નવી શરૂ થયેલી દેહરાદૂન-દિલ્હી વંદે ભારત એક્સપ્રેસ ટ્રેન (Dehradun-Delhi Vande Bharat Express train) પર રવિવારે પથ્થરમારાની ઘટના સામે આવી હતી. રેલવે અધિકારીઓએ જણાવ્યું હતું કે દિલ્હી-દેહરાદૂન રૂટ પર મુઝફ્ફરનગર સ્ટેશન નજીક વંદે ભારત એક્સપ્રેસના E1 કોચ પર પથ્થરમારો કરવામાં આવ્યો હતો. જોકે, અધિકારીઓએ જણાવ્યું હતું કે આ ઘટના દરમિયાન કોઈને ઈજા થઈ નથી.
અહેવાલો અનુસાર આ ઘટના સાંજના લગભગ 7 વાગ્યા આસપાસ જયારે દેહરાદૂન-દિલ્હી વંદે ભારત એક્સપ્રેસ મુઝફ્ફરનગર સ્ટેશન પહોંચવાની હતી ત્યારે જ ઘટી હતી. હુમલો E1 કોચની 13-14 નંબરની સીટ પર થયો હતો.
Stone pelting was reported on the E1 coach of Vande Bharat Express near Muzaffarnagar station on the Delhi-Dehradun Route. No one was injured during the incident. Delhi division has mobilised RPF to catch hold of the culprits: Railways
— ANI (@ANI) June 18, 2023
આ હુમલામાં કોઈને ઇજા નહોતી પહોંચી અને વિભાગે ગુનેગારોને પકડવા માટે રેલવે પ્રોટેક્શન ફોર્સ (RPF) ને એકત્ર કરી હતી. રેલવે પોલીસ ફોર્સ (RPF) દ્વારા અજ્ઞાત હુમલાખોરો સામે કેસ નોંધીને તપાસ શરૂ કરવામાં આવી છે.
નોંધનીય છે કે આ સ્વદેશી નિર્મિત ટ્રેનને ગયા મહિને વડા પ્રધાન નરેન્દ્ર મોદીએ વર્ચ્યુઅલ રીતે લીલી ઝંડી આપી હતી, જે દહેરાદૂનને નવી દિલ્હી સાથે જોડે છે.
ચાલુ વર્ષમાં 7 વાર થઇ છે આવી ઘટનાઓ
આ અગાઉ મે મહિનામાં કેરળમાં આવી જ એક ઘટના સામે આવી હતી જેમાં કેરળની પ્રથમ વંદે ભારત એક્સપ્રેસ પર પથ્થરમારો કરવામાં આવ્યો હતો. અગાઉ, 6 એપ્રિલે, વિશાખાપટ્ટનમથી વંદે ભારત એક્સપ્રેસમાં પથ્થરમારાની તાજી ઘટના નોંધાઈ હતી, અધિકારીઓએ માહિતી આપી હતી.
ફરીથી, જાન્યુઆરીમાં, વિશાખાપટ્ટનમમાં વંદે ભારત ટ્રેન પર મેન્ટેનન્સ દરમિયાન પથ્થરમારો કરવામાં આવ્યો હતો. વિશાખાપટ્ટનમના કાંચારાપાલમ પાસે એક કોચના કાચને નુકસાન થયું હતું. ડિવિઝનલ રેલ્વે મેનેજર (ડીઆરએમ) અનુસાર, અનુપ કુમાર સેતુપતિએ જણાવ્યું હતું કે, “કેટલાક અજાણ્યા લોકોએ વંદે ભારત ટ્રેન પર પથ્થરમારો કર્યો જયારે તે મેન્ટેનન્સ અને ટ્રાયલ રન માટે વિશાખાપટ્ટનમ પહોંચી હતી.”
12 માર્ચે, પશ્ચિમ બંગાળથી વંદે ભારત એક્સપ્રેસ ટ્રેન પર પથ્થરમારાની ઘટના નોંધાઈ હતી જેમાં હાઇ-સ્પીડ ટ્રેનના કોચની બારીના ફલકને નુકસાન થયું હતું, પૂર્વ રેલવેએ એક નિવેદનમાં જણાવ્યું હતું. આ ઘટના પશ્ચિમ બંગાળના મુર્શિદાબાદ જિલ્લાના ફરક્કા નજીક નોંધાઈ હતી.
જાન્યુઆરી 2023 માં, રેલ્વે પ્રોટેક્શન ફોર્સ (RPF) એ માહિતી આપી હતી કે દાર્જિલિંગ જિલ્લાના ફણસીવા વિસ્તાર નજીક બે કોચ પર કથિત રીતે પથ્થરમારો કરવામાં આવ્યા બાદ વંદે ભારત એક્સપ્રેસ ટ્રેનની બે વિન્ડો પેનલને નુકસાન થયું હતું.
તે જ મહિનામાં આ બીજી વખત હતું જ્યારે વંદે ભારત એક્સપ્રેસની બારી તૂટેલી હતી કારણ કે માલદા નજીક હાવડાથી ન્યૂ જલપાઈગુડીને જોડતી ટ્રેન પર પથ્થરમારો કરવામાં આવ્યો હતો.
