મહારાષ્ટ્રનું રાજકારણ ફરી એક વખત ચર્ચામાં છે. અહીં રાષ્ટ્રવાદી કોંગ્રેસ પાર્ટીના (NCP) નેતા અજિત પવારે મોટો ખેલ પાડી દીધો છે. તેમણે ભાજપ-શિવસેના સરકારને સમર્થન આપીને ડેપ્યુટી સીએમ પદે શપથ લઇ લીધા છે. તેમની સાથે NCPના અન્ય નેતાઓ પણ મંત્રી પદે શપથ લઇ રહ્યા છે.
#WATCH | NCP leader Ajit Pawar takes oath as Maharashtra Deputy CM in the presence of CM Eknath Shinde and Deputy CM Devendra Fadnavis pic.twitter.com/3l3p1Fi9nB
— ANI (@ANI) July 2, 2023
ઉપમુખ્યમંત્રી પદે શપથ લેતાંની સાથે જ તેઓ મહારાષ્ટ્રના બીજા ડેપ્યુટી સીએમ બન્યા છે. હાલ દેવેન્દ્ર ફડણવીસ પણ ઉપમુખ્યમંત્રી છે. અજિત પવાર સાથે એનસીપીના વરિષ્ઠ નેતા છગન ભુજબળ, પૂર્વ મંત્રી દિલીપ વલસે પાટીલ, હસન મુશરીફ, ધનંજય મુંડે વગેરે નેતાઓએ પણ મંત્રી પદે શપથ ગ્રહણ કર્યા હતા.
NCP નેતા અજિત પવારે આજે સવારે પોતાના નિવાસસ્થાને પાર્ટીના ધારાસભ્યો સાથે એક બેઠક કરી હતી. બેઠક બાદ તેઓ સીધા રાજભવન જવા માટે રવાના થયા હતા. તેમની સાથે સમર્થક ધારાસભ્યો પણ રાજભવન પહોંચ્યા હતા. બીજી તરફ, મુખ્યમંત્રી એકનાથ શિંદે અને ડેપ્યુટી સીએમ દેવેન્દ્ર ફડણવીસ સહિતના વરિષ્ઠ નેતાઓ પણ રાજભવન પહોંચ્યા હતા.
I do not know exactly why this meeting has been called but being the leader of the Opposition, he (Ajit Pawar) has the right to call a meeting of MLAs. He does that regularly. I don't have much detail about this meeting: NCP chief Sharad Pawar pic.twitter.com/qJabq18jML
— ANI (@ANI) July 2, 2023
અજિત પવારની બેઠકને લઈને શરદ પવારે કહ્યું હતું કે, મને ચોક્કસ ખબર નથી કે આ બેઠક કેમ બોલાવવામાં આવી છે પરંતુ વિપક્ષ નેતા તરીકે તેઓને (અજિત પવાર) ધારાસભ્યોની બેઠક બોલાવવાનો અધિકાર છે. મારી પાસે આ બેઠક વિશે વધારે માહિતી નથી.
એક તરફ અજિત પવારની બેઠક ચાલી રહી હતી ત્યાં બીજી તરફ ડેપ્યુટી સીએમ દેવેન્દ્ર ફડણવીસના નિવાસસ્થાને મહારાષ્ટ્ર ભાજપની કોર કમિટીની બેઠક યોજાઈ હતી. જેમાં આશિષ શેલાર, ચંદ્રકાન્ત પાટીલ, રવિન્દ્ર ચવ્હાણ વગેરે નેતાઓ સામેલ થયા હતા. આ બેઠક બાદ તેઓ પણ રાજભવન જવા માટે રવાના થયા હતા.
#WATCH | Mumbai: BJP's core committee meeting is underway at the residence of Maharashtra Deputy Chief Minister and BJP leader Devendra Fadnavis
— ANI (@ANI) July 2, 2023
Chandrakant Patil, Ravindra Chavan, Sudhir Mungantiwar and other leaders are present at the meeting. pic.twitter.com/5D7NLYcdyT
અજિત પવાર હાલ મહારાષ્ટ્ર વિધાનસભામાં વિપક્ષ નેતા છે પરંતુ હવે તેઓ સરકારમાં સામેલ થવા જઈ રહ્યા છે. થોડા દિવસ પહેલાં જ શરદ પવારે પ્રફુલ પટેલ અને સુપ્રિયા સુલેને પાર્ટીના કાર્યકારી અધ્યક્ષ બનાવ્યા હતા. ત્યારથી અજિત પવાર નારાજ હોવાની અટકળો ચાલી રહી હતી. બીજી તરફ, અજિત પવારે પણ ભાજપ વિરુદ્ધ નિવેદનો આપવાનાં ઘટાડી દીધાં હતાં.
Some MLAs accompanying NCP leader Ajit Pawar to Raj Bhawan were “upset” with Sharad Pawar’s “unilateral” decision to share stage and ally with Rahul Gandhi at the opposition unity meet in Patna: Sources pic.twitter.com/YGc7eKd95V
— ANI (@ANI) July 2, 2023
અજિત પવાર અને સાથી ધારાસભ્યોની નારાજગીને લઈને જણાવવામાં આવી રહ્યું છે કે તેઓ શરદ પવારના રાહુલ ગાંધીને સાથ આપવાના નિર્ણયથી નારાજ હતા. ઉલ્લેખનીય છે કે તાજેતરમાં જ બિહારના પટનામાં વિપક્ષી પાર્ટીઓની એક બેઠક યોજાઈ હતી, જેમાં કોંગ્રેસના રાહુલ ગાંધી અને એનસીપીના શરદ પવાર પણ સામેલ થયા હતા.
