મોરબીમાં ઝૂલતો પુલ તૂટી પડ્યા બાદ સ્થળ પર ચાલતા રાહત-બચાવ કાર્ય દરમિયાન સ્થાનિક ધારાસભ્ય અને મંત્રી બ્રિજેશ મેરજા પણ ત્યાં પહોંચ્યા હતા. દરમ્યાન, તેમણે ન્યૂઝ એજન્સી ANIને એક ઇન્ટરવ્યૂ આપ્યો હતો. જેમાં તેમણે વાપરેલી ભાષાને લઈને અખબાર ‘સંદેશ’ને વાંધો પડ્યો છે. સંદેશની વેબસાઈટ પર એક રિપોર્ટ પ્રકાશિત કરી બ્રિજેશ મેરજાના અંગ્રેજી પર ટિપ્પણી કરવામાં આવી હતી.
આપણા મંત્રીજીને અંગ્રેજી બોલવામાં ફાંફાં પડયા #morbi #BrijeshMerja #MorbiBridgeCollapsehttps://t.co/BSsuHugttp
— Sandesh (@sandeshnews) October 31, 2022
વધુ સમાચાર વાંચવા ડાઉનલોડ કરો સંદેશ ન્યૂઝ એપ : https://t.co/9GGo9xr2hO
‘આપણા મંત્રીજીને અંગ્રેજી બોલવામાં ફાંફાં પડયા’ શીર્ષક હેઠળ પ્રકાશિત અહેવાલમાં સંદેશે મંત્રી બ્રિજેશ મેરજાને અંગ્રેજીની ‘હત્યા’ કરાવતા ગણાવ્યા હતા. સાથે એવો પ્રશ્ન પણ પૂછ્યો હતો કે શું આ જ આપણે ચૂંટેલા મંત્રી છે?
જોકે, દુર્ઘટના સમયે પણ મંત્રીના અંગ્રેજીમાં ખામી શોધવા નીકળેલા અખબારની લોકોએ ઝાટકણી કાઢી હતી. યુઝર રિતેશ મારફતિયાએ લખ્યું કે, આ લખનારા પત્રકારે પોતે કેટલું ધાણીફૂટ અંગ્રેજી બોલી શકે તેનો વિડીયો પોસ્ટ કરવો જોઈએ.
પત્રકારશ્રી, આપશ્રી કેટલું ધાણીફૂટ અંગ્રેજી બોલી શકો છો એનો એક વીડિયો મૂકો.
— Reetesh Marfatia (@ReeteshMarfatia) October 31, 2022
એક યુઝરે લખ્યું કે, ગુજરાતી ન્યૂઝ પેપરને શરમ આવવી જોઈએ આ બધું લખતા. આત્મા વેચી મારી કે શું ?
ગુજરાતી ન્યૂઝ પેપર ને શરમ આવવી જોઈએ આ બધું લખતા. આત્મા વેચી મારી કે શું ?
— Nashik 🇮🇳🚩 (@Nashik09) October 31, 2022
નંદિતા ઠાકુરે કહ્યું કે, સંદેશ ગુજરાતી છાપું હોવા છતાં દરેક લેખમાં અનેક હિંદી, ઉર્દૂ અને અંગ્રેજી શબ્દો હોય છે. તેમણે કહ્યું કે, ગુજરાતી મંત્રીની અંગ્રેજી પર ટિપ્પણી કરવા કરતાં તેઓ પોતાની ગુજરાતી ભાષા સુધારશે તો એ વધુ સારું રહેશે.
સંદેશ ગુજરાતી છાપું છે. દરેક લેખમાં ઢગલે ઢગલાં હિંદી, ઉર્દૂ અને અંગ્રેજી શબ્દો હોય છે… ગુજરાતી મંત્રી ની અંગ્રેજી ઉપર ટિપ્પણી કરવાં કરતાં જો સંદેશ પોતાની ગુજરાતી સુધારશે તો વધારે સારું રહેશે https://t.co/x4VRdqxyMa
— नंदिता ठाकुर 🇮🇳 (@nanditathhakur) October 31, 2022
ડૉ. સંકેત મહેતાએ લખ્યું કે, ગુજરાત સરકારના મંત્રીને ગુજરાતી આવડે એ જરૂરી છે. તેમણે એમ પણ લખ્યું કે શું વિદેશીઓ ગુજરાતી બોલે છે?
ભઈ..સંદેશ વાળા…તમે ય ગુજરાતી છાપુ ચલાવો છો ને તમને ગુજરાતી છાપવાના વાંધા છે ..શબ્દો નથી મળતા તમને ગુજરાતી…અને હા..ગુજરાત ના મંત્રી છે ગુજરાતી આવડે એટલું ઘણુ..પેલા વાઈટ હાઉસ વાળા ગુજરાતી બોલે છે?? https://t.co/DwNCEJcYw1
— Dr.Sanket Mehta (@DrSanketMehta1) October 31, 2022
આ ઉપરાંત, પણ કેટલાક યુઝરોએ સંદેશને આવા રિપોર્ટ બદલ ટકોર કરી હતી.
અક્કલ વગરના ગુજરાત નો મંત્રી ગુજરાતી ભાષા જ બોલે ,માની લો આપણા ગુજરાતીઓ ની અંગ્રેજી નબળી છે પણ કકળાટ અંગ્રેજી બોલનારા લોકો તો ગુજરાતી વેપારી ને ત્યાંજ નોકરી કરે છે
— ત્રિકમ રિક્ષાવાળો (@Blackperl_89) October 31, 2022
મોરબી દુર્ઘટના
મોરબીમાં મચ્છુ નદી પર આવેલો વર્ષો જૂનો ઝૂલતો પુલ ગઈકાલે તૂટી પડ્યો હતો. પુલના વચ્ચેથી બે કટકા થઇ ગયા હતા, જેના કારણે પુલ પર હાજર સેંકડો લોકો પાણીમાં પટકાયા હતા. તાત્કાલિક રાહત-બચાવકાર્ય શરૂ કરી દેવામાં આવ્યું હતું, જોકે તેમ છતાં અત્યાર સુધી 134 લોકોનાં મોતની પુષ્ટિ થઇ ચૂકી છે.
આ પુલ એક ખાનગી કંપનીએ બનાવ્યો હતો અને રિનોવેશન બાદ બેસતા વર્ષના દિવસે જ ખુલ્લો મૂકવામાં આવ્યો હતો. ઘટના બાદ પોલીસે FIR દાખલ કરી 9 લોકોની અટકાયત કરી હતી. આવતીકાલે વડાપ્રધાન નરેન્દ્ર મોદી પણ મોરબીની મુલાકાત લેશે.
