Thursday, July 18, 2024
More
    હોમપેજદેશગઠબંધનનું નામ 'INDIA' રાખવા પર વિરોધ પક્ષો મુશ્કેલીમાં: 26 પક્ષો વિરુદ્ધ દિલ્હી...

    ગઠબંધનનું નામ ‘INDIA’ રાખવા પર વિરોધ પક્ષો મુશ્કેલીમાં: 26 પક્ષો વિરુદ્ધ દિલ્હી પોલીસમાં ફરિયાદ દાખલ, જાણો કયા કાયદાને ટાંકીને નોંધાયો ગુનો અને શું થઇ શકે સજા

    આ ફરિયાદમાં ઉપરોક્ત કાયદાનો મુદ્દો નંબર 6 ટાંકવામાં આવ્યો છે, જેમાં એવું લખવામાં આવ્યું છે કે પ્રજાસત્તાક અથવા ભારતીય સંઘના નામ, ચિહ્ન અથવા સીલનો ઉપયોગ નોંધણી કરી શકાતી નથી.

    - Advertisement -

    વિપક્ષી એકતાની બેઠકમાં ગઠબંધનને ‘INDIA’ નામ આપવા સામે દિલ્હી પોલીસમાં 26 રાજકીય પક્ષો વિરુદ્ધ ફરિયાદ દાખલ કરવામાં આવી છે. આ અંગે બારાખંબા પોલીસ સ્ટેશનમાં ફરિયાદ નોંધાઈ છે. આ ફરિયાદમાં કહેવામાં આવ્યું છે કે ગઠબંધનનું નામ ‘INDIA’ રાખવું એ ‘ધી એમબ્લેમ્સ એન્ડ નેમ્સ (PREVENTION OF IMPROPER USE) એક્ટ, 1950’નું ઉલ્લંઘન છે. આ ફરિયાદ બાદ આ નામને લઈને વિવાદ વધી ગયો છે.

    આ તમામ 26 પક્ષોના નામ પણ આ ફરિયાદમાં લખવામાં આવ્યા છે જે બેંગલુરુમાં યોજાયેલી બેઠકનો ભાગ હતા. સાથે જ તેના પર દેશના નામનો દુરુપયોગ કરવાનો પણ આરોપ છે. ગઠબંધનની ટેગલાઈન ‘જીતેગા ભારત’ રાખવામાં આવી છે. 26 વર્ષીય અવનીશ મિશ્રાએ આ ફરિયાદ નોંધાવી છે. તેઓ દિલ્હીના જ રહેવાસી છે. તેમણે ગઠબંધનને ટાંકીને આ ફરિયાદ કરીને કહ્યું છે કે વિપક્ષોએ ચૂંટણીની રાજનીતિ માટે દેશના નામનો (INDIA) દુરુપયોગ કર્યો છે.

    આ ફરિયાદમાં ઉપરોક્ત કાયદાનો મુદ્દો નંબર 6 ટાંકવામાં આવ્યો છે, જેમાં એવું લખવામાં આવ્યું છે કે પ્રજાસત્તાક અથવા ભારતીય સંઘના નામ, ચિહ્ન અથવા સીલનો ઉપયોગ નોંધણી કરી શકાતી નથી. આ વિરોધ પક્ષો સામે કાયદાની કલમ 5 હેઠળ કાર્યવાહી કરવાની માંગ કરવામાં આવી છે. ઉલ્લેખનીય છે કે જો વિરોધ પક્ષો આ કાયદા હેઠળ દોષી સાબિત થાય છે, તો તેમને 500 રૂપિયાનો દંડ થઈ શકે છે અને તેઓ આ નામનો ઉપયોગ પણ કરી શકશે નહીં.

    - Advertisement -

    નોંધનીય છે કે મહારાષ્ટ્ર બીજેપીના સોશિયલ મીડિયા હેડ અને એડવોકેટ આશુતોષ દુબેએ પણ ભારતના ચૂંટણી પંચને પત્ર લખ્યો છે. આ પત્રમાં તેમણે INDIA (ઇન્ડિયા) નામનો રાજકીય લાભ માટે ઉપયોગ કરવાનો આરોપ લગાવ્યો છે. સાથે જ આના પર વાંધો વ્યક્ત કરીને તેને રોકવાની માંગ કરી છે. મંગળવાર (18 જુલાઈ, 2023)ના રોજ લખાયેલા આ પત્રમાં આશુતોષ દુબેએ UPA (સંયુક્ત પ્રગતિશીલ ગઠબંધન)ની 2024ની લોકસભા ચૂંટણીની તૈયારીઓની પદ્ધતિને વાંધાજનક ગણાવી છે.

    - Advertisement -
    Join OpIndia's official WhatsApp channel

    સંબંધિત લેખો

    - Advertisement -

    તાજા સમાચાર

    ચૂકશો નહીં