Saturday, November 16, 2024
More
    Home Blog Page 1155

    જમ્મુ કાશ્મીરમાં કાશ્મીરી પંડિતની હત્યા; આતંકવાદીઓએ સરકારી કચેરીમાં ઘૂસીને રાહુલ ભટને ગોળી મારી

    ઑપઇન્ડિયા સ્ટાફ
    -
    0
    જમ્મુ કાશ્મીરમાં કાશ્મીરી પંડિતની હત્યા; આતંકવાદીઓએ સરકારી કચેરીમાં ઘૂસીને રાહુલ ભટને ગોળી મારી

    જમ્મુ કાશ્મીર કાશ્મીરી પંડિતની હત્યા થઇ હોવાના સમાચાર મળી રહ્યા છે. આતંકવાદીઓએ બડગામ જિલ્લામાં ગુરૂવાર 12 મે 2020 ના રોજ બપોરે મહેસુલ વિભાગના કર્મચારીને ધડાધડ ગોળીઓ ધરબી દીધી હતી. ગંભીર રીતે ઘવાયેલા કર્મચારીને શ્રીનગરના એક હોસ્પિટલમાં દાખલ કરવામાં આવ્યા હતા, જ્યાં થોડી જ વારમાં તેનું મૃત્યુ થયું હતું. સુચના મળતા જ સુરક્ષા દળ તેમજ જમ્મુ કાશ્મીર પોલીસ દ્વારા આખા વિસ્તારની ઘેરાબંધી કરીને તપાસ અભિયાન ચલાવાઈ રહ્યું છે. આ ઘટના મધ્ય કશ્મીરની ચદુરામા તાલુકા કચેરીમા ઘટી હતી, મૃતકની કશ્મીરી પંડિત રાહુલ ભટ તરીકે ઓળખ થઈ છે.

    કાશ્મીર ઝોન પોલીસે ટ્વીટ કર્યું હતું કે, “તાલુકા કચેરી ચદુરા, બડગામમાં આતંકવાદીઓએ અલ્પસંખ્યક સમુદાયના એક કર્મચારી રાહુલ ભટ પર ગોળીઓ ચલાવી હતી, તેમને હોસ્પિટલમા દાખલ કરવામાં આવ્યા હતા.

    2 આતંકવાદીઓએ આપ્યો ઘટનાને અંજામ

    પોલીસે જણાવ્યું હતું કે “પ્રાથમિક તપાસમાં સામે આવ્યું છે કે આ ઘટનામાં 2 આતંકવાદી સામેલ હતા, તેમણે પિસ્ટલથી ગોળી મારીને રાહુલ ભટની હત્યા કરી હતી. આ ઘટના તે સમયે બની જ્યારે રાહુલ પોતાની ઓફિસમાં બેસીને કામ કરી રહ્યાં હતા, તેજ સમયે બન્ને આતંકવાદી ત્યા પહોંચ્યા અને પિસ્ટલથી ગોળી મારીને ભાગી ગયા હતા. ગંભીર રીતે ઘાયલ થયેલા રાહુલને શ્રીનગરની SMHS હોસ્પિટલમાં લઈ જવામાં આવ્યા હતા, પરંતુ તેમને બચાવી શકાયા નહોતા.”

    આ આતંકવાદી સંગઠને લીધી જવાબદારી

    મિડીયા રીપોર્ટ પ્રમાણે કશ્મીર ટાઈગર નામના અલ્પચર્ચિત આતંકવાદી સંગઠને આ ઘટનાને અંજામ આપ્યો હોવાનું સ્વિકાર્યું છે, આતંકવાદી સંગઠન દ્વારા ઘટના બાદ એક ઉર્દૂ ભાષામાં લખાયેલો મેસેજ મોકલવામાં આવ્યો હતો, જેમા તેમણે સ્પષ્ટ પણે હત્યાને અંજામ તેમના દ્વારા અપાયા હોવાનો ઉલ્લેખ કર્યોછે, વધું મા આતંકવાદી સંગઠન લખે છે કે “અમે સ્પષ્ટપણે કહેવા માંગીએ છીએ કે હિંદુ ઓફીસોમાં જે પણ મુસલમાનોને હેરાન કરશે તેની હાલત આના જેવીજ થશે, જો કોઈએ મુસલમાનોને હેરાન કરવાની કોશીશ કરી તો તેમને પણ પરિણામ ભોગવવું પડશે.”

    BJPએ ઘટનાની કરી નિંદા

    પ્રદેશના ભાજપ પ્રવક્તા અલ્તાફ ઠાકુરે ઘટનાની નિંદા કરતા કહ્યું કે “કાશ્મીરના નિર્દોષ નાગરિકની અમે નિંદા કરીએ છીએ,આ એક કાયરતાપૂર્ણ અને બર્બર ઘટના છે, આનાથી સાબિત થાય છે કે આતંકવાદીઓ હતાશ થઇ ગયા છે,

    જણાવી દઈએ તાજેતરમાંજ જમ્મુ કશ્મીરના શ્રીનગરમાં શનિવાર 7 મે 2022 ના રોજ એક પોલીસ કર્મચારી ગુલામ હસનને ગોળી મારીને ઘાયલ કરી દિધા હતા, ત્યાર બાદ તરત ગંભીર રીતે ઘાયલ કોન્સ્ટેબલને હોસ્પિટલમા દાખલ કરવામાં આવ્યા હતા.

    અલ કાયદાના વખાણ્યાનાં 1 મહિના બાદ પોલીસની જાણ બહાર સાઉદી અરબ પહોંચી બુરખા વિવાદથી પ્રસિદ્ધ થયેલી મુસ્કાન ખાન; હિંદુ સંગઠનોએ કરી તપાસની માંગ

    ઑપઇન્ડિયા સ્ટાફ
    -
    0
    અલ કાયદાના વખાણ્યાનાં 1 મહિના બાદ પોલીસની જાણ બહાર સાઉદી અરબ પહોંચી બુરખા વિવાદથી પ્રસિદ્ધ થયેલી મુસ્કાન ખાન; હિંદુ સંગઠનોએ કરી તપાસની માંગ

    અલ કાયદા આતંકીએ વખાણેલી મુસ્કાન ખાન પોલીસની જાણ બહાર સાઉદી અરબ જતી રહી છે, કર્ણાટકના બુરખા વિવાદથી ચર્ચામાં આવેલી બીબી મુસ્કાન જૈનબ ખાન હવે એક નવા વિવાદમાં ઘેરાતી જોવા મળી રહી છે, માહિતી મળી રહી છે કે સ્થાનિક પોલીસને સુચના આપ્યા વગર મુસ્કાન પોતાના પરિવાર સાથે સાઉદી અરબ જતી રહી છે. માનવામાં આવી રહ્યું છે કે મુસ્કાન આખા પરિવાર સાથે મઝહબી યાત્રા પર 25 એપ્રિલ 2022 ના રોજ નીકળી હતી, સાથે એ પણ જાણવા મળી રહ્યું છે કે તે 18 મે 2022ના રોજ મક્કા જશે.

    એક મીડિયા રિપોર્ટના આધારે સ્થાનિક પોલીસે મુસ્કાન ખાન ની સુરક્ષાને ધ્યાનમાં રાખીને તેને ક્યાંય પણ આવતા જતા પહેલા સ્થાનિક પોલીસ સ્ટેશનમાં જાણકારી આપવા કહ્યું હતું, તેવામાં પોલીસને જણાવ્યા વગર તેના સાઉદી અરબ જવાથી પોલીસ ચિંતામાં જોવા મળી રહી છે. મુસ્કાન ખાન કર્ણાટકના માંડ્યામા PES કોલેજ ઓફ આર્ટસ સાયંસ અને કોમર્સ કોલેજની વિદ્યાર્થીની છે, આ જ કોલેજમા તેણે અલ્લાહુ અકબરના નારા લગાવ્યા હતા.

    મુસ્કાનની સાઉદી અરબની યાત્રા આતંકવાદી સંગઠન અલકાયદાના મુખિયા અયમાન-અલ-જવાહિરી દ્વારા વખાણ કર્યાના એક મહિના બાદ થઈ છે, મુસ્કાનના વખાણ હિન્દુ વિદ્યાર્થીઓની સામે અલ્લાહુ અકબરના નારાઓ લગાવ્યા બાદ થયા હતા. 9 મિનિટના વિડીયોમાં અલ જવાહિરીએ પોતે મુસ્કાનથી પ્રભાવિત થયો હોવાનું કહ્યું હતું, જવાહિરીએ મુસ્કાનને ‘ભારતની મહાન મહિલા’ કહિને તેના સમર્થનમા કવિતા પણ ગાઈ હતી.

    મુસ્કાનનું આમ અલકાયદાના વખાણ્યાના એક મહિના બાદ સ્થાનિક પોલીસને જાણ કર્યા વગર ઉમરા કરવા જવું કેટલાક લોકોમાં શંકા ઉપજાવી રહ્યું છે, હિંદુ સંગઠનો દ્વારા આ મામલે મુસ્કાન ખાન વિરુદ્ધ તપાસ હાથ ધરવાની માંગ કરવામાં આવી છે. હિંદુ સંગઠનોએ અલ-કાયદા સાથે સબંધિત મુસ્કાનને મળેલા ઉપહારો તેમજ પૈસાની તપાસ માટે માંગ ઉઠી છે, મુસ્કાનની નારાબાજી બાદ કટ્ટરપંથી ઈસ્લામ સમુહ PFI સાથે તેના સંબંધ હોવાનું સામે આવ્યું હતું, તે બાબતમાં મધ્યસ્થ કડી તેના પિતા અબ્દુલ સુકુર રહ્યા હતા.

    કર્ણાટક બુરખા વિવાદ દરમિયાન મુસ્કાન બીબી કટ્ટર મુસ્લિમ સમુહોમાં બહુચર્ચિત રહી હતી, તેને ભેંટ સોગાદો આપવા વાળાની ભરમાર લાગી હતી, જેમા મુંબઇ કોંગ્રેસ ધારાસભ્ય જીશાન સિદ્દીકી પણ સામેલ હતા. જીશાને મુસ્કાનને આઈ ફોન તેમજ સ્માર્ટ વૉચની ભેંટ આપી હતી, અને જમીયત ઉલેમા એ મુસ્કાનને 5 લાખ રુપીયા રોકડા આપવાની ઘોષણા કરી હતી.

    આજથી ઉત્તર પ્રદેશની મદરેસાઓમાં રાષ્ટ્રગીત ફરજિયાત : યોગી સરકારે આદેશ જારી કર્યો

    ઑપઇન્ડિયા સ્ટાફ
    -
    0
    આજથી ઉત્તર પ્રદેશની મદરેસાઓમાં રાષ્ટ્રગીત ફરજિયાત : યોગી સરકારે આદેશ જારી કર્યો

    ઉત્તર પ્રદેશની યોગી સરકારે ગુરુવારે મોટો નિર્ણય લીધો હતો. જે અનુસાર રાજ્યની તમામ મદરેસાઓમાં આજથી વર્ગો શરૂ કરવા પહેલાં રાષ્ટ્રગીત ગાવું ફરજિયાત રહેશે. ઉત્તર પ્રદેશ મદ્રેસા શિક્ષણ પરિષદ દ્વારા આ મામલે આદેશ જારી કરવામાં આવ્યો હતો. રમઝાનની રજાઓ બાદ મદરેસા ફરી ખુલી રહ્યા છે ત્યારે હવેથી આ આદેશનું ફરજિયાતપણે પાલન કરવાનું રહેશે.

    રિપોર્ટ અનુસાર, ઉત્તર પ્રદેશના લઘુમતી બાબતોના રાજ્યમંત્રી દાનિશ આઝાદ અન્સારીએ આ આદેશ જારી કર્યો છે. તમામ લઘુમતી કલ્યાણ વિભાગના અધિકારીઓને પત્ર જારી કરીને કહેવામાં આવ્યું છે કે રાજ્યમાં માન્યતાપ્રાપ્ત અને અનુદાનિત મદરેસાઓમાં શૈક્ષણિક સત્ર શરૂ થવાની સાથે વર્ગો શરૂ થવા પહેલાં વિદ્યાર્થીઓ અને તમામ શિક્ષકો પાસે ફરજિયાત રાષ્ટ્રગીત ગવડાવવામાં આવે.

    આદેશમાં જણાવવામાં આવ્યું છે કે આગામી શૈક્ષણિક સત્રથી વર્ગો શરૂ થવા પહેલાં અન્ય દુવાઓ સાથે શિક્ષકો અને વિદ્યાર્થીઓએ ફરજિયાતપણે રાષ્ટ્રગીત પણ ગાવાનું રહેશે. રમઝાનના કારણે મદરેસાઓમાં 30 માર્ચથી 11 મે સુધી વેકેશન જાહેર કરવામાં આવ્યું હતું, જેથી આજથી ફરી નિયમિત વર્ગો શરૂ થઇ રહ્યા છે. ત્યારે આ આદેશ બહાર પાડવામાં આવ્યો છે.

    આ આદેશનું પાલન રાજ્ય સરકારની માન્યતા પ્રાપ્ત, અનુદાનિત અને બિન અનુદાનિત તમામ મદરેસાઓમાં સુનિશ્ચિત કરવાનું રહેશે. નોંધનીય છે કે આગામી 14 મેના રોજથી મદરેસાઓમાં વિદ્યાર્થીઓની પરીક્ષા પણ લેવાનાર છે. એક રિપોર્ટ અનુસાર, ઉત્તર પ્રદેશમાં કુલ 16,461 મદરેસાઓ છે.

    લઘુમતી કલ્યાણ મંત્રી દાનિશ અન્સારીએ જણાવ્યું કે, વાર્ષિક પરીક્ષાઓ પણ શરૂ થઇ રહી છે. નવા સત્રની શરૂઆત થઇ છે તો તમામ મદરેસાઓમાં વિદ્યાર્થીઓ ફરી આવવાના શરૂ થઇ ગયા છે. બોર્ડે તમામ જિલ્લા કલ્યાણ અધિકારીઓને આ અંગે અવત કર્યા છે. હવે તમામ સરકારી, ખાનગી કે અનુદાનિત મદ્રેસાઓમાં અન્ય દુવાઓ સાથે રાષ્ટ્રગીત પણ ફરજિયાત કરવામાં આવશે.

    ગત 24 માર્ચના રોજ મળેલી મદ્રેસા શિક્ષણ પરિષદની એક બેઠકમાં રાજ્યની તમામ મદરેસાઓમાં રાષ્ટ્રગીત ફરજિયાત કરવા અંગે નિર્ણય લેવામાં આવ્યો હતો. જે નવા સત્રથી લાગુ કરવા અંગે જણાવવામાં આવ્યું હતું. હવે, આજથી નવું સત્ર શરૂ થતા આદેશ જારી કરવામાં આવ્યો છે.

    આ ઉપરાંત મદરેસા શિક્ષણ પરિષદની બેઠકમાં પ્રાથમિક શિક્ષણના મોડેલના આધારે પરીક્ષા લેવા અંગે પણ નિર્ણય લેવામાં આવ્યો હતો. જેમાં ધોરણ એકથી આઠ સુધીના અભ્યાસક્રમમાં હિંદી, અંગ્રેજી, ગણિત, વિજ્ઞાન અને સામાજિક વિજ્ઞાનના પ્રશ્નપત્રો સામેલ કરવામાં આવશે. ઉપરાંત, માધ્યમિક શિક્ષણમાં અરબી અને ફારસી સાહિત્ય સાથે દિનીયાત સામેલ કરીને એક વિષય અને તેની સાથે હિંદી, અંગ્રેજી, ગણિત, વિજ્ઞાન અને સામાજિક વિજ્ઞાનના અલગ પ્રશ્નપત્રો હશે.

    રિપોર્ટ અનુસાર, રાજ્યની મદરેસાઓમાં વિદ્યાર્થીઓની સંખ્યા ઝડપથી ઘટી રહી છે. છ વર્ષમાં લગભગ 80 ટકા વિદ્યાર્થીઓ ઘટ્યા છે. જે અનુસાર, વર્ષ 2016 માં કુલ 4 લાખ 22 હજાર 627 વિદ્યાર્થીઓ મદરેસામાં માધ્યમિક અને ઉચ્ચતર માધ્યમિક વિભાગમાં દાખલ થયા હતા. જ્યારે વર્ષ 2021 માં આ સંખ્યા ઘટીને 92 હજાર રહી ગઈ છે. એટલે કે છ વર્ષમાં ત્રણ લાખ વિદ્યાર્થીઓ ઓછા થયા છે.

    રાજ્ય સભા ચૂંટણી માટેની તારીખોની જાહેરાત: 15 રાજ્યોની 57 બેઠકો માટે 10 જૂને યોજાશે ચૂંટણી, 11 તારીખે પરિણામ આવશે

    ઑપઇન્ડિયા સ્ટાફ
    -
    0
    રાજ્ય સભા ચૂંટણી માટેની તારીખોની જાહેરાત: 15 રાજ્યોની 57 બેઠકો માટે 10 જૂને યોજાશે ચૂંટણી, 11 તારીખે પરિણામ આવશે

    ચૂંટણી પંચે ગુરુવારે જાહેરાત કરી હતી કે રાજ્યસભાની 57 બેઠકો માટે 10 જૂનના રોજ ચૂંટણી યોજાશે. 15 રાજ્યોમાંથી ચૂંટાયેલા રાજ્યોની પરિષદના 57 સભ્યોનો કાર્યકાળ જૂન-ઓગસ્ટ 2022 વચ્ચે તેમની નિવૃત્તિ પર સમાપ્ત થવાનો છે. એ જ દિવસે મતગણતરી થશે. આ રાજ્ય સભા ચૂંટણી રસપ્રદ થવાની પૂરી સંભાવના છે.

    15 રાજ્યોમાં આવેલ રાજ્યસભાની 52 બેઠકો માટે 10 જૂને ચૂંટણી યોજાશે. ઉત્તર પ્રદેશમાં સૌથી વધુ 11 બેઠકો છે. તે પછી મહારાષ્ટ્ર અને તમિલનાડુ આવે છે – બંને રાજ્યમાં છ-છ સીટો. અન્ય રાજ્યો જ્યાં ચૂંટણી થવાની છે તેમાં આંધ્ર પ્રદેશ, તેલંગાણા, છત્તીસગઢ, મધ્ય પ્રદેશ, કર્ણાટક, ઓડિશા, પંજાબ, રાજસ્થાન, ઉત્તરાખંડ, બિહાર, ઝારખંડ અને હરિયાણાનો સમાવેશ થાય છે.

    રાજ્ય સભા ચૂંટણી અંતર્ગતની આ બેઠકોમાં આંધ્રપ્રદેશની 4 બેઠકો, તેલંગાણાની 2 બેઠકો, છત્તીસગઢની 2 બેઠકો, મધ્યપ્રદેશની 3 બેઠકો, તમિલનાડુની 6 બેઠકો, કર્ણાટકની 4, ઓડિશાની 3, મહારાષ્ટ્રની 6, પંજાબની 2, રાજસ્થાનની 4 બેઠકોનો સમાવેશ થાય છે. ઉત્તરાખંડની 1, બિહારની 5, ઝારખંડની 2, હરિયાણાની 2 બેઠકો પર પણ મતદાન થશે.

    રાજ્યસભાની ચૂંટણી માટે 24 મેના રોજ જાહેરનામું બહાર પાડવામાં આવશે. નોંધણી પ્રક્રિયા 24મી મેથી શરૂ થશે. રાજ્યસભા માટે 31 મે સુધી નામાંકન દાખલ કરી શકાશે. તે જ સમયે, 1 જૂનના રોજ ઉમેદવારી પત્રોની ચકાસણી કરવામાં આવશે. ઉમેદવારી પત્રોની ચકાસણી કર્યા પછી, તેમને 3 જૂને ઉમેદવારનું નામાંકન પાછું ખેંચવાની તક આપવામાં આવશે. રાજ્યસભા માટે 10 જૂને મતદાન થશે. સવારે 9:00 થી સાંજના 4:00 વાગ્યા સુધી મતદાન થશે. જે બાદ 11 જૂને પરિણામ જાહેર કરવામાં આવશે.

    નોંધનીય છે કે ઘણા સભ્યોનો કાર્યકાળ જૂન 2022 થી 1 ઓગસ્ટ 2022ની વચ્ચે સમાપ્ત થઈ રહ્યો છે, જે બાદ ચૂંટણીની તારીખો જાહેર કરવામાં આવી છે. બિહારના કેન્દ્રીય મંત્રી આરસીપી સિંહ, આરજેડી સુપ્રીમો લાલુ યાદવની પુત્રી મીશા ભારતી ઉપરાંત ગોપાલ નારાયણ સિંહ, સતીશ ચંદ્ર દુબે અને શરદ ચંદ્ર યાદવનો કાર્યકાળ પણ સમાપ્ત થઈ રહ્યો છે. જ્યારે છત્તીસગઢમાં ભાજપના રામવિચાર નેતામ સહિત કોંગ્રેસના છાયા વર્માના નિવૃત્તિને કારણે બે બેઠકો ખાલી થઈ રહી છે. આ બંને સાંસદો 29 જૂને રાજ્યસભામાંથી નિવૃત્ત થશે. નિર્મલા સીતારમણ (ભાજપ) અને પી ચિદમ્બરમ (કોંગ્રેસ) દ્વારા ખાલી કરાયેલી કર્ણાટક અને મહારાષ્ટ્રની બેઠકો પર પણ ચૂંટણી થવાની છે.

    ચૂંટણી પંચે સંબંધિત મુખ્ય સચિવોને રાજ્યમાંથી એક વરિષ્ઠ અધિકારીની નિયુક્તિ કરવા માટે નિર્દેશ આપ્યો છે કે ચૂંટણીના સંચાલન માટે વ્યવસ્થા કરતી વખતે જરૂરી કોવિડ -19 નિયંત્રણ પગલાંનું પાલન કરવામાં આવે.

    નોંધનીય છે કે ગયા મહિને ભાજપ દ્વિવાર્ષિક ચૂંટણીઓ પછી સંસદના ઉપલા ગૃહમાં 100નો આંકડો પાર કરવામાં સફળ રહ્યો, 1990 પછી આવું કરનાર તે પ્રથમ પક્ષ બન્યો છે. ભારતીય જનતા પાર્ટીએ વધુ ત્રણ બેઠકો જીતી – આસામ, ત્રિપુરા અને નાગાલેન્ડમાંથી એક-એક – ઉપલા ગૃહમાં 101 સાંસદોની સંખ્યા મેળવી છે.

    મોહન પર અસલમે લોખંડના સળિયાથી કર્યો હુમલો.. બે સમુદાય વચ્ચે ભડકી હિંસા, રાજગઢમાં પથ્થરમારો, રમખઆગ ચાંપવાની ઘટનાઓ નોંધાઈ

    ઑપઇન્ડિયા સ્ટાફ
    -
    0
    મોહન પર અસલમે લોખંડના સળિયાથી કર્યો હુમલો.. બે સમુદાય વચ્ચે ભડકી હિંસા, રાજગઢમાં પથ્થરમારો, રમખઆગ ચાંપવાની ઘટનાઓ નોંધાઈ

    મધ્યપ્રદેશના રાજગઢમાં હિંસા થઈ હોવાના સમાચાર સામે આવ્યા છે, મળતી માહિતી મુજબ એક જમીન વિવાદે હિંસાનું રૌદ્ર સ્વરૂપ ધારણ કર્યું હતું અને રમખાણ થયું હતું. ત્યારબાદ વિસ્તારમાં તોડફોડ અને આગ ચાંપવાની ઘટનાઓ ઘટી, આ ઉપરાંત પોલીસ અને પ્રશાસનિક અધિકારીઓ ઉપર પણ પથ્થરમારો કરવામાં આવ્યો, રાજગઢમાં ઘટનાસ્થળ પર ભારે માત્રામાં પોલીસ દળ ઉતારી દેવામાં આવ્યું છે. આ સાથેજ બે લોકોના ઘાયલ થયા હોવાના સમાચાર પણ મળી રહ્યા છે, આ ઘટના બુધવાર 11 મે 2022 ની છે જ્યારે રાજગઢ મુસ્લિમો દ્વારા રમખાણ કરાયું હતું.

    રાજગઢ માં હિંસા પર પોલીસ ઉચ્ચાધિકારી IPS પ્રદીપ શર્માના નિવેદન પ્રમાણે, “કરેણી ગામ માં બે સમૂહો વચ્ચે હિંસા ફાટી નીકળી હતી, આ દરમિયાન એક દુકાન અને લગભગ ત્રણ જેટલી મોટરસાયકલ માં આગ ચાંપી દેવામાં આવી હતી. આ ઘટનામાં બે લોકો ઘાયલ થતા તેમને હોસ્પિટલમાં ભરતી કરવામાં આવ્યા છે, જ્યાં તેમની હાલત સુધારા ઉપર છે. હુમલાખોરોને કાબુમાં કરવા પોલીસને ટીયર ગેસનો ઉપયોગ કરવો પડ્યો હતો, હાલ પરિસ્થિતિ કાબૂમાં છે.”

    મીડિયા રિપોર્ટ પ્રમાણે ઘટનાની સાંજે મોહન ઘરેથી ક્યાંક જવા નીકળ્યા હતા, તે દરમિયાન રસ્તા પર અલ્લા વેલીના બે દીકરા ગોલુ અને અસલમે મોહન પર લોખંડના સળિયાથી હુમલો કર્યો હતો. મધ્યપ્રદેશના રાજગઢના મોહનના ભાઈ હુકુમચંદે તેને બચાવવાની કોશિશ કરતા તેના ઉપર પણ હુમલો કરવામાં આવ્યો, જેમાં તે ગંભીર રીતે ઘાયલ થઈ ગયા હતા, ત્યારબાદ મોહન વર્માના પરિવારે પ્રતિરોધ કરતા થોડી જ વારમાં બંને પક્ષેથી લોકોનો ટોળું એકઠું થઈ ગયું હતું, આ દરમિયાન આગ ચાંપવાની ઘટના પણ ઘટી હતી. ઘટનાસ્થળ પર પરિસ્થિતિને સંભાળવા પહોંચેલા પોલીસ દળ તેમજ અન્ય પ્રશાસનિક અધિકારીઓના વાહન ઉપર પણ પથ્થરો વરસાવવામાં આવ્યા હતા.

    આ દરમિયાન ઘર પાસે મુકેલા વાહનો ઉપર પણ હુમલો કરવામાં આવ્યો, પોલીસે ઘણી જહેમત બાદ પરિસ્થિતિ ઉપર કાબુ મેળવ્યો હતો. સ્થિતિ ફરી ન વણસે તે માટે મોટી સંખ્યામાં પોલીસ દળ ઉતારવામાં આવ્યું છે, SP રાજગઢ પ્રમાણે બન્ને પક્ષોના નિવેદનો લેવામાં આવ્યા છે, પોલીસ તપાસમાં દોષિત સાબિત થનાર વ્યક્તિ વિરુદ્ધ કડક કાર્યવાહી કરવામાં આવશે.

    ઉડતા વિમાનમાં બેભાન થયો પાયલોટ, પછી એક યાત્રીએ ઉડાવ્યું પ્લેન; લેન્ડ પણ કરાવ્યું, કહ્યું મને વિમાન ઉડાડતા નથી આવડતું

    ઑપઇન્ડિયા સ્ટાફ
    -
    0
    ઉડતા વિમાનમાં બેભાન થયો પાયલોટ, પછી એક યાત્રીએ ઉડાવ્યું પ્લેન; લેન્ડ પણ કરાવ્યું, કહ્યું મને વિમાન ઉડાડતા નથી આવડતું

    વીમાન ઉડાડવાના અનુભવ વગરના એક યાત્રી દ્વારા વિમાન જમીન ઉપર ઉતારવાનો આશ્ચર્યજનક કિસ્સો સામે આવ્યો છે. આ ઘટના ફ્લોરિડાની છે, જ્યાં બહામાસ થી ફ્લોરીડા માટે સેસના 208 કારવાં નામના હળવા વિમાનની ઉડાન બાદ તબિયત લથડતા પાયલોટ બેભાન થયો હતો, અપાતકાલીન સ્થિતિમાં એક યાત્રીએ ટ્રાફિક કંટ્રોલ વિભાગની મદદથી સુરક્ષિત રીતે વિમાન લેન્ડ કરાવ્યું હતું, આ ઘટના મંગળવાર (10 મે 2022)ના રોજ ઘટી હતી, બીનાનુભવી યાત્રીએ ઉડાવ્યું પ્લેન

    મેલ ઓનલાઈનના રીપોર્ટ પ્રમાણે યાત્રીને એર કંટ્રોલ વિભાગને કહેતા સાંભળી શકાય છે કે “અહી મારી સ્થિતિ ગંભીર છે, મારો પાયલોટ બેભાન થઇ ગયો છે, મને નથી ખબર વિમાન કેવીરીતે ઉડાડવામાં આવે છે.”

    તેના જવાબમાં એયર ટ્રાફિક કંટ્રોલરે ઉત્તર આપ્યો
    “રોજર, આપની સ્થિતિ શું છે?”

    બેનામ યાત્રીએ કહ્યું કે ” મને નથી ખબર, હું મારી સામે ફ્લોરીડાનો તટ જોઈ શકું છું, મને કોઈ અંદાજ નથી આવી રહ્યો.”

    ફોર્ટ પિયર્સ ના અધિકારીએ અચંભિત અધિકારીએ કહ્યું કે તે તેના લોકેશનને જાણવાની કોશિશ કરી રહ્યો છે.

    આગળ તેમણે કહ્યું કે “પાંખડાની ગતિને નિર્ધારિત રાખો, અને ઉત્તર કે દક્ષિણમાં તટની દિશા તરફ આગળ વધતા રહો. અમે તમારી સ્થિતિ જાણવાની કોશિશ કરી રહ્યા છીએ.”

    લગભગ ચાર મીનીટના આ ઓડિયોમાં તે બંને વચ્ચે થયેલી વાતચીતને ટવીટમાં સાંભળી શકાય છે.

    આગળ આ બેનામ યાત્રી પૂછે છે, ” શું હજું તમે મને લોકેટ કરી શક્યાં છો? મારાથી મારી એનએવી સ્ક્રીન ચાલું નથી થઇ રહી, શું તમારી પાસે આની કોઈ જાણકારી છે?”

    અને મજાની વાત તો એ છે કે પાયલોટ બનેલા આ બેનામ યાત્રીને અંતે બોકા રેટનના તટ નજીક ઉડતો લોકેટ કરી લેવામાં આવ્યો, અને પામ બીચ એરપોર્ટ એયર ટ્રાફિક કંટ્રોલર સાથે તેનો સંપર્ક કરવામાં સફળતા મળી. જેના થકી આગળ વિમાનને કેવીરીતે ઉતારવું તે સમજાવવામાં આવ્યું.

    બીજીતરફ મીડિયા રીપોર્ટ અનુસાર એસીબી ન્યુઝના માધ્યમથી એવો દાવો પણ કરવામાં આવી રહ્યો છે કે આ ઘટનામાં શામેલ નિયંત્રક એક પ્રમાણિત ફ્લાઈટ ઈસ્ટ્રકટર હતા, જેમને સેસના એયરક્રાફ્ટ સાથે કામ કરવાનો અનુભવ હતો, તેમણે કોકપીટના લેઆઉટની એક પ્રિન્ટ કાઢી અને તેનો ઉપયોગ યાત્રીને વિમાન ઉડાડવા અને લેન્ડ કરાવવાની આખી પ્રણાલી સમજાવવા કર્યો.

    એકંદરે કહી શકાય કે થોડીક કોઠાસુજ અને સમજદારીના કારણે થોડી અનિયંત્રિત પણ સુરક્ષિત લેન્ડીંગ શક્ય બન્યુ.

    ત્યાંજ વિમાનનાં જમીન પર ઉતરતાજ પાયલોટને તાત્કાલિક દવાખાને લઇ જવામાં આવ્યો,જોકે તેની સ્થિતિ અંગે કોઈ જાણકારી મળી શકી નથી. પરંતુ તાજેતરમાં આ કિસ્સો લોકોમાં ચર્ચાનો વિષય બન્યો છે,

    રાજકોટમાં સાકીર રફિક કાદિવાર અને અબ્દુલ અસલમ અજમેરી દ્વારા પોતાની બહેન સાથે પ્રેમસંબંધ હોવાથી મિથુન ઠાકુર નામના હિન્દુ યુવાનની હત્યા

    ઑપઇન્ડિયા સ્ટાફ
    -
    0
    રાજકોટમાં સાકીર રફિક કાદિવાર અને અબ્દુલ અસલમ અજમેરી દ્વારા પોતાની બહેન સાથે પ્રેમસંબંધ હોવાથી મિથુન ઠાકુર નામના હિન્દુ યુવાનની હત્યા

    રાજકોટમાં એક હિન્દુ યુવાને એક મુસ્લિમ યુવતીને પ્રેમ કરવાની કિંમત પોતાનો જીવ ગુમાવીને ચૂકવી છે. રાજ્યના રાજકોટમાંથી એક ચોંકાવનારો કિસ્સો સામે આવ્યો છે. જ્યાં એક હિન્દુ યુવકને મુસ્લિમ યુવતી સાથે પ્રેમ થયો હતો, ત્યારબાદ યુવતીના ભાઈઓએ યુવકને માર મારીને હત્યા કરી નાખી હતી.

    મળતી માહિતી મુજબ બિહારથી રાજકોટ નોકરી માટે આવેલ મિથુન ઠાકુર નામના યુવકને નજીકમાં રહેતી મુસ્લિમ યુવતી સુમૈયા કાદિવાર સાથે પ્રેમ થયો હતો અને બન્ને એકબીજા સાથે લગ્ન કરવા માંગતા હતા. પરંતુ જ્યારે છોકરીના ભાઈ સાકીરને આ વાતની ખબર પડી તો તે ગુસ્સે થઈ ગયો અને પોતાના મિત્ર અબ્દુલ અને અન્ય 3 સાથે મળીને છોકરાને એવો ઢોર માર માર્યો કે તેનું મોત થઈ ગયું હતું.

    પ્રાપ્ત માહિતી અનુસાર યુવકનો પરિવાર બિહારનો છે અને તે રાજકોટમાં નોકરી કરતો હતો. તેના પિતા બિપિન અને યુવક મિથુન બંને ખાનગી ફેક્ટરીમાં કામ કરતા હતા.

    ગત સોમવારે મિથુન ઠાકુરે સવારે લગભગ 10 વાગે સુમૈયાને તેના મોબાઈલ પર ફોન કર્યો હતો પરંતુ તેના ભાઈ સાકિરે કોલનો જવાબ આપ્યો હતો. તેણે મિથુન ઠાકુરને ભયંકર પરિણામોની ધમકી આપી અને બંને વચ્ચે ઉગ્ર બોલાચાલી થઈ. સાકીર તેને સુમૈયાથી દૂર રહેવાની ધમકી આપતો હતો. ત્યારબાદ ઘર્ષણ વધી જતા સાકીર અને ત્રણ અજાણ્યા લોકો મિથુનના ઘરે પહોંચી ગયા અને તેને ઢોર માર માર્યો. એક પાડોશીએ તેને ઘરમાં બેભાન પડેલો જોઇ અને તેને રાજકોટ સિવિલ હોસ્પિટલમાં લઈ ગયા, જ્યાંથી તેને ગંભીર ઈજાઓ અને બ્રેઈન હેમરેજ સાથે અમદાવાદ રીફર કરવામાં આવ્યો. ઠાકુરે બુધવારે અમદાવાદની સિવિલ હોસ્પિટલમાં જ દમ તોડ્યો હતો.

    બુધવારે જ્યારે સુમૈયાને મિથુનના મૃત્યુની ખબર પડી તો તેણે પોતાનું કાંડું કાપીને આપઘાતનો પ્રયાસ પણ કર્યો હતો. બુધવારે હોસ્પિટલમાં દાખલ થયા બાદ સમગ્ર ઘટના પ્રકાશમાં આવી હતી. સુમિયાના માતા-પિતા છૂટાછેડા પામેલા છે અને તેની માતા પણ એક ખાનગી કંપનીમાં મજૂર તરીકે કામ કરે છે. ભક્તિનગર પોલીસ સ્ટેશનના ઇન્સ્પેક્ટર એલ એલ ચાવડાએ જણાવ્યું હતું કે, “અમે પીડિતાના પિતાની ફરિયાદ લીધી છે અને સાકીર અને તેના એક સહયોગીની ધરપકડ કરી છે.” ઠાકુર અને તેના પિતા બિપિન રાજકોટમાં રહેતા હતા અને એક ફેક્ટરીમાં કામ કરતા હતા. યુવતીના ભાઈ સાકીર રફિક કાદિવાર તથા એક મિત્ર અબ્દુલ અસલમ અજમેરીની પોલીસે ધરપકડ કરી લીધી હતી અને આગળની કાર્યવાહી હાથ ધરી છે.

    આ પહેલા હૈદરાબાદમાં પણ આવો જ એક કિસ્સો સામે આવ્યો હતો. તેલંગાણાના હૈદરાબાદ 5 હુમલાખોરો દ્વારા નાગારાજુ નામના દલિત યુવકની જાહેરમાં કરપીણ હત્યા કરી દેવામાં આવી હતી. નાગારાજુ નામના દલિત યુવકે મુસ્લિમ યુવતી સૈયદ અશરીન સાથે લગ્ન કરતા તેની ક્રૂર રીતે હત્યા થઇ હોવાનું કારણ સામે આવ્યું હતું. મળતી માહિતી મુજબ સરુર નગર પોલીસ સ્ટેશનની હદમાં, તલાટી કચેરીની સામે જ મુસ્લિમ યુવતીને પ્રેમ અને તેની સાથે લગ્ન કરવા બદલ અશરીનના ભાઈ અને બનેવીએ ધારદાર તીક્ષ્ણ હથિયારથી નાગારાજુની હત્યા કરી હતી, જે અંતર્ગત પોલીસે અશરીનના ભાઈ અને બનેવીની ધરપકડ કરી હતી.

    ઉત્કર્ષ સમારોહ દરમિયાન ભાવુક થયા પીએમ મોદી, લાભાર્થી અયુબ પટેલને કહ્યું- “દીકરીઓના અભ્યાસ માટે જરૂર પડે તો મને કહેજો”

    ઑપઇન્ડિયા સ્ટાફ
    -
    0
    ઉત્કર્ષ સમારોહ દરમિયાન ભાવુક થયા પીએમ મોદી, લાભાર્થી અયુબ પટેલને કહ્યું- “દીકરીઓના અભ્યાસ માટે જરૂર પડે તો મને કહેજો”

    વડાપ્રધાન નરેન્દ્ર મોદી ગુરુવારે (12 મે 2022) ભરૂચ ખાતે આયોજિત ‘ઉત્કર્ષ સમારોહ’માં વર્ચ્યુઅલ માધ્યમથી જોડાયા હતા. કાર્યક્રમ દરમિયાન વડાપ્રધાને સંબોધન કર્યું હતું ઉપરાંત કેટલાક લાભાર્થીઓ સાથે સંવાદ પણ કર્યો હતો. આ દરમિયાન એક લાભાર્થી અયુબ પટેલ અને તેમની પુત્રી સાથે ચર્ચા કરતી વખતે પીએમ ભાવુક થઇ ગયા હતા.

    સરકારી યોજનાઓના લાભાર્થીઓ માટે યોજાયેલા કાર્યક્રમમાં વર્ચ્યુઅલ માધ્યમથી સંવાદ કરતી વખતે પીએમ ભાવુક થઇ ગયા હતા. એક દિવ્યાંગ લાભાર્થી સાથે વાત કરતી વખતે તેમણે તે વ્યક્તિની પુત્રીને ડોક્ટર બનાવવા માટેનું સપનું સાકાર કરવામાં મદદ કરવાનું વચન પણ આપ્યું હતું.

    કાર્યક્રમ દરમિયાન લાભાર્થી અયુબ પટેલ સાથે વાતચીત કરતા પીએમ મોદીએ તેમને તેમની પુત્રીઓના અભ્યાસ અંગે પૂછ્યું હતું. જે બાદ જાણકારી આપતા અયુબ પટેલે જણાવ્યું હતું કે, તેમની એક પુત્રીને RTE હેઠળ એડમિશન મળ્યું હોવાથી તમામ ખર્ચ સરકાર ઉઠાવે છે. જ્યારે બાકીની બંને પુત્રીઓના અભ્યાસ અંગે વડાપ્રધાને પૂછતાં તેમણે કહ્યું કે, “જ્યારથી તમે સરકારમાં આવ્યા છો ત્યારથી એ બંનેને પણ શિષ્યવૃત્તિ મળી રહી છે.”

    જે બાદ વડાપ્રધાને તેમની પુત્રીઓ આગળ શું અભ્યાસ કરવા માંગે છે તેમ પૂછતા અયુબ પટેલે કહ્યું હતું કે, તેમની મોટી પુત્રીનું આજે જ પરિણામ આવ્યું છે અને તે ડોક્ટર બનવા માંગે છે. જે બાદ બાજુમાં ઉભેલી તેમની પુત્રી સાથે પણ પીએમએ સંવાદ કર્યો હતો. પરંતુ આ દરમિયાન અયુબ પટેલની પુત્રીએ ભાવુક થઈને કહ્યું હતું કે, તે તેના પિતાની તકલીફના કારણે ડોક્ટર બનવા માંગે છે.

    આ સાંભળીને વડાપ્રધાન પણ ભાવુક થઇ ગયા હતા અને થોડી ક્ષણો મૌન રહ્યા હતા. વડાપ્રધાને અયુબ પટેલને કહ્યું હતું કે, “પુત્રીઓના સપનાં પૂરાં કરવાના પ્રયત્નો કરજો અને કંઇક તકલીફ પડે તો મને પણ જણાવજો.” જે બાદ વડાપ્રધાને અયુબ પટેલ સાથે રસીકરણ અને ઇદના તહેવારને લઈને પણ ચર્ચા કરી હતી.

    ઉપરાંત, કાર્યક્રમમાં સંબોધન કરતા વડાપ્રધાને કહ્યું હતું કે, આજનો આ ઉત્કર્ષ સમારોહ એ વાતની સાબિતી છે કે જ્યારે સરકાર ઈમાનદારીથી એક સંકલ્પ લઈને લાભાર્થી સુધી પહોંચાડે ત્યારે કેટલા સાર્થક પરિણામો મળે છે. હું ભરૂચ જિલ્લા તંત્રને અને ગુજરાત સરકારને સામાજિક સુરક્ષા સાથે સબંધિત ચાર યોજનાઓના સો ટકા અમલ માટે અભિનંદન પાઠવું છું.

    વડાપ્રધાને બુધવારે ટ્વીટ કરીને આ બાબતની જાણકારી આપી હતી. તેમણે જણાવ્યું હતું કે, ગુરુવારે સવારે તેઓ વિડીયો કોન્ફરન્સના માધ્યમથી ઉત્કર્ષ સમારોહને સંબોધિત કરશે. વધુમાં જાણકારી આપતા જણાવવામાં આવ્યું કે, વિધવાઓ, વૃદ્ધો અને નિરાશ્રિત નાગરિકોને મદદ પૂરી પાડવા માટેની યોજનાઓનું સંપૂર્ણ કવરેજ કરવા માટે ભરૂચ જિલ્લા તંત્રે આ વર્ષે પહેલી જાન્યુઆરીથી 31 માર્ચ સુધી ‘ઉત્કર્ષ પહેલ’ અભિયાન ચલાવ્યું હતું.

    ગુજરાત કોંગ્રેસમાં ભડકા યથાવત: સુરેન્દ્રનગર જિલ્લા NSUI પ્રમુખ, જિલ્લા કોંગ્રેસ મહામંત્રી સહિત 100થી વધુ યુવા કાર્યકરોના રાજીનામા

    ઑપઇન્ડિયા સ્ટાફ
    -
    0
    ગુજરાત કોંગ્રેસમાં ભડકા યથાવત: સુરેન્દ્રનગર જિલ્લા NSUI પ્રમુખ, જિલ્લા કોંગ્રેસ મહામંત્રી સહિત 100થી વધુ યુવા કાર્યકરોના રાજીનામા

    ગુજરાત વિધાનસભા ચૂંટણી નજીક આવતા આવતા ગુજરાતનાં ખૂણે ખૂણેથી કોંગ્રેસ સંગઠનમાં ગાબડાં જોવા મળી રહ્યા છે. આજે સુરેન્દ્રનગર જિલ્લા કોંગ્રેસ સંગઠનમાં એક સાથે 100થી પણ વધુ યુવા નેતાઓએ કોંગ્રેસ પક્ષમાંથી રાજીનામા આપવાનો કિસ્સો સામે આવ્યો છે.

    મળતી માહિતી મુજબ સુરેન્દ્રનગર જિલ્લાના એનએસયુઆઇ પ્રમુખ ધ્રુવરાજસિંહ ચુડાસમાએ જિલ્લાના 100થી વધુ યુવા નેતાઓ સાથે કોંગ્રેસના તમામ પદ પરથી રાજીનામું આપી દીધું છે. NSUI જિલ્લા પ્રમુખ તથા કોંગ્રેસનાં પ્રાથમિક સદસ્ય પદ પરથી રાજીનામું આપતા ચુડાસમાએ એ જણાવ્યુ કે પાર્ટી હાઈક્માંડ તરફથી યુવા નેતાઓ તથા કાર્યકર્તાઓને યોગ્ય સન્માન અને નોંધ ના મળતા એમણે આ પગલું ઉઠાવ્યું છે.

    જિલ્લા NSUI પ્રમુખ સાથે સુરેન્દ્રનગર જિલ્લાના કોંગ્રેસ મહામંત્રી કૃષ્ણરાજસિંહ ઝાલાએ પણ પોતાના તમામ હોદ્દા પરથી રાજીનામું આપી દીધું છે. જેની પાછળનું કારણ પણ કોંગ્રેસ સંગઠન દ્વારા યુવા નેતાઓ તરફ સેવાતો દુર્લક્ષ જ માનવમાં આવી રહ્યો છે.`

    આ પહેલી વાર નથી કે કોઈ ચૂંટણી પહેલા સુરેન્દ્રનગરના કોંગ્રેસ નેતાઓએ કોંગ્રેસ પક્ષમાંથી રાજીનામા આપ્યા હોય. આ પહેલા 2020ની પેટા ચૂંટણી પહેલા પણ સુરેન્દ્રનગર કોંગ્રેસના પંચાયતના સભ્યો સમેત 150થી વધુ નેતાઓએ કોંગ્રેસમાથી રાજીનામું આપીને ભાજપમાં જોડાયા હતા.

    ગુજરાત વિધાનસભા ચૂંટણી 2022 નજીક આવતા જ કોંગ્રેસ પક્ષમાંથી રાજીનામા ચાલુ

    ન માત્ર સુરેન્દ્રનગર પરંતુ ગુજરાતનાં જીલ્લે જીલ્લેથી, ખૂણે ખૂણેથી કોંગ્રેસમાં કહલની ઘટનાઓ સામે આવ્યા જ કરે છે. હાર્દિક પટેલ અને ઇંદ્રનીલ રાજગુરુ જેવા મોટા નેતાઓ હોય કે સામાન્ય કાર્યકર્તા હોય, સૌ કોઈ કોંગ્રેસથી દૂર જવા માટેના જ પ્રયત્નમાં જોવા મળી રહ્યા છે.

    આ પહેલા ઓલ ઈન્ડિયા પ્રોફેશનલ કોંગ્રેસનાં પૂર્વ પ્રદેશ પ્રમુખ, પૂર્વ પ્રદેશ પ્રવકતા અને દિગ્ગજ કોંગ્રેસનેતા કૈલાશ ગઢવીએ કોંગ્રેસ પક્ષમાંથી રાજીનામું આપી દીધું હતું અને ત્યારે કોંગ્રેસની નેતાગીરી પર પ્રશ્ન ઉઠાવતા ટ્વિટ દ્વારા કહ્યું હતું કે, ‘સત્તા મેળવવા કે સરકાર બનાવવાના મક્કમ નિર્ધારના અભાવે કોંગ્રેસની નેતાગીરી લાંબા સમયથી ગુજરાતમાં સરકાર બનાવવામાં નિષ્ફળ રહી છે.- ચાલો કંઈક નવું કરીએ’

    થોડા સમય પહેલા જ કોંગ્રેસનાં દિગ્ગજ નેતા સ્વ. અહેમદ પટેલના દીકરા ફૈઝલે પણ પક્ષ તરફ પોતાની નારાજગી દર્શાવી હતી. ફૈઝલ પટેલે ટ્વિટ કરીને પોતાની વ્યથા દર્શાવતા જણાવ્યુ છે કે, ‘હું રાહ જોઇને થાકી ગયો છું. કોઇ પ્રોત્સાહન મળી નથી રહ્યુ. મારા પાસે વિકલ્પો ખુલ્લાં છે.’ 

    આ પહેલા કોંગ્રેસનાં પૂર્વ ધારાસભ્ય તથા સૌરાષ્ટ્રના કદ્દાવર નેતા ઇન્દ્રનીલ રાજ્યગુરુ તથા રાજકોટ કોંગ્રેસનાં કોર્પોરેટર વશરામ સાગઠિયાએ પણ કોંગ્રેસનાં પોતાના તમામ હોદ્દાઓ પરથી રાજીનામું આપીને આપમાં જોડાયા હતા.

    કોંગ્રેસ નેતાઓના રાજીનામાં આટલે અટકતા નથી. થોડા સમય પહેલા જ કોંગ્રેસનાં દિગ્ગજ નેતા જયરાજસિંહ પરમારે પણ કોંગ્રેસ પક્ષનો સાથ છોડીને કેસરિયો ધારણ કર્યો હતો. લાંબા સમયથી કોંગ્રેસથી નારાજ ચાલતા જયરાજસિંહે આ જાણકારી ટ્વિટર દ્વારા આપી હતી.

    ગુજરાત કોંગ્રેસનાં સ્થાનિક જિલ્લા સંગઠનોમાંથી પણ હમણાં હમણાં ઘણા કોંગ્રેસ નેતાઓના રાજીનામાં પડ્યા છે. ગત મહિને જ જામનગર જિલ્લા કોંગ્રેસનાં મહામંત્રી કે પી બથવારે રાજીનામું આપી દીધું હતું જે બાદ જામનગર જિલ્લા કોંગ્રેસનાં મંત્રી ગોવિંદ પટેલે પીએન રાજીનામું આપી દીધું હતું.

    આ પહેલા ગત મહિને અમદાવાદ મહાનગર પાલિકાના પૂર્વ નેતા વિપક્ષ દિનેશ શર્માએ કોંગ્રેસમાંથી રાજીનામું આપ્યુ હતું. ગુજરાત પ્રદેશ પ્રમુખ જગદીશ ઠાકોરને રાજીનામુ આપતા તેમણે પત્રમા લખ્યુ કે, ‘હું કોંગ્રેસના તમામ સભ્યપદ પરથી રાજીનામુ આપુ છું અને કોંગ્રેસ પક્ષની તમામ જવાબદારીઓમાંથી મુક્ત થઈ રહ્યો છું. હું છેલ્લા ઘણા સમયથી કોંગ્રેસ પક્ષની કાર્યપ્રણાલીથી અને નિર્ણાયક શક્તિના અભાવે થઈ રહેલા રાજકીય નુકસાનને હવે સ્વમાનના ભોગે સહન કરી શકુ તેમ નથી. હું અનેકવાર પક્ષને કુંભકર્ણની નિંદ્રામાંથી જગાડવા અને પક્ષના સંગઠનને મજબૂત કરવા ત્વરિત નિર્ણય શક્તિ બતાવવા માટે પક્ષને અનેક સૂચનો કરતો આવ્યો છુ. છતા પરિણામ શૂન્ય રહેતા આજે છેલ્લા વિકલ્પ તરીકે કોંગ્રેસ પક્ષને અલવિદા કહેવુ જ યોગ્ય માનીને નવી દિશા અને માર્ગ તરફ આગળ વધી રહ્યો છું.’

    અમદાવાદની નજીક આવેલા દહેગામના પૂર્વ ધારાસભ્ય કામિનીબા રાઠોડ હવે કોંગ્રેસ છોડવાની ફિરાકમાં હોવાનું જાણવા મળ્યું હતું. તો રેકોર્ડ 11 વખત ધારાસભ્ય રહી ચુકેલા મોહનસિંહ રાઠવાએ અગામી વિધાનસભા ચૂંટણી ન લડવાનો નિર્ધાર વ્યક્ત કર્યો છે. આમ ગુજરાત કોંગ્રેસને અસંતુષ્ટ નેતાઓની અલગ અલગ તકલીફો અને ગુસ્સાનો સામનો કરવો પડી રહ્યો છે.

    કોંગ્રેસના દિગ્ગજ નેતાઓ પાર્ટી છોડી રહ્યા છે. કેટલાક દિવસથી પાર્ટી કાર્યકારી પ્રમુખ હાર્દિક પટેલ પણ પક્ષથી નારાજ ચાલી રહ્યા છે. ત્યારે આ મહિનાની શરૂઆતમાં જ કોંગ્રેસના દિગ્ગજ આદિવાસી નેતા અને ખેડબ્રહ્માથી ત્રણ વાર ધારાસભ્ય અશ્વિન કોટવાલ પણ વિધિવત રીતે વિજય મુહુર્ત એટલેકે 12:39 એ ભાજપામાં જોડાયા હતા.

    આમ ગુજરાત ચૂંટણી નજીક આવતા આવતા ગુજરાત કોંગ્રેસનાં અનેક નેતાઓ કાર્યકર્તાઓ પોતાના પક્ષનો સાથ છોડીને જઇ રહ્યા છે.

    જ્ઞાનવાપી ચુકાદો: કોર્ટે મસ્જિદના વિવાદિત માળખાના વિડિયોગ્રાફિક સરવેને મંજૂરી આપી, કમિશનરને પણ યથાવત રખાયા

    ઑપઇન્ડિયા સ્ટાફ
    -
    0
    જ્ઞાનવાપી ચુકાદો: કોર્ટે મસ્જિદના વિવાદિત માળખાના વિડિયોગ્રાફિક સરવેને મંજૂરી આપી, કમિશનરને પણ યથાવત રખાયા

    આજે વારાણસીની અદાલતે જ્ઞાનવાપી મસ્જિદ તરીકે ઓળખાતા વિવાદિત માળખાના વિડિયોગ્રાફિક સર્વેક્ષણ પ્રક્રિયાને વિરોધ કરી વચ્ચેથી અટકાવ્યાના દિવસો પછી ફરી મંજૂરી આપી છે. વારાણસીના સિવિલ જજ (વરિષ્ઠ વિભાગ) રવિ કુમાર દિવાકરે તેના માટે માર્ગદર્શિકા જારી કરી છે અને ઉમેર્યું છે કે હવે સર્વે હાથ ધરવામાં આવશે અને 17 મે સુધીમાં રિપોર્ટ સબમિટ કરવામાં આવશે.

    જ્ઞાનવાપી મસ્જિદ પ્રબંધન સમિતિના વિરોધ છતાં કોર્ટે કોર્ટ કમિશનર અજય કુમાર મિશ્રાને હટાવવાનો પણ ઇનકાર કર્યો હતો.

    અહેવાલ મુજબ, એવું પણ જાણવા મળે છે કે વિવાદિત માળખાના ભોંયરાને પણ ખોલવાનો નિર્દેશ આપવામાં આવ્યો છે.

    આ અઠવાડિયાની શરૂઆતમાં, કોર્ટે વિવાદિત માળખાના વિડિયોગ્રાફિક સર્વેક્ષણ પ્રક્રિયાનો આદેશ આપ્યો હતો, જે મુઘલો દ્વારા નાશ પામેલ મૂળ કાશી વિશ્વનાથ મંદિર હોવાનું માનવામાં આવે છે. સર્વેની કામગીરી મુસ્લિમ ટોળાએ દરવાજાને અવરોધિત કર્યા પછી અને ટીમને પરિસરમાં પ્રવેશતા અટકાવ્યા પછી અટકાવવામાં આવી હતી.

    વારાણસીમાં કોર્ટ દ્વારા નિર્દેશિત દસ્તાવેજીકરણ અટકાવ્યા પછી, પ્રક્રિયામાં સામેલ સર્વેક્ષણ ટીમની સાથે આવેલા એક વિડીયોગ્રાફરે મસ્જિદની દિવાલોની બહારની બાજુએ સ્વસ્તિક, નંદી (શિવ સાથે સંકળાયેલ બળદ) અને કમળની રચનાઓ સહિત હિન્દુ મૂર્તિઓની હાજરી હોવાનું જાહેર કર્યું હતું.

    વિડીયોગ્રાફરે કહ્યું હતું, “આજે અમે મંદિરની દિવાલો પર બે જગ્યાએ સ્વસ્તિક પ્રતીકો જોયા. ચારે બાજુ કમળના સંખ્યાબંધ પ્રતીકો છે. જ્યારે તેને પૂછવામાં આવ્યું કે શું તેણે મંદિરની પશ્ચિમી દિવાલ પર દેવી ગણેશની છબીઓ જોઈ છે (દાવા પ્રમાણે), તેણે કહ્યું, “હા, પરિક્રમા કરતી વખતે અમે નંદી અને અન્ય હિંદુ ધાર્મિક પ્રતીકો જોયા.”

    ટીમના સભ્યોએ કહ્યું કે ટોળાએ તેમને દરવાજો બંધ કરીને અંદર જતા અટકાવ્યા હતા અને તેથી સ્થાનિક વહીવટી અધિકારીઓએ તેમને પરિસરમાં પ્રવેશવાની મંજૂરી આપી ન હતી.

    અગાઉ, અલ્હાબાદ હાઈકોર્ટે ઉત્તર પ્રદેશ સુન્ની સેન્ટ્રલ વક્ફ બોર્ડને રાજ્યના સર્વેક્ષણને લગતા તમામ દસ્તાવેજી પુરાવાઓ રેકોર્ડ પર રજૂ કરવાનો આદેશ આપ્યો હતો જેમાં કથિત રીતે મિલકતને વકફ મિલકત તરીકે જાહેર કરવામાં આવી હતી. ભગવાન વિશ્વેશ્વરના આગામી મિત્ર, એડવોકેટ રસ્તોગીએ ભારપૂર્વક જણાવ્યું હતું કે ‘મિલકત હંમેશા હિંદુ સંપત્તિ છે કારણ કે જમીન ‘સ્વયંભુ’ (સ્વયં પ્રગટ) ભગવાન વિશ્વેશ્વરની છે અને ઔરંગઝેબને જમીન હસ્તગત કરવાનો કોઈ અધિકાર નથી. જ્ઞાનવાપી મસ્જિદ કાશી વિશ્વનાથ મંદિર પરિસરમાં સ્થિત છે જ્યાં હિન્દુઓ માને છે કે વિશ્વેશ્વર હજુ પણ વિવાદિત સંકુલમાં બિરાજમાન છે.’

    1...1,1541,1551,156...1,178Page 1,155 of 1,178

    © Copyright - OpIndia.com