સમગ્ર રાજ્યમાં તમામ ધર્મ, મજહબો, સમુદાયો માટે લગ્ન, છૂટાછેડા, ઉત્તરાધિકાર વગેરે બાબતોના કાયદામાં સમાનતા લાવવા માટે ગુજરાત સરકાર સમાન નાગરિક સંહિતા (યુનિફોર્મ સિવિલ કોડ) લાગુ કરવા જઈ રહી છે. આ માટે સરકારે નીમેલી સમિતિએ બે દિવસ પહેલાં મુખ્યમંત્રી ભૂપેન્દ્ર પટેલને અંતિમ ડ્રાફ્ટ સોંપ્યો હતો, જેના આધારે બિલ તૈયાર કરવામાં આવ્યું, જેને કેબિનેટે મંજૂરી આપી છે. આ બિલ હવે વિધાનસભાના ચાલુ સત્રમાં રજૂ થશે.
UCC બિલના ડ્રાફ્ટની નકલ ઑપઇન્ડિયા પાસે ઉપલબ્ધ છે. જેમાં લગ્ન અને છૂટાછેડા, તેની નોંધણી, ઉત્તરાધિકાર વગેરે બાબતોએ વિસ્તૃત નિયમો આપવામાં આવ્યા છે. આ નિયમોથી આ બધી બાબતો માટે તમામ સમુદાયોને એકસરખા નિયમો લાગુ પડશે. નિયમોમાં કયા સંબંધો વચ્ચે લગ્ન, નિકાહ, મેરેજ શક્ય નહીં બને તે પણ જણાવવામાં આવ્યું છે. પુરુષો અને મહિલાઓ માટે બે યાદીઓ આપવામાં આવી છે, જેમાં 37 સંબંધોનો સમાવેશ થાય છે.
| ક્રમ | કોઈ પણ પુરુષ આ મહિલા સાથે લગ્ન કરી શકશે નહીં. | કોઈ પણ મહિલા આ પુરુષ સાથે લગ્ન કરી શકશે નહીં. |
| 1 | માતા | પિતા |
| 2 | પિતાની વિધવા (સાવકી માતા) | માતાનો પતિ (સાવકા પિતા) |
| 3 | માતાની માતા | પિતાના પિતા |
| 4 | માતાના પિતાની વિધવા (સાવકી નાની) | પિતાની માતાનો પતિ (સાવકા દાદા) |
| 5 | માતાની માતાની માતા | પિતાના પિતાના પિતા |
| 6 | માતાની માતાના પિતાની વિધવા (સાવકી પરનાની) | પિતાના પિતાની માતાનો પતિ (સાવકા પરદાદા) |
| 7 | માતાના પિતાની માતા | પિતાની માતાના પિતા |
| 8 | માતાના પિતાના પિતાની વિધવા (સાવકી પરનાની) | પિતાની માતાની માતાનો પતિ (સાવકા પરદાદા) |
| 9 | પિતાની માતા | માતાના પિતા |
| 10 | પિતાના પિતાની વિધવા (સાવકી દાદી) | માતાની માતાના પતિ (સાવકા દાદા) |
| 11 | પિતાની માતાની માતા | માતાના પિતાના પિતા |
| 12 | પિતાની માતાના પિતાની વિધવા (સાવકી પરદાદી) | માતાના પિતાના માતાના પતિ (સાવકા પરદાદા) |
| 13 | પિતાના પિતાની માતા | માતાની માતાના પિતા |
| 14 | પિતાના પિતાના પિતાની વિધવા (સાવકી પરદાદી) | માતાની માતાની માતાના પતિ (સાવકા પરદાદા) |
| 15 | પુત્રી | પુત્ર |
| 16 | પુત્રની વિધવા | પુત્રીનો પાટી |
| 17 | પુત્રીની પુત્રી | પુત્રનો પુત્ર |
| 18 | પુત્રીના પુત્રની વિધવા | પુત્રની પુત્રીનો પતિ |
| 19 | પુત્રની પુત્રી | પુત્રીનો પુત્ર |
| 20 | પુત્રના પુત્રની વિધવા | પુત્રીની પુત્રીનો પતિ |
| 21 | પુત્રીની પુત્રીની પુત્રી | પુત્રના પુત્રનો પુત્ર |
| 22 | પુત્રીની પુત્રીના પુત્રની વિધવા | પુત્રના પુત્રની પુત્રીનો પતિ |
| 23 | પુત્રીના પુત્રની પુત્રી | પુત્રની પુત્રીનો પુત્ર |
| 24 | પુત્રીના પુત્રના પુત્રની વિધવા | પુત્રની પુત્રીની પુત્રીનો પતિ |
| 25 | પુત્રની પુત્રીની પુત્રી | પુત્રીના પુત્રનો પુત્ર |
| 26 | પુત્રની પુત્રીના પુત્રની વિધવા | પુત્રીના પુત્રનો પુત્રીનો પતિ |
| 27 | પુત્રના પુત્રની પુત્રી | પુત્રીનો પુત્રીનો પુત્ર |
| 28 | પુત્રના પુત્રના પુત્રની વિધવા | પુત્રીની પુત્રીને પુત્રીનો પતિ |
| 29 | બહેન | ભાઈ |
| 30 | બહેનની પુત્રી | ભાઈનો પુત્ર |
| 31 | ભાઈની પુત્રી | બહેનનો પુત્ર |
| 32 | માતાની બહેન | માતાનો ભાઈ |
| 33 | પિતાની બહેન | પિતાનો ભાઈ |
| 34 | પિતાના ભાઈની પુત્રી | પિતાના ભાઈનો પુત્ર |
| 35 | પિતાની બહેનની પુત્રી | પિતાની બહેનનો પુત્ર |
| 36 | માતાની બહેનની પુત્રી | માતાની બહેનનો પુત્ર |
| 37 | માતાના ભાઈની પુત્રી | માતાના ભાઈનો પુત્ર |
(પહેલી યાદીમાં ‘વિધવા’માં છૂટાછેડા લીધેલી પત્નીનો અને બીજી યાદીમાં ‘પતિ’ શબ્દપ્રયોગમાં છૂટાછેડા લીધેલા પતિનો પણ સમાવેશ થાય છે.)
ગુજરાતમાં યુનિફોર્મ સિવિલ કોડ લાગુ થાય ત્યારબાદ આ સંબંધો વચ્ચે લગ્ન, નિકાહ શક્ય બનશે નહીં અને કાયદાકીય રીતે પ્રતિબંધિત માનવામાં આવશે. હાલ બિલ ડ્રાફ્ટના સ્વરૂપમાં છે. વિધાનસભા પસાર કરે અને રાજ્યપાલના હસ્તાક્ષર થાય ત્યારબાદ તે કાયદો બનશે.
