Tuesday, April 23, 2024
More
    હોમપેજમિડિયાICC ભારતીય બોલરોને આપે છે એક્સ્ટ્રા લેયરવાળો બોલ, એટલે જ શમી અને...

    ICC ભારતીય બોલરોને આપે છે એક્સ્ટ્રા લેયરવાળો બોલ, એટલે જ શમી અને સિરાજ પડાવે છે બૂમ: પૂર્વ પાકિસ્તાની બેટ્સમેનનો બળાપો, જુઓ વીડિયો

    પોતાના 4 મિનિટના જવાબમાં હસન રઝાએ કહ્યું કે "મોહમ્મદ શમી, મોહમ્મદ સિરાજ કે જસપ્રિત બુમરાહ જે રીતે બોલિંગ કરી રહ્યા છે તે મને એલન ડોનાલ્ડની યાદ અપાવે છે અને તેની પાછળનું કારણ એ છે કે તેમને અલગ પ્રકારનો બોલ આપવામાં આવી રહ્યો છે."

    - Advertisement -

    ભારતીય ટીમ શ્રીલંકાને હરાવીને ક્રિકેટ વર્લ્ડ કપ 2023ની સેમી ફાઇનલમાં પહોંચી છે. આ મેચમાં ભારતે શ્રીલંકાને 302 રને હરાવીને રેકોર્ડ જીત નોંધાવી હતી. શ્રીલંકાને માત્ર 55 રનમાં ઓલઆઉટ કરવામાં બોલર મોહમ્મદ શમીએ 18 રનમાં 5 વિકેટ ઝડપી હતી. પરંતુ હવે એક પૂર્વ પાકિસ્તાની ક્રિકેટરે આના પર ગંભીર આરોપ લગાવ્યો છે. તેમના અનુસાર ICC ભારતીય બોલરોને ખાસ બોલ આપે છે.

    હસન રઝા નામના ભૂતપૂર્વ પાકિસ્તાની ક્રિકેટરે ABN ન્યૂઝ ચેનલ પર એન્કર સાથે વાત કરતા અમ્પાયર, થર્ડ અમ્પાયર, BCCI, ICC વગેરે પર ગંભીર આરોપો લગાવ્યા હતા. હસનનું માનવું છે કે જો મોહમ્મદ શમી, મોહમ્મદ સિરાજ અથવા જસપ્રિત બુમરાહ સીમ કે સ્વિંગ કરી શકતા હોય તો તેનું કારણ તેમને અલગ પ્રકારના બોલ આપવામાં આવે છે. તેમના મતે, આ ખાસ પ્રકારના બોલ પર અમુક વધારાનું લેયર અથવા વધારાનું કોટિંગ કરવામાં આવ્યું છે, જે ભારતીય બોલરોને આપવામાં આવે છે.

    હસન રઝા સાથે વાત કરતી વખતે, એન્કરે દલીલ કરી હતી કે શાહીન શાહ આફ્રિદી મોહમ્મદ શમી, મોહમ્મદ સિરાજ અથવા જસપ્રિત બુમરાહ જેવા બોલરો જેટલી જ પ્રતિભા ધરાવે છે. આ વાતને આગળ લઈ જઈને એન્કરે પૂછ્યું કે શા માટે માત્ર ભારતીય બોલરોને જ સીમ કે સ્વિંગ મળે છે? એન્કરને જવાબ આપતી વખતે, હસન રઝાએ તર્કને બદલે કુતર્ક જ કર્યા.

    - Advertisement -

    પોતાના 4 મિનિટના જવાબમાં હસન રઝાએ કહ્યું કે “મોહમ્મદ શમી, મોહમ્મદ સિરાજ કે જસપ્રિત બુમરાહ જે રીતે બોલિંગ કરી રહ્યા છે તે મને એલન ડોનાલ્ડની યાદ અપાવે છે અને તેની પાછળનું કારણ એ છે કે તેમને અલગ પ્રકારનો બોલ આપવામાં આવી રહ્યો છે.” હસનના મતે આની પાછળ અમ્પાયર અથવા ICC અથવા BCCI હોઈ શકે છે.

    ભારતના બેટ્સમેનો સારું રમ્યા, શ્રીલંકા ખરાબ રમ્યા… હસન રઝાએ એકવાર પણ આવું કંઈ કહ્યું નહીં. તેમના મતે, એ જ પીચ પર જ્યાં ભારતીય બેટ્સમેનો સારું રમ્યા હતા, શ્રીલંકાના બેટ્સમેનો ખરાબ રમ્યા હતા કારણ કે બોલ સીમ-સ્વિંગ વધુ થતો હતો કારણ કે બોલ પોતે જ અલગ ગુણવત્તાનો હતો.

    બોલિંગ ઉપરાંત ડીઆરએસ પર પણ સવાલ ઉઠાવતા હસન રઝાએ કહ્યું કે ભારતને ખુશ કરવા માટે ઘણા નિર્ણયો લેવામાં આવ્યા હતા. જ્યારે આ ડીઆરએસમાં અન્ય ટીમો વિરુદ્ધ નિર્ણયો આપવામાં આવ્યા હતા. આ જ શોમાં એન્કર એવું પણ કહેતો જોવા મળે છે કે 5 વિકેટ લીધા પછી મોહમ્મદ શમી જમીન પર બેસી ગયો કારણ કે તેને સજદો કરવાનો હતો પરંતુ ‘ડરના વાતાવરણ’ના કારણે તે તેમ કરી શક્યો નહીં.

    આ સમગ્ર વાર્તાલાપ 50 સેકન્ડથી 4:55 સુધી સાંભળી શકાય છે. જો કે, થોડા સમય પછી, પેનલ પરની અન્ય વ્યક્તિએ આવા ‘હવાહવાઈ’ વિચારોને નકારી કાઢ્યા હતા. નોંધનીય છે કે હસન રઝાએ 14 વર્ષ અને 227 દિવસની ઉંમરમાં આંતરરાષ્ટ્રીય ક્રિકેટમાં ડેબ્યૂ કરીને એક રેકોર્ડ બનાવ્યો હતો. જો કે, બાદમાં પાકિસ્તાન ક્રિકેટે જ તેના જન્મદિવસ વિશે સાચી માહિતીના અભાવે આ રેકોર્ડ હટાવી દીધો હતો. આ એ જ હસન રઝા છે, જેના પર ક્રિકેટમાં ફિક્સિંગનો આરોપ પણ લાગ્યો છે.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં