પાડોશી દેશ નેપાળમાં મોટો અકસ્માત સર્જાયો છે. અહીં પોખરામાં એક પ્લેન ક્રેશ થઇ ગયું હતું. જેમાં કુલ 68 યાત્રિકો સવાર હતા. દુર્ઘટનામાં ઓછામાં ઓછા 40 લોકો મૃત્યુ પામ્યા હોવાનું કહેવાય છે. હાલ રેસ્ક્યુ ઓપરેશન ચાલી રહ્યું છે.
A 72-seater passenger aircraft crashes on the runway at Pokhara International Airport in Nepal. Rescue operations are underway and the airport is closed for the time being. Details awaited. pic.twitter.com/Ozep01Fu4F
— ANI (@ANI) January 15, 2023
પ્લેન કાઠમંડુથી પોખરા જઈ રહ્યું હતું. તે પોખરાની નજીક પહોંચી પણ ગયું હતું અને લેન્ડિંગમાં માત્ર થોડી સેકન્ડોનો જ સમય બાકી હતો ત્યારે આગ પકડી લીધી હતી અને ક્રેશ થઇ ગયું હતું. આ ઘટના નેપાળમાં પોખરાના જૂના ડોમેસ્ટિક એરપોર્ટ અને પોખરા ઇન્ટરનેશનલ એરપોર્ટ વચ્ચે બની હોવાનું કહેવાય રહ્યું છે.
72 સીટર વિમાનમાં કુલ 68 યાત્રીઓ અને 4 ક્રૂ મેમ્બર્સ સવાર હતા. જેમાંથી 5 ભારતીય સહિત 14 યાત્રિકો વિદેશી હતા. જેમાં રશિયાના ચાર, કોરિયાના 2 અને આર્જેન્ટિના, ફ્રણસ અને આયર્લેન્ડના એક-એક નાગરિક સામેલ હતા. યાત્રીઓમાં 6 બાળકો પણ હોવાનું જણાવવામાં આવ્યું છે. નેપાળ સ્થિત ભારતીય દૂતાવાસે આ બાબતની પુષ્ટિ કરી છે.
An ATR-72 plane of Yeti Airlines crashed today near the Pokhara Airport while flying from Kathmandu. According to the info provided by Civil Aviation Authority of Nepal, 5 Indians were travelling on this flight. Rescue operations are underway. pic.twitter.com/rkLC3QbStn
— IndiaInNepal (@IndiaInNepal) January 15, 2023
નેપાળ એરપોર્ટ ઓથોરિટી અનુસાર, વિમાન દુર્ઘટનાનું કારણ હવામાન નહીં પરંતુ તકનીકી ખરાબીનું હોવાનું અનુમાન છે. વિમાનના પાયલટે ATC પાસે લેન્ડિંગ માટે પરવાનગી માંગી હતી અને પોખરા ATC તરફથી લેન્ડિંગ માટે ગ્રીન સિગ્નલ પણ આપી દેવામાં આવ્યું હતું પરંતુ લેન્ડિંગની થોડી સેકંડો પહેલાં જ વિમાનમાંથી આગની જ્વાળા નીકળતી દેખાઈ અને ત્યારબાદ ક્રેશ થઇ ગયું.
સોશિયલ મીડિયા પર આ પ્લેન ક્રેશ પહેલાંના અને પછીના કેટલાક વિડીયો પણ વાયરલ થઇ રહ્યા છે.
An ATR 72 aircraft of Yeti Airlines that flew to Pokhara from Kathmandu has crashed in Pokhara of Kaski district of Nepal.
— Amit Chaubey (@meamitchaubey) January 15, 2023
68 passengers and four crew members were on board the aircraft that crashed between the old airport and Pokhara International Airport.#NepalPlaneCrash pic.twitter.com/AZ8pTX96LU
અન્ય એક વિડીયો વિમાન ક્રેશ થયું તેની થોડી ક્ષણો પહેલાં શૂટ કરવામાં આવ્યો હોવાનું કહેવાય છે. જેમાં વિમાન હાલકડોલક થતું જોવા મળે છે.
नेपाल में विमान हादसे से चंद सेकेंड पहले का ये वीडियो बताया जा रहा है.
— Shivam Pratap Singh (@journalistspsc) January 15, 2023
विमान पोखरा के समीप ही पहुंचा था कि एक पहाड़ी से टकराकर क्रैश हो गया. रेस्क्यू ऑपरेशन के दौरान अब तक 22 शव बरामद किए गए हैं. #YetiAirlines #Kathmandu #crashed #crashes #BreakingNews #Nepal #नेपाल #यति pic.twitter.com/hZIPDtqt2c
બીજી તરફ, હાલ નેપાળની સેના અને પોલીસ રેસ્ક્યુ ઓપરેશનમાં જોતરાયાં છે. જાણવા મળ્યા અનુસાર, અત્યાર સુધીમાં 40 લોકોના મૃતદેહો મળી ચૂક્યા છે અને હજુ પણ રાહત-બચાવ કાર્ય ચાલી રહ્યું છે.
દુર્ઘટના બાદ નેપાળના વડાપ્રધાન પુષ્પ કમલ દહલ પ્રચંડે ઇમરજન્સી બેઠક બોલાવી હતી, જેમાં સરકારના મંત્રીઓ હાજર રહ્યા હતા. ઉપરાંત, તેઓ કાઠમંડુ એરપોર્ટ પણ જઈ રહ્યા હોવાનું કહેવાય છે.
નેપાળમાં છેલ્લાં ત્રીસ વર્ષમાં 27 પ્લેન ક્રેશની ઘટનાઓ બની ચૂકી છે. જેમાંથી 20થી વધુ ઘટનાઓ તો છેલ્લા એક દાયકામાં પણ જ બની છે. પર્વતીય પ્રદેશો, નવાં વિમાનો અને ઈન્ફ્રાસ્ટ્રક્ચરમાં ઓછું રોકાણ અને નબળું નિયમન વગેરેના કારણે આવી ઘટનાઓ બનતી રહે છે. વધુમાં, નેપાળમાં મોટાભાગના એરપોર્ટ પર્વતીય પ્રદેશોમાં છે જેના કારણે ત્યાં કયા સમયે હવામાન અચાનક બદલાઈ જાય તેનું કંઈ નક્કી હોતું નથી.
