Sunday, November 17, 2024
More
    Home Blog Page 1003

    કેનેડામાં 13 જગ્યાએ લોકો પર ચાકુ વડે હુમલો, 10ના મૃત્યું 15 લોકો ઘાયલ; રસ્તાપર ફરી રહ્યા છે 2 સંદિગ્ધ: પ્રસાશનની લોકોને ઘરમાં રહેવાની અપીલ

    ઑપઇન્ડિયા સ્ટાફ
    -
    0
    કેનેડામાં 13 જગ્યાએ લોકો પર ચાકુ વડે હુમલો, 10ના મૃત્યું 15 લોકો ઘાયલ; રસ્તાપર ફરી રહ્યા છે 2 સંદિગ્ધ: પ્રસાશનની લોકોને ઘરમાં રહેવાની અપીલ

    કેનેડામાં 13 જગ્યાએથી સામૂહિક છરાબાજીની ઘટના પ્રકાશમાં આવી છે. આ ઘટનામાં 10 લોકોના મોત થયા છે જ્યારે 15 લોકો ઘાયલ હોવાનું કહેવાય છે. માહિતી મુજબ કેનેડામાં 2 ઈસમો લોકો પર છરા લઈને તૂટી પડ્યા હતા, પ્રશાસનેઆ બન્ને શંકાસ્પદ લોકોની તસવીર બતાવીને એલર્ટ જાહેર કર્યું છે. બંને કાળા રંગની કારમાં બેસીને ઘટનાને અંજામ આપી રહ્યા છે. શહેરમાં ‘સિવિલ ઇમરજન્સી’ પણ લાદવામાં આવી છે.

    રોયલ કેનેડિયન માઉન્ટેડ પોલીસના આસિસ્ટન્ટ કમિશનર રોન્ડા બ્લેકમોરે આ ઘટનાને તાજેતરના વર્ષોમાં સૌથી મોટી ઘટના ગણાવી હતી . બ્લેકમોરના જણાવ્યા અનુસાર, તેઓને પ્રથમ ઘટનાની જાણ સવારે 5:40 વાગ્યે (સ્થાનિક સમય) કરવામાં આવી હતી. આ પછી જાણવા મળ્યું હતું કે હુમલાખોરે સાસ્કાચેવનમાં ઓછામાં ઓછા 13 લોકોને પણ નિશાન બનાવ્યા હતા.

    શંકાસ્પદ હુમલાખોરોનું લોકેશન જાણી શકાયું નથી

    પોલીસ દ્વારા જાહેર કરવામાં આવેલી માહિતી અનુસાર, શકમંદોના નામ ડેમિયન સેન્ડરસન અને માઈલ્સ સેન્ડરસન છે. આ બંને નિસાન રોગ કારમાં નાસતા ફરતા આ ઘટનાને અંજામ આપી રહ્યા છે. હાલ પ્રશાશનને ખબર નથી કે હુમલાખોરો હાલ ક્યાં છે.

    ઘટના બાદ આસિસ્ટન્ટ કમિશનરે કહ્યું હતું કે ઘટના જોઈને લાગે છે કે કેટલાક શકમંદોને નિશાન બનાવવામાં આવ્યા છે અને હજુ બીજા લોકોને પણ હાની પહોંચાડે તેવી શક્યતાઓ છે. તેમને પકડ્યા વિના તેમનો હેતુ જણાવવો ખરેખર મુશ્કેલ છે. આલ્બર્ટા અને મેનિટોબા પ્રાંતોમાં પોલીસ કાર્યરત છે. પરંતુ તેનું સ્થાન હજુ જાણી શકાયું નથી. આ સિવાય ડેમિયન અને માઈલ્સના સંબંધીઓને શોધી કાઢવું ​​હજુ શક્ય નથી અને તેમના એકબીજા સાથે શું સંબંધ છે તે પણ જાણી શકાયું નથી.

    સંકેતોથી દૂર, પોલીસે સ્થાનિકોને હાલ માત્ર ઘરે જ રહેવાની સલાહ આપી છે. જો કે, સોશિયલ મીડિયા પર લોકો કહી રહ્યા છે કે આ બંને શંકાસ્પદ લોકો રેજીનામાં જોવા મળ્યા છે. દરમિયાન, કમિશનર બ્લેકમોરે આરોપીઓને સંદેશો જારી કરીને કહ્યું છે કે, “જો ડેમિયન અને માઈલ્સ અમારી વાત સાંભળી રહ્યા હોય, તો તમે તાત્કાલિક પોલીસને આત્મસમર્પણ કરી દેવા માટે કહેવામાં આવે છે.”

    નોંધનીય છે કે કેનેડામાં રસ્તા પર ચાલતા લોકો પર આ પ્રકારનો હુમલો પહેલીવાર નથી થયો. 2 વર્ષ પહેલા પણ અહીં સામૂહિક ગોળીબારની ઘટના બની હતી. ત્યારબાદ નોવા સ્કોટીયાના એક વ્યક્તિએ 14 કલાકમાં આસપાસમાં ઘૂમીને લોકોને મારી નાખ્યા હતા.

    કેનેડાના પીએમએ શોક વ્યક્ત કર્યો

    આ વખતે પણ બે ડઝન લોકોને નિશાન બનાવવામાં આવ્યા છે. કેનેડાના વડાપ્રધાન જસ્ટિન ટ્રુડોએ તેને ભયાનક અને હૃદયદ્રાવક ઘટના ગણાવી છે. તેમણે મૃતકોના પરિવારજનો પ્રત્યે સંવેદના વ્યક્ત કરી અને કહ્યું કે તેઓ પરિસ્થિતિ પર નજીકથી નજર રાખી રહ્યા છે. પોલીસ તમામ પ્રયાસો કરી રહી છે.

    IT મંત્રાલયે વિકિપીડિયાને મોકલ્યું સમન્સ, અર્શદીપ સિંહને ખાલિસ્તાની દર્શાવવાનો મામલો: ઉચ્ચસ્તરીય સમિતિ તપાસ કરશે, પકિસ્તાનનો હાથ હોવો સંભવ

    ઑપઇન્ડિયા સ્ટાફ
    -
    0
    IT મંત્રાલયે વિકિપીડિયાને મોકલ્યું સમન્સ, અર્શદીપ સિંહને ખાલિસ્તાની દર્શાવવાનો મામલો: ઉચ્ચસ્તરીય સમિતિ તપાસ કરશે, પકિસ્તાનનો હાથ હોવો સંભવ

    રવિવારે (4 સપ્ટેમ્બર, 2022) એશિયા કપમાં ભારત અને પાકિસ્તાન વચ્ચેની મેચમાં, ભારતીય ઝડપી બોલર અર્શદીપ સિંહ ફિલ્ડિંગ દરમિયાન એક કેચ ચૂકી ગયો હતો. આ મેચમાં ભારતનો પરાજય થયો, ત્યારબાદ નકલી પાકિસ્તાની સોશિયલ મીડિયા હેન્ડલ્સે અર્શદીપ સિંહ વિરુદ્ધ ઝેર વેરવાનું શરૂ કર્યું હતું. હવે કેન્દ્રીય ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલય (MeitY) એ આ મામલે સોમવારે વિકિપીડિયાને સમન્સ પાઠવ્યું છે.

    ભારતમાં, એક વિકિપીડિયા એક્ઝિક્યુટિવને બોલાવવામાં આવ્યા છે, જેમાં પૂછવામાં આવ્યું છે કે તેમની સાઇટ પર અર્શદીપ સિંહની પ્રોફાઇલ કેવી રીતે ખાલિસ્તાની સંગઠન સાથે જોડાયેલી છે. ભારત સરકારે ઓનલાઈન એનસાઈક્લોપીડિયા પ્લેટફોર્મને પૂછ્યું છે કે કેવી રીતે અર્શદીપ સિંહના પેજ સાથે ચેડા કરવામાં આવ્યા અને તેમના પેજની એન્ટ્રી એવી રીતે એડિટ કરવામાં આવી કે તેના ખાલિસ્તાની કનેક્શનના દાવા કરવામાં આવ્યા.

    આઇટી મંત્રાલયના સચિવની આગેવાની હેઠળની એક ઉચ્ચ સ્તરીય સમિતિ આ સંદર્ભે વિકિપીડિયાના અધિકારીઓ સાથે પૂછપરછ કરશે. વિકિપીડિયાને સમન્સ ઉપરાંત આ કંપનીને ‘કારણ બતાવો નોટિસ’ પણ મોકલી શકાય છે. આવા સંપાદનોને ટાળવા માટે વધુ પગલાં લેવાની ચેતવણી આપવામાં આવશે. અર્શદીપ સિંહનું પેજ પાકિસ્તાની આઈપી એડ્રેસ સાથે એડિટ કરવામાં આવ્યું હતું જે બાદ તેનું રહેઠાણ ‘ખાલિસ્તાન’ તરીકે બતાવવામાં આવ્યું હતું. જ્યારે AltNewsના મોહમ્મદ ઝુબેરે આ માટે ભારતીયોને જવાબદાર ઠેરવ્યા હતા.

    5 ફેબ્રુઆરી, 1999ના રોજ મધ્ય પ્રદેશના ગુનામાં જન્મેલા અર્શદીપ સિંહ 2018માં ટ્રોફી જીતનાર અંડર-19 વર્લ્ડ કપની ભારતીય ટીમનો ભાગ હતો. પંજાબના ડાબા હાથના ફાસ્ટ બોલર અર્શદીપ સિંહને ‘કિંગ્સ ઈલેવન પંજાબ’ દ્વારા IPLમાં પ્રથમ તક આપવામાં આવી હતી. તેની પ્રથમ આઈપીએલ મેચમાં તેણે જોસ બટલર, ઈંગ્લેન્ડના વિકેટકીપર બેટ્સમેન અને ભારતીય બેટ્સમેન અજિંક્ય રહાણેની વિકેટ લીધી હતી. જૂન 2022માં તેને ભારતીય ટીમમાંથી ડેબ્યૂ કરવાની તક મળી.

    પાકિસ્તાન વિરૂદ્ધ મેચમાં અર્શદીપ સિંહે 18મી ઓવરના ત્રીજા બોલમાં આસિફ અલીનો કેચ છોડ્યો હતો, જે બાદ અચાનક જ તે સોશિયલ મીડિયા પર ટ્રોલ થવા લાગ્યો હતો. કેટલાક એકાઉન્ટ દ્વારા તેને રાષ્ટ્ર વિરોધી જેવા શબ્દો પણ કહ્યા હતા. અર્શદીપને દેશદ્રોહી વગેરે ગણાવીને જે ટ્વીટ કરવામાં આવી છે તે મોટાભાગે પાકિસ્તાન અને આરબ દેશોના લોકોએ પોતાને ભારતીય તરીકે દર્શાવીને કર્યા છે. નોંધનીય છે કે મોહમ્મદ શમીના સમયમાં પણ આવી જ પોસ્ટ કરીને ભારતીયોને બદનામ કરવાનો પ્રયાસ કરવામાં આવ્યો હતો.

    ગ્રાઉન્ડ રિપોર્ટ: ઘરો, મસ્જિદ-મદરેસાઓ પર ચાંદ-તારા સાથે લીલો ઝંડો, ધંધા-રોજગારમાં પણ દખલ: મુસ્લિમ વસ્તી વધારામાં સાથે જ નેપાળના કપિલવસ્તુના ‘કૃષ્ણ નગર’ પર ઈસ્લામિક રંગ ચડ્યો

    राहुल पाण्डेय
    -
    0
    ગ્રાઉન્ડ રિપોર્ટ: ઘરો, મસ્જિદ-મદરેસાઓ પર ચાંદ-તારા સાથે લીલો ઝંડો, ધંધા-રોજગારમાં પણ દખલ: મુસ્લિમ વસ્તી વધારામાં સાથે જ નેપાળના કપિલવસ્તુના ‘કૃષ્ણ નગર’ પર ઈસ્લામિક રંગ ચડ્યો

    તાજેતરમાં એવા ઘણા અહેવાલો આવ્યા છે જે સૂચવે છે કે નેપાળની સરહદે આવેલ ભારતની ડેમોગ્રાફી ઝડપથી બદલાઈ રહી છે. મસ્જિદો અને મદરેસાઓની સંખ્યા સતત વધી રહી છે. 20 થી 27 ઑગસ્ટ 2022 સુધી, OpIndia ટીમે ધરાતલની સ્થિતિનો અભ્યાસ કરવા માટે ભારતને અડીને આવેલા નેપાળના વિસ્તારોની મુલાકાત લીધી હતી. અમે જે જોયું છે તે અમે તમને ક્રમિક રીતે કહી રહ્યા છીએ. આ એપિસોડમાં બીજો અહેવાલ.

    નેપાળ તેની સરહદ ઉત્તર પ્રદેશના સિદ્ધાર્થ નગર જિલ્લા સાથે પણ વહેંચે છે. તમે બઢની બોર્ડરથી નેપાળના કપિલવસ્તુ જિલ્લામાં પ્રવેશો છો. તે ભારત-નેપાળની સૌથી વ્યસ્ત સીમાઓમાંથી એક છે.

    કપિલવસ્તુની ગણતરી નેપાળના તે જિલ્લાઓમાં થાય છે, જ્યાં નોંધપાત્ર મુસ્લિમ વસ્તી છે. 2011ની વસ્તી ગણતરી મુજબ, જિલ્લાની કુલ વસ્તીના 18% મુસ્લિમો છે. અહીં તમે આંતરરાષ્ટ્રીય સરહદ પર મસ્જિદો અને મદરેસા પણ જોઈ શકો છો.

    નેપાળમાં પ્રવેશતાની સાથે જ મસ્જિદ-મદ્રેસા

    બઢની બોર્ડરથી નેપાળમાં પ્રવેશ્યા બાદ કપિલવસ્તુ જિલ્લાનું કૃષ્ણ નગર શરૂ થાય છે. સરહદની બરાબર બાજુમાં બજાર છે. માર્કેટના ગ્રાઉન્ડ ફ્લોર પર ડૉ.સઈદ અહેમદના ક્લિનિકથી લઈને ફૈઝલ પ્રિન્ટિંગ, ઈમરાન મોબાઈલ સુધીની ઘણી દુકાનો આવેલી છે. અલ હલાલ પબ્લિક સેકન્ડરી સ્કૂલ બીજા માળે ચાલે છે. બોર્ડ અનુસાર, તે અંગ્રેજી માધ્યમની શાળા છે. ત્રીજા માળે મસ્જિદ છે, જેનો ગુંબજ ભારતની સરહદેથી પણ દેખાય છે.

    સરહદ પર મસ્જિદ

    આ મસ્જિદની બાજુમાં ત્રણ માળની મદરેસા પણ છે. મદરેસાનું નામ ‘દારુલ સલામ’ છે. સ્થાનિક લોકોએ જણાવ્યું કે મદરેસામાં નેપાળના વિવિધ ભાગોમાંથી તાલિબ (વિદ્યાર્થીઓ) રહે છે. આ ઉપરાંત પશ્ચિમ બંગાળ અને કાશ્મીરમાંથી પણ લોકો આવીને દિની શિક્ષણ મેળવી રહ્યા છે.

    મદરેસા દારુલ સલામ

    બજારમાં તમામ દુકાનો મુસ્લિમોની

    મદ્રેસા દારુલ સલામથી એક શેરી ક્રિષ્ના નગર મુખ્ય બજાર તરફ જાય છે. આ રોડ પરની મોટાભાગની દુકાનો મુસ્લિમોની છે. બજારમાં બુરખા પહેરેલી મહિલાઓને ખરીદી કરતી જોવા મળે તે સામાન્ય છે. પુરુષોના પહેરવેશ પર પણ ઇસ્લામિક પ્રભાવ જોવા મળે છે. ઘણા ઘરો ઉપર ઈસ્લામિક ઝંડા પણ લગાવવામાં આવ્યા છે.

    બજારમાં ખરીદી કરતી મહિલાઓ અને ઘરે ઇસ્લામિક ધ્વજ

    સાઉદી અરેબિયા જેવી મસ્જિદ

    કૃષ્ણનગર માર્કેટથી લગભગ 1 કિલોમીટર આગળ બીજી મોટી મસ્જિદ અને તેની બાજુમાં મદરેસા છે. મસ્જિદનો ઉપરનો ભાગ સાઉદી અરેબિયામાં બનેલી મસ્જિદ અલ નવાબી જેવો છે. આ મસ્જિદનું નામ મદીના મસ્જિદ છે. સ્થાનિક મુસ્લિમોના જણાવ્યા અનુસાર આ મસ્જિદ લગભગ 70 વર્ષ જૂની છે.

    કપિલવસ્તુની મદીના મસ્જિદ

    મદીના મસ્જિદની સામે જ રોડની બાજુમાં એક મોટી મદરેસા છે. આ મદરેસાનું નામ ‘જામિયા ઉમ્મે સલમા’ છે. નજીકના લોકોએ જણાવ્યું કે ભારતમાંથી પણ મોટી સંખ્યામાં છોકરાઓ અહીં શિક્ષણ લેવા આવે છે. કરિયાણાની દુકાન ચલાવતા એક મુસ્લિમ વડીલે જણાવ્યું કે મદીના મસ્જિદ સુન્ની જમાતની છે, જ્યારે સરહદ પરની મસ્જિદ અહલે હદીસના લોકોની છે.

    મદરેસા જામિયા ઉમ્મે સલમા

    મદરેસાની બાજુમાં જ એક ખંડેર મકાન છે. ઘર જૂના મંદિર જેવું લાગતું હતું. પરંતુ આસપાસના લોકો અમને આ ઘર વિશે કોઈ માહિતી આપી શક્યા ન હતા. આરીફ ખાન મદરેસાની પાસે ઠંડા પીણાની દુકાન ધરાવે છે. તેઓ પોતાને વિસ્તારના ભાવિ ધારાસભ્ય ગણાવે છે.

    આરીફ ખાન જે પોતાને ભાવિ ધારાસભ્ય ગણાવે છે

    વિવિધ પક્ષોમાં ઘણા મુસ્લિમ નેતાઓ

    OpIndia ટીમે કૃષ્ણા નગરમાં અનેક રાજકીય પક્ષોના પોસ્ટરો જોયા. પોસ્ટરો તમામ રાજકીય પક્ષોમાં મુસ્લિમોનું નોંધપાત્ર પ્રતિનિધિત્વ દર્શાવે છે. પોસ્ટર પર ઈન્તખાબ અહેમદ ખાન, મિર્ઝા રશીદ બેગ, અકરમ પઠાણ જેવા નામો ભરવામાં આવ્યા હતા. નેપાળના કપિલવસ્તુ જિલ્લાનું કૃષ્ણ નગર ડેમોગ્રાફી બદલાવવાનું મોટું ઉદાહરણ છે.

    મુખ્ય હાઇવે પર પણ મુસ્લિમોની દુકાનો

    એક હાઇવે નેપાળની રાજધાની કાઠમંડુ સાથે ભારતની બઢની સરહદને જોડે છે. આ હાઈવેની બંને બાજુ મુસ્લિમ સમાજના લોકોની ઘણી દુકાનો આવેલી છે. પછી તે ફારુકની ચિકન શોપ હોય કે ચાંદની ગેરેજ… મુસ્લિમ નામોવાળા વેપારી મથકો ભરેલા પડ્યા છે. કૃષ્ણ નગરમાં રાજકીય રીતે સક્રિય દીપેન્દ્રએ કહ્યું કે કપિલવસ્તુ જિલ્લામાં ચાપુરવા, લક્ષ્મીનગર, ભીલમી, બરગાડી, કુદરબેટવા અને જાવાભારી જેવા ઘણા વિસ્તારો મુસ્લિમ પ્રભુત્વ ધરાવે છે.

    કંગના રનૌતે કર્યો વિસ્ફોટક દાવો, કહ્યું ‘મુવી માફિયા’ મહેશ ભટ્ટ અસલમાં અસ્લમ છે, લગ્ન કરવા માટે ફેરવ્યું હતું નામ: ભટ્ટના દીકરાને પણ પિતાથી અસંતોષ

    ઑપઇન્ડિયા સ્ટાફ
    -
    0
    કંગના રનૌતે કર્યો વિસ્ફોટક દાવો, કહ્યું ‘મુવી માફિયા’ મહેશ ભટ્ટ અસલમાં અસ્લમ છે, લગ્ન કરવા માટે ફેરવ્યું હતું નામ: ભટ્ટના દીકરાને પણ પિતાથી અસંતોષ

    સોસિયલ મીડિયામાં કંગના રનૌતે મહેશ ભટ્ટના પોકળ ખોળી નાખતી માહિતી શેર કરી હતી. અભિનેત્રી કંગના રનૌતે દાવો કર્યો છે કે ‘બોલિવૂડ ફિલ્મમેકર મહેશ ભટ્ટનું સાચું નામ અસલમ છે.’ આ પહેલા મહેશ ભટ્ટના પુત્ર રાહુલે પોતે કહ્યું હતું કે તેના પિતા તેનું નામ મોહમ્મદ રાખવા માંગતા હતા. જ્યારે આલિયા ભટ્ટે એપ્રિલમાં રણબીર કપૂર સાથે લગ્ન કર્યા હતા, ત્યારે ઘણા મીડિયા અહેવાલોમાં દાવો કરવામાં આવ્યો હતો કે મહેશ ભટ્ટે તેમની પુત્રીને ફેરાઓ દરમિયાન વચનો આપતા અટકાવી હતી.

    હવે કંગનાએ પોતાની ઇન્સ્ટાગ્રામ સ્ટોરીમાં મહેશ ભટ્ટનો એક જૂનો વીડિયો શેર કર્યો છે. રવિવાર (4 ઓગસ્ટ 2022)ના રોજ શેર કરાયેલા આ વીડિયોમાં ભટ્ટ મુસ્લિમોને સંબોધતા જોવા મળે છે. આ સાથે કંગનાએ લખ્યું છે કે બોલિવૂડ ફિલ્મમેકરનું અસલી નામ ‘મહેશ’ નહીં પણ ‘અસલમ’ છે અને તેઓ પોતાના સાચા નામને છુપાવી રહ્યા છે.

    અહેવાલો મુજબ કંગનાના કહેવા મુજબ મહેશ ભટ્ટે પોતાનું અસલ નામ વાપરવું જોઈએ. સોની રાજદાન સાથે લગ્ન કરવા માટે જે ધર્મમાં આવ્યા હતા તેમણે પોતાને તે ધર્મના ન દેખાડવો જોઈએ. આ સાથે જ મહેશ ભટ્ટ પર સભ્ય ભાષામાં લોકોને હિંસા માટે ઉશ્કેરવાનો આરોપ પણ લગાવવામાં આવ્યો છે. કંગનાએ લખ્યું હતું કે, “મને કહેવામાં આવ્યું કે મહેશ ભટ્ટનું સાચું નામ અસલમ છે. તેણે સોની રાઝદાન સાથે લગ્ન કરવા માટે પોતાનો ધર્મ બદલી નાખ્યો હતો. અસ્લમ એક સુંદર નામ છે, તો તમે તેને છુપાવો છો કેમ? તેઓએ તેમના વાસ્તવિક નામનો જ ઉપયોગ કરવો જોઈએ અને તેઓ ધર્માંતરિત હોવા છતાં કોઈ ચોક્કસ ધર્મના હોવાનો ડોળ ન કરવો જોઈએ.”

    ઉલ્લેખનીય છે કે, કંગનાએ ભટ્ટ કેમ્પની ઘણી ફિલ્મોમાં કામ કર્યું છે. તેણે કેમ્પની ફિલ્મ ‘ગેંગસ્ટર’થી ડેબ્યૂ કર્યું હતું. કહેવાય છે કે કંગનાએ ભટ્ટ કેમ્પની ફિલ્મની ઓફર ઠુકરાવી દીધી હતી. જે બાદ તેમના સંબંધોમાં ખટાશ આવવા લાગી હતી. કંગના રનૌત દ્વારા મહેશ ભટ્ટને ‘મૂવી માફિયા‘ ગણાવ્યા છે. આલિયા ભટ્ટને પણ ઘણા પ્રસંગોએ ઘેરવામાં આવી છે.

    મહેશ ભટ્ટ પર આ પ્રકારના આક્ષેપ પહેલી વાર નથી થયા. તેમના પુત્ર રાહુલ ભટ્ટે પોતે કહ્યું હતું કે , “મારા પિતાનો અંદાજ મારા માટે ક્યારેય સારો રહ્યો નથી. તેમણે ક્યારેય મને તેમનો પુત્ર નથી માન્યો, અને દીકરા જેવો વ્યવહાર પણ કર્યો નથી. તે મારું નામ મોહમ્મદ રાખવા માંગતા હતા. ઘણા લોકો આ વાત માનતા નથી, પરંતુ આ સત્ય છે. તે હંમેશા ઇચ્છતા હતા કે હું મોહમ્મદ તરીકે ઓળખાઉં. પાડોશમાં રહેતા મહારાષ્ટ્રના લોકોએ આ મુદ્દે મારી એંગ્લો ઈન્ડિયન માતાને વિનંતી કરી અને કહ્યું કે મહેશ ભટ્ટ પાસે તેમની બિનસાંપ્રદાયિકતા બતાવવાની અન્ય ઘણી તક છે.”

    તે ઈન્ટરવ્યુ દરમિયાન રાહુલે એમ પણ કહ્યું હતું કે જો મહેશ ભટ્ટને લાગે છે કે તે એક સારા મુસ્લિમ છે તો તેણે પોતાના તમામ બાળકો સાથે સમાન વ્યવહાર કરવો જોઈએ.

    ભગવાન શ્રીકૃષ્ણનું અપમાન કરનાર ઈટાલીયા સામે સમગ્ર હિન્દૂ સમાજ લાલઘુમ: ઉમરાળામાં આપના ગુજરાત અધ્યક્ષ વિરુદ્ધ દાખલ FIR

    ઑપઇન્ડિયા સ્ટાફ
    -
    0
    ભગવાન શ્રીકૃષ્ણનું અપમાન કરનાર ઈટાલીયા સામે સમગ્ર હિન્દૂ સમાજ લાલઘુમ: ઉમરાળામાં આપના ગુજરાત અધ્યક્ષ વિરુદ્ધ દાખલ FIR

    આમ આદમી પાર્ટીના કન્વીનર અને દિલ્હીના સીએમ અરવિંદ કેજરીવાલે પોતાની બે દિવસીય ગુજરાત મુલાકાતમાં દ્વારકાની મુલાકાત લીધી હતી. તે સમયે ગોપાલ ઇટાલીયાની જીભ લપસી હતી અને તેણે ભગવાન શ્રીકૃષ્ણનું અપમાન કર્યું હતું. ગોપાલ ઇટાલીયાએ તેના સંબોધન દરમિયાન ભગવાન શ્રીકૃષ્ણને રાક્ષસ સાથે સરખાવ્યા હતા.

    ઇટાલીયાએ કહ્યું હતું કે ભગવાન શ્રીકૃષ્ણ અને ભાજપના રાક્ષસોથી છોડાવવા માટે અરવિંદ કેજરીવાલ અર્જુન બનીને આવ્યા છે. ગોપાલ ઇટાલીયાએ આ રીતે શ્રીકૃષ્ણને રાક્ષસ સાથે સરખાવ્યા બાદ શ્રીકૃષ્ણના ભક્તોમાં ભારે રોષ જોવા મળ્યો હતો.

    ભાવનગરમાં નોંધાઈ ફરિયાદ

    આમ આદમી પાર્ટીના ગુજરાત પ્રદેશ અધ્યક્ષ ગોપાલ ઈટાલીયાએ દ્વારકા ખાતેની જાહેર સભામાં ભગવાન શ્રીકૃષ્ણને રાક્ષસો સાથે સરખાવીને ભગવાન શ્રી કૃષ્ણ નું અપમાન કરી સમસ્ત હિન્દુ સમાજની લાગણી દુભાવી હતી.

    જે બાદ આહિર સમાજના યુવાન અમિત આહિર દ્વારા ભાવનગર જિલ્લાના ઉમરાળા પોલીસ સ્ટેશનમાં તારીખ 04/09/2002 ના રોજ મોડી રાત્રે ગોપાલ ઈટાલીયા વિરુદ્ધ IPC 295A અને IPC 298 ની કલમ મુજબ ગુનો દાખલ કરાવેલ છે.

    આ સાથે જ ખીલન રબારી નામના માલધારી યુવાને ઈટાલીયાના આ નિવેદનને વખોડ્યું હતું અને સમગ્ર માલધારી સમાજવતી તેને માફી માંગવા માટે હાકલ કરી હતી. તેણે પોતાના વીડિયોમાં કહ્યું હતું કે ઇટાલીયાને હિન્દૂ ધર્મથી એટલો વાંધો છે તો ચૂંટણી આવતા તે કેમ મંદિરોમાં દર્શને જાય છે?

    કેજરીવાલનો આ પ્રવાસ રહ્યો વિવાદાસ્પદ

    માત્ર આ ફરિયાદ જ નહિ પરંતુ કેજરીવાલનો આ બે દિવસીય ગુજરાત પ્રવાસ સમગ્ર રીતે વિવાદાસ્પદ રહ્યો હતો.

    પ્રવાસના પહેલા દિવસે કેજરીવાલે રાજકોટથી આમ આદમી પાર્ટીના ચૂંટણી પ્રચારની શરૂઆત કરી હતી. તેમણે ઘરે ઘરે જઈને લોકોને જુદા જુદા ગેરંટી કાર્ડ આપ્યા હતા અને દિલ્હી વિષે મોટી મોટી વાતો કરીને ગુજરાત માટે પોતાના વાયદાઓ દોહરાવ્યા હતા.

    પરંતુ ઑપઇન્ડિયાએ ગ્રાઉન્ડ પાર જઈને ફેક્ટ-ચેક કરતા સામે આવ્યું હતું કે કેજરીવાલે જે ‘બેરોજગાર’ ભરત વાળાને બેરોજગારી ભથ્થાનુ ગેરંટી કાર્ડ આપ્યું હતું તે પોતે એક ઇલેક્ટ્રિક શોરૂમનો મલિક હતો અને આમ આદમી પાર્ટીનો સમર્થક હતો.

    આ પહેલા પણ કેજરીવાલે ગુજરાતમાં શાહબાઝ ખાન નામના એક લોકલ પેઈડ આર્ટિસ્ટને પોતાની સભામાં બોલાવીને તેની પાસે ગુજરાતનું અપમાન કરવાની અને કેજરીવાલના ગુણગાન ગાવાની એક્ટિંગ કરાવી હતી જે પાછળથી ખુલ્લી પડી ગઈ હતી.

    જીતનો આનંદ માણવાને બદલે પાકિસ્તાનીઓએ અર્શદીપને ટાર્ગેટ બનાવી ભારતમાં ભાગલાવાદી વિચાર ફેલાવ્યો: શમી-2 પ્રોપગેન્ડામાં કેટલાક લેફ્ટ-લિબરલો પણ જોડાયા

    ઑપઇન્ડિયા સ્ટાફ
    -
    0
    જીતનો આનંદ માણવાને બદલે પાકિસ્તાનીઓએ અર્શદીપને ટાર્ગેટ બનાવી ભારતમાં ભાગલાવાદી વિચાર ફેલાવ્યો: શમી-2 પ્રોપગેન્ડામાં કેટલાક લેફ્ટ-લિબરલો પણ જોડાયા

    રવિવારે (4 સપ્ટેમ્બર) દુબઈમાં ભારત અને પાકિસ્તાન વચ્ચે એશિયા કપની બીજી મેચ રમાઈ હતી. આ કટોકટીની લડાઈમાં પાકિસ્તાન એક બોલ બાકી રાખીને 5 વિકેટે જીતી ગયું હતું. પરંતુ પાકિસ્તાનીઓને ભારતીય ખેલાડી અર્શદીપ સિંઘે કેચ છોડતા જીતની ખુશી મનાવવાની જગ્યાએ ભારતમાં જહેર ફેલાવવું વધુ પસંદ કર્યું હતું.

    મેચ શરૂઆતથી લઈને અંત સુધી એકદમ રોમાંચક રહી હતી. ક્યારેક લાગતું કે મેચમાં ભારતની સ્થિતિ મજબૂત છે તો ક્યારેક લાગે પાકિસ્તાન જીતી જશે. પરંતુ 17.3 ઓવરે અર્શદીપ સિંઘે આસિફ અલીનો કેચ રવિ બિશ્નોઈની ઓવરમાં છોડ્યો હતો, જે કદાચ ભારત માટે આ મેચ જીતવાની છેલ્લી તક હતી.

    જે બાદ ભારતે આ મેચ ગુમાવવાનો વારો આવ્યો હતો. પાકિસ્તાન એક બોલ બાકી રાખીને 5 વિકેટે જીતી ગયું હતું. સ્વાભાવિક રીતે જ પાકિસ્તાન ટીમના સપોર્ટર્સ ખુબ ખુશ થયા હતા. પરંતુ ઘણા પાકિસ્તાનીઓએ પોતાના સ્વભાવ મુજબ તેમના આ ખુશીના મોકાને પણ ભારતતરફી દ્વેષ પ્રદર્શિત કરવાનો હાથો બનાવ્યો હતો.

    અર્શદીપ સિંઘનું વિકિપીડિયા પેજ કર્યું એડિટ

    અર્શદીપ સિંઘે કેચ છોડ્યો એની થોડી જ ક્ષણોમાં તેના નામનું વિકિપીડિયા પેજ કોઈના દ્વારા એડિટ કરવામાં આવ્યું હતું. જેમાં તેને ભારતીયની જગ્યાએ ખાલિસ્તાની પ્લેયર દર્શાવવામાં આવ્યો હતો. તેના પેજ પર જ્યાં જ્યાં ઇન્ડિયા લખ્યું હતું તે બદલીને ખાલિસ્તાન કરી દેવામાં આવ્યું હતું. જે બાદ ઇસ્લામવાદીઓએ આ બદલાવ સંઘે કર્યો છે એવો કુપ્રચાર શરૂ કરી દીધો હતો.

    ટ્વીટર પર ખુબ સક્રિય રહેતા અંશુલ સક્સેનાએ આ વિષયમાં તપાસ કરાતા જાણવા મળ્યું કે જેણે વિકિપીડિયા પર આ જાણકારીઓ ખોટી રીતે એડિટ કરી હતી તેનું IP એડ્રેસ પાકિસ્તાનનું બતાવતું હતું એટલે કે આ પાકિસ્તાનીઓનું ભારતવિરોધી કાવતરું હતું.

    થોડી વધુ તાપસ કરતા જાણવા મળ્યું કે ભારતીય ખેલાડી અર્શદીપ સિંઘે કેચ છોડતા તેને ખાલિસ્તાન સાથે જોડીને દર્શાવવાની શરૂઆત ભારત બહારના અને ખાસ કરીને પાકિસ્તાન સાથે સંલગ્ન ટ્વીટર આઈડી દ્વારા કરવામાં આવી હતી. @thehawkeyex એ જુદા જુદા બે સ્ક્રીનશોટ મૂકીને જણાવ્યું કે ‘કુખ્યાત ઝૈદ હમીદ એ પ્રથમ વ્યક્તિઓમાં સામેલ છે જેણે આની શરૂઆત કરી હતી. તે પાકિસ્તાની રાજકીય ષડયંત્ર સિદ્ધાંતવાદી છે જેનું એકાઉન્ટ ભારતમાં પહેલેથી જ સસ્પેન્ડ કરાયેલું છે.’

    અન્ય એક પાકિસ્તાન સમર્થક આઈડી @wajSKhan એ પણ આ પ્રોપગેન્ડા ફેરવવા માટે લખ્યું હતું કે, “અર્શદીપ સ્પષ્ટપણે પાકિસ્તાન સમર્થિત ખાલિસ્તાન ચળવળનો ભાગ છે.”

    @thehawkeyex એ અન્ય એક ટ્વીટમાં 2 સ્ક્રીનશોટ જોડીને લખ્યું કે, “શા માટે હરભજને આટલી ઝડપથી પ્રતિક્રિયા આપી અને (જેમ કે ઘણા લોકો પહેલાથી જ અનુમાન કરી ચૂક્યા છે) ફેક્ટચેકર અર્શદીપ પર “K” ટ્વીટ્સ શોધવા માટે પૂરતા ઝડપી હતા? શમી-2નો પ્રચાર માર્ગ પર! આમાંના મોટાભાગના હેન્ડલ્સ શમીની ગાથાની જેમ જ ભારતીય હોવાનો ઢોંગ કરતા પાકિસ્તાન અથવા યુએઈના હોવાનું જાણવા મળશે.”

    મોહમ્મદ શમીના નામે થઇ ચુક્યો છે આવો દુષ્પ્રચાર

    નોંધનીય છે કે આ જ રીતે T20 વર્લ્ડ કપ 2021માં જયારે ભારત ગ્રુપ સ્ટેજમાં હારીને બહાર થયું હતું ત્યારે સૌએ ભારતના દરેક ખેલાડીઓના પ્રદર્શનને વખોડ્યું હતું. પરંતુ કેટલાક લોકોએ માટે મોહમ્મદ શામીને મુસ્લિમ હોવાથી વખોડવામાં આવે છે તેઓ કુપ્રચાર કર્યો હતો.

    બાદમાં તપાસ કરતા જાણવા મળ્યું હતું કે આવો કુપ્રચાર કરનાર મોટા ભાગના આઈડી ભારત બહારના અને મોટા ભાગે પાકિસ્તાનના હતા.

    ‘ગુજરાતના રાજકારણમાં મેધા પાટકરની એન્ટ્રી કરાવનારાઓ અટકી જાય’: ગૃહમંત્રી અમિત શાહના ‘આપ’ પર પ્રહાર, કહ્યું- ગુજરાત વિરોધીઓ માટે કોઈ સ્થાન નથી

    ઑપઇન્ડિયા સ્ટાફ
    -
    0
    ‘ગુજરાતના રાજકારણમાં મેધા પાટકરની એન્ટ્રી કરાવનારાઓ અટકી જાય’: ગૃહમંત્રી અમિત શાહના ‘આપ’ પર પ્રહાર, કહ્યું- ગુજરાત વિરોધીઓ માટે કોઈ સ્થાન નથી

    કેન્દ્રીય ગૃહમંત્રી અમિત શાહ હાલ ગુજરાત આવ્યા છે. જ્યાં સવારથી વિવિધ કાર્યક્રમોમાં હાજરી આપ્યા બાદ સાંજે અમદાવાદ ખાતે 36મી નેશનલ ગેમ્સ 2022ના કર્ટન રેઝર અને 11મા ખેલ મહાકુંભના સમાપન કાર્યક્રમમાં ઉપસ્થિત રહ્યા હતા. અહીં સંબોધન કરતી વખતે ગૃહમંત્રી અમિત શાહે મેધા પાટકર પર નિશાન સાધ્યું હતું. નોંધવું જોઈએ કે ઘણા દિવસોથી ચર્ચા ચાલી રહી છે કે આમ આદમી પાર્ટી મેધા પાટકરને ગુજરાતના સીએમ ઉમેદવાર બનાવી શકે છે. 

    ગૃહમંત્રી અમિત શાહે જાહેર મંચ પરથી પીએમ મોદીના ગુજરાતના મુખ્યમંત્રી તરીકેનાં કાર્યો અંગે વાત કરતાં કહ્યું કે, “જો મોદીએ વિકાસ કરીને નર્મદાનું પાણી કચ્છ સુધી ન પહોંચાડ્યું હોત તો આ વિકાસ સંભવ જ ન હતો.” તેમણે આગળ કહ્યું કે, “આજકાલ કેટલાક લોકોએ નવી શરૂઆત કરી છે. તેઓ નર્મદા યોજનાનો વિરોધ કરનાર મેધા પાટકરને પાછલા દરવાજેથી ગુજરાતના રાજકારણમાં પ્રવેશ કરાવવા માંગે છે.” 

    તેમણે કહ્યું, “હું ગુજરાતને યુવાનોને પૂછવા માંગુ છું, જેમણે નર્મદા યોજનાનો વિરોધ કર્યો, જેમણે ગુજરાતના વિકાસનો વિરોધ કર્યો, તેમને ગુજરાતમાં પ્રવેશવા દેશો?” તેમણે કહ્યું, “જેમણે દાયકાઓ સુધી ગુજરાતનો વિરોધ કર્યો, જીવાદોરી સમાન નર્મદા યોજનાનો વિરોધ કર્યો, જેમણે દુનિયાના એક પણ મંચ ઉપર ગુજરાતને બદનામ કરવાની તક નહીં છોડી તેવાં મેધા પાટકરને લોકો લાવવા માંગે છે તેમને કહેવા માંગુ છું કે તેઓ ત્યાં જ અટકી જાય. કારણ કે આ ગુજરાત છે અને અહીં ગુજરાત વિરોધીઓને કોઈ સ્થાન નથી.”

    ગૃહમંત્રી અમિત શાહે કહ્યું કે, “મને ગુજરાતની જનતા ઉપર, ગુજરાત સરકારના સાથી મિત્રો અને પીએમ મોદીના નેતૃત્વ પર વિશ્વાસ છે અને ગુજરાતના લોકો ગુજરાતવિરોધીઓનું મહિમામંડન કરનારાઓને ક્યારેય સ્વીકારશે નહીં.

    ઉલ્લેખનીય છે કે તાજેતરમાં સમાચાર સામે આવ્યા હતા કે આમ આદમી પાર્ટી ગુજરાત વિધાનસભા ચૂંટણીમાં મેધા પાટકરને મુખ્યમંત્રી પદના ઉમેદવાર જાહેર કરી શકે છે. જે બાદ સોશિયલ મીડિયા અને મીડિયામાં પણ ચર્ચાઓ શરૂ થઇ હતી. 

    ગુજરાત વિરોધી છબી ધરાવનારા મેધા પાટકરને આમ આદમી પાર્ટી મુખ્યમંત્રી પદના ઉમેદવાર બનાવશે તેવી વાતો વહેતી થતાં આમ આદમી પાર્ટીના જ ઉમેદવારોએ નારાજગી જાહેર કરી હતી અને 19માંથી 13 ઉમેદવારોએ ચૂંટણી લડવાની ના પાડી દીધી હતી. ત્યારબાદ ‘આપ’ કન્વીનર કેજરીવાલ પણ ગુજરાત આવ્યા હતા. 

    મેધા પાટકર ‘નર્મદા બચાવો આંદોલન’ના કારણે ચર્ચામાં આવ્યાં હતાં. આ આંદોલન અને અન્ય ગતિવિધિઓના કારણે ગુજરાતની નર્મદા યોજનામાં વર્ષો સુધી વિલંબ થતો રહ્યો અને આંતરરાષ્ટ્રીય સ્તરે પણ ગુજરાતની છબીને નુકસાન પહોંચ્યું હતું. 

    પાકિસ્તાનીઓની નવી કરતૂત: છેક લંડન જઈને કરોડોની કિંમતની લક્ઝરીયસ કાર ચોરી લાવ્યા, એક નાની ભૂલ કરી અને ભાંડો ફૂટી ગયો

    ઑપઇન્ડિયા સ્ટાફ
    -
    0
    પાકિસ્તાનીઓની નવી કરતૂત: છેક લંડન જઈને કરોડોની કિંમતની લક્ઝરીયસ કાર ચોરી લાવ્યા, એક નાની ભૂલ કરી અને ભાંડો ફૂટી ગયો

    પાકિસ્તાન આર્થિક રીતે કંગાળ થઇ ચૂક્યું છે અને ઉપરથી હમણાં ઘણા વિસ્તારોમાં પૂર આવવાના કારણે સ્થિતિ વધુ વિકટ છે. જોકે, તેમ છતાં પાકિસ્તાનીઓના અમીરી દેખાડવાના ‘શોખ’ ઓછા થતા નથી. હવે લંડનથી એક કાર ચોરી કરીને પાકિસ્તાન લાવવાની ઘટના સામે આવી છે. જોકે, એક નાની ભૂલના કારણે કાર પકડી પાડવામાં આવી હતી અને સમગ્ર ભાંડો ફૂટ્યો હતો.

    આ કારનું નામ છે બેન્ટલે મલ્સેન. તેની કિંમતની વાત કરવામાં આવે તો તે 3 લાખ અમેરિકી ડોલર એટલે કે ભારતીય રૂપિયા પ્રમાણે 2 કરોડ 39 લાખ અને પાકિસ્તાની રૂપિયા પ્રમાણે 6 કરોડ 57 લાખ (પાક) રૂપિયા થાય છે. આ કાર આ બ્રાન્ડની સૌથી મોટી અને સૌથી મોંઘી સિડાન છે. 

    આ કાર લંડનથી ચોરી કરીને છેક પાકિસ્તાન પહોંચાડવામાં આવી હતી. પાકિસ્તાન કાર પહોંચાડીને કરાંચીમાં રહેતા એક વ્યક્તિને વેચી દેવામાં આવી હતી. તે શખ્સે પાકિસ્તાનની નંબર પ્લેટ લગાવીને ગાડી ફેરવવા પણ માંડી હતી, પરંતુ લંડનમાં બેઠેલા અધિકારીઓએ કારનું લૉકેશન શોધી કાઢ્યું અને પાકિસ્તાનીઓનો બધો ખેલ બગડી ગયો હતો. 

    વાસ્તવમાં, જેમણે કાર ચોરી કરી તેઓ કારમાંથી ટ્રેસિંગ ટ્રેકર હટાવવાનું કે બદલવાનું ભૂલી ગયા હતા. જેના કારણે લંડનમાં બેઠેલા યુકેની એજન્સીના અધિકારીઓને એડવાન્સ લૉકેશન સિસ્ટમની મદદથી કારનું લૉકેશન શોધી કાઢવામાં સફળતા મળી ગઈ. જે બાદ કારનો એન્જીન નંબર, VIN નંબર વગેરે નોંધીને પાકિસ્તાનના અધિકારીઓને આ બાબતની જાણ કરવામાં આવી અને કહેવામાં આવ્યું કે લંડનથી ચોરી થયેલી કાર કરાંચીના એક બંગલામાં પાર્ક કરવામાં આવી છે.

    ઇનપુટ મળતાં જ પાકિસ્તાનની એજન્સીના અધિકારીઓ કરાંચીના બંગલે પહોંચી ગયા હતા. ત્યાં જઈને જોતાં કાર તો મળી હતી પરંતુ તેનો રજિસ્ટ્રેશન નંબર પાકિસ્તાનનો હતો અને નંબર પ્લેટ પણ પાકિસ્તાનની જ હતી. જે બાદ અધિકારીઓએ ચેસિસ નંબર ચકાસતાં એ સમાન નીકળ્યો હતો. 

    પાકિસ્તાનના અધિકારીઓ કાર સબંધિત જરૂરી દસ્તાવેજો માંગતા માલિક આનાકાની કરવા માંડ્યો હતો અને પૂરા પાડી શક્યો ન હતો. પછી જાણવા મળ્યું કે, આ કારનું રજિસ્ટ્રેશન જ ફર્જી છે અને કાર ચોરીની છે.

    આ મામલે અધિકારીઓએ FIR દાખલ કરીને કાર જપ્ત કરી લીધી હતી. તેમજ કાર જ્યાંથી મળી આવી તે ઘરના માલિક અને તેને કાર અપાવનાર દલાલની ધરપકડ કરી લેવામાં આવી હતી. અધિકારીઓ અનુસાર, આ કારની તસ્કરીના કારણે 30 કરોડથી વધુના ટેક્સની ચોરી થઇ છે. હાલ આ આખા રેકેટના માસ્ટરમાઈન્ડની શોધખોળ ચાલી રહી છે, જેણે કાર ચોરીને પાકિસ્તાન પહોંચાડી હતી. 

    લોટને લિટરમાં માપવા નીકળ્યા રાહુલ ગાંધી, લોકો થયા લોટપોટ, કહ્યું- રવિવારના દિવસે મફત મનોરંજન મળ્યું

    ઑપઇન્ડિયા સ્ટાફ
    -
    0
    લોટને લિટરમાં માપવા નીકળ્યા રાહુલ ગાંધી, લોકો થયા લોટપોટ, કહ્યું- રવિવારના દિવસે મફત મનોરંજન મળ્યું

    ઘણા સમય પછી પૂર્વ કોંગ્રેસ અધ્યક્ષ રાહુલ ગાંધી ફરી ચર્ચામાં છે. ફરી એક વખત તેમના ચર્ચામાં આવવાનું કારણ તેમનું ભાષણ છે. આજે રાહુલ ગાંધીએ કાર્યકર્તાઓમાં ઉત્સાહ ભરવા અને કેન્દ્ર સરકારને ઘેરવા માટે એક રેલી યોજી હતી અને તેમાં ભાષણ કર્યું હતું. જોકે, હવે આ રેલીના મુદ્દાઓની ઓછી અને રાહુલ ગાંધીના ભાષણની ચર્ચા વધુ થઇ રહી છે. કારણ કે આ ભાષણમાં રાહુલ ગાંધીએ લોટ લિટરમાં માપ્યો હતો!

    રાહુલ ગાંધીના આ ભાષણની સોશિયલ મીડિયા પર ખૂબ મજા લેવામાં આવી રહી છે અને લોકો ખિલ્લી ઉડાડી રહ્યા છે. સોશિયલ મીડિયા પર મીમ્સ પણ ખૂબ શૅર થઇ રહ્યાં છે. 

    થયું એવું કે રેલીમાં બોલતી વખતે રાહુલ ગાંધી તેમની એટલે કે યુપીએ સરકારના કાર્યકાળ દરમિયાન ચીજવસ્તુઓના ભાવની સરખામણી આજના સમયના ભાવ સાથે કરી રહ્યા હતા. દરમિયાન, પેટ્રોલ-ડીઝલ, સરસોનું તેલ, દૂધ વગેરેના ભાવો કહ્યા બાદ તેમણે લોટના ભાવો અંગે પણ કહ્યું હતું. રાહુલ ગાંધીએ કહ્યું, ‘લોટ 22 રૂપિયા લિટર. આજે ચાળીસ રૂપિયા લિટર.’ પણ અહીં એ નોંધવું જોઈએ કે લોટ લિટરમાં નહીં પણ કિલોગ્રામમાં માપવામાં આવે છે. 

    સાવ સામાન્ય વાત છે કે ઠોસ પદાર્થોની માપણી કિલોગ્રામમાં થાય છે. જેમકે, કાંદા-બટાકા જેવી શાકભાજી, લોટ તેમજ અન્ય સામગ્રીઓ કિલોગ્રામમાં માપવામાં આવે છે. જ્યારે તરલ પદાર્થો જેવા કે દૂધ, તેલ, છાશ, પેટ્રોલ વગેરે લિટરમાં માપવામાં આવે છે. 

    રાહુલ ગાંધી ભાષણ દરમિયાન કાગળમાંથી વાંચીને બોલી રહ્યા હતા. તેથી તેમનું ભાષણ લખનારે જ ગડબડ કરી હશે કે બોલતી વખતે રાહુલ ગાંધીએ જ લિટર અને કિલોગ્રામમાં ભૂલ કરી એ તો તેઓ જ કહી શકે. પરંતુ જેવો આ વિડીયો વાયરલ થયો કે લોકોએ સોશિયલ મીડિયા પર મજા લેવાની શરૂ કરી દીધી હતી. 

    શશિ કુમાર નામના યુઝરે વ્યંગ્ય કરતાં કહ્યું કે, તેમનો રવિવાર કંટાળાજનક હતો. પછી રાહુલ ગાંધીએ ભાષણ કર્યું અને હવે તેમને સારું લાગી રહ્યું છે. 

    એક યુઝરે રાહુલ ગાંધીનો વિડીયો શૅર કરીને લખ્યું કે, જો લોટ લિટરમાં વેચાય તો શું પેટ્રોલ કિલોગ્રામમાં વેચાશે? 

    એક યુઝરે લખ્યું કે, રાહુલ ગાંધી શું બોટલ લઈને લોટ લેવા માટે જતા હશે? 

    કેટલાક યુઝરોએ લોટ લેવા જાય ત્યારે બરણી સાથે લઇ જવાનું કહ્યું હતું. 

    ફોટોશૂટના નામે ઘડવામાં આવ્યું હતું હત્યાનું કાવતરું, તેને ગોવામાં મારવા જ લાવ્યો હતો: અહેવાલો મુજબ સોનાલી ફોગાટના PAએ ગુનો કબૂલ્યો

    ઑપઇન્ડિયા સ્ટાફ
    -
    0
    ફોટોશૂટના નામે ઘડવામાં આવ્યું હતું હત્યાનું કાવતરું, તેને ગોવામાં મારવા જ લાવ્યો હતો: અહેવાલો મુજબ સોનાલી ફોગાટના PAએ ગુનો કબૂલ્યો

    અત્યંત ચર્ચિત સોનાલી ફોગાટ હત્યા કેસમાં નવો ખુલાસો સામે આવ્યો છે. તાજેતરના અહેવાલો અનુસાર, એવું કહેવામાં આવી રહ્યું છે કે ફોગટના અંગત સહાયકે સ્વીકાર્યું છે કે તે ફોગાટને મારી નાખવાના ઇરાદાથી ગોવા લાવ્યો હતો.

    ટાઈમ્સ ઓફ ઈન્ડિયામાં છપાયેલા સમાચાર અનુસાર, સુધીરે સ્વીકાર્યું કે તેણે સોનાલીની હત્યાનું કાવતરું ઘડ્યું હતું અને આ હેતુ માટે તે ફોગટને ગુરુગ્રામથી ગોવા લાવ્યો હતો. પીએ સાંગવાનના કહેવા પ્રમાણે, તેણે ફોટોશૂટના નામે આ પ્રવાસનું આયોજન કર્યું હતું જેથી ફોગાટને મોતને ઘાટ ઉતારી શકાય.

    પોલીસ સૂત્રોના હવાલાથી મળેલા અહેવાલો અનુસાર, સુધીરનો ઈરાદો સોનાલીની હત્યા કરવાનો ઘણા સમયથી હતો. ગોવામાં શૂટિંગ કરવાનું એ બહાનું હતું. અહીં તેણે પોતે જ સોનાલીના ડ્રિંકમાં ડ્રગ્સ મિક્સ કર્યું હતું.

    લાંબી તપાસ બાદ પોલીસે હવે કહ્યું છે કે તેમને સુધીર વિરુદ્ધ મજબૂત પુરાવા મળ્યા છે. આ પુરાવાઓ સુધીરને દોષિત ઠેરવવા માટે પૂરતા છે.

    સોનાલી ફોગાટ હત્યા કેસ

    નોંધનીય છે કે અભિનેત્રી સોનાલી ફોગાટના મૃત્યુના સમાચાર 23 ઓગસ્ટ 2022ના રોજ આવ્યા હતા. અગાઉ મૃત્યુનું કારણ હાર્ટ એટેક હોવાનું જણાવવામાં આવ્યું હતું. જોકે, સોશિયલ મીડિયા પર વીડિયો સામે આવ્યા બાદ કેસની તપાસ હત્યાના એંગલથી કરવામાં આવી હતી અને પીએ સુધીર સાંગવાન અને સુખવિંદર સિંહ નામના વ્યક્તિની ધરપકડ કરવામાં આવી હતી.

    વીડિયોમાં સ્પષ્ટ દેખાઈ રહ્યું હતું કે સોનાલીને ડ્રગ્સ આપીને બેભાન કરવામાં આવી હતી. આ પછી તેને વોશરૂમમાં લઈ જવામાં આવી અને બાદમાં તેના મૃત્યુના સમાચાર આપવામાં આવ્યા. અગાઉ, આરોપીએ કહ્યું હતું કે સોનાલી ટોઇલેટમાં પડી હતી અને દિવાલ સાથે અથડાતાં તેનું મૃત્યુ થયું હતું.

    જોકે, આ મામલે સંબંધીઓએ અલગ અલગ ખુલાસો કર્યો હતો. કોઈએ કહ્યું કે સુધીર પહેલા સોનાલીને બ્લેકમેઈલ કરતો હતો, તો કોઈએ કહ્યું કે સુધીર અભિનેત્રીને તેના પિતાને મળવા પણ નહોતો દેતો અને લાંબા સમયથી તેને ડ્રગ્સ આપતો હતો. જ્યારે ફોગાટની પુત્રીને પૂછપરછ કરવામાં આવી ત્યારે તેણે એમ પણ કહ્યું કે તેની માતાએ તેને કહ્યું હતું કે એક અઠવાડિયા માટે ફોટોશૂટ છે, જ્યારે હકીકતમાં રિસોર્ટ માત્ર 2 દિવસ માટે બુક કરવામાં આવ્યો હતો. તમામ પાસાઓને જોતા આ કેસમાં સીબીઆઈ તપાસની માંગ ઉઠી હતી અને પોલીસે 5 આરોપીઓની ધરપકડ કરી હતી.

    1...1,0021,0031,004...1,179Page 1,003 of 1,179

    © Copyright - OpIndia.com