આમ આદમી પાર્ટીએ ગુજરાતમાં સીએમ ચહેરા તરીકે પત્રકારમાંથી નેતા બનેલા ઈસુદાન ગઢવીનું નામ જાહેર કર્યું છે. આજે ફરી ગુજરાત આવેલા ‘આપ’ સંયોજક અરવિંદ કેજરીવાલે દાવો કર્યો કે, તેમણે માંગેલા અભિપ્રાયમાં 16.48 લાખ લોકોએ મત આપ્યા હતા, અને તેમાંથી 73 ટકા લોકોએ ઈસુદાન ગઢવી પર પસંદગી ઉતારી. જોકે, તેમણે આ આંકડા કે રિપોર્ટ સાર્વજનિક કર્યા નથી.
ઈસુદાન ગઢવીને આમ આદમી પાર્ટીએ ગુજરાતમાં સીએમ ચહેરો બનાવ્યા બાદ સોશિયલ મીડિયા પર હાલ તેમની જ ચર્ચા ચાલી રહી છે. ઘણા કહી રહ્યા છે કે ગોપાલ ઇટાલિયા ઈસુદાન ગઢવી કરતાં પહેલાં પાર્ટીમાં આવ્યા છતાં તેમને હાંસિયામાં ધકેલી દેવામાં આવ્યા. કોઈકે ઈસુદાન ગઢવીને બીજા ભગવંત માન પણ ગણાવ્યા હતા.
દરમ્યાન, ગોપાલ ઈટાલિયાનો આજનો જ એક વિડીયો સોશિયલ મીડિયા પર ફરી રહ્યો છે, જેમાં તેઓ તેમના હૃદયની ‘વેદના’ કહી રહ્યા છે. વિડીયોમાં ગોપાલ કહેતા સંભળાય છે કે, “એવું નથી કે આજે ઈસુદાન ભાઈને જનતાએ પસંદ કર્યા છે એટલે વખાણ કરી રહ્યા છીએ. આજે મારા દિલની આ વેદના…..’ ત્યારબાદ તેઓ અટકે છે અને સુધારીને ‘મારા દિલની લાગણી છે’ તેમ કહે છે. આ વિડીયો લોકો શૅર કરીને પૂછી રહ્યા છે કે શું તેમના હૈયે હતું અને હોઠે આવ્યું તેમ થયું હતું?
We can understand the pain of Gopal Italia🥲
— Vijay Patel🇮🇳 (@vijaygajera) November 4, 2022
pic.twitter.com/LUfPymfiiz
રોનિત બારોટે ઈસુદાન ગઢવીએ ગોપાલ ઇટાલિયાએ તૈયાર કરેલી થાળી લઈ લીધી હોવાનો મત રજૂ કર્યો હતો. તેમણે લખ્યું કે, ગોપાલ ઇટાલિયાની મહેનત, જેલવાસ બધું એળે ગયું અને તેમને સીએમ ચહેરો બનવાની તક ન મળી.
ગોપાલે તૈયાર કરેલી થાળીમાં ઇસુદાન બેઠા..
— Ronit Barot (@ronit_barot) November 4, 2022
ગોપાલની મહેનત ,જેલવાસ,કેસ ,બધું જ એળે ગયું.
‘AAP Gujarat’ નામના એક અકાઉન્ટ પરથી લખવામાં આવ્યું કે, ગુજરાતમાં જ્યારે આમ આદમી પાર્ટીનું નામનિશાન ન હતું ત્યારથી ગોપાલ ઇટાલિયાએ મહેનત કરી, પોલીસનો માર ખાઈ, જેલમાં પણ ગયા હતા પરંતુ પછીથી આવેલા ઈસુદાન ગઢવીને સીએમ ચહેરો ઘોષિત કરવામાં આવ્યા. તેમણે એમ પણ કહ્યું કે, ગોપાલ ઇટાલિયા અને પટેલ સમાજનું આ પ્રકારનું અપમાન ચલાવી લેવામાં આવવું જોઈએ નહીં.
ગુજરાતમાં "આપ"નું ચકલું પણ ફરકતું ન'તુ ત્યાથી
— AAP Gujarat (@18Kishann) November 4, 2022
ગોપાલ ઇટાલિયા મેહનત કરતા હતા. કેટલીય વખત પોલીસનો માર ખાધો છે અને જેલ ગયા છે. તો પણ આજકાલના આવેલા ઈશુદાનને મુખ્યમંત્રીના ચેહરા તરીકે ઘોષિત કર્ય.
ગોપાલ ઇટાલિયા અને પટેલ સમાજનું આ હળહળતું અપમાન સહી લેવામાં નહી આવે.
અન્ય એક યુઝરે પણ આ જ મુદ્દો ઉઠાવીને આમ આદમી પાર્ટીને ‘પાટીદારોની વિરોધી’ ગણાવી હતી.
ગોપાલ ઈટાલીયા એ રાત દિવસ મહેનત કરી!
— હસતો બાળક! 😂😂 (@moksha2k6) November 4, 2022
ગાળો બોલીને ગાળો ખાધી!
જેલમાં ગયો!
CM બનવાની વાત આવી તો
ઇટાલીયાને sideline કરી દીધો.
😡😡😡😡
પાટીદાર વિરોધી AAP. https://t.co/4yHUL1Znhx
આ ઉપરાંત, સોશિયલ મીડિયા ઉપર ઘણા યુઝરો ‘કચ્છના રણ’ વિશે પણ વાત કરી રહ્યા છે. જેનું કારણ એ છે કે ભૂતકાળમાં આમ આદમી પાર્ટીમાં જોડાયા બાદ ઈસુદાન ગઢવી એક ડાયરામાં ગયા હતા, જ્યાં ભાષણ કરતી વખતે તેમણે કહ્યું હતું કે, તેમની ઈચ્છા છે કે કચ્છમાં એક મોટું રણ બનાવવામાં આવે. તેમનો આ વિડીયો તે સમયે પણ ઘણો વાયરલ થયો હતો અને હવે લોકો ફરી મજા લઇ રહ્યા છે.
ઈશુદાન ગઢવી આપ પાર્ટીના સી.એમ કેન્ડિડેટ
— Manisha Desai (@vyaramanisha) November 4, 2022
હવૅ ચોક્કસ થી કચ્છમાં મોટું રણ બનશે, અને એમા રેવડી ની ખેતી પણ થાય તો નવાઈ નહીં…
એક યુઝરે કટાક્ષ કરતાં રમૂજી કૉમેન્ટ કરીને લખ્યું કે, ઈસુદાન ગઢવી સીએમ બની જાય તો તેમણે કચ્છમાં રણ ઉપરાંત, દીવમાં દરિયો અને સાથે જૂનાગઢમાં ગિરનાર પણ બનાવી આપવો જોઈએ.
@IsudanGadhvi જો તમે cm બની જાવ તો કચ્છ માં તો રણ બનાવવાનાજ સવો તો દીવ માં દરિયો અને લગે હાથ જૂનાગઢ માં ગિરનાર પણ બનાવી આપજો😂😂
— Vikaramsinh jadeja (@Vikaramsinh2) November 4, 2022
અમુક યુઝરો એવી પણ આશંકા વ્યક્ત કરી રહ્યા છે કે ટૂંક સમયમાં ઈસુદાન ગઢવી તેમને ભારતીય જનતા પાર્ટી દ્વારા ઓફર મળતી હોવાના દાવા કરશે.
હવે ટૂંક સમયમાં ઈસુદાન ભાઈ દ્વારા એવી ખબર આવશે કે બીજેપી મને ખરીદવાની ઓફર આપે છે…🤣😜
— Hitesh Shiyal (@Hits136) November 4, 2022
કેટલાક યુઝરોએ આમ આદમી પાર્ટીના 16 લાખ લોકોએ સરવેમાં ભાગ લીધો હોવાના દાવા સામે પણ સવાલ ઉઠાવ્યા હતા અને તેની સાબિતી માંગી હતી.
શું સાબિતી કે 16.48 લાખ લોકો એ સર્વે માં ભાગ લીધો???
— Dr.Sanket Mehta (@DrSanketMehta1) November 4, 2022
અલ્યા માપ માં ફેંકો આટલા તો તમારા કાર્યકર્તા એ નહિ હોય..@AAPGujarat pic.twitter.com/OhSGqgNZ74
