછ દરમિયાન જણાવ્યું કે નઈમને દારૂની લત હતી. તે કાચો દારૂ પીતો હતો. ઘરે આવ્યા બાદ તે તેની પત્ની હસનેરા ઉર્ફે શબાનાને મારતો હતો. સંબંધમાં શાહરૂખ શબાનાનો ભત્રીજો લાગે છે. તેને નઇમના ઘરે આવવા-જવાનું થતું હતું. છેલ્લા બે મહિનાથી તેનો શબાના સાથે સંબંધ હતો. પતિના ત્રાસથી પરેશાન શબાના તેની સાથે રહેવા માંગતી હતી. એટલા માટે તે તેના પતિને વચ્ચેથી દૂર કરવા માંગતી હતી. ફોઈ સાથે આડાસંબંધમાં શાહરુખ એટલો લિપ્ત હતો કે તેણે આ માટે તૈયારી પણ બતાવી હતી.

    આરોપી શાહરૂખે આગળ જણાવ્યું કે 1 જાન્યુઆરીએ શબાનાએ તેને 200 રૂપિયા આપ્યા અને બે કોટર દારૂ લાવવા કહ્યું. તે નઈમને પોતાની સાથે મલીખાનપુરના ભઠ્ઠામાં લઈ ગયો. અહીં તેણે પહેલા તેને બે કોટર દારૂ પીવડાવ્યો. જ્યારે તે બેભાન થઈ ગયો ત્યારે તેણે ત્યાં પડેલો એક ભારે પથ્થર ઉપાડ્યો અને તેના માથા પર માર્યો. જે બાદ તેનું મૃત્યુ થયું હતું. આ પછી તે ઘરે પહોંચ્યો અને શબાનાને સાથે લઈને ઘટનાસ્થળે આવ્યો જ્યાં બંનેએ ફરીથી નઇમને ઈંટ વડે માર્યો. આ પછી બંને ભાગી ગયા હતા. નોંધનીય છે કે શબાના અને નઈમને છ બાળકો છે.

    શરૂઆતથી જ હત્યાનો ભેદ ઉકેલવામાં વ્યસ્ત પોલીસના નિશાના પર નઇમની પત્ની હતી. પોલીસે શબાનાનો મોબાઈલ સર્વેલન્સ પર રાખ્યો હતો. આ હત્યામાં નઇમની પત્નીની સંડોવણી હોવાનું કોલ ડિટેઇલ્સમાં બહાર આવ્યું હતું.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં