જમ્મુ કાશ્મીરમાં કાશ્મીરી પંડિતની હત્યા; આતંકવાદીઓએ સરકારી કચેરીમાં ઘૂસીને રાહુલ ભટને ગોળી મારી

જમ્મુ કાશ્મીર કાશ્મીરી પંડિતની હત્યા થઇ હોવાના સમાચાર મળી રહ્યા છે. આતંકવાદીઓએ બડગામ જિલ્લામાં ગુરૂવાર 12 મે 2020 ના રોજ બપોરે મહેસુલ વિભાગના કર્મચારીને ધડાધડ ગોળીઓ ધરબી દીધી હતી. ગંભીર રીતે ઘવાયેલા કર્મચારીને શ્રીનગરના એક હોસ્પિટલમાં દાખલ કરવામાં આવ્યા હતા, જ્યાં થોડી જ વારમાં તેનું મૃત્યુ થયું હતું. સુચના મળતા જ સુરક્ષા દળ તેમજ જમ્મુ કાશ્મીર પોલીસ દ્વારા આખા વિસ્તારની ઘેરાબંધી કરીને તપાસ અભિયાન ચલાવાઈ રહ્યું છે. આ ઘટના મધ્ય કશ્મીરની ચદુરામા તાલુકા કચેરીમા ઘટી હતી, મૃતકની કશ્મીરી પંડિત રાહુલ ભટ તરીકે ઓળખ થઈ છે.

An incident of firing reported near Tehsil office, Chadoora in Budgam district. Details awaited: Jammu & Kashmir Police

— ANI (@ANI) May 12, 2022

કાશ્મીર ઝોન પોલીસે ટ્વીટ કર્યું હતું કે, “તાલુકા કચેરી ચદુરા, બડગામમાં આતંકવાદીઓએ અલ્પસંખ્યક સમુદાયના એક કર્મચારી રાહુલ ભટ પર ગોળીઓ ચલાવી હતી, તેમને હોસ્પિટલમા દાખલ કરવામાં આવ્યા હતા.

#Terrorists fired upon one employee namely Shri Rahul Bhat from #minority community in Tehsildar office Chadoora, #Budgam. He has been shifted to hospital.@JmuKmrPolice

— Kashmir Zone Police (@KashmirPolice) May 12, 2022

2 આતંકવાદીઓએ આપ્યો ઘટનાને અંજામ

પોલીસે જણાવ્યું હતું કે “પ્રાથમિક તપાસમાં સામે આવ્યું છે કે આ ઘટનામાં 2 આતંકવાદી સામેલ હતા, તેમણે પિસ્ટલથી ગોળી મારીને રાહુલ ભટની હત્યા કરી હતી. આ ઘટના તે સમયે બની જ્યારે રાહુલ પોતાની ઓફિસમાં બેસીને કામ કરી રહ્યાં હતા, તેજ સમયે બન્ને આતંકવાદી ત્યા પહોંચ્યા અને પિસ્ટલથી ગોળી મારીને ભાગી ગયા હતા. ગંભીર રીતે ઘાયલ થયેલા રાહુલને શ્રીનગરની SMHS હોસ્પિટલમાં લઈ જવામાં આવ્યા હતા, પરંતુ તેમને બચાવી શકાયા નહોતા.”

આ આતંકવાદી સંગઠને લીધી જવાબદારી

મિડીયા રીપોર્ટ પ્રમાણે કશ્મીર ટાઈગર નામના અલ્પચર્ચિત આતંકવાદી સંગઠને આ ઘટનાને અંજામ આપ્યો હોવાનું સ્વિકાર્યું છે, આતંકવાદી સંગઠન દ્વારા ઘટના બાદ એક ઉર્દૂ ભાષામાં લખાયેલો મેસેજ મોકલવામાં આવ્યો હતો, જેમા તેમણે સ્પષ્ટ પણે હત્યાને અંજામ તેમના દ્વારા અપાયા હોવાનો ઉલ્લેખ કર્યોછે, વધું મા આતંકવાદી સંગઠન લખે છે કે “અમે સ્પષ્ટપણે કહેવા માંગીએ છીએ કે હિંદુ ઓફીસોમાં જે પણ મુસલમાનોને હેરાન કરશે તેની હાલત આના જેવીજ થશે, જો કોઈએ મુસલમાનોને હેરાન કરવાની કોશીશ કરી તો તેમને પણ પરિણામ ભોગવવું પડશે.”

BJPએ ઘટનાની કરી નિંદા

પ્રદેશના ભાજપ પ્રવક્તા અલ્તાફ ઠાકુરે ઘટનાની નિંદા કરતા કહ્યું કે “કાશ્મીરના નિર્દોષ નાગરિકની અમે નિંદા કરીએ છીએ,આ એક કાયરતાપૂર્ણ અને બર્બર ઘટના છે, આનાથી સાબિત થાય છે કે આતંકવાદીઓ હતાશ થઇ ગયા છે,

Strongly denounce the cowardly act by terrorists who fired at an innocent and umarmed civilian Rahul Bhat working with the Revenue department at Chadoora , Budgam. Act highly barbaric, cowardly, and frustration by terrorists. Attackers must be brought to justice forthwith .

— Altaf Thakur (@altaf_thakur) May 12, 2022

જણાવી દઈએ તાજેતરમાંજ જમ્મુ કશ્મીરના શ્રીનગરમાં શનિવાર 7 મે 2022 ના રોજ એક પોલીસ કર્મચારી ગુલામ હસનને ગોળી મારીને ઘાયલ કરી દિધા હતા, ત્યાર બાદ તરત ગંભીર રીતે ઘાયલ કોન્સ્ટેબલને હોસ્પિટલમા દાખલ કરવામાં આવ્યા હતા.