રવિવારે (19 નવેમ્બર) અમદાવાદના નરેન્દ્ર મોદી સ્ટેડિયમમાં ભારત અને ઑસ્ટ્રેલિયા વચ્ચે રમાયેલી વિશ્વ કપની ફાઈનલ મેચમાં ભારતીય ટીમ ઈતિહાસ રચવાથી એક ડગલું ચૂકી ગઈ. ઑસ્ટ્રેલિયાએ સરળતાથી મેચ જીતી લઈને સતત છઠ્ઠી વખત કપ જીત્યો. આ મેચ જોવા માટે વડાપ્રધાન નરેન્દ્ર મોદી પણ આવ્યા હતા. તેમની સાથે ઑસ્ટ્રેલિયાના પીએમ રિચાર્ડ માર્લ્સ પણ ઉપસ્થિત રહ્યા. મેચ પૂર્ણ થયા બાદ બંને નેતાઓએ વિજેતા ટીમના કેપ્ટનને ટ્રોફી એનાયત કરી હતી.
હવે જાણવા મળ્યું કે મેચ પૂર્ણ થયા બાદ પીએમ મોદીએ ડ્રેસિંગ રૂમની પણ મુલાકાત લીધી હતી અને ભારતીય ટીમના ખેલાડીઓને મળ્યા હતા. ઓલ-રાઉન્ડર રવિન્દ્ર જાડેજા અને સ્ટાર બોલર મોહમ્મદ શમીએ વડાપ્રધાનની આ મુલાકાત વખતેની તસવીર પોસ્ટ કરી છે.
જાડેજાએ પોસ્ટ કરેલી તસવીરમાં પીએમ મોદી ડ્રેસિંગ રૂમમાં ખેલાડીઓને મળતા જોવા મળે છે. રવિન્દ્ર જાડેજા તેમની સાથે હાથ મિલાવતા દેખાય છે, જ્યારે શુભમન ગિલ અને મોહમ્મદ શમી પણ ફ્રેમમાં જોવા મળે છે.
We had a great tournament but we ended up short yesterday. We are all heartbroken but the support of our people is keeping us going. PM @narendramodi’s visit to the dressing room yesterday was special and very motivating. pic.twitter.com/q0la2X5wfU
— Ravindrasinh jadeja (@imjadeja) November 20, 2023
પીએમ મોદીએ ડ્રેસિંગ રૂમની મુલાકાત લીધી તે સમયની તસવીર પોસ્ટ કરીને રવિન્દ્ર જાડેજાએ લખ્યું કે, અમારા માટે સંપૂર્ણ ટુર્નામેન્ટ ઘણી સારી રહી પણ ગઈકાલે અમે ચૂકી ગયા. અમે બધા જ દુઃખી છીએ પરંતુ લોકોનું સમર્થન અમને આગળ વધારતું રહેશે. વડાપ્રધાન નરેન્દ્ર મોદીની ડ્રેસિંગ રૂમની મુલાકાત વિશેષ અને પ્રેરણા આપનારી હતી.
મોહમ્મદ શમીએ પીએમ મોદી સાથેની તસવીર પોસ્ટ કરીને લખ્યું કે, કમનસીબે ગઈકાલનો દિવસ આપણો ન હતો. આ સમગ્ર ટૂર્નામેન્ટ દરમિયાન મને અને ટીમને સમર્થન આપવા બદલ તમામ ભારતીયોનો આભાર વ્યક્ત કરું છું. ખાસ કરીને વડાપ્રધાન નરેન્દ્ર મોદીનો આભારી છું જેઓ ખાસ ડ્રેસિંગ રૂમમાં આવ્યા અને અમારું મનોબળ વધાર્યું.
Unfortunately yesterday was not our day. I would like to thank all Indians for supporting our team and me throughout the tournament. Thankful to PM @narendramodi for specially coming to the dressing room and raising our spirits. We will bounce back! pic.twitter.com/Aev27mzni5
— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) November 20, 2023
ઉલ્લેખનીય છે કે મેચ પૂર્ણ થયા બાદ કરોડો દર્શકોની જેમ ભારતીય ખેલાડીઓ પણ નારાજ થઈ ગયા હતા અને કેમેરાની સામે આંસુ રોકી શક્યા ન હતા. કેપ્ટન રોહિત શર્મા ભીની આંખે સ્ટેડિયમમાંથી ડ્રેસિંગ રૂમ તરફ જતા જોવા મળ્યા તો વિરાટ કોહલીના પણ ફોટા સોશિયલ મીડિયા પર ફરી રહ્યા છે.
મેચ બાદ પ્રેસ કોન્ફરન્સમાં હેડ કોચ રાહુલ દ્રવિડે કહ્યું હતું કે, ડ્રેસિંગ રૂમમાં નારાજગી ફરી વળી હતી અને માહોલ ગમગીન હતો. દ્રવિડે ઉમેર્યું કે, “એક કોચ તરીકે આ બધું જોવું મારા માટે કઠીન હતું કારણ કે મને ખબર છે કે આ ખેલાડીઓએ કેટલી મહેનત કરી હતી અને કેટલો સંઘર્ષ કર્યો હતો. હું તેમને વ્યક્તિગત રીતે ઓળખું છું, તેમણે કરેલા પ્રયાસો અને મહેનત જોઈ છે, છેલ્લા એક મહિનામાં જે પ્રકારની ક્રિકેટ તેઓ રમ્યા છે તેને નજીકથી જોઈ છે. આ જ રમત છે…તેમાં બધું જ થઈ શકે છે અને આખરે સારી ટીમ જીતી જાય છે.
Dear Team India,
— Narendra Modi (@narendramodi) November 19, 2023
Your talent and determination through the World Cup was noteworthy. You've played with great spirit and brought immense pride to the nation.
We stand with you today and always.
પીએમ મોદીએ પણ મેચ પૂર્ણ થયા બાદ ટ્વિટ કરીને ખેલાડીઓને સાંત્વના આપી હતી. તેમણે લખ્યું હતું કે, “સમગ્ર વર્લ્ડ કપ દરમિયાન તમારું સમર્પણ અને કૌશલ્ય ઉલ્લેખનીય રહ્યું. તમે ઝનૂન સાથે રમ્યા અને દેશને ખૂબ ગૌરવ અપાવ્યું છે. અમે આજે પણ તમારી સાથે છીએ અને ભવિષ્યમાં પણ રહીશું.”
