વડોદરામાં એક મુસ્લિમ યુવકે 16 વર્ષીય સગીરાને ફોસલાવી અપહરણ કરી દુષ્કર્મ આચર્યું હોવાની ફરિયાદ નોંધાતા પોલીસે કાયદેસર ગુનો નોંધીને આરોપીની ધરપકડ કરી લીધી છે. આ ગુનામાં આરોપી યુવકના માતા-પિતાને પણ જાણ હોવાનું સામે આવતાં પોલીસે તે બંનેને પણ આરોપી બનાવ્યાં હોવાનું જાણવા મળ્યું છે.
ઘટનાની પ્રાપ્ત વિગતો અનુસાર, વડોદરાના ગોરવા મધુનગર વિસ્તારમાં રહેતી એક 16 વર્ષીય સગીરા 2 વર્ષથી ગોરવાના વારિસ પાર્ક રહેતા 24 વર્ષીય ફરદીન ફિરોજ સિંધા સાથે પરિચયમાં હતી. તે બંને ત્રણ વર્ષ પહેલાં ઇન્સ્ટાગ્રામના માધ્યમથી મળ્યા હતા. જે બાદ આરોપીએ કિશોરીને ફસાવીને લગ્નની લાલચ પણ આપી હતી.
દરમ્યાન, ગત 22 મેના રોજ ફરદીન સગીરાને ભગાડી લઇ ગયો હતો. આ મામલે સગીરાની માતાએ જવાહરનગર પોલીસ મથકે મુસ્લિમ યુવક વિરુદ્ધ ફરિયાદ નોંધાવી હતી. જે બાદ પોલીસે તપાસ શરૂ કરી હતી અને ગણતરીના કલાકોમાં ફરદીન અને નેહાને શોધી કાઢવામાં આવ્યાં હતા. રિપોર્ટ અનુસાર, ફરદીન નેહાને તેના ઘરે લઇ ગયો હતો અને બંને વચ્ચેના સબંધો અંગે ફરદીનના માતા પિતાને પણ જાણ હતી.
પોલીસ સ્ટેશનમાં લાવવામાં આવ્યા બાદ નેહાએ ફરદીન સાથે જ રહેવા અને પોતાના ઘરે જવાની ના પડી દીધી હતી. જે બાદ પોલીસે તેનું કાઉન્સેલિંગ કરી સમજાવી હતી કે 16 વર્ષની ઉંમર હોવાના કારણે કાયદાકીય રીતે તે લગ્ન કરી શકે નહીં. જે બાદ કિશોરી પોતાના ઘરે જવા માટે તૈયાર થઇ હતી.
બીજી તરફ, સગીરાની માતાએ તેમની પુત્રી સાથે મુસ્લિમ યુવકે દુષ્કર્મ આચર્યું હોવાની ફરિયાદ કરતા સગીરાને ગોત્રી હોસ્પિટલ લઇ જઈ મેડિકલ ચેકઅપ પણ કરવામાં આવ્યું હતું. જેનો રિપોર્ટ આવ્યા બાદ આગળની કાર્યવાહી હાથ ધરવામાં આવશે. ઉપરાંત, પોલીસની પ્રાથમિક પૂછપરછમાં પણ દુષ્કર્મની વાતને સમર્થન મળ્યું હોવાનું જાણવા મળે છે.
આ સમગ્ર મામલે, વડોદરાના જવાહરનગર પોલીસ મથકે આરોપી ફરદીન વિરુદ્ધ દુષ્કર્મ અને પોક્સો એક્ટ હેઠળ ગુનો નોંધીને તપાસ હાથ ધરવામાં આવી છે તો બીજી તરફ આ સમગ્ર બનાવ અંગે ફરદીનના માતા-પિતા પણ વાકેફ હોઈ પોલીસે ફરદીનના પિતા ફિરોજ સિંધા અને માતા સલમા સિંધાને પણ આરોપી બનાવ્યાં છે. બીજી તરફ, આ કેસ લવજેહાદનો છે કે કેમ તે દિશામાં પણ પોલીસે તપાસ શરૂ કરી છે.
વરિષ્ઠ કોંગ્રેસી નેતા અને સુપ્રિમ કોર્ટના વરિષ્ઠ વકીલ કપિલ સિબલે આખરે કોંગ્રેસ છોડી દીધી છે. પ્રાપ્ત સમાચાર અનુસાર કપિલ સિબલે સમાજવાદી પાર્ટી તરફથી રાજ્યસભાની ચૂંટણી લડવાનો નિર્ણય કર્યો છે. સમાજવાદી પાર્ટી આવનારી રાજ્યસભાની ચૂંટણીમાં ઉત્તર પ્રદેશમાંથી સિબલને લડાવશે.
કપિલ સિબલના કહેવા અનુસાર તેમણે કોંગ્રેસ 16મી મે ના દિવસે જ છોડી દીધી હતી અને આજે તેઓ સમાજવાદી પાર્ટી તરફથી રાજ્યસભા માટે પોતાની ઉમેદવારી નોંધાવી છે.
Lucknow | I had tendered my resignation from the Congress party on 16th May: Kapil Sibal after filing a nomination for Rajya Sabha elections, with the support of SP pic.twitter.com/yS05HSFWIK
કપિલ સિબલ સમાજવાદી પાર્ટીમાં જોડાશે તેવી અટકળો ત્યારે જ ગતિમાન થઇ ગઈ હતી જ્યારે કપિલ સિબલે સમાજવાદી પાર્ટીના આગેવાન નેતા આઝમખાનનો કેસ સુપ્રિમ કોર્ટમાં લડ્યો હતો અને તેમને લગભગ બે વર્ષ બાદ જામીન અપાવ્યા હતા. આજ અટકળો હાલમાં સોશિયલ મિડીયામાં તેજ થઇ રહી છે અનેક લોકો એમ કહી રહ્યા છે કે આઝમ ખાનને આટલા બધા વર્ષે સુપ્રિમ કોર્ટમાંથી જામીન અપાવવા બદલ જ સિબલને રાજ્યસભામાં મોકલવામાં આવ્યા છે.
Azam Khan ke liye case ladne ka gift hain ye Kapil Sibal ko😃
એક રીતે જોવા જઈએ તો વરિષ્ઠ અને કોંગ્રેસ હાઈકમાન્ડથી નારાજ એવા G-23 નેતાઓના ગ્રુપમાં કપિલ સિબલ જ સહુથી વધુ અવાજ ઉઠાવનારા નેતા હતા. એક સમયે કોંગ્રેસની વર્કિંગ કમિટીમાં જેમનો સિક્કો ચાલતો હતો અને દેશના કાયદા પ્રધાન પણ હતા એવા કપિલ સિબલે સોનિયા ગાંધી, રાહુલ ગાંધી અને પ્રિયંકા ગાંધી વિરુદ્ધ અવાજ ઉઠાવ્યો હતો અને તેમની સાથે ગુલામ નબી આઝાદ અને શશી થરૂર જેવા કોંગ્રેસના અતિશય મહત્ત્વના નેતાઓ પણ જોડાયા હતા.
First time he went Rajya Sabha on Lalu’s party ticket in lieu of fighting his case in chaara ghotala. So it is nothing new for him. May be he will fight case for free ( for SP’s Goon or of Azam khan ) in lieu of this ticket as well.
આ તમામ નેતાઓએ ગાંધી પરિવારના કોંગ્રેસ પક્ષ પરના એકહથ્થુ શાસન વિરુદ્ધ અવાજ ઉઠાવ્યો હતો અને પક્ષની કમાન કોઈ યોગ્ય વ્યક્તિને આપવી જોઈએ જેથી કોંગ્રેસ 2014થી જ પોતાના થઇ રહેલા પતનને રોકી શકે. પરંતુ લાગે છે કે કપિલ સિબલે પોતાનો અવાજ ઉઠાવવાની કોશિશ કાયમ નિષ્ફળ રહેતા છેવટે કંટાળીને કોંગ્રેસ છોડી દીધી છે અને સમાજવાદી પાર્ટીનો પાલવ પકડી લીધો છે. તો સામે પક્ષે સમાજવાદી પાર્ટીએ પણ આઝમ ખાન જેવા પોતાના વરિષ્ઠ નેતાને જામીન અપાવનાર આ વકીલને રાજ્યસભામાં મોકલવાનો નિર્ણય કરીને તેમને શિરપાવ આપવાનું કાર્ય કર્યું છે.
Kapil Sibal thanks Azam Khan, who has 87 criminal cases against him, for supporting his Rajya Sabha nomination! 😂
— Hinduvaadi Tapan (@hinduvaaditapan) May 25, 2022
પરંતુ કોંગ્રેસ માટે સમસ્યા તો વધી જ છે. છેલ્લા ઘણા વર્ષોથી કોંગ્રેસ છોડીને વરિષ્ઠતમ નેતાઓ અન્ય પક્ષમાં ખાસકરીને ભાજપમાં જવા લાગ્યા છે. જ્યોતિરાદિત્ય સિંધિયા જેવા જુના કોંગ્રેસી નેતાઓને કેન્દ્રીયમંત્રી બનાવવામાં આવ્યા છે તો હિમંતા સરમા બિસ્વાને આસામ જેવા રાજ્યના મુખ્યમંત્રી બનાવવામાં આવ્યા છે. ગુજરાતમાં પણ છેલ્લા બે વર્ષમાં કોંગ્રેસના ધારસભ્યો ડબલ ડીજીટમાં પક્ષ છોડીને ભાજપમાં જતા રહ્યા છે.
ગુજરાત ચૂંટણી નજીકે આવતા જ અન્ય પાર્ટીઓની સાથે અસદુદ્દીન ઓવૈસીની પાર્ટી AIMIMએ પણ ગુજરાતમાં સક્રિયતા વધારી દીધી છે. તાજેતરમાં જ ઓવૈસી ગુજરાત આવ્યા હતા અને અમદાવાદ અને સુરત ખાતે સભા કરી હતી. સુરતના લિંબાયત ખાતે ઓવૈસીની સભા યોજાઈ હતી. જોકે, ઓવૈસીની સભાના બીજા દિવસે જ પાર્ટીમાં આંતરિક વિખવાદ જોવા મળ્યો છે.
સુરતના AIMIM પાર્ટીના શહેર યુવા મોરચા ઉપ પ્રમુખ સૈયદ મઝરે આરોપ લગાવ્યો હતો કે ઓવૈસીના સ્વાગત માટે તેમની પાસેથી અઢી લાખ રૂપિયા લેવામાં આવ્યા હતા અને જ્યારે ઓવૈસી આવ્યા તો તેમને મળવા પણ દેવામાં આવ્યા ન હતા.
સૈયદ મઝરે જણાવ્યું હતું કે, પાર્ટીના રાષ્ટ્રીય પ્રમુખને (અસદુદ્દીન ઓવૈસી) ઝાંપા બજાર લાવી અલગ-અલગ પોઇન્ટ ઉપર તેમનું સ્વાગત મારા હાથે કરાવવા માટે મને વચન આપવામાં આવ્યું હતું. શહેર પ્રમુખ અને પ્રદેશ પ્રમુખે મને પાંચ લાખ રૂપિયા પાર્ટી ફંડમાં આપવા માટે કહ્યું હતું અને એમ પણ કહ્યું હતું કે પાંચ લાખ રૂપિયા આપી દે એટલે સ્વાગતનું ગોઠવી દઈશું.”
તેમણે આગળ જણાવ્યું કે, “મેં પાંચ લાખને બદલે સાડા ત્રણ લાખ રૂપિયા સુધીની તૈયારી બતાવી હતી. રાષ્ટ્રીય પ્રમુખ સુરતમાં સભા કરે તે પહેલાં મેં અઢી લાખ રૂપિયા આપી દીધા હતા અને બાકીના સ્વાગતનો મોકો મળે પછી આપવા માટે જણાવ્યું હતું.”
તેમણે આક્ષેપ કરતા કહ્યું કે, ઝાંપા બજારમાં અલગ-અલગ સ્પોટ પર મને સ્વાગતનો મોકો આપવામાં આવશે તેમ જણાવ્યા બાદ મને ઓવૈસીનું સ્વાગત કરવા દેવામાં આવ્યું ન હતું. તેમણે એમ પણ કહ્યું કે સભામાં લઇ જવા માટે તેમણે સ્વાગત પોઇન્ટ પર માણસો પણ ભેગા કરી રાખ્યા હતા. સ્વાગત કરવા દેવામાં ન આવતા તેમણે તેમની સાથે છેતરપિંડી થઇ હોવાનો આક્ષેપ કર્યો હતો. જોકે, તેમણે પાર્ટી છોડવા અંગે કહ્યું હતું કે, તેઓ ઓવૈસીની વિચારધારામાં માનનારા વ્યક્તિ છે અને પાર્ટી છોડશે નહીં.
પ્રદેશ મંત્રીએ મઝરના આક્ષેપો પાયાવિહોણા ગણાવ્યા
આ મામલે પાર્ટીના પ્રદેશ મંત્રી સૈયદ ખુર્શીદે આ મામલે નિવેદન આપતા મઝર સૈયદના આક્ષેપોને પાયાવિહોણા ગણાવ્યા હતા. તેમણે કહ્યું કે, ઝાંપાબજારમાં ઓવૈસીના સ્વાગતની તક ન મળતા મઝર ખોટ આક્ષેપો લગાવી રહ્યા છે. તેમણે કહ્યું કે, ઓવૈસીના સ્વાગત માટે પૈસા લીધા હોવાની વાતમાં કોઈ તથ્ય નથી. તેઓ પાર્ટી ફંડ લેતા જ નથી તેવો પણ તેમણે દાવો કર્યો હતો.
સુરત જિલ્લા-શહેરના સંગઠનોના હોદ્દેદારોની નિમણુંક રદ કરાઈ
બીજી તરફ, ઓવૈસીની સુરત મુલાકાત બાદ સુરત જિલ્લા અને શહેર સંગઠનના તમામ હોદ્દેદારોની નિમણુંક રદ કરી દેવામાં આવી હતી. આ નિર્ણય પાછળ પાર્ટીના કાર્યકરો વચ્ચેના આંતરિક વિવાદ જવાબદાર હોય તેમ માનવામાં આવી રહ્યું છે. મંગળવારે એક પરિપત્ર જારી કરીને AIMIMના જિલ્લા જનરલ સંગઠન સમિતિ, જિલ્લા મહિલા સંગઠન સમિતિ, શહેર યુવા પાંખ સંગઠન સમિતિ, જિલ્લા યુવા પાંખ સમિતિ અને શહેર મહિલા સંગઠન સમિતિના તમામ હોદ્દેદારોની નિમણુંક રદ કરી દેવાતા ચર્ચા શરૂ થઇ ગઈ હતી.
સુરતમાં મુસ્લિમોએ જ કર્યો હતો ઓવૈસીનો વિરોધ
સભા કરવા માટે સુરત આવેલા AIMIM પ્રમુખ અસદુદ્દીન ઓવૈસીએ મુસ્લિમ સમાજના જ લોકોના વિરોધનો સામનો કરવો પડ્યો હતો. સુરતના મીઠીખાડી વિસ્તારના મુસ્લિમ સમાજના લોકોએ રસ્તા પર ઉતરી આવી કાળા વાવટા ફરકાવી ઓવૈસીનો વિરોધ કર્યો હતો. કેટલાક લોકોએ તો તેમને ભાજપ અને RSS એજન્ટ ગણાવી તેમની બી ટીમ તરીકે કામ કરતા હોવાનો પણ આક્ષેપ કર્યો હતો.
ગુજરાત વિધાનસભાની ચૂંટણીમાં ઝંપલાવવા માટે મથી રહેલા અસદુદ્દીન ઓવૈસીએ એક તરફ તેમના કોર વોટર ગણાતા મુસ્લિમ સમાજનો જ વિરોધ વેઠવો પડી રહ્યો છે તો બીજી તરફ માંડ આકાર લઇ રહેલું સંગઠન પણ વિખેરાઈ રહ્યું છે અને ઓવૈસીની પાર્ટીમાં આંતરિક વિખવાદ પણ વધી રહ્યો છે.
ગઈકાલે કોલકાતાના ઐતિહાસિક ઈડન ગાર્ડન્સ પર આઈપીએલ 2022ની પ્રથમ પ્લેઓફ મેચમાં ગુજરાત ટાઈટન્સે રાજસ્થાન રોયલ્સને 7 વિકેટે હાર આપી હતી. આમ તો આ મેચ છેક છેલ્લી ઓવર સુધી ખેંચાઈ એટલી રસાકસીભરી બની હતી પરંતુ એ જ છેલ્લી ઓવર નાખનાર રોયલ્સનો બોલર પ્રસિધ ક્રિશ્ના તેની ટીમના ફેન્સ માટે વિલન બની ગયો હતો, કારણકે ટાઈટન્સના ડેવિડ મિલરે તેના પ્રથમ ત્રણ બોલમાં જ ત્રણ સિક્સ ફટકારીને GTને ફાઈનલ્સમાં પહોંચાડી દીધી હતી.
રાજસ્થાન રોયલ્સના ઓબેડ મકોયે 19મી ઓવરમાં ફક્ત 7 રન આપીને રાજસ્થાન રોયલ્સ માટે વિજયની થોડીઘણી આશા ઉભી કરી હતી કારણકે અત્યારસુધી એકદમ પરિપક્વતાથી બેટિંગ કરનારા ગુજરાત ટાઈટન્સના કેપ્ટન હાર્દિક પંડ્યા અને ડેવિડ મિલરને પણ છેલ્લી ઓવરમાં 16 રન કરવા એટલું સરળ ન હતું. પરંતુ પ્રસિધ ક્રિશ્ના દ્વારા ફેંકવામાં આવેલી 20મી અને છેલ્લી ઓવરના પ્રથમ ત્રણ દડા પર જ ડેવિડ મિલરે ત્રણ સિક્સર મારીને ગુજરાત ટાઈટન્સને છેવટે સરળ લાગતો વિજય અપાવ્યો હતો.
આ બાબત રાજસ્થાન રોયલ્સ અને આઈપીએલના ચાહકોને ગળે ઉતરી ન હતી અને મેચ પત્યા બાદ તરતજ પ્રસિધ ક્રિશ્નાને તેઓ સોશિયલ મિડિયા પર ટ્રોલ કરવા લાગ્યા હતા.
@pulkit5DX નામના યુઝરે હાલમાં ચર્ચામાં રહેલી વેબસિરીઝ પંચાયતના એક દ્રશ્યના મીમનો ઉપયોગ કરીને પ્રસિધ ક્રિશ્નાની ટીખળ કરતાં કહ્યું હતું કે પ્રસિધ ક્રિશ્નાએ છેલ્લી ઓવર શરુ થતાં એમ કહ્યું હતું કે આ ઓવરમાં 16 રન ડીફેન્ડ કરવા મારા માટે સરળ છે જ્યારે ડેવિડ મિલરે કશુંક બીજું જ વિચારી રાખ્યું હતું.
Prasidh krishna-: I will Easily Defend 16 runs in last over
તો @agent_hilifiger ની ઓળખ ધરાવતા યુઝરે કહ્યું હતું કે લોકો એમ કહેતા હતા કે પ્રસિધ ક્રિશ્નાએ ભારતનો ફ્યુચર સ્ટાર છે, આનાથી બહેતર જોક મેં હજી સુધી નથી સાંભળ્યો. એક મેચમાં હીરો તો બીજી મેચમાં ઝીરો.
And they told that Prasidh Krishna will be a future Indian star The best joke till now 🤣🤣🤣🤣
KKR એકેડેમીમાંથી કાયમ વિરોધી ટીમને જ જીતાડી આપતા મેચવિનર બોલર્સ આવ્યા છે. નાગરકોટ્ટી, માવી અને પ્રસિધ ક્રિશ્ના આમ કહીને @RowdyTweeter એ KKRથી પોતાની કેરિયર શરુ કરનાર ત્રણ એવા બોલર્સ પર કટાક્ષ કર્યો છે જેમની બોલિંગ અત્યારસુધી ખાસ રહી નથી.
KKR academy – producing match winners (for Opponents) since 2018
એવું નથી કે ટ્વિટર પર મોટા ભાગના યુઝર્સ ક્રિકેટર્સને ટ્રોલ જ કરતા હોય છે. @SavariiGiriGiri નામક યુઝરે ક્રિકેટિંગ લોજીક પર વાત કરતા કહ્યું છે કે સંજુ સેમસન પાસે પ્રસિધ ક્રિશ્નાને છેલ્લી ઓવર આપવા સિવાય અન્ય કોઈજ રસ્તો ન હતો પરંતુ પ્રસિધ એટલો સામાન્ય બોલર છે કે તેનામાં કોઈ રચનાત્મક અભિગમ જ નથી. જો રિયાન પરાગને બોલિંગ આપી હોત તો કદાચ મેચ છેલ્લી ઓવરના પાંચમાં બોલ સુધી ખેંચાઈ શકી હોત.
I know Samson ran out of options for last over but Prasidh Krishna is such a plain bowler. No creativeness. I would have given ball to Riyan Parag instead. He would have defended atleast till 5 balls.
ઇએસપીએન ક્રિકઇન્ફો માટે ક્રિકેટના સ્ટેટેસ્ટિશિયન ભરથ સિરવીએ પોતાની ટ્વિટમાં જણાવ્યું છે કે IPLની 20મી ઓવરમાં સહુથી ખરાબ ઈકોનોમી રેટ હોય (ઓછામાં ઓછી 10 વખત 20મી ઓવર નાખી હોય તો) તેવા બોલરોમાં પ્રસિધ ક્રિશ્ના 13.62ની ઈકોનોમી રેટ સાથે સર્વપ્રથમ છે.
Worst economy rate in 20th over in IPL (Min 10 times bowled):
13.62 – Prasidh Krishna 13.60 – A Dinda 13.16 – H Pandya 12.90 – Ishant Sharma 12.65 – T Perera #IPL2022#RRvsGT
જો કે ઈડન ગાર્ડન્સ પર આ રીતે છેલ્લી ઓવરના ત્રણ બોલમાં ત્રણ સિક્સર મારીને મેચ જીતવામાં આવી હોય એ ઘટના પહેલીવાર નથી બની. અગાઉ 2016ની વર્લ્ડ ટી20 ફાઈનલમાં વેસ્ટ ઇન્ડિઝને જીતવા માટે છેલ્લી ઓવરમાં 19 રન જોઈતા હતા. વેસ્ટ ઇન્ડિઝના બેટર કાર્લોસ બ્રેથવેઇટે બેન સ્ટોક્સના પહેલા ચાર બોલમાં જ ચાર સિક્સર મારીને પોતાની ટીમને ટી20 વર્લ્ડકપની ટ્રોફી જીતાડી આપી હતી.
સુરત મહાનગર પાલિકા સંચાલિત સમિતિની સરકારી શાળાઓમાં છેલ્લા 3 વર્ષથી એડમિશન માટે જબરો ઘસારો જોવા મળી રહ્યો છે. જેમાં આ વર્ષે પણ એડમિશનની કેપેસિટી કરતાં ત્રણ ગણી અરજી આવી છે. સુરતની સરકારી શાળાઓ આધુનિક સુવિધાઓ પૂરી પાડવામાં ખાનગી શાળાઓને લજાવે તેવી હોય છે. જેને લઈને વાલીઓ આ શાળાઓમાંપોતાના બાળકનું એડમિશન લેવા તલપાપડ બન્યા છે.
સામાન્ય રીતે સરકારી અથવા તો સમિતિની સ્કૂલોમાં બાળકોને અભ્યાસ અર્થે મૂકતા પહેલા વાલીઓમાં ખચકાટ જોવા મળતો હોય છે. જો કે સુરતની શિક્ષણ સમિતિની ઉતરાણ સ્થિત સરકારી શાળા નંબર 354માં સ્કૂલમાં એડમિશન માટે લાઈનો લાગે છે. છેલ્લા ત્રણેક વર્ષથી સારા શિક્ષણના કારણે આ સરકારી શાળા ખાનગી સ્કુલના વિદ્યાર્થીઓને સતત ખેંચી રહી છે. અહી વાલીઓ પોતાના બાળકોના એડમિશન માટે આતુર હોય છે. એક જ બિલ્ડીંગમાં ચાલતી બે પાળીની શાળા મળીને કુલ 1400 વિદ્યાર્થીઓની સંખ્યા છે. પરંતુ હાલમાં પ્રવેશ માટે 4042 થી વધુ વિદ્યાર્થીઓ આવતાં અહી ડ્રો કરીને પ્રવેશ આપવો પડી રહ્યો છે.
સુરતના જ પાલનપોરમાં આવેલી સરકારી શાળા નં. 318 માં, એક બોર્ડ લટકાવવામાં આવ્યું હતું જેમાં માહિતી આપવામાં આવી હતી કે પ્રવેશ ફક્ત બાલમંદિરમાં તેમજ ધોરણ 1, 4 અને 5 માં આપવામાં આવશે. જો કે, થોડા જ દિવસોમાં, શાળા તેની સંપૂર્ણ ક્ષમતા પર પહોંચી ગઈ અને હવે પ્રતિક્ષાયાદીમાં 83 બાળકો છે.
કેટલીક શાળાઓ તેમના બાળકો માટે પ્રવેશ મેળવવા માંગતા વાલીઓને ઓનલાઇન ફોર્મ ભરવા માટે કહી રહી છે. સરકારી શાળા નંબર 334, 346 અને 355માં, 1000-1100ની ક્ષમતા સામે 4200 જેટલી અરજીઓ પ્રાપ્ત થઈ છે. પરિણામે, ડ્રો સિસ્ટમ દ્વારા પ્રવેશ આપવામાં આવશે. જ્યારે બાકીના લોકોને આગામી વર્ષમાં ફરીથી અરજી કરવાનું કહેવામાં આવશે. આ શાળાઓમાં અમુક શિક્ષકોના બાળકો પણ અભ્યાસ કરે છે. કેટલીક શાળાઓમાં, લોકોને તેમના બાળકોને પ્રવેશ અપાવવા માટે ભલામણની જરૂર પડે છે.
મોટા વરાછા વિસ્તારમાં ભારે માંગને કારણે ફાયર સ્ટેશન ઉપરાંત ગુજરાતી માધ્યમની શાળા બનાવવામાં આવી હતી. આ શાળાએ 720 બેઠકોની ક્ષમતા સામે 3000 પ્રવેશ ફોર્મ મેળવ્યા છે. આ જ કેમ્પસમાં અંગ્રેજી માધ્યમની શાળા માટે 225 બેઠકોની ક્ષમતા સામે 1000 ફોર્મ પ્રાપ્ત થયા છે. હવે અહી પણ બાળકોને લકી ડ્રો કરીને એડમિશન આપવામાં આવશે.
વાલીઓનું માનવું છે કે ઘણાં વખતથી શિક્ષણ સમિતિમાં શિક્ષણનું સ્તર સુધરતું રહ્યું છે. સરકાર અને પાલિકા દ્વારા જે સુવિધા આપવામાં આવે છે તે સાધનોનો ઉપયોગ કરીને શિક્ષકો વિદ્યાર્થીઓને સારૂ શિક્ષણ આપી રહ્યાં છે. શિક્ષણ સમિતિનું સ્તર સતત સુધરતું હોવાથી લોકો પોતાના બાળકોને ખાનગી સ્કુલમાંથી શિક્ષણ સમિતિની સ્કુલમાં અભ્યાસ માટે મૂકી રહ્યાં છે. આચાર્ય અને નિરીક્ષકો પણ બાળકોને સમિતિની સ્કુલમાં ભણાવે છે.
ઓનલાઈન એડમિશનના ઇન્ચાર્જ રમાબેન કહે છે કે, સમિતિની શાળાના ધો.1માં પ્રજ્ઞા પ્રોજેક્ટ ચાલે છે. ઉપરાંત સમિતિની સ્કુલમાં વિદ્યાર્થીઓને ભાર વિનાનું ભણતર આપવામાં આવે છે. તેથી વિદ્યાર્થીઓનો માનસિક વિકાસ પણ ઘણો સારો થાય છે. આ ઉપરાંત સમિતિના શિક્ષકો વિદ્યાર્થીઓને દિલ લગાવીને અભ્યાસ કરાવી રહ્યાં છે ઉપરાંત શિક્ષણ સમિતિ અપડેટ થઈ રહી છે.
આમ સુરતની સરકારી શાળાઓ સુવિધાઓ અને શિક્ષણના સ્તરમાં સ્થાનિક પ્રાઈવેટ શાળાઓને પછાડતી થઈ છે. આની પહેલાના વર્ષોમાં પણ સુરતની સરકારી શાળાઓ દ્વારા બહાર પડાતી એડમિશન નોટિફિકેશન બાદ એડમિશન માટે લાંબી કતારો જોવા મળતી જ હતી.
ક્વાડ સમિટ માટે વડાપ્રધાન નરેન્દ્ર મોદીની જાપાનની મુલાકાત ગઈ કાલે પૂરી થઈ હતી. તેમની મુલાકાત દરમિયાન, પીએમ મોદીએ જાપાનના પીએમ ફ્યુમિયો કિશિદા, ઓસ્ટ્રેલિયન પીએમ એન્થોની અલ્બેનીઝ અને યુએસ પ્રમુખ જો બાઇડન સાથે મુલાકાત કરી હતી. ભારતીયો વતી સદ્ભાવના સંકેત તરીકે, પીએમ મોદીએ ઓસ્ટ્રેલિયન પીએમને ગોંડ આર્ટ પેઈન્ટીંગ, જાપાનીઝ પીએમને રોગાન પેઈન્ટીંગ સાથે લાકડાના હાથથી કોતરવામાં આવેલ બોક્સ અને યુએસ પ્રમુખને સાંઝી આર્ટ ભેટમાં આપી હતી. પીએમ મોદીની ભેટ કાલે પૂરો દિવસ સોશિયલ મીડિયામાં છવાયેલ રહી હતી.
પીએમ મોદી દ્વારા હમેશા પોતાના વિદેશ પ્રવાસો દરમિયાન જે તે દેશના વડાઓને આ જ પ્રમાણેની ભારતનો સાંસ્કૃતિક વારસો રજૂ કરતી ભેટ જ અપાય છે. છેલ્લા કટલાક વર્ષોમાં મોદીના આ પ્રયત્નોને કારણે ભારતની ગણી મૃતપાય ભાતીગત કળાઓ ફરીથી જીવિત થઈ છે, જેમાં પીએમ મોદીની ભેટ એક મોટું કારણ છે. તો આપણે જાણીએ કે પીએમએ ક્વાડ દેશોને આપેલ ભેટોની ખૂબી શું છે.
જાપાનના પીએમને PM મોદીની ભેટ: રોગન પેઇન્ટિંગ સાથે લાકડાના હાથથી કોતરવામાં આવેલ બોક્સ
જાપાનના પીએમ મોદીની ભેટ બે અલગ-અલગ કળા-રોગન પેઇન્ટિંગ અને લાકડાના હાથની કોતરણીનું મિશ્રણ છે.
Gujarat’s art and culture spreading their wings to global level. PM Shri @narendramodi ji gift’s to Japan PM, a Wooden Handcarved box with Rogan Painting. Rogan painting, is an art of cloth printing practiced in the Kutch District of Gujarat. pic.twitter.com/NtYAwJaX6B
રોગન પેઇન્ટિંગ, ગુજરાતના કચ્છ જિલ્લામાં કરતી કાપડ પ્રિન્ટિંગની એક કળા છે. આ હસ્તકલામાં, બાફેલા તેલ અને વનસ્પતિ રંગોમાંથી બનાવેલ પેઇન્ટ મેટલ બ્લોક (પ્રિન્ટિંગ) અથવા સ્ટાઈલસ (પેઈન્ટિંગ) નો ઉપયોગ કરીને કાપડ પર નાખવામાં આવે છે. 20મી સદીના ઉત્તરાર્ધમાં આ હસ્તકલા લગભગ મૃત્યુ પામી હતી. રોગન પેઇન્ટિંગ અહીના માત્ર એક જ પરિવાર દ્વારા કરવામાં આવે છે.
‘રોગન’ શબ્દ ફારસીમાંથી આવ્યો છે, જેનો અર્થ થાય છે વાર્નિશ અથવા તેલ. રોગન પેઇન્ટિંગ બનાવવાની પ્રક્રિયા ખૂબ જ કપરી અને કુશળતા માંગી લેનાર છે. કલાકારો આ પેઇન્ટ પેસ્ટનો થોડો જથ્થો તેમની હથેળીમાં મૂકે છે. ઓરડાના તાપમાને, પેઇન્ટને ધાતુના સળિયાનો ઉપયોગ કરીને મોટિફ્સ અને છબીઓમાં કાળજીપૂર્વક ટ્વિસ્ટ કરવામાં આવે છે જે ક્યારેય ફેબ્રિકના સંપર્કમાં આવતા નથી. પછી, કારીગર તેની ડિઝાઇનને ખાલી ફેબ્રિકમાં ફોલ્ડ કરે છે, ત્યાં તેની મિરર ઇમેજ છાપે છે. હકીકતમાં તે પ્રિન્ટિંગનું ખૂબ જ મૂળભૂત સ્વરૂપ છે. અગાઉ ડિઝાઇનો પ્રકૃતિમાં સરળ અને ગામઠી હતી પરંતુ સમયની સાથે હસ્તકલા વધુ શૈલીયુક્ત બની છે અને હવે તેને ઉચ્ચ કલા સ્વરૂપ તરીકે ગણવામાં આવે છે.
લાકડા પર હાથ દ્વારા કોતરણી એ ભારતના પ્રખ્યાત સ્મારકોમાંથી લેવામાં આવેલી પરંપરાગત જાળી ડિઝાઇનથી પ્રેરિત એક જટિલ કલા છે. જેની ડિઝાઇન્સ નિષ્ણાતો દ્વારા સૌથી વધુ સુમેળમાં બનાવવામાં આવે છે. લાકડાની હસ્ત કોતરણીનું કૌશલ્ય એ ભારતની ઉત્તમ કારીગરી અને સમૃદ્ધ પરંપરાનું ઉદાહરણ છે.
યુએસના રાષ્ટ્રપતિને PM મોદીની ભેટઃ સાંઝી આર્ટ
અમેરિકના રાષ્ટ્રધ્યક્ષને અપાયેલ આ ભેટ, સાંઝી, કાગળ પર હસ્ત કોતરણી કળા, ઉત્તર પ્રદેશના મથુરાની,ભગવાન કૃષ્ણનું સુપ્રસિદ્ધ ઘર, એક વિશિષ્ટ કળા છે.
PM Modi gifts Sanjhi Art panel to US President Biden during meeting in Tokyo
પરંપરાગત રીતે ભગવાન કૃષ્ણની વાર્તાઓના રૂપરેખા સ્ટેન્સિલમાં બનાવવામાં આવે છે. આ સ્ટેન્સિલને કાતર અથવા બ્લેડનો ઉપયોગ કરીને મુક્ત હાથથી કાપવામાં આવે છે. નાજુક સાંઝીને ઘણીવાર કાગળની પાતળી શીટ્સ દ્વારા એકસાથે રાખવામાં આવે છે.
રાષ્ટ્રીય પુરસ્કાર મેળવનાર પ્રખ્યાત કલાકાર દ્વાર મથુરાના ઠાકુરાની ઘાટની થીમ પર આધારિત આ જટિલ સાંઝી આર્ટ બનાવાઇ છે.
ઓસ્ટ્રેલીયાના નવા બનેલ પીએમને ભેટ તરીકે અપાયેલ ગોંડ ચિત્રો એ આદિવાસી કલાના સૌથી પ્રશંસનીય સ્વરૂપોમાંના એક છે. ‘ગોંડ’ શબ્દ ‘કોંડ’ શબ્દ પરથી આવ્યો છે જેનો અર્થ થાય છે ‘લીલો પર્વત’.
PM @narendramodi’s gift to Australian PM: Gond Art Painting
Gond paintings are one of the most admired tribal art form. The word ‘Gond’ comes from the expression ‘Kond’ which means ‘green mountain’. pic.twitter.com/aUwPOrQpem
— Prasar Bharati News Services पी.बी.एन.एस. (@PBNS_India) May 24, 2022
બિંદુઓ અને રેખાઓ દ્વારા બનાવવામાં આવેલ આ ચિત્રો ગોંડની દિવાલો અને તળિયા પર ચિત્રાત્મક કલાનો એક ભાગ છે અને તે દરેક ઘરના બાંધકામ અને પુનઃનિર્માણ સાથે, સ્થાનિક રીતે ઉપલબ્ધ કુદરતી રંગો અને કોલસા, રંગીન માટી, છોડનો રસ, પાંદડા, ગાયનું છાણ, ચૂનાનો પાઉડર, વગેરે જેવી સામગ્રી સાથે કરવામાં આવે છે.
ગોંડ આર્ટને ઓસ્ટ્રેલિયાની એબોરિજિનલ આર્ટ જેવી જ ગણવામાં આવે છે. ઓસ્ટ્રેલિયાના આદિવાસીઓની પોતાની વાર્તાઓ છે જેમ ગોંડ લોકો સર્જન વિશે વાતો કરે છે.
આ બે કલા સ્વરૂપો તેમના સર્જકો વચ્ચે હજારો માઈલના ભૌતિક અંતર દ્વારા વિભાજિત છે પરંતુ તેની લાગણી અને ભાવનાત્મક કેન્દ્રથી નજીકથી એકીકૃત અને જોડાયેલા છે જે કોઈપણ કલા સ્વરૂપની નિશ્ચિત વિશેષતાઓ છે.
આમ પીએમ મોદીની ભેટ હમેશા ભારતના સાંસ્કૃતિક વારસા અને કળાને વૌશ્વિક પટલ સુધી પહોચાડવાનું મુખ્ય સાધન બની રહે છે.
‘રાણી નાયકી દેવી સોલંકી’ ઈતિહાસના પાનામાંથી ગાયબ એક એવી નાયિકા હતી, જેણે એ મોહમ્મદ ઘોરીને ધૂળ ચટાવી હતી, જેણે પૃથ્વીરાજ ચૌહાણને કપટથી હરાવ્યા હતા. રાણી નાયકી દેવીનો ઈતિહાસ ભારતીય ઈતિહાસના પાનાઓમાં સુવર્ણ અક્ષરે લખવો જોઈતો હતો, પરંતુ બેવડી માનસિકતાથી પીડિત ઈતિહાસકારોએ ઈતિહાસના પુસ્તકોમાંથી રાણી નાયકી દેવીનું નામ ભૂંસી નાખ્યું.
રાણી નાયકી દેવીનો ઈતિહાસ જાણીને દરેક ભારતીયને જરૂર ગર્વ થશે કે આવી મહાન નાયિકા આપણા દેશમાં જન્મી છે.
ગુજરાતના ચાલુક્ય વંશના રાજકુમારી નાયકી દેવીનો જન્મ ગોવામાં થયો હતો. રાજકુમારી નાયકી દેવી, જેમણે બાળપણથી જ યુદ્ધની કળામાં નિપુણતા મેળવી હતી, તે એક કુશળ રાજદ્વારી પણ હતા. તેમના પિતા મહારાજા શિવચિત્ત પરમંડી, કંડબના મહામંડલેશ્વર હતા. જ્યારે રાજકુમારી નાયકી દેવી મોટા થયા ત્યારે તેમના લગ્ન ગુજરાતના રાજકુમાર અજયપાલ સિંહ સાથે થયા હતા. અજયપાલ સિંહ ગુજરાતના મહારાજા મહિપાલના પુત્ર હતા. અને આમ રાજકુમારી નાયકી દેવી બન્યા રાણી નાયકી દેવી સોલંકી.
સન 1175 માં, અજયપાલ સિંહની તેમના જ અંગરક્ષક દ્વારા હત્યા કરવામાં આવી હતી. મહારાજા અજયપાલ સિંહનો કાર્યકાળ 4 વર્ષ સુધી ચાલ્યો, તેમણે 1171 થી 1175 સુધી શાસન કર્યું.
રાણી નાયકી દેવીના હાથમાં આવી રાજ્યની કમાન
મહારાજા અજયપાલ સિંહ સોલંકીના મૃત્યુ પછી, અણહિલવાડ (ગુજરાત) ની કમાન રાણી નાયકી દેવી સોલંકીના હાથમાં આવી કારણ કે આ સમયે તેમનો પુત્ર ઉંમરમાં ખૂબ નાનો હતો. અજયપાલ સિંહ સોલંકી અને રાણી નાયકી દેવી સોલંકીને 2 પુત્રો હતા, જેમાં મોટા પુત્રનું નામ મૂળરાજ બીજો અને નાના પુત્રનું નામ ભીમદેવ બીજો હતું.
ગુજરાત રાજ્ય માટે આ સંકટનો સમય હતો કારણ કે ઘણા વિદેશી આક્રમણકારો અને દુશ્મનોની નજર આ રાજ્ય પર હતી. અજયપાલ સિંહના મૃત્યુ પછી, ઘણા દુશ્મનો આ રાજ્યની આવક અને સંપત્તિ પર કબજો કરવા માંગતા હતા. ગુજરાત રાજ્ય સમક્ષ પ્રથમ સંકટ એ હતું કે રાજ્યની કમાન કોના હાથમાં સોંપવી.
રાજ્યના વરિષ્ઠ મંત્રીઓ, જાગીરદારો અને દરબારી રાજાઓએ મળીને નિર્ણય કર્યો કે આ રાજ્ય રાજકીય કુશળ અને રાજદ્વારી રાણી નાયકી દેવીના હાથમાં સુરક્ષિત રહેશે અને રાજ્યની કમાન તેમને સોંપવાનો નિર્ણય લેવામાં આવ્યો. નાયકી દેવી તે સંભાળવાનો ઇનકાર કર્યો અને કહ્યું કે નિયમો અનુસાર, આ રાજ્યનો વારસદાર જીવિત હોય ત્યાં સુધી અન્ય કોઈ સિંહાસન પર બેસી શકે નહીં.
પરંતુ જ્યારે જાગીરદારો અને મંત્રીઓ તેમની વાત પર અડગ રહ્યા, ત્યારે રાણી નાયકી દેવીએ નક્કી કર્યું કે તે રાજ્યની કમાન પોતાના હાથમાં લઈ શકતી નથી, પરંતુ આ રાજ્યના અનુગામી, મુળરાજ બીજાના પ્રતિનિધિ તરીકે સ્થાન લીધું અને રાજ્યને માર્ગદર્શન આપવા સંમત થયા.
મહારાજા મૂળરાજ બીજાના રાજા બન્યા પછી થોડા સમય માટે ગુજરાત રાજ્યમાં બધું જ શાંતિપૂર્ણ હતું. પરંતુ ધીમે ધીમે ચારેબાજુથી દુશ્મનોએ આ રાજ્ય પર વિજય મેળવવા અને સંપત્તિ લૂંટવાના ઇરાદાથી તૈયારીઓ શરૂ કરી દીધી. રાણી નાયકી દેવીને જાસૂસો દ્વારા માહિતી મળી હતી કે મુસ્લિમ આક્રમણકારો ગમે ત્યારે રાજ્ય પર હુમલો કરી શકે છે. તરત જ, તેમણે પડોશી સામંતશાહી શાસકોની મદદ માંગી, જેમ કે જાલોર ચાહમાના શાસક કીર્તિપાલ, અર્બુદા પરમાર શાસક ધારવર્ષા, નાદુલા ચાહમાના શાસક કેલહનદેવ અને વધુ. તેઓ મદદ કરવા સંમત થયા.
મોહમ્મદ ઘોરી એક અફઘાન લૂંટારો હતો જે ગુંડો અને આક્રમણખોર હતો. પોતાનું સામ્રાજ્ય વધારવા માટે, 1178 માં, એક વિશાળ સૈન્ય સાથે, તે ગુજરાતની રાજધાની અણહિલવાડ તરફ પ્રયાણ કર્યું. મોહમ્મદ ઘોરીનો ઉદ્દેશ્ય ગુજરાત રાજ્ય પર વિજય મેળવવાનો હતો. આને ધ્યાનમાં રાખીને, વર્ષ 1178 માં, અણહિલવાડાથી 40 માઇલ દૂર, મોહમ્મદ ઘોરીએ આજના માઉન્ટ આબુ નજીક ગદારરાઘટ્ટા નામના ઘાટ પર તંબુ લગાવીને તેની લશ્કરી છાવણીની સ્થાપના કરી.
મોહમ્મદ ઘોરીએ રાણી નાયકી દેવીના રાજ્ય પર સીધો હુમલો કર્યો ન હતો અને તેના એક દૂત દ્વારા સંદેશ મોકલ્યો હતો કે રાણી અને તેના બાળકો તેમજ રાજ્યની તમામ મહિલાઓ અને પુત્રીઓને સંપત્તિ સહિત મને સોંપો, નહીં તો બધા મોતને ઘાટ ઉતારી દેવામાં આવશે. જ્યારે મોહમ્મદ ઘોરીનો સંદેશવાહક સંદેશ લઈને રાણી નાયકી દેવીના દરબારમાં પહોંચ્યો, ત્યારે રાણીએ સંદેશ વાંચ્યો અને જવાબમાં મોહમ્મદ ઘોરીને લખ્યું કે “અમે તમારી બધી શરતો સ્વીકારીએ છીએ”.
રાણી નાયકી દેવીના આ નિર્ણયે રાજ્યના તમામ મંત્રીઓ અને જાગીરદારોને શંકામાં મૂક્યા. પછી રાણીએ તેમને સમજાવ્યું કે આ તેની યુક્તિ છે, મોહમ્મદ ઘોરીને હરાવવાનો એક માર્ગ છે.
રાણી નાયકી દેવીએ રાજ્યની તમામ મહિલાઓ અને છોકરીઓને નાડોલના રાજા કેલહન દેવ ચૌહાણના સ્થાને મોકલ્યા જેથી તેઓ ત્યાં સુરક્ષિત રહી શકે. રાણી નાયકી દેવી સોલંકીએ નવા સેનાપતિ કુંવર રામવીરને કેટલાક સૈનિકો સાથે પોતાનાથી થોડે દૂર રહેવાનો આદેશ આપ્યો.
કેટલાક યોદ્ધાઓ માઉન્ટ આબુની તળેટીમાં છુપાઈ ગયા હતા, આમ રાણીએ મોહમ્મદ ઘોરીને ગેરમાર્ગે દોરવા માટે તેની 25,000 સૈનિકોની સેનાને જુદા જુદા ભાગોમાં વહેંચી દીધી હતી. સંપૂર્ણ યોજના બનાવીને રાણી નાયકી દેવીએ પોતાના બે પુત્રો મુળરાજ અને ભીમદેવને પોતાની પીઠ પર બાંધીને મોહમ્મદ ઘોરીના લશ્કરી છાવણી તરફ ઘોડા પર બેસી કૂચ કરી.
મોહમ્મદ ઘોરી પોતાની જીતને નક્કી માનીને અંતરમાં ખૂબ જ ખુશ હતો અને તેણે રાણી નાયકી દેવીને પોતાની તરફ આવતા જોયા, તેની ખુશીનો કોઈ પાર ન રહ્યો. રાણી નાયકી દેવી મોહમ્મદ ઘોરીથી થોડે દૂર આવ્યા પછી રોકાઈ ગયા. રાણી ત્યાં રોકાઈ કે તરત જ મોહમ્મદ ઘોરીની સેનામાંના રાજપૂત સૈનિકોએ હર હર મહાદેવના નારા લગાવતા તુર્કી સૈનિકો પર તૂટી પડ્યા.
રાણી નાયકી દેવી સોલંકી સાથે હાથી પર સવાર સૈનિકો, પગપાળા સૈનિકો અને સૈનિકોને જોઈને મોહમ્મદ ઘોરીના પગ નીચેથી જમીન સરકી ગઈ.
મોહમ્મદ ઘોરી કંઈ સમજે તે પહેલા રાણીએ તીક્ષ્ણ તલવાર વડે મોહમ્મદ ઘોરીના પાછળના ગુપ્ત ભાગ પર ઘા કર્યો. ઘાયલ અવસ્થામાં દર્દથી ધ્રૂજતો મોહમ્મદ ઘોરી યુદ્ધના મેદાનમાંથી ભાગી ગયો.
મેરુતુંગ અને અન્ય ઈતિહાસકારો દ્વારા લખાયેલ પુસ્તક “પ્રબંધ ચિંતામણિ” અનુસાર, મોહમ્મદ ઘોરી એટલો બધો ડરી ગયો હતો કે તે મુલતાન પહોંચ્યા પછી જ પોતાના ઘોડા પરથી નીચે ઉતર્યો હતો. મુલતાન પહોંચ્યા પછી મોહમ્મદ ઘોરીએ જોયું કે એ પોતે નપુંસકની જેમ ભાગી આવ્યો છે, અને આ ઘટના પછી મોહમ્મદ ઘોરીએ આગામી 13 વર્ષ સુધી ભારત તરફ આંખ પણ ઉંચી નહોતી કરી.
મોહમ્મદ ઘોરી અને રાણી નાયકી દેવી સોલંકી વચ્ચેના આ યુદ્ધમાં ગુજરાતનાં પાડોશી જાલોર ચાહમાના શાસક કીર્તિપાલ, અર્બુદા પરમાર શાસક ધારવર્ષા, નાદુલા ચાહમાના શાસક કેલહનદેવ ચૌહાણ વગેરેએ રાણીની મદદ કરી હતી. વિશ્વ વિખ્યાત ઈતિહાસકાર કર્નલ જેમ્સ ટોડ અને ડો.દશરથ શર્મા દ્વારા લખાયેલા પુસ્તકોમાંથી પણ આના પુરાવાઓ મળે છે.
વીર નાયિકા રાણી નાયકી દેવી સોલંકીને આપણા દેશના કુંઠિત માનસિકતાના લેફ્ટ-લિબરલ ઈતિહાસકારોએ ઈતિહાસના પુસ્તકોમાંથી હટાવી દીધા હતા.
નાયકી દેવી જેવી મહિલા યોદ્ધાઓ શક્તિનું સ્વરૂપ છે, જેમણે સદીઓથી ધર્મ અને માતૃભૂમિની રક્ષા કરી છે. ભારતીય સમાજમાં મહિલાઓએ યોદ્ધાઓ તેમજ બૌદ્ધિક તરીકે સભ્યતાના મૂલ્યોને જાળવી રાખવામાં અમૂલ્ય યોગદાન આપ્યું છે. હિંદુ ધાર્મિક ગ્રંથો ગાર્ગી, મૈત્રેયી, લોપા મુદ્રા, ઉભયા ભારતી વગેરે જેવી મહિલાઓ વિશે વાત કરે છે જેઓ તેમની ચર્ચા કરવાની કુશળતા અને ઉચ્ચ બુદ્ધિ માટે જાણીતી હતી. આપણા ઈતિહાસમાં રાણી દુર્ગાવતી, રાણી લક્ષ્મીબાઈ, વેલુ નાચિયાર અને રાણી અબક્કા જેવી જીવંત મહિલા યોદ્ધાઓ છે જેમણે પોતાની માતૃભૂમિની રક્ષા માટે પોતાના જીવનનું બલિદાન આપ્યું છે.
ભારતની આવી ઐતિહાસિક જાજરમાન મહિલા પ્રતિમાઓની જાણકારી વ્યાપક કરવી એ સમયની જરૂરિયાત છે કે જેઓ ધર્મ પ્રત્યે પ્રતિબદ્ધ હતા અને તેમને મહિલા સશક્તિકરણ માટે અનુસરવા યોગ્ય રોલ મોડેલ તરીકે રજૂ કરવાની જરૂર છે.
રાણી નાયકી દેવી દ્વારા દર્શાવાયેલ આ બહાદુરી અનેહિંમતની ઐતિહાસિક ઘટના હવે સિનેમા દ્વારા વ્યાપક દર્શકો સુધી પહોંચશે.
જ્યારે દિલ્હીના છેલ્લા હિંદુ શાસક પૃથ્વીરાજ ચૌહાણ સામે તરૈન (1192)ના બીજા યુદ્ધમાં ઇસ્લામિક આક્રમણખોર મુહમ્મદ ઘોરીની જીત એ એક વ્યાપકપણે જાણીતી ઐતિહાસિક ઘટના છે, પરંતુ એના 14 વર્ષ પહેલા થયેલ મહત્વના યુદ્ધ (1178) વિશે મોટાભાગના લોકો જાણતા નથી. ઘોરીને વર્ષ 1178 માં નાયકી દેવી સોલંકી નામના યોદ્ધા હિંદુ રાણીએ હરાવ્યો હતો જ્યારે તેણે ગુજરાત પર આક્રમણ કર્યું હતું. આ ઘટના, જે ગુજરાતના ગૌરવશાળી ઈતિહાસનો એક ભાગ છે, હવે આ વર્ષે 6ઠ્ઠી મેના રોજ રિલીઝ થનારી “નાયિકા દેવી : The Warrior Queen” નામની આગામી ગુજરાતી ફિલ્મના રૂપમાં સ્ક્રીન પર આવશે.
ATree પ્રોડક્શન હાઉસ હેઠળ ઉમેશ શર્મા દ્વારા નિર્મિત મૂવી ગુજરાતી સિનેમાની પ્રથમ પિરિયડ ડ્રામા મૂવી છે, જે 12મી સદીના ગુજરાતને દર્શાવે છે. આ ફિલ્મનું નિર્દેશન નીતિન જી દ્વારા કરવામાં આવ્યું છે, જેમણે તેલુગુ સિનેમામાં તેમની મોટાભાગની ફિલ્મોનું દિગ્દર્શન કર્યું છે. ફિલ્મની સ્ટાર કાસ્ટમાં ખુશી શાહ, મનોજ જોશી, ચંકી પાંડે, જયેશ મોરે, ચિરાગ જાની અને કૌશામ્બી ભટ્ટનો સમાવેશ થાય છે.
કોંગ્રેસ નેતા રાહુલ ગાંધી હાલ ઇંગ્લેન્ડના પ્રવાસે છે જ્યાં તેઓ કેમ્બ્રિજ યુનિવર્સીટી ખાતે સ્વતંત્રતાના 75 વર્ષ બાદ ભારતના ભવિષ્ય અંગે ચર્ચા કરવા માટે એક કાર્યક્રમમાં સહભાગી થયા હતા. કાર્યક્રમ દરમિયાન રાહુલ ગાંધીએ એક રાષ્ટ્રના રૂપમાં ભારતના અસ્તિત્વને નકારવાથી લઈને ભારતના આંતરિક મુદ્દાઓમાં પશ્ચિમી દેશોના હસ્તક્ષેપની માંગ સુધી અનેક ભારત વિરોધી નિવેદનો આપ્યાં હતાં. આ જ ઉપક્રમને જાળવી રાખતા રાહુલ ગાંધીએ આજે ભારત વિરોધી અને પાકિસ્તાન સમર્થક જેરેમી કોર્બિન સાથે મુલાકાત કરી હતી. તેઓ બ્રિટનની લેબર પાર્ટીના પ્રમુખ રહી ચૂક્યા છે.
સોશિયલ મીડિયા પર સામે આવેલ તસ્વીરમાં રાહુલ ગાંધી અને ઇન્ડિયન ઓવરસીઝ કોંગ્રેસના અધ્યક્ષ સેમ પિત્રોડા જેરેમી કોર્બિન સાથે જોવા મળ્યા હતા. નોંધવું જોઈએ કે રાહુલ ગાંધીની જેમ કોર્બિન પણ પોતાની પાર્ટીને બે ચૂંટણીમાં હાર અપાવી ચૂક્યા છે.
કોણ છે આ જેરેમી કોર્બિન અને કેમ રાહુલ ગાંધી સાથે તેમની મુલાકાત ભારતીયોને પસંદ આવી નથી. એકે નજર તેમના પાછલા રેકોર્ડ પર નાંખીએ અને સમજીએ કે શા માટે ભારતમાં ચૂંટણી જીતવા માંગતા વ્યક્તિએ કોર્બિનથી અંતર જાળવી રાખવું જોઈએ.
કાશ્મીર મુદ્દે હસ્તક્ષેપ કરવાના પ્રયત્નો કરી ચૂક્યા છે
કોર્બિન હંમેશા કાશ્મીરી ભાગલાવાદીઓનું સમર્થન કરતા આવ્યા છે અને કાશ્મીર મુદ્દે પાકિસ્તાનનું સમર્થન કરતા આવ્યા છે. લેબર પાર્ટીના અધ્યક્ષ તરીકે તેમણે તેમના કાર્યકાળ દરમિયાન તેમની પાર્ટીના સાંસદોએ અનેક વખત પાકિસ્તાનનો પક્ષ લઇ કાશ્મીર મુદ્દે હસ્તક્ષેપ કરવાના પ્રયત્નો કર્યા હતા. લેબર પાર્ટીએ એક પ્રસ્તાવ પણ પાસ કર્યો હતો જેમાં કાશ્મીરમાં આંતરરાષ્ટ્રીય હસ્તક્ષેપ અને કોર્બિનના કાર્યકાળ દરમિયાન સંયુક્ત રાષ્ટ્રના નેતૃત્વમાં જનમત સંગ્રહ કરવાની પણ વાત કહી હતી.
ઉપરાંત, કોર્બિને કાશ્મીર મુદ્દે ચર્ચા કરવા માટે કોંગ્રેસ પાર્ટીના પ્રતિનિધિઓને મળ્યા હતા અને કોંગ્રેસ પાર્ટીના માધ્યમથી કાશ્મીર મુદ્દે હસ્તક્ષેપ કરવાની માંગ કરી હતી. જોકે, નોંધવાલાયક વાત એ છે કે ત્યારે ન કોંગ્રેસ પાર્ટી સત્તામાં હતી કે ન કોર્બિન.
A very productive meeting with UK representatives from the Indian Congress Party where we discussed the human rights situation in Kashmir.
There must be a de-escalation and an end to the cycle of violence and fear which has plagued the region for so long. pic.twitter.com/wn8DXLohJT
પાકિસ્તાની સમર્થક કોર્બિન સાથે પાર્ટીના પ્રતિનિધિમંડળે મુલાકાત કર્યા બાદ ભારતમાં કોંગ્રેસનો વિરોધ શરૂ થઇ ગયો હતો. જે બાદ કોંગ્રેસ પાર્ટીએ એમ કહીને છટકબારી શોધી લીધી હતી કે તેઓ લેબર પાર્ટીના નેતા દ્વારા કાશ્મીર મુદ્દે પાસ કરવામાં આવેલ પ્રસ્તાવની નિંદા કરવા માટે મળ્યા હતા.
Our meeting with @jeremycorbyn was held to condemn the Kashmir resolution passed by his Party & to reiterate that J&K is an internal matter & outside intervention will not be accepted. @BJP4India‘s malicious statements are another attempt to distract people from their failures.
એટલું જ નહીં, લેબર પાર્ટીના સાંસદ લિયામ બર્ને એક પાકિસ્તાની ભીડનું નેતૃત્વ પણ કર્યું હતું, જે માર્ચમાં લંડન સ્થિત ભારતીય હાઈ કમિશનમાં તોડફોડ કરવામાં આવી હતી. પોતે મુસ્લિમ મતવિસ્તારનું પ્રતિનિધિત્વ હોવાના કારણે બર્ન અગાઉ પણ કાશ્મીર મુદ્દે પાકિસ્તાનનું સમર્થન કરી ચૂક્યા છે.
આતંકવાદ સમર્થક જેરેમી કોર્બિન
જેરેમી કોર્બિન હંમેશા આતંકવાદીઓ અને કટ્ટરપંથીઓનું સમર્થન કરતા આવ્યા છે. કાશ્મીર મુદ્દો હોય કે આયરલેન્ડ, કે પછી લેબનાન કે ગાઝાનો વિવાદ હોય, કોર્બિને હંમેશા આતંકીઓ કે કટ્ટરપંથીઓ પ્રત્યે નરમ વલણ દાખવ્યું છે.
ભૂતકાળમાં કોર્બિન કટ્ટરપંથી ઇસ્લામિક આતંકવાદીઓ હમાસ અને હિઝબુલ્લાહને ‘મિત્ર’ ગણાવી ચૂક્યા છે. જોકે, તેમણે આ નિવેદન અંગે ખેદ વ્યક્ત કર્યો હતો પરંતુ બીજી તરફ તેમણે એમ પણ કહ્યું હતું કે તેઓ તેમની સાથે વાત કરવાનું બંધ નહીં કરે. જે બાદ હમાસ તરફથી તેમને ‘સેલ્યુટ’ મળી હતી અને એક નિવેદનમાં હામાસે કહ્યું હતું કે, “બ્રિટિશ લેબર પાર્ટીના નેતા જેરેમી કોર્બિન તરફથી સામુહિક રેલીમાં ભાગ લેનારાઓ માટે પાઠવવામાં આવેલ સંદેશથી અમને ખૂબ આદર અને પ્રશંસા મળ્યા છે.”
તદુપરાંત, કોર્બિન આયરલેન્ડને બ્રિટનથી મુક્ત કરાવવા માટે આતંકવાદનો સહારો લેનાર આયરિશ રિપબ્લિકન આર્મીને પણ ખુલ્લું સમર્થન આપી ચૂક્યા છે. વામપંથી જર્નલ લેબર બ્રિફિંગે આયરિશ આર્મીનું સમર્થન કર્યું હતું અને બ્રાઈડન હોટેલ બોમ્બિંગનું પણ સમર્થન કર્યું હતું, જેમાં પાંચ લોકો માર્યા ગયા હતા અને અન્ય 31 ઈજાગ્રસ્ત થયા હતા. કોર્બિન આ જર્નલના સંપાદકીય બોર્ડના જનરલ સેક્રેટરી હતા.
2015માં બીબીસી રેડિયો અલ્સ્ટર પર વાતચીત કરતા કોર્બિને આઈઆરએ દ્વારા થતી હિંસા અને આતંકવાદની નિંદા કરવાનો સ્પષ્ટ ઇન્કાર કરી દીધો હતો અને જવાબ આપવાની જગ્યાએ ફોન કાપી નાંખ્યો હતો. બ્રિટિશ ઇતિહાસ કાર અને ‘ધ ટેલિગ્રાફ’ માટે લખતા પત્રકાર લિયો મૅકક્રિસ્ટી કોર્બિન વિશે લખે છે કે, “તેઓ એ વ્યક્તિ છે જેમણે 1980 ના દાયકામાં હિંસક આયરિશ રિપબ્લિકન સામે સહાનુભૂતિ વ્યક્ત કરી હતી. 1984 માં તેમણે બ્રાઇડન બોમ્બિંગના એક પખવાડિયા બાદ IRA ના માણસોને આમંત્રિત કર્યા હતા. તેમજ 1987 માં એક હુમલામાં માર્યા ગયેલા આતંકવાદીઓના ‘સન્માન’માં તેમણે એક મિનિટનું મૌન પણ પાળ્યું હતું.
લાગી ચૂક્યા છે યહૂદી વિરોધી ગતિવિધિઓના આરોપ
લેબર પાર્ટીના નેતા તરીકે કોર્બિનના કાર્યકાળ દરમિયાન પાર્ટીમાં યહૂદી વિરોધી ગતિવિધિઓના કારણે અનેક સમર્થકોએ પાર્ટી છોડી દીધી હતી. યુકે સ્થિત એક માનવઅધિકાર પ્રહરી નેતાએ આ ઉત્પીડન અને ભેદભાવ માટે કોર્બિનના સાડા ચાર વર્ષના કાર્યકાળને જવાબદાર ઠેરવ્યો હતો. આખરે યહૂદી વિરોધી ગતિવિધિઓ અંગે સ્વીકાર કરવાનો ઇન્કાર કરતા પાર્ટીએ તેમને કાઢી મૂક્યા હતા.
અન્ય ‘કરતૂતો’
જેરેમી કોર્બિનના મિત્રોએ શૅર કરેલી જાણકારી અનુસાર, તેમના પહેલાં લગ્ન તૂટ્યા બાદ કોર્બિને કેટલાક વામપંથી મિત્રોને જાણીજોઈને બોલાવ્યા હતા અને તેમના રૂમમાં લઇ ગયા હતા, જ્યાં તેમની તત્કાલીન પ્રેમિકા અને હાલ બ્રિટિશ સાંસદ ડાયેના અબોટ તેમના બેડ પર નગ્ન હાલતમાં જોવા મળી હતી. કોર્બિને વામપંથી મિત્રો સામે દેખાડો કરવા માટે આ કર્યું હોવાનું કહેવાય છે.
આ ઉપરાંત, ઈરાની પત્રકાર મઝિયાર બહારી સાથે થયેલ અત્યાચારનું ફિલ્માંકન કરનાર ઈરાની ચેનલ પર આવવા માટે કોર્બિનને લગભગ 27,000 ડોલર મળ્યા હતા. તેઓ 2009 થી 2012 વચ્ચે પાંચ વખત ચેનલ પર જોવા મળ્યા હતા.
કટ્ટર ઇસ્લામવાદી અને યહૂદીઓના વિરોધી રાયદ સલાહને પણ તેઓ સમર્થન જાહેર કરી ચૂક્યા છે. રાયદે અગાઉ યહૂદીઓ વિરુદ્ધ નફરત અને હિંસા ભડકાવવાનો આરોપ લગાવતા 9/11 માટે તેમને જવાબદાર ગણાવ્યા હતા. જેમના વિશે કોર્બિને કહ્યું હતું કે, “તેઓ એક સન્માનિત નાગરિક છે, તેઓ એક અવાજ છે જેને સાંભળવામાં આવવો જોઈએ. તેઓ ખતરનાક વ્યક્તિ તો બિલકુલ નથી અને હું તેમને ચા પીવા આમંત્રણ આપવાનું પસંદ કરીશ.”
આ પ્રકારે, કોંગ્રેસ નેતા રાહુલ ગાંધી એવા બ્રિટિશ રાજનેતા સાથે મુલાકાત કરી આવ્યા છે જેમનો આતંકવાદીઓ અને કટ્ટરપંથીઓનું સમર્થન કરવાનો ઇતિહાસ રહ્યો છે અને જેઓ હંમેશા કાશ્મીર મુદ્દે પાકિસ્તાનનો પક્ષ લેતા આવ્યા છે અને એટલું જ નહીં અગાઉ કાશ્મીર મુદ્દે હસ્તક્ષેપના પ્રયત્નો પણ કરી ચૂક્યા છે. રાહુલ ગાંધીએ એવા રાજનેતા સાથે મુલાકાત કરી હતી જેમને યહૂદી વિરોધી ગતિવિધિઓ માટે પાર્ટીએ કાઢી મૂકવા પડ્યા હતા અને જેઓ દુનિયાના સૌથી ખૂંખાર આતંકવાદીઓને પોતાના મિત્ર ગણાવે છે.
બોલિવુડ નિર્માતા કરણ જોહરની આગામી ફિલ્મ ‘જુગજુગ જિયો’ રિલીઝ થાય તે પહેલાં જ વિવાદોમાં ઘેરાઈ છે. હાલમાં જ પાકિસ્તાની ગાયક અબરાર ઉલ હકે કરણ જોહર અને તેમની પ્રોડક્શન કંપની પર આરોપ લગાવ્યો હતો કે આ ફિલ્મમાં તેમનું ગીત કૉપી કરવામાં આવ્યો હતું. જોકે, આ મામલે T-Series દ્વારા સ્પષ્ટતા કરવામાં આવી છે અને કહેવામાં આવ્યું છે કે તેઓ આ ટ્રેક કાનૂની પ્રક્રિયા દ્વારા લઇ ચૂક્યા છે.
T-Series દ્વારા એક અધિકારિક નિવેદન જારી કરીને કહેવામાં આવ્યું કે, “1 જાન્યુઆરી 2002 ના રોજ આઈટયુન્સ પર રિલીઝ થયેલ આલ્બમ નાચ પંજાબનના ગીત ‘નાચ પંજાબન’ના અધિકાર કાનૂની પ્રક્રિયાથી મેળવી લીધા છે અને તે ‘લોલિવુડ ક્લાસિક’ની યુટ્યુબ ચેનલ પર પણ ઉપલબ્ધ છે, અને જેના માલિકી હકો અને સંચાલન મૂવી બોક્સ રેકોર્ડ્સ દ્વારા કરવામાં આવે છે. કંપનીએ નિવેદનમાં કહ્યું કે તેઓ ગીત રિલીઝ થયા બાદ તમામ પ્લેટફોર્મ ઉપર ક્રેડિટ પણ આપશે.
આ ઉપરાંત, મૂવીબૉક્સ દ્વારા પણ પોતાના નિવેદનમાં કહેવામાં આવ્યું છે કે, “નચ પંજાબન’ ગીતને જુગજુગ જિયો ફિલ્મમાં સામેલ કરવા માટે અધિકારીક લાયસન્સ આપવામાં આવ્યું છે. T-Series, કરણ જૌહર અને ધર્મા પ્રોડક્શનને આ ગીતને પોતાની ફિલ્મમાં ઉપયોગમાં લેવાના સંપૂર્ણ અધિકારો છે. અબરાર અલ હકે જે ટ્વિટ કર્યું છે એ અપમાનજનક અને સંપૂર્ણ રીતે અસ્વીકાર્ય છે.”
Nach Panjaban has been officially licensed for it to be included in the Film “JugJugg Jeeyo” by @TSeries. @karanjohar & @DharmaMovies have the legal rights to use this song in their film and the tweet by @AbrarUlHaqPK earlier today is defamatory and completely unacceptable.
ઉલ્લેખનીય છે કે પાકિસ્તાની ગાયકે અબરાર ઉલ હકે એક ટ્વિટ કરીને કરણ જોહર પર ગીત ચોરી કરવાનો આરોપ લગાવ્યો હતો. તેમણે ટ્વિટ કરીને કહ્યું હતું કે તેમના ગીતની ચોરી થઇ છે અને તેમણે આ માટેના હકો કોઈ ભારતીય ફિલ્મને વેચ્યા નથી. તેમણે આ માટે કોર્ટમાં જવાની પણ ધમકી આપી હતી. બીજી તરફ, ગીતને કાનૂની ગણાવવા પર તેમણે પ્રતિક્રિયા આપતા કહ્યું છે કે, ગીત ‘નચ પંજાબન’નું કોઈને પણ લાયસન્સ આપવામાં આવ્યું નથી. જો કોઈ દાવો કરતું હોય તો એગ્રીમેન્ટ બતાવે. હું કાનૂની પગલાં લઈશ.”
Song “Nach Punjaban” has not been licensed to any one. If someone is claiming it , then produce the agreement. I will be taking legal action.#NachPunjaban
એક તરફ કરણ જોહરની ફિલ્મ ગીતને લઈને વિવાદોમાં છે તો બીજી તરફ એક લેખકે આ જ ફિલ્મ માટે કરણ જોહર પર વાર્તા ચોરી કરવાનો આરોપ લગાવ્યો છે. વિશાલ સિંહ નામના વ્યક્તિએ કહ્યું કે, તેમણે ‘બન્ની રાની’ નામની સ્ક્રિપ્ટ લખી હતી, જેનો ઉપયોગ કરણ જોહરના ‘ધર્મા પ્રોડક્શન્સ’ દ્વારા જુગ જુગ જિયો માટે પરવાનગી લીધા વિના કરવામાં આવ્યો છે. આ દરમિયાન તેમણે પુરાવા તરીકે ઈમેલની કોપી પણ રજૂ કરી હતી, જેમાં જોઈ શકાય છે કે તેમણે સ્ક્રિપ્ટના કેટલાક ભાગો કંપનીને મોકલ્યા હતા. જેનો કંપની તરફથી જવાબ પણ મળ્યો હતો.
પેટ્રોલ અને ડિઝલના વધુ ભાવમાંથી જનતાને રાહત આપવા માટે કેન્દ્ર સરકારે ઇંધણ પરની એક્સાઈઝ ડ્યુટીમાં ઘટાડો કરવાની જાહેરાત કરી હતી. ઉપરાંત, કેન્દ્રે રાજ્ય સરકારોને પણ અપીલ કરી હતી કે તેઓ પણ પોતાની રીતે ટેક્સમાં ઘટાડો કરીને જનતાને રાહત આપે. નાણામંત્રીએ એવા રાજ્યોને પણ ટકોર કરી હતી જેમણે નવેમ્બરમાં કેન્દ્ર સરકારે એક્સાઈઝ ડ્યુટી ઘટાડ્યા બાદ VATમાં ઘટાડો કર્યો ન હતો. ગુજરાત અને મહારાષ્ટ્ર બે પાડોશી રાજ્યો હોવા છતાં બંને રાજ્યોમાં પેટ્રોલ-ડિઝલના ભાવોમાં મોટો તફાવત જોવા મળે છે. જેના કારણે મહારાષ્ટ્રના નજીકના શહેરોમાંથી લોકો ગુજરાતમાં આવીને પેટ્રોલ પુરાવે છે. એટલું જ નહીં, ઉત્તરે પાડોશમાં આવેલા રાજસ્થાનમાંથી પણ નજીકના સરહદના ગામડાઓમાંથી લોકો ગુજરાતમાં આવવાના કિસ્સાઓ બને છે.
ન્યૂઝ એજન્સી ANIના અહેવાલ મુજબ, મહારાષ્ટ્રના સરહદી વિસ્તારોમાંથી લોકો પેટ્રોલ પુરાવવા માટે ગુજરાતમાં આવે છે. તેનું કારણ એ છે કે ગુજરાતમાં પેટ્રોલ અને ડિઝલ મહારાષ્ટ્રના ભાવ કરતા સસ્તા મળી રહ્યા છે.
People from border areas of Maharashtra purchase fuel from Gujarat due to low fuel prices in the latter state
“Maharashtra border is 2 km from here. People buy fuel from our pump as there is a diff of Rs 14/liter in petrol & Rs 3.5/liter in diesel,” said a pump owner in Valsad pic.twitter.com/wvenFBVOMY
ગુજરાતના વલસાડ જિલ્લામાં આવેલ એક પેટ્રોલ પંપના માલિકે ન્યૂઝ એજન્સી ANIને જણાવ્યું હતું કે, અહીંથી મહારાષ્ટ્રની સરહદ 2 કિલોમીટર દૂર છે. પરંતુ ત્યાં અને અહીં પેટ્રોલમાં 14 રૂપિયા પ્રતિ લિટર અને ડિઝલમાં 3.5 રૂપિયા પ્રતિ લિટરનો તફાવત હોવાના કારણે લોકો અમારા પંપ પરથી ઇંધણ ખરીદે છે.”
ANI દ્વારા શૅર કરવામાં આવેલ એક તસ્વીરમાં જોવા મળે છે કે, પેટ્રોલ પંપની બહાર બંને રાજ્યોના પેટ્રોલ-ડિઝલના ભાવોમાં તફાવત દર્શાવતું એક બોર્ડ લગાવવામાં આવ્યું છે અને તેમાં લખવામાં આવ્યું છે કે, “પેટ્રોલ મહારાષ્ટ્રથી 15 રૂપિયા સસ્તું અને ડિઝલ મહારાષ્ટ્રથી 4 રૂપિયા સસ્તું.” જોકે, દક્ષિણ ગુજરાતના ઘણા વિસ્તારોમાં આવેલા પેટ્રોલપંપ ઉપર આ પ્રકારના બોર્ડ જોવા મળે છે.
“I cross the Gujarat-Maharashtra border every day for my work and I usually purchase fuel from this pump. This way we save almost Rs14/liter in petrol and around Rs 3000 every month is saved,” said a customer from Maharashtra pic.twitter.com/mdaFMcLA9D
મહારાષ્ટ્રથી ગુજરાતમાં પેટ્રોલ પુરાવવા માટે આવતા એક ગ્રાહકે ANIને જણાવ્યું હતું કે, “કામના કારણે મારે રોજ ગુજરાત-મહારાષ્ટ્ર સરહદ પાર કરવાનું થાય છે અને હું સામાન્ય રીતે અહીંથી જ પેટ્રોલ પુરાવું છું. જેનાથી લિટર પેટ્રોલે 14 રૂપિયા બચે છે અને મહિનાને અંતે 3000 રૂપિયા બચાવી શકાય છે.”
ઉલ્લેખનીય છે કે દિવાળી પર વૈશ્વિક બજારમાં ક્રૂડ ઓઇલના સતત વધતા ભાવ અને મહામારીના કારણે પેટ્રોલ અને ડિઝલના ભાવ આસમાને પહોંચ્યા હતા ત્યારે દિવાળીની પૂર્વ સંધ્યાએ કેન્દ્ર સરકારે પેટ્રોલ-ડિઝલ પર લાગતી એક્સાઈઝ ડ્યુટી ઘટાડીને પ્રજાને રાહત આપી હતી. આ ઉપરાંત, કેન્દ્રે તમામ રાજ્ય સરકારોને પણ તેમના દ્વારા ઇંધણ પર લાગતો VAT ઘટાડવા માટે અપીલ કરી હતી, જેથી ઇંધણના ભાવમાં વધુ રાહત આપી શકાય.
સરકારની અપીલ બાદ ભાજપશાસિત રાજ્યોએ VAT ઘટાડી દીધો હતો પરંતુ વિપક્ષ દ્વારા શાસિત કેટલાક રાજ્યોમાં VAT ઘટાડવામાં આવ્યો ન હતો. તાજેતરમાં ઇંધણ પરની એક્સાઈઝ ડ્યુટીમાં ફરીથી ઘટાડો કર્યા બાદ ફરી વખત કેન્દ્ર સરકારે રાજ્યોને ટેક્સ ઘટાડવા માટે અપીલ કરી હતી. પરંતુ રાજસ્થાન અને મહારાષ્ટ્રમાં ઇંધણના વધુ ભાવના કારણે આ રાજ્યોના સરહદી વિસ્તારના લોકો ગુજરાતમાં આવીને પેટ્રોલ ખરીદી રહ્યા છે.
વધુમાં, ગુજરાત-મહારાષ્ટ્રમાં ઇંધણના ભાવમાં તફાવતને લઈને ટિપ્પણી કરતા ગૃહરાજ્યમંત્રી હર્ષ સંઘવીએ કહ્યું હતું કે, “સાચો મત અને પ્રજા કલ્યાણની વિચારધારા આ અંતર સર્જે છે.” તેમણે આ સાથે ANIનું ટ્વિટ ક્વોટ કર્યું હતું.
