ઉત્તર પ્રદેશના બરેલીમાં શુક્રવારે (9 ફેબ્રુઆરી, 2024) જુમ્માની નમાજ બાદ સ્થિતિ તણાવપૂર્ણ બની ગઇ હતી. મૌલાના તૌકીર રઝાના ‘જેલ ભરો’ના એલાન બાદ મુસ્લિમ ભીડ ઇસ્લામિયા ગ્રાઉન્ડ પહોંચી ગઈ હતી અને નારાબાજી સાથે પ્રદર્શન કર્યું હતું. ત્યારબાદ એક તરફ પોલીસે મૌલાનાની અટકાયત કરી તો બીજી તરફ ટોળાએ ઉત્પાત મચાવ્યો હતો અને એક-બે યુવકો સાથે મારપીટ પણ થઈ. હાલ પોલીસે સ્થિતિ પર કાબૂ મેળવી લીધો છે અને વિસ્તારમાં શાંતિ છે.
જ્ઞાનવાપી મામલામાં કોર્ટના આદેશ પર ‘વ્યાસજી કા તહેખાના’માં પૂજા શરૂ થયા બાદ મૌલાના તૌકીર રઝાએ ‘જેલભરો’નું આહવાન કર્યું હતું. શુક્રવારે જુમ્માની નમાજ બાદ તેની અસર જોવા મળી અને બપોરથી જ મુસ્લિમ ટોળું એકઠું થવા માંડ્યું હતું. ત્યારબાદ મામલો વધુ તણાવપૂર્ણ બનતાં પોલીસે મોરચો સંભાળ્યો અને ભીડને કાબૂમાં લીધી હતી. બીજી તરફ, મૌલાનાની અટકાયત કરી લેવામાં આવી.
#WATCH | Uttar Pradesh | A large crowd gathered in Bareilly, following Chief of Ittehad-e-Millat Council, Bareilly Sharif, Maulana Tauqeer Raza's call of 'Jail Bharo' over Gyanvapi matter.
— ANI UP/Uttarakhand (@ANINewsUP) February 9, 2024
Raza has been detained by Police. pic.twitter.com/ekWk26CJ6T
થોડો સમય હોબાળાની સ્થિતિ રહ્યા બાદ લગભગ પોણા ચાર વાગ્યે ટોળું વિખેરાવા માંડ્યું. પરંતુ પરત ફરતી વખતે ઇસ્લામી ટોળાએ ઉત્પાત મચાવ્યો અને મૌલાના આઝાદ ઇન્ટર કોલેજની સામે કપિલ અને સાગર નામના બે યુવકો સાથે મારપીટ કરી. આ યુવકોની માત્ર બાઇક તેમની સાથે અડી જતાં ટોળાએ તેમને મારા માર્યો અને ત્યારબાદ પથ્થર પણ ફેંકવાના શરૂ કરી દીધા. બંને યુવકો બાઇક છોડીને ભાગ્યા તો તેમની બાઈક પણ તોડવામાં આવી.
ત્યારબાદ અન્ય પણ અમુક વાહનોમાં તોડફોડ કરવામાં આવી અને અમુક દુકાનદારોની દુકાનમાં પણ હોબાળો મચાવવામાં આવ્યો. આ ઘટના બાદ શ્યામગંજ બજાર બંધ થઈ ગયું હતું. ઘટનાના અમુક વિડીયો પણ સોશિયલ મીડિયા પર વાયરલ થયા છે.
मौलाना तौकीर रजा द्वारा जुमे की नमाज के बाद अपनी गिरफ्तारी का ऐलान किया गया था, कार्यक्रम शांतिपूर्वक सम्पन्न हो गया है। थाना बारादरी क्षेत्र श्यामतगंज के पास कुछ अराजक तत्वों द्वारा तीन लड़कों से मारपीट की गयी, जिसमें दो लड़कों को मामूली चोट आने व पुलिस कार्यवाही के सम्बन्ध में। pic.twitter.com/8qBtxWZ81D
— Bareilly Police (@bareillypolice) February 9, 2024
આ મામલે બરેલી પોલીસે જણાવ્યું કે, ‘9 ફેબ્રુઆરીએ મૌલાના તૌકીર રઝા દ્વારા જુમ્માની નમાજ બાદ પોતાની ધરપકડનું એલાન કરવામાં આવ્યું હતું. કાર્યક્રમ શાંતિપૂર્વક સંપન્ન થઈ ગયો છે. શ્યામગંજ પાસે અમુક અરાજક તત્વો દ્વારા ત્રણ યુવકો સાથે મારપીટ કરવામાં આવી, જેમાં 2ને સામાન્ય ઈજા પહોંચી છે. અરાજક તત્વોની ઓળખ કરીને તુરંત ધરપકડ કરી કાયદાકીય કાર્યવાહી કરવામાં આવશે. સ્થળ પર શાંતિ છે અને પોલીસબળ તહેનાત કરવામાં આવ્યું છે.
ઉલ્લેખનીય છે કે મૌલાના તૌકીર રઝાએ આ ઘટનાક્રમ પહેલાં એક ભડકાઉ નિવેદન પણ આપ્યું હતું. તેણે કહ્યું હતું કે, જે લોકો અમારા પર હુમલો કરશે, તેને મારી નાખીશું. મૌલાના તૌકીર રઝાનું કહેવું છે કે હવે બુલડોઝર નહીં સહન કરવામાં આવે. આટલું જ નહીં, તેમણે વડાપ્રધાન નરેન્દ્ર મોદી અને ઉત્તરાખંડના મુખ્યમંત્રી પુષ્કર સિંઘ ધામી માટે આપત્તિજનક ભાષાનો ઉપયોગ કર્યો હતો.
