ગુજરાતમાં સતત દેશવિરોધી ટીપ્પણી કે પોસ્ટ કરનારા લોકો વિરુદ્ધ કાર્યવાહી થઈ રહી છે. ખાસ કરીને ભારત અને પાકિસ્તાન વચ્ચેના સંઘર્ષને લઈને સેનાનું મનોબળ તોડવાના અને લોકોમાં ભયનો માહોલ ફેલાવવાનો પ્રયાસ કરનારા શખ્સોને ઝડપી પાડવામાં આવી રહ્યા છે. આ જ દિશામાં બોટાદ પોલીસે (Botad Police) પણ કૃપાલ પટેલ નામના એક શખ્સની ધરપકડ કરી છે. તે તલાટી મંત્રી હોવાનું પણ સામે આવ્યું છે. આરોપ છે કે, તેણે ઑપરેશન સિંદૂર (Operation Sindoor) પર સવાલ ઉઠાવ્યા હતા અને દેશની એકતા અખંડિતતા તોડવા માટે લોકોમાં ભયનો માહોલ ઊભો કરવાનો પ્રયાસ કર્યો હતો.
હાલ બોટાદ પોલીસે આરોપીની ધરપકડ કરી લીધી છે. ભારતીય સેનાએ પાકિસ્તાની આતંકવાદીઓ વિરુદ્ધ ચલાવેલા ઑપરેશન સિંદૂર બાદ આરોપી તલાટી કૃપાલ પોતાના X એકાઉન્ટ પરથી અમુક વાંધાજનક ટિપ્પણીઓ કરી રહ્યો હતો. જે સોશિયલ મીડિયા યુઝરોના ધ્યાને આવતાં પોલીસ અને ગૃહ વિભાગ સમક્ષ કાર્યવાહીની માંગ કરી હતી. આખરે બોટાદ પોલીસે સંજ્ઞાન લઈને એક ગુનો દાખલ કર્યો હતો.
વાસ્તવમાં X પર પત્રકાર સાગર પટોળીયાએ 7 મેના રોજ એટલે કે ઑપરેશન સિંદૂર લૉન્ચ થયા બાદ એક પોસ્ટ કરી હતી. જેમાં તેમણે ‘પાકિસ્તાન અધિકૃત કાશ્મીરમાં ધડાકાના અવાજો, પાકિસ્તાન ધ્રૂજ્યું’– આવા શબ્દો સાથે એક પોસ્ટ કરી હતી. જ્યાં તલાટી કૃપાલ કૂલ બનવા ગયો અને આપત્તિજનક ટિપ્પણી કરી આવ્યો હતો.
@GRTMM1 @MandalGujarat @sanghaviharsh @CMOGuj @GujaratPolice આ પોસ્ટ ને ધ્યાન માં લઈ યોગ્ય કાર્યવાહી કરવા વિનંતી!!
— इन्दीवर स्टार्क 🪷 (@righteous_monk_) May 7, 2025
Appropriate disciplinary action should be taken on him and he should be fired from his job as soon as possible. pic.twitter.com/2zwFvvI4Rk
સોશિયલ મીડિયા પર તેની આ કૉમેન્ટનો ભારે વિરોધ થવા લાગ્યો હતો અને લોકોએ પોલીસના આધિકારિક એકાઉન્ટને ટેગ કરીને ધરપકડની માંગણી કરી હતી. બીજી તરફ કૃપાલે ટંગડી ઊંચી રાખીને કાર્યવાહીની માંગ કરનારાઓની મજાક ઉડાવી હતી અને ઑપરેશન સિંદૂર પર બીજી પણ અમુક પોસ્ટ્સ અને કૉમેન્ટ્સ કરી હતી, જેના સ્ક્રીનશૉટ પણ પછીથી ફરતા થયા.
આ કૃપાલ પટેલ નામનો વ્યક્તિ ધુફનિયા ખાતે તલાટી મંત્રી તરીકે ફરજ બજાવે છે ને અવારનવાર ભારતીય સેના ને મનોબળ તૂટે એવી પોસ્ટ કરે છે.
— रुद्र 📿 🇮🇳 (@ravirajsinh_19) May 10, 2025
વધારે માહિતી માટે DM કરજો.@SP_Botad @Collectorbotad @DDOBOTAD @TDO_Gadhada @GujaratPolice @sanghaviharsh . pic.twitter.com/OZMJJrisDc
ઉપરાંત તેણે અમુક મહિલા યુઝરો સાથે પણ અભદ્ર ભાષામાં વ્યવહાર કરીને વાંધાજનક ટિપ્પણીઓ કરી હતી.
મામલો બોટાદ પોલીસ સાયબર વિભાગના ધ્યાનમાં આવતાં કૃપાલ સામે એક FIR દાખલ કરીને તેની ધરપકડ કરી લેવામાં આવી હતી. કાર્યવાહી 13 મેના રોજ થઈ. જે વિશે પોલીસે સત્તાવાર જાણકારી આપી છે.
દેશની એકતા-અખંડિતતાને તોડવા લોકોમાં ભયનો માહોલ ઊભો કરવાનો પ્રયાસ’- પોલીસ
બોટાદ જિલ્લા પોલીસે પોતાના સત્તાવાર એકાઉન્ટ પર 13 મેના રોજ આરોપી તલાટી કૃપાલ પટેલની ધરપકડની પુષ્ટિ કરી હતી. પોલીસે પોસ્ટ કરીને જણાવ્યું હતું કે, સોશિયલ મીડિયા દ્વારા ‘ઑપરેશન સિંદૂર’ને લઈને સેનાએ કરેલી કાર્યવાહી સામે દેશની એકતા અને અખંડિતતા તોડવા અને લોકોમાં ભયનો માહોલ ઊભો કરવાની કૉમેન્ટ/પોસ્ટ કરવા બદલ એક ઈસમની ધરપકડ કરવામાં આવી છે. આ સાથે જ આરોપીનો પોલીસ સ્ટેશનનો ફોટો પણ પોસ્ટ કરવામાં આવ્યો છે.
સોશીયલ મીડીયા મારફતે 'ઓપરેશન સિંદુર' લગત સેનાએ કરેલ કાર્યવાહી સામે દેશની એકતા અને અખંડિતતા તોડવા લોકોમાં ભયનો માહોલ ઉભો કરવાની કોમેન્ટ/પોસ્ટ કરતા ઇસમને પકડી પાડતી સાયબર ક્રાઇમ પો.સ્ટે. ટીમ બોટાદ@GujaratPolice @sanghaviharsh @dgpgujarat @IGP_BHR_RANGE @InfoBotadGoG pic.twitter.com/RbsLKlQJOM
— Botad District Police (@SP_Botad) May 13, 2025
બોટાદ પોલીસે આરોપી તલાટી વિરુદ્ધ BNSની કલમ 353(2) અને 197(1) હેઠળ ગુનો નોંધ્યો છે. આ બંને કલમો ખોટી માહિતી પ્રસારિત કરીને દેશની સંપ્રભુતા, એકતા અને અખંડિતતાને હાનિ પહોંચાડવા પર દંડની જોગવાઈ કરે છે.
