Friday, December 2, 2022
More
    હોમપેજન્યૂઝ રિપોર્ટઇડીની મોટી કાર્યવાહી, Xiaomi ના પાંચ હજાર કરોડ રૂપિયા જપ્ત : રોયલ્ટીના...

    ઇડીની મોટી કાર્યવાહી, Xiaomi ના પાંચ હજાર કરોડ રૂપિયા જપ્ત : રોયલ્ટીના નામે ચીનને ફાયદો પહોંચાડવાનો આરોપ

    EDએ આરોપ લગાવ્યો છે કે વિદેશમાં પૈસા મોકલવા અંગે બેંકોને પણ ખોટી માહિતી આપવામાં આવી હતી.

    - Advertisement -

    પ્રવર્તન નિદેશાલયે (ED) ચીની સ્માર્ટફોન કંપની શાઓમી વિરુદ્ધ મોટી કાર્યવાહી કરી છે. ઈડીએ ચીની કંપની સબંધિત બેંક ખાતાઓમાં જમા કરવામાં આવેલ પાંચ હજાર કરોડથી વધુ રકમ જપ્ત કરી છે. Xiaomi વિરુદ્ધ ઇડીની કાર્યવાહી વિદેશી પ્રબંધન અધિનિયમ 1999 હેઠળ કરવામાં આવી છે.

    ઇડીએ આ મામલે ફેબ્રુઆરીમાં તપાસ શરૂ કરી હતી. જે શાઓમી ટેકનોલોજી ઇન્ડિયા પ્રાઈવેટ લિમિટેડ દ્વારા કરવામાં આવેલ ગેરકાયદે લેવડદેવડ સબંધિત હતી. જે બાદ આ મહિનાની શરૂઆતમાં જાણકારી મળી હતી કે એજન્સીએ તપાસ માટે કંપનીના એક પૂર્વ ભારતીય પ્રમુખને પણ બોલાવ્યા હતા.

    બીજી તરફ, Xiaomi વિરુદ્ધ ઇડીની કાર્યવાહી બાદ કંપનીએ બચાવ કર્યો છે. કંપનીનું કહેવું છે કે તેઓ તમામ ભારતીય કાયદાઓનું પાલન કરે છે અને તમામ નિયમો પણ સંપૂર્ણપણે પાળે છે. કંપનીએ કહ્યું, અધિકારીઓને તમામ જાણકારીઓ મળી શકે તે માટે અમે તમામ શક્ય મદદ કરી રહ્યા છીએ.

    - Advertisement -

    ઉલ્લેખનીય છે કે Xiaomi કંપનીનો ભારતીય સ્માર્ટ ફોન માર્કેટમાં 24 ટકા હિસ્સો છે. 2021 માં આ કંપનીના ફોન ભારતમાં સૌથી વધુ વેચાતા ફોનમાંના એક હતા. કંપનીએ વર્ષ 2014માં ભારતમાં પોતાની સ્થાપના કરી હતી અને વર્ષ 2015થી પૈસાની લેવડદેવડ શરૂ કરી હતી. રિપોર્ટ અનુસાર, કંપનીએ આ સમયગાળા દરમિયાન Xiaomiના એક જૂથ એકમ સહિત ત્રણ વિદેશી આધારિત સંસ્થાઓને રૂ. 5551.27 કરોડનું વિદેશી હૂંડિયામણ મોકલ્યું હતું. આ ઉપરાંત અન્ય બે યુએસ સંસ્થાઓ પણ સામેલ છે.

    EDએ તેના નિવેદનમાં જણાવ્યું હતું કે Xiaomi India Mobile એ પોતાના ફોનના ઉત્પાદન અને વિતરણ સુધીની જવાબદારી પોતે જ સંભાળી હતી અને તેમણે આ ત્રણ વિદેશી કંપનીઓ પાસેથી ક્યારેય કોઈ સેવા લીધી નથી. પરંતુ કોઈ પણ પ્રકારની સેવા ન કરવા છતાં આ કંપનીઓને ચૂકવણી કરવાનું ચાલુ રાખ્યું. કંપનીએ રોયલ્ટીના નામે વિદેશી સંસ્થાઓને આટલી મોટી રકમ મોકલી, જે ફેમાની કલમ 4નું સીધું ઉલ્લંઘન છે. EDએ આરોપ લગાવ્યો છે કે વિદેશમાં પૈસા મોકલવા અંગે બેંકોને પણ ખોટી માહિતી આપવામાં આવી હતી.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં