Tuesday, July 23, 2024
More
    હોમપેજન્યૂઝ રિપોર્ટમોરબી: મુસ્તફાએ હિંદુ સગીરાને ફસાવી, ફોટા વાયરલ કરવાની ધમકી આપીને રેપ કર્યો;...

    મોરબી: મુસ્તફાએ હિંદુ સગીરાને ફસાવી, ફોટા વાયરલ કરવાની ધમકી આપીને રેપ કર્યો; રમઝાનમાં રોજા રાખવા દબાણ કરતો હોવાનો પણ ઘટસ્ફોટ, કેસ દાખલ

    આરોપી મુસ્તફાએ પીડિતાને મળવા બોલાવીને હવસ સંતોષી હતી તો તે તેને રોજા રાખવા માટે દબાણ કરતો તેમજ કલમા વગેરે પઢવા માટે પણ કહેતો હતો.

    - Advertisement -

    હજુ બે દિવસ પહેલાં જ હિંદુ સગીરા પર બળાત્કારની ઘટનાની સ્યાહી સૂકાઈ નથી ત્યાં મોરબીમાં વધુ એક હિંદુ સગીરા બળાત્કારનો ભોગ બની હોવાના સમાચાર પ્રાપ્ત થઇ રહ્યા છે. આ વખતે પણ સગીરાના આપત્તિજનક ફોટો વાઇરલ કરવાની ધમકી આપીને તેની સાથે વારંવાર દુષ્કર્મ આચરવામાં આવ્યું હોવાની ફરિયાદ થઇ છે. આરોપી મુસ્તફાએ પીડિતાને મળવા બોલાવીને હવસ સંતોષી હતી તો તે તેને રોજા રાખવા માટે દબાણ કરતો તેમજ કલમા વગેરે પઢવા માટે પણ કહેતો હતો. કહ્યું ન કરતાં તેણે પીડિતાને તેની માતાને મારી નાંખવાની ધમકી આપી હતી. હાલ પોલીસે કેસ દાખલ કરીને ફરાર આરોપીની શોધખોળ હાથ ધરી છે.

    મળતી માહિતી અનુસાર ઘટનાની જાણ થતાં જ પીડિતાની માતાએ શહેર એ ડિવિઝન પોલીસ સ્ટેશનમાં ફરિયાદ નોંધાવી હતી. નોંધનીય બાબત એ છે કે આ પહેલાંની ઘટનાનો આરોપી હસન જે સ્થળે રહેતો હતો તે જ વિસ્તારમાં આરોપી મુસ્તફા પણ રહે છે. પીડિતાની માતાએ ફરિયાદમાં જણાવ્યું હતું કે, આરોપી મુસ્તફા દલવાણી મોરબીના રવાપર રોડ ઉપર આવેલા લિવરપૂલ નામની ગારમેન્ટની દુકાનમાં કામ કરે છે. આ જ દુકાનના ચેન્જિંગ રૂમમાં લઇ જઈને તેને પીડિતાને પીંખી હતી.

    ફરિયાદમાં જણાવ્યા અનુસાર આરોપીએ બળાત્કાર દરમિયાન સગીરાના ફોટા પાડી લીધા હતા. આ ફોટા વાયરલ કરવાની અને તેની માતાને મારી નાખવાની ધમકી આપીને તે સગીરાને મોરબીના રવાપર ગામ પાસે આવેલ ફૂડ એન્ડ જોય નામના કાફેમાં લઇ ગયો હતો અને જ્યાં કપલ બોક્સમાં ફરી દુષ્કર્મ આચર્યું હતું.

    - Advertisement -

    મદદના નામે સગીરાને ફસાવવામાં આવી

    આ મામલે વધુ માહિતી મેળવવા માટે અમે સ્થાનિક સૂત્રોનો સંપર્ક કર્યો. જાણવા મળ્યા અનુસાર, પીડિત સગીરા મોરબીની જ એક અંગ્રેજી માધ્યમની શાળામાં અભ્યાસ કરે છે અને માતાનું મોપેડ લઈને શાળાએ જાય છે. દરમ્યાન એક દિવસે વાહન કોઈ કારણોસર પાર્કિંગમાં ફસાઈ ગયું હતું. જેને બહાર કાઢી આપવામાં એક અયાન આરબ નામના મુસ્લિમ યુવાને તેને મદદ કરી હતી. જ્યાં બંને વચ્ચે મિત્રતા થઇ હતી.

    થોડા સમય બાદ અયાને મુસ્તફા દલવાણી નામના શખ્સની સગીરા સાથે ઓળખાણ કરાવી હતી. ત્યારબાદ મુસ્તફાએ પીડિતાનો સ્નેપચેટ પર સંપર્ક કર્યો હતો અને બંને નિયમિત વાતચીત કરવા માંડ્યા હતા. આ દરમિયાન એક દિવસ મુસ્તફાએ તે જ્યાં કામ કરતો હતો તે રવાપર રોડ ઉપર આવેલ ગારમેન્ટની દુકાનમાં તેને મળવા બોલાવી હતી. જ્યાં તેણે પીડિતા પર બળાત્કાર કર્યો હતો. આટલું જ નહીં, આરોપીએ ત્યારબાદ સગીર વિદ્યાર્થીનીને સ્થાનિક ફૂડ કાફેમાં લઈ જઈને પણ પોતાની હવસ સંતોષી હતી.

    આરોપી ધર્માંતરણ કરવા દબાણ કરતો

    સૂત્રોએ ઘટનાની માહિતી આપતાં તેમ પણ જણાવ્યું હતું કે, આરોપી મુસ્તફાએ પીડિતાનું ધર્માંતરણ કરવાનો પ્રયત્ન પણ કર્યો હતો. ગત રમઝાન મહિનામાં તે પીડિતાને રોજા રાખવા માટે દબાણ કરતો હતો અને સ્નેપચેટમાં ઇસ્લામી મઝહબી સામગ્રી મોકલી તેને વાંચવા અને અનુકરણ કરવા પણ કહેતો હતો. જાણવા મળ્યા અનુસાર, મુસ્તફાએ રોજા કરાવવા સેહરીના (રમઝાનમાં રોજા શરૂ કરતાં પહેલાં થતા ભોજનને સેહરી કહેવામાં આવે છે) કલમા અને અન્ય સામગ્રી સગીરાને મોકલી તેને પઢવાનું કહેતો હતો.

    થોડા સમય બાદ આમ કરીને તેણે મુસ્તફાનું કહ્યું કરવાનું બંધ કરી દીધું હતું. જે બાદ મુસ્તફાએ પીડિતાને તેની માતાની હત્યા કરી નાંખશે તેમ ધમકી આપીને ફરી એકવાર પોતાના શૉરૂમ પર બોલાવીને બળાત્કાર કર્યો હતો.

    આ બધું પીડિતા માટે અસહ્ય થઈ પડતાં તેણે સમગ્ર મામલાની જાણ તેની માતાને કરી હતી. સગીરાની માતાએ ફરિયાદ નોંધાવતાં કાલિકા પ્લોટમાં રહેતા મુસ્તફા દલવાણી સામે આઇપીસી કલમ 376(2) એન, 506 (2), પોક્સો 5 એલ અને 6 હેઠળ ગુનો નોંધવામાં આવ્યો છે. હાલ આરોપી ફરાર છે અને પોલીસે તેને શોધી કાઢવા અલગ-અલગ ટીમો બનાવી તપાસ હાથ ધરી છે.

    મોરબીમાં હિંદુ સગીરા બળાત્કારનો શિકાર બની હોવાનો આ ત્રીજો કિસ્સો

    નોંધનીય છે કે બે દિવસ પહેલાં જ મોરબીમાં દેવ ફનવર્લ્ડના મીટર રૂમમાં હસન સંધીએ હિંદુ સગીરા પર બળાત્કાર આચર્યો હોવાની ઘટના સામે આવી હતી. ત્યારબાદ આખા પંથકનો હિંદુ સમાજ રોષે ભરાયો છે. આ ઘટનામાં પણ આરોપીએ પીડિતાના વાંધાજનક ફોટા વાયરલ કરવાની ધમકીઓ આપીને પોતાની હવસ સંતોષી હતી. તેણે પોશ વિસ્તારમાં રહેતી અને ધોરણ 10માં ભણતી એક હિંદુ સગીરાને પ્રેમજાળમાં ફસાવીને તેના વાંધાજનક ફોટા પાડી લીધા હતા. ત્યારબાદ તે ફોટા વાયરલ કરવાની ધમકી આપીને મોરબીના દેવ ફનવર્લ્ડના મીટર રૂમમાં બળાત્કાર આચર્યો હતો.

    તે પહેલાં થોડા સમય અગાઉ જ બિલાલ નામના મુસ્લિમ યુવકે હિંદુ સગીરાને ફોસલાવીને ધમકી આપીને વારંવાર દુષ્કર્મ આચરવાનો કિસ્સો સામે આવ્યો હતો. આરોપીએ પીડિતાને ઉપાડી લઇ જઈને રેપ કર્યો હતો અને ત્યારબાદ ધમકી આપી હતી. પીડિત સગીરાની માતાએ મોરબી એ ડિવિઝન પોલીસ મથકે ફરિયાદ નોંધાવ્યા બાદ FIR દાખલ કરીને તેની ધરપકડ કરી લેવામાં આવી હતી. ફરિયાદમાં પીડિતાની માતાએ જણાવ્યું હતું કે, તેમની પુત્રી જ્યારે શાળાએ જતી હતી ત્યારે આરોપી બિલાલ તેનો પીછો કરતો હતો અને આંટાફેરા કરતો રહેતો હતો. એક દિવસ તે તેને લલચાવી-ફોસલાવીને વિસીપરા ખાતેના પોતાના મકાને લઇ ગયો હતો અને જ્યાં બળાત્કાર કર્યો હતો.

    - Advertisement -
    Join OpIndia's official WhatsApp channel

    સંબંધિત લેખો

    - Advertisement -

    તાજા સમાચાર

    ચૂકશો નહીં