વરિષ્ઠ કોંગ્રેસી નેતા અને સુપ્રિમ કોર્ટના વરિષ્ઠ વકીલ કપિલ સિબલે આખરે કોંગ્રેસ છોડી દીધી છે. પ્રાપ્ત સમાચાર અનુસાર કપિલ સિબલે સમાજવાદી પાર્ટી તરફથી રાજ્યસભાની ચૂંટણી લડવાનો નિર્ણય કર્યો છે. સમાજવાદી પાર્ટી આવનારી રાજ્યસભાની ચૂંટણીમાં ઉત્તર પ્રદેશમાંથી સિબલને લડાવશે.
કપિલ સિબલના કહેવા અનુસાર તેમણે કોંગ્રેસ 16મી મે ના દિવસે જ છોડી દીધી હતી અને આજે તેઓ સમાજવાદી પાર્ટી તરફથી રાજ્યસભા માટે પોતાની ઉમેદવારી નોંધાવી છે.
Lucknow | I had tendered my resignation from the Congress party on 16th May: Kapil Sibal after filing a nomination for Rajya Sabha elections, with the support of SP pic.twitter.com/yS05HSFWIK
— ANI UP/Uttarakhand (@ANINewsUP) May 25, 2022
કપિલ સિબલ સમાજવાદી પાર્ટીમાં જોડાશે તેવી અટકળો ત્યારે જ ગતિમાન થઇ ગઈ હતી જ્યારે કપિલ સિબલે સમાજવાદી પાર્ટીના આગેવાન નેતા આઝમખાનનો કેસ સુપ્રિમ કોર્ટમાં લડ્યો હતો અને તેમને લગભગ બે વર્ષ બાદ જામીન અપાવ્યા હતા. આજ અટકળો હાલમાં સોશિયલ મિડીયામાં તેજ થઇ રહી છે અનેક લોકો એમ કહી રહ્યા છે કે આઝમ ખાનને આટલા બધા વર્ષે સુપ્રિમ કોર્ટમાંથી જામીન અપાવવા બદલ જ સિબલને રાજ્યસભામાં મોકલવામાં આવ્યા છે.
Azam Khan ke liye case ladne ka gift hain ye Kapil Sibal ko😃
— Tarun તરૂણ👨🦼 (@tarunravani) May 25, 2022
એક રીતે જોવા જઈએ તો વરિષ્ઠ અને કોંગ્રેસ હાઈકમાન્ડથી નારાજ એવા G-23 નેતાઓના ગ્રુપમાં કપિલ સિબલ જ સહુથી વધુ અવાજ ઉઠાવનારા નેતા હતા. એક સમયે કોંગ્રેસની વર્કિંગ કમિટીમાં જેમનો સિક્કો ચાલતો હતો અને દેશના કાયદા પ્રધાન પણ હતા એવા કપિલ સિબલે સોનિયા ગાંધી, રાહુલ ગાંધી અને પ્રિયંકા ગાંધી વિરુદ્ધ અવાજ ઉઠાવ્યો હતો અને તેમની સાથે ગુલામ નબી આઝાદ અને શશી થરૂર જેવા કોંગ્રેસના અતિશય મહત્ત્વના નેતાઓ પણ જોડાયા હતા.
First time he went Rajya Sabha on Lalu’s party ticket in lieu of fighting his case in chaara ghotala. So it is nothing new for him. May be he will fight case for free ( for SP’s Goon or of Azam khan ) in lieu of this ticket as well.
— Abhi Chandel (long live🇷🇺 & Putin) (@PatriotChandel) May 25, 2022
આ તમામ નેતાઓએ ગાંધી પરિવારના કોંગ્રેસ પક્ષ પરના એકહથ્થુ શાસન વિરુદ્ધ અવાજ ઉઠાવ્યો હતો અને પક્ષની કમાન કોઈ યોગ્ય વ્યક્તિને આપવી જોઈએ જેથી કોંગ્રેસ 2014થી જ પોતાના થઇ રહેલા પતનને રોકી શકે. પરંતુ લાગે છે કે કપિલ સિબલે પોતાનો અવાજ ઉઠાવવાની કોશિશ કાયમ નિષ્ફળ રહેતા છેવટે કંટાળીને કોંગ્રેસ છોડી દીધી છે અને સમાજવાદી પાર્ટીનો પાલવ પકડી લીધો છે. તો સામે પક્ષે સમાજવાદી પાર્ટીએ પણ આઝમ ખાન જેવા પોતાના વરિષ્ઠ નેતાને જામીન અપાવનાર આ વકીલને રાજ્યસભામાં મોકલવાનો નિર્ણય કરીને તેમને શિરપાવ આપવાનું કાર્ય કર્યું છે.
Kapil Sibal thanks Azam Khan, who has 87 criminal cases against him, for supporting
— Hinduvaadi Tapan (@hinduvaaditapan) May 25, 2022
his Rajya Sabha nomination!
😂
પરંતુ કોંગ્રેસ માટે સમસ્યા તો વધી જ છે. છેલ્લા ઘણા વર્ષોથી કોંગ્રેસ છોડીને વરિષ્ઠતમ નેતાઓ અન્ય પક્ષમાં ખાસકરીને ભાજપમાં જવા લાગ્યા છે. જ્યોતિરાદિત્ય સિંધિયા જેવા જુના કોંગ્રેસી નેતાઓને કેન્દ્રીયમંત્રી બનાવવામાં આવ્યા છે તો હિમંતા સરમા બિસ્વાને આસામ જેવા રાજ્યના મુખ્યમંત્રી બનાવવામાં આવ્યા છે. ગુજરાતમાં પણ છેલ્લા બે વર્ષમાં કોંગ્રેસના ધારસભ્યો ડબલ ડીજીટમાં પક્ષ છોડીને ભાજપમાં જતા રહ્યા છે.
