‘ભારત જોડો યાત્રા’ લઈને નીકળેલા રાહુલ ગાંધીએ આજે ફરી ગોટાળો વાળ્યો છે. એક પ્રેસ કોન્ફરન્સમાં રાહુલ ગાંધીએ તેમની યાત્રાને જાણ્યે-અજાણ્યે દ્રૌપદીના સ્વયંવર સાથે જોડી દીધી હતી. તેમણે અર્જુનનું ઉદાહરણ તો આપ્યું, પરંતુ એ અડધું ખોટું હતું.
કોંગ્રેસે સ્વયં પોતાના અધિકારીક ટ્વિટર અકાઉન્ટ પરથી રાહુલ ગાંધીનો આ વિડીયો શૅર કર્યો હતો. પાર્ટીએ સાથે રાહુલ ગાંધીના કથનને ટાંક્યું હતું જેમાં રાહુલે કહ્યું હતું કે અર્જુન માછલીની આંખ પર નિશાન લગાવી રહ્યા હતા ત્યારે તેમણે એ નહતું કહ્યું કે નિશાન લગાવ્યા પછી તેઓ શું કરશે.
गीता में कहा गया है – ‘कर्म करो, फल की चिंता न करो’
— Congress (@INCIndia) January 8, 2023
जब अर्जुन मछली की आंख पर निशाना लगा रहे थे तो उन्होंने ये नहीं कहा कि निशाना लगाने के बाद वो क्या करेंगे।
: @RahulGandhi जी pic.twitter.com/4tdmXFvFbz
રાહુલ ગાંધીએ કહ્યું હતું કે, “જ્યારે અર્જુન માછલીની આંખમાં તીર મારી રહ્યો હતો ત્યારે તેણે કહ્યું હતું કે, તીર માર્યા પછી તે શું કરશે? કહ્યું હતું? નહતું કહ્યું ને? આ વાર્તાનો અર્થ ગીતામાં પણ છે. તમે કામ કરો, જે થવું હશે તે થશે. ધ્યાન કામ પર આપો. યાત્રાનો પણ એ જ વિચાર છે. તમારો (પત્રકારનો) સવાલો સારો છે. યાત્રા પછી એક બીજું કામ થશે, પછી કદાચ એક બીજું કામ થશે. પછી તમને જવાબ મળી જશે.”
પત્રકારના સવાલનો જવાબ સીધી રીતે ન આપીને હિંદુ શાસ્ત્રો પરથી આપવા જતાં રાહુલ ગાંધીએ ગડબડ કરી નાંખી હતી. વાસ્તવમાં, અર્જુન પાંચાલ નરેશ દ્રુપદની પુત્રી દ્રૌપદીના સ્વયંવર માટે ગયા હતા અને જ્યાં તેમણે માછલીની આંખ વીંધી હતી. અર્જુને માછલીની આંખ વીંધી તો તે પાછળ એક ચોક્કસ મકસદ હતો, તેમને તેમનું લક્ષ્ય પહેલેથી ખબર હતું.
રાહુલ ગાંધીનું આ ‘જ્ઞાન’ ટ્વિટર યુઝરોને પણ પચ્યું ન હતું અને તેમાંથી કેટલાકે તેમની મજાક ઉડાવી તો કેટલાકે સાચી સમજ આપી હતી.
જતન આચાર્યે લખ્યું કે, હિંદુ બનવાના પ્રયાસો કરતા રાહુલ ગાંધીને કોઈએ સમજાવવું જોઈએ કે અર્જુને કેમ માછલીની આંખ વીંધી હતી. સાથે તેમણે એમ પણ લખ્યું કે, માત્ર હિંદુ ગ્રંથોના પાત્રોનો ઉલ્લેખ કરવાથી કોઈ હિંદુ નથી બની જતું.
हिन्दु बनने कोशिश कर रहे इस बंदे को कोई बताओ कि द्रौपदी के स्वयंवर में दौपदी से विवाह करने की योग्यता पाने के लिए अर्जुन ने मछली की आंख पर निशाना लगाया था।
— Jatan Acharya (@jatanacharya) January 8, 2023
केवल हिन्दु ग्रंथो के पात्रों का उल्लेख कर लेने से कोई हिन्दु नहीं बन जाता।
🙄
એક યુઝરે કહ્યું કે, ઓછામાં ઓછું કોઈ પ્રસંગનો સાચો અર્થ તો કાઢવો જ જોઈએ.
मूर्ख कम से कम किसी प्रसंग का अर्थ तो सही निकालो।
— Mad Monk (@SarcasticSadhu) January 8, 2023
દર્શન પાઠકે રમૂજ કરતાં લખ્યું કે, રાહુલ ગાંધીની મનોરંજક ક્લિપ્સ વગર તેમનું વિક-એન્ડ અધૂરું લાગે છે.
The weekend isn’t complete without his entertaining clips.🍿🍿 https://t.co/QlFqkjS0o7
— Darshan Pathak (@darshanpathak) January 8, 2023
અન્ય પણ કેટલાક યુઝરે સમજાવ્યું હતું કે શા માટે અર્જુને માછલીની આંખ વીંધી હતી.
पप्पू को कोई बताओ, अर्जुन ने मछली पर निशाना स्वयंवर जीतने के लिए लगाया था
— Social Tamasha (@SocialTamasha) January 8, 2023
मतलब लक्ष्य पहले से पता था https://t.co/pQu4xjfp4K pic.twitter.com/dZH6FwWdCB
જ્યારથી રાહુલ ગાંધીની આગેવાનીમાં ‘ભારત જોડો યાત્રા’ શરૂ થઇ છે ત્યારથી આખી કોંગ્રેસ ઇકોસિસ્ટમ રાહુલની છબી સુધારવા માટે અને તેમને 2024ની લોકસભા ચૂંટણીમાં પીએમ પદના ઉમેદવાર બનાવવા માટે પ્રયાસો કરી રહી છે. પરંતુ કોઈકને કોઈક રીતે રાહુલ ગાંધી આવી ગડબડો કરીને આ મહેનત ઉપર પાણી ફેરવી મૂકે છે.
