12 જૂનના રોજ અમદાવાદના મેઘાણીનગર ખાતે થયેલ પ્લેન ક્રેશ (Ahmedabad Plane Crash) દુર્ઘટનાનો એક વિડીયો સામે આવ્યો હતો. આ વિડીયો વ્યાપક પ્રમાણમાં વાયરલ થયો હતો. ત્યારપછી CCTV ફૂટેજ વગેરે સામે આવ્યા હતા. આ દુર્ઘટના પછી ઘણા ફેક ન્યૂઝ (Fake News) પણ વાયરલ થયા હતા. ત્યારે આવી જ એક ખોટી માહિતી Zee ન્યૂઝ ગુજરાતી (Zee News Gujarati) દ્વારા પ્રસારિત કરવામાં આવી હતી.
Zee ન્યૂઝના એન્કરે અને સંવાદદાતાએ દાવો કર્યો હતો કે, મેઘાણીનગર ખાતે જે પ્લેન ક્રેશ થયું હતું, તેનો વિડીયો બનાવનારની અટકાયત કરવામાં આવી હતી. સંવાદદાતાએ એવો દાવો કર્યો હતો કે, આ 17 વર્ષનો યુવક જેનું નામ આર્યન છે તે મીડિયા સાથે વાતચીત ન કરી શકે એ માટે તેની અટકાયત કરવામાં આવી રહી છે.
પ્લેન ક્રેશનો વીડિયો બનાવનાર યુવકની અમદાવાદ પોલીસે કરી અટકાયત #AirIndia #AirIndiaPlaneCrash #AirIndiaCrash #BreakingNews #Gujarat #AhmedabadPlaneCrash #Ahmedabad #AhmedabadAirport pic.twitter.com/udZzAH0KvB
— Zee 24 Kalak (@Zee24Kalak) June 14, 2025
આ સિવાય લલ્લનટોપના અભિનવ પાંડેએ પણ આ જ તૂત ફેલાવવાનો પ્રયાસ કર્યો. જેમાં તેમણે પોલીસને પ્રશ્નો પૂછી લીધા. આ પોસ્ટમાં પણ આડકતરી રીતે દાવો કરવામાં આવ્યો હતો કે પોલીસ ડરેલા, ગભરાયેલા સગીર યુવકને તેની સાથે લઈ ગઈ, જેણે ઘટનાનો પહેલો વિડીયો બનાવ્યો હતો. આ પોસ્ટમાં CM ભૂપેન્દ્ર પટેલને ટેગ કરીને લખવામાં આવ્યું હતું કે, અમદાવાદની પોલીસ આ ખોટું કરી રહી છે, યુવકને ડરાવવામાં આવી રહ્યો છે.
जिस बच्चे आर्यन ने प्लेन क्रैश का पहला वीडियो बनाया
— Abhinav Pandey (@Abhinav_Pan) June 14, 2025
था,उसे अहमदाबाद की पुलिस अपने साथ ले गई।
बच्चा पहले से ही बहुत ज्यादा डरा हुआ था। उसे और क्यों डराया जा रहा है? पहली बार वो शहर आया था,पहली बार उसने प्लेन देखा।
आर्यन के पिता मदन रिटायर्ड फौजी हैं, @Bhupendrapbjp आपकी पुलिस… pic.twitter.com/pzz1ycVq0W
જોકે, આ એ જ પત્રકારો છે જે ‘ડરેલા’ યુવકનો ઈન્ટરવ્યુ કરી રહ્યા હતા અને તેના પર મીડિયા સમક્ષ નિવેદન આપવા માટે દબાણ ઉભું કરી રહ્યા હતા. લલ્લનટોપના પાંડેએ તો યુવક સાથેનો ફોટો શેર કરીને તેની ઓળખ છતી કરી દીધી હતી. આ પોસ્ટ અને યુવકની અટકાયતના દાવાએ એટલું જોર પકડ્યું કે અમદાવાદ પોલીસે તેની સ્પષ્ટતા આપવી પડી.
इस वीडियो को बनाने के लिए किसी को गिरफ़्तार नहीं किया गया है।
— Ahmedabad Police અમદાવાદ પોલીસ (@AhmedabadPolice) June 14, 2025
मोबाइल वीडियो की स्क्रीन रिकॉर्डिंग वायरल हुई।
वीडियो बनाने वाले नाबालिग ने पुलिस को वीडियो का विवरण दिया।
वह अपने पिता के साथ गवाह के तौर पर बयान देने आया था।
फिर उसे उसके पिता के साथ भेज दिया गया।
कोई गिरफ़्तारी या…
પોલીસે પોસ્ટ કરીને લખ્યું કે, “આ વિડીયો બનાવવા બદલ કોઈની ધરપકડ કરવામાં આવી નથી. મોબાઈલ વિડીયોનું સ્ક્રીન રેકોર્ડિંગ વાયરલ થયું. વિડીયો બનાવનાર સગીરે પોલીસને વિડીયોની વિગતો આપી. તે તેના પિતા સાથે સાક્ષી તરીકે નિવેદન આપવા આવ્યો હતો. ત્યારબાદ તેને તેના પિતા સાથે મોકલી દેવામાં આવ્યો. કોઈ ધરપકડ કે અટકાયત કરવામાં આવી નથી. કૃપા કરીને અફવાઓ કે ખોટી માહિતી ફેલાવવાનું ટાળો.”
નોંધનીય છે કે આ પહેલાં પણ આ દુર્ઘટનાને લઈને આવી ભ્રામક માહિતી વાયરલ થઈ હતી. નેપાળનો એક વર્ષ જૂનો વિડીયો અમદાવાદ પ્લેન ક્રેશના નામે વાયરલ કરવામાં આવ્યો હતો. ત્યારે પણ PIBએ સપષ્ટતા આપવી પડી હતી.
