Wednesday, November 13, 2024
More
    Home Blog Page 1032

    વિશ્વશાંતિ માટે મેક્સિકન રાષ્ટ્રપતિનો યુએન સમક્ષ પ્રસ્તાવ: પીએમ મોદી સહિત ત્રણ લોકોની વિશેષ સમિતિ બનાવવાની અપીલ

    ઑપઇન્ડિયા સ્ટાફ
    -
    0
    વિશ્વશાંતિ માટે મેક્સિકન રાષ્ટ્રપતિનો યુએન સમક્ષ પ્રસ્તાવ: પીએમ મોદી સહિત ત્રણ લોકોની વિશેષ સમિતિ બનાવવાની અપીલ

    રશિયા-યુક્રેન વચ્ચે યુદ્ધ ચાલી જ રહ્યું છે ત્યાં ચીન અને તાઇવાન વચ્ચે પણ તાજેતરમાં તણાવ વધી ગયો હતો. જેના કારણે વિશ્વના અન્ય દેશોને પણ વધતા-ઓછા પ્રમાણમાં અસર પહોંચી છે. દરમ્યાન, મેક્સિકન રાષ્ટ્રપતિ એન્ડ્રેસ મેન્યુઅલ કોપિઝ ઔબ્રેડોરે યુએન સમક્ષ વિશ્વ શાંતિ માટે એક સમિતિ બનાવવા કહ્યું છે, જેમાં તેમણે પીએમ નરેન્દ્ર મોદી, પૉપ ફ્રાન્સિસ અને યુએનના મહાસચિવને સામેલ કરવાનો પ્રસ્તાવ મૂક્યો છે. 

    મેક્સિકન રાષ્ટ્રપતિ એબ્રેડોરે અપીલ કરતાં આંતરરાષ્ટ્રીય સમુદાયને એક મંચ પર આવીને પાંચ વર્ષ માટે યુદ્ધવિરામ કરવા માટે કહ્યું છે. તેમણે સંયુક્ત રાષ્ટ્રને અપીલ કરી એક ત્રણ સભ્યોની સમિતિ બનાવવા સૂચન કર્યું છે. જેમાં અને ભારતના પીએમ નરેન્દ્ર મોદી, પૉપ ફ્રાન્સિસ અને યુએનના મહાસચિવ એન્ટોનિયો ગુટેરેસ સામેલ કરવામાં આવે. 

    તેમણે આ પાછળનું કારણ જણાવતાં કહ્યું છે કે, આ ત્રણેય વિશ્વ સ્તરે સૌથી વધુ સન્માન પામેલાં વ્યક્તિત્વો છે અને તેઓ જ યુદ્ધને રોકવા માટે વિવિધ રાષ્ટ્રોના વડા સાથે વાટાઘાટો કરી શકે તેમ છે. પીએમ મોદીને લઈને તેમણે કહ્યું કે, તેમના રશિયા, ચીન અને અમેરિકા, ત્રણેય દેશો સાથે સારા સબંધો છે. જેના કારણે તેઓ આ યુદ્ધ સમાપ્ત કરવા માટે મોટો ભાગ ભજવી શકે છે. 

    મેક્સિકન રાષ્ટ્રપતિ લોપેઝ ઔબ્રેડોરે જણાવ્યું કે, તેઓ આ મામલે સંયુક્ત રાષ્ટ્રને લેખિત પ્રસ્તાવ મોકલશે. આ સાથે તેમણે અન્ય રાષ્ટ્રોને પણ તેમના પ્રસ્તાવનું સમર્થન કરવાની અપીલ કરી હતી. સાથે મીડિયાને પણ અપીલ કરતાં કહ્યું કે, તેઓ પણ આ સંદેશ ફેલાવવામાં મદદરૂપ થાય તેવી તેમને આશા છે.

    સમિતિનો પ્રસ્તાવ મૂકતાં તેમણે કહ્યું કે, આ ત્રણેય નેતાઓ મળીને યુદ્ધ સમાપ્ત કરવા માટેનો પ્રસ્તાવ મૂકવાની રણનીતિ ઘડશે અને પાંચ વર્ષ યુદ્ધવિરામ માટે વાતચીત કરશે. તેમણે કહ્યું કે, વિવિધ દેશો વચ્ચેના તણાવના કારણે આખા વિશ્વને નુકસાન થઇ રહ્યું છે અને આ દેશોએ યુદ્ધવિરામ કરવાની જરૂર  છે. તેમણે સૂચન કરતાં કહ્યું કે, આ દેશો પાંચ વર્ષ માટે યુદ્ધવિરામ જાહેર કરી શકે, જેથી દેશો લોકોને લગતી સમસ્યાઓ પર ધ્યાન આપી તેનો ઉપાય શોધી શકે.

    મેક્સિકન રાષ્ટ્રપતિએ કહ્યું કે, દેશો વચ્ચે સંઘર્ષનો કોઈ ફાયદો નથી અને જેનાથી દુનિયાએ આર્થક સંકટનો સામનો કરવો પડશે. જેનાથી ભોજનની અછત, ગરીબી અને અન્ય આર્થિક સમસ્યાઓ વધુ સર્જાશે. તેમણે દુનિયાના બાકીના દેશોને પણ તેમના પ્રસ્તાવનું સમર્થન કરવાનો આગ્રહ કર્યો હતો. 

    તેમણે કહ્યું કે, રશિયા, ચીન અને અમેરિકાએ પાછલા એક વર્ષમાં વિનાશ વેર્યો છે અને હવે તેની ઉપર લગામ લગાવવાની જરૂર છે. તેમણે આશા વ્યક્ત કરતાં કહ્યું કે, આ ત્રણેય દેશો પણ તેમના પ્રસ્તાવને સમર્થન કરશે અને રાષ્ટ્રાધ્યક્ષો વિશ્વશાંતિ માટે આગળ આવશે.

    ‘ચીચા, આશિષ નેહરા UKમાં PM ચૂંટણીની તૈયારી કરી રહ્યા છે’: વીરેન્દ્ર સેહવાગે પાકિસ્તાની હોસ્ટને તેની મુર્ખામી માટે ટ્રોલ કર્યો

    ઑપઇન્ડિયા સ્ટાફ
    -
    0
    ‘ચીચા, આશિષ નેહરા UKમાં PM ચૂંટણીની તૈયારી કરી રહ્યા છે’: વીરેન્દ્ર સેહવાગે પાકિસ્તાની હોસ્ટને તેની મુર્ખામી માટે ટ્રોલ કર્યો

    ભારતીય ક્રિકેટ ટીમના પૂર્વ ઓપનર વીરેન્દ્ર સેહવાગે હવે નિવૃત્તિ લઈ લીધી છે, પરંતુ સોશિયલ મીડિયાની પીચ પર તે જોરદાર સ્પીડ સાથે બેટિંગ કરતો જોવા મળે છે. આ દરમિયાન સેહવાગે પાકિસ્તાની હોસ્ટ ઝૈદ હમીદને જોરદાર ટ્રોલ કર્યો છે. સેહવાગે આવું શા માટે કર્યું તેનું એક રસપ્રદ કારણ પણ છે.

    વાસ્તવમાં, પાકિસ્તાની હોસ્ટ પૂર્વ ભારતીય બોલર આશિષ નેહરાને નીરજ ચોપરા કહે છે, જે એક ભાલા ફેંકનો ખેલાડી છે. તેણે આ વિશે ટ્વિટ કર્યું, જેના પર વીરેન્દ્ર સેહવાગે ઝૈદ હામિદને ખખડાવ્યો હતો.

    કોમનવેલ્થ ગેમ્સમાં ગોલ્ડ મેડલ જીતનાર પાકિસ્તાની એથલીટ અરશદ નદીમ અંગે હમીદે ટ્વીટ કર્યું, “અને આ જીતને વધુ સારી બનાવે છે તે એ છે કે આ પાકિસ્તાની એથ્લેટે ભારતીય ભાલા ફેંકનાર આશિષ નેહરાને નષ્ટ કરી દીધો છે. છેલ્લી મેચમાં આશિષે અરશદ નદીમને હરાવ્યો હતો. કેવો મીઠો બદલો છે.”

    ઝૈદ હામિદના આ ટ્વિટ પછી ભારતીય ચાહકોએ તેને જોરદાર ટ્રોલ કરવાનું શરૂ કરી દીધું હતું. આ દરમિયાન ઝૈદ હામિદને ટ્રોલ કરતા વીરેન્દ્ર સેહવાગે લખ્યું કે, “ચીચા આશિષ નેહરા હાલમાં યુકેના વડાપ્રધાનની ચૂંટણીની તૈયારી કરી રહ્યા છે. તો તમે શાંત થાવ.”

    જ્યારે બીજાએ મજાકમાં કહ્યું, “અને તેમને કાશ્મીર જોઈએ છે.”

    રાહુલ ગુપ્તા નામના યુઝરે લખ્યું કે, આ બોમ્બ ગોલે જેહાદ ટોકરને બરછી ફેંકવાનો શોખ ક્યારથી થયો હતો.

    નીરજ કોમનવેલ્થ ગેમ્સમાં રમ્યા નહોતા

    નોંધનીય છે કે નીરજ ચોપરા બર્મિંગહામમાં આયોજિત કોમનવેલ્થ ગેમ્સમાં રમ્યા નહોતા. ઈજાના કારણે તે આ ટુર્નામેન્ટમાંથી બહાર થઈ ગયા હતા. જો કે તેમની ગેરહાજરીમાં પાકિસ્તાની ભાલા ફેંકનાર અરશદ નદીમે 90.18 મીટર દૂર બરછી ફેંકીને ગોલ્ડ મેડલ જીત્યો હતો.

    બીજી તરફ નીરજ ચોપરાએ પાકિસ્તાની અરશદને પાછળ છોડીને વર્લ્ડ ચેમ્પિયનશિપમાં સિલ્વર જીત્યો હતો જ્યારે ટોક્યો ઓલિમ્પિકમાં ચેમ્પિયન હતો. નીરજે ટોક્યો ઓલિમ્પિકમાં ગોલ્ડ મેડલ જીત્યો હતો.

    શું ખરેખર આ ‘લાલ સિંહ ચઢ્ઢા’નો વિરોધ છે? કે પછી બોલિવુડના દાયકાઓના હિન્દુવિરોધી, રાષ્ટ્રવિરોધી પ્રોપગેન્ડાથી દર્શકોનો ફાટેલો જ્વાળામુખી છે?; આવો સમજીએ

    Lincoln Sokhadia
    -
    0
    શું ખરેખર આ ‘લાલ સિંહ ચઢ્ઢા’નો વિરોધ છે? કે પછી બોલિવુડના દાયકાઓના હિન્દુવિરોધી, રાષ્ટ્રવિરોધી પ્રોપગેન્ડાથી દર્શકોનો ફાટેલો જ્વાળામુખી છે?; આવો સમજીએ

    છેલ્લા ઘણા સમયથી સતત ચર્ચામાં રહેલી ફિલ્મ લાલ સિંહ ચઢ્ઢા આખરે આજે દેશભરના સિનેમાઘરોમાં રિલીઝ થઇ ચુકી છે. અભિતેના આમિર ખાન અને અભિનેત્રી કરિના કપૂર આમાં મુખ્ય ભૂમિકામાં છે. લાંબા સમયથી આ ફિલ્મનો વિરોધ થઇ રહ્યો હતો અને સોશિયલ મીડિયા પર #BoycottLalSinghChaddha સતત ટ્રેન્ડ થઇ રહ્યું હતું. તો શું આ માત્ર કોઈ ફિલ્મનો વિરોધ છે કે પછી વાત કૈક બીજી છે, એ જાણવા આપણે પ્રયત્ન કરીશું.

    ધારણા મુજબ જ ફિલ્મ લાલ સિંહ ચઢ્ઢાને નબળી શરૂઆત મળી. અહેવાલો અનુસાર આ ફિલ્મને તેમની ધારણા કરતા માત્ર 15-20% જેટલી જ શરૂઆત મળી હતી. પ્રિબુકીંગ પણ ખુબ ઓછું હતું અને દરેક શૉમાં સીટો ખાલી જોવા મળી હતી.

    જાણીતા ફિલ્મ ક્રિટીક તરણ આદર્શે પોતાની લાંબી કારકિર્દીના અનુભવો અને શરૂઆતી શૉના બુકીંગ અને વૉક ઈન જોઈને જ જણાવી દીધું કે આ ફિલ્મ બોક્સ ઓફિસ પર કોઈ ખાસ કમાલ કરવાની નથી. એટલું જ નહિ તેમણે એટલે સુધી જણાવ્યું કે કોરોના કાળ બાદ હમણાં સુધીની બોલીવુડની પહેલી કે છેલ્લી સફળ શરૂઆત મેળવનાર ફિલ્મ માત્ર સૂર્યવંશી જ હતી. અને ભવિષ્યવાણી કરી કે લાલ સિંહ ચઢ્ઢા હોય કે રક્ષાબંધન બંનેમાંથી એકેય સૂર્યવંશીનો રેકોર્ડ તોડી શકશે નહિ.

    એથી પણ મહત્વપૂર્ણ વાત જે આ ફિલ્મ ક્રિટીકે કહી એ એ હતી કે, ‘બૉલીવુડે ખોટા બહાનાં શોધવાની જગ્યાએ ગંભીર આત્મમંથન કરવાની જરૂર છે.”

    બોલીવુડે કેમ કરવું જોઈએ આત્મમંથન?

    છેલ્લા ઘણાં સમયથી બોલીવુડે કોઈ મોટી સફળ ફિલ્મ આપી નથી. સાઉથ સિનેમાની ફિલ્મો જેવી કે પુષ્પા, RRR, KGJ વગેરે સામે બોલિવુડની ફિલ્મો એકદમ તુચ્છ ભાસતી થઇ ગઈ છે. સાઉથની આવી મોટા બજેટ સિવાયની નાના બજેટની ફિલ્મો પણ બોલીવુડની મોટા બજેટની ફિલ્મો કરતા વધુ કમાઈ જતી હોય છે અને એથીય અગત્યનું એ કે દર્શકોના દિલોમાં વાસી જતી હોય છે.

    બોલીવુડની ફિલ્મોમાં હવે અભિનય અને મનોરંજન ઓછો અને પ્રોપગેન્ડા વધારે ભરેલો હોય છે. ભારતના નાગરિકો હવે આ પ્રોપેગેંડાથી એટલા ઉબકાઈ ચૂકેલા નજરે પડી રહ્યા છે કે તેમણે બોલિવુડની ફિલ્મો ના જોવાની જાણે કે કસમ જ ખાઈ લીધી હોય તેમ અમુક ફિલ્મનો વિરોધ કરતા હોય છે.

    મોટા ભાગના બોલીવુડ ફિલ્મ નિર્માતાઓ, કલાકારો, સંગીત નિર્માતાઓ અને લેખકો પોતાની ફિલ્મોમાં કઈ રીતે હિન્દૂ ધર્મનું અપમાન કરવું, હિંદુઓને કઈ રીતે નીચા દેખાડવા, પોતાના જ દેશને કઈ રીતે શરમમાં મુકવો, દેશની આર્મીનું કઈ રીતે ખોટું નિરૂપણ કરવું અને અલ્પસંખ્યકોનું તૃષ્ટિકરણ કઈ રીતે કરવું એ બધા માટે જુદા જુદા પ્રોપગેન્ડા યોજવામાં એટલા આગળ ચાલી નીકળ્યા છે કે કળા અને મનોરંજનથી બિલકુલ અળગા થઇ ગયા છે.

    વર્ષોથી ચાલી રહેલ આ પ્રોપગેન્ડાની દુકાનોથી મોટાભાગના દર્શકો નાખુશ હતા. તેઓ વારંવાર પોતાના વિચારો સોશિયલ મીડિયા પર જે તે ફિલ્મ નિર્માતા, લેખક કે કલાકારોને ટાંકીને મુકતા પણ હતા. પરંતુ સુધરે એ બીજા! બોલીવુડ સુધર્યું નહિ અને અંતે દર્શકોની સહનશક્તિનો ઘડો ભરાઈ ગયો અને તેમણે ચાલુ કર્યું પ્રોપગેન્ડાયુક્ત ફિલ્મનો વિરોધ કરવાનું, પ્રોપગેન્ડા ફેલાવતા નિર્માતા-કલાકારોનો બહિષ્કાર કરવાનું.

    શરૂઆતમાં બોલીવુડે આ ટ્રેન્ડને હલકામાં લીધી અને હસવામાં કાઢી દીધો હતો. પરંતુ જેમ જેમ આની અસર તેમની ફિલ્મોની કમાણી પર પડવા માંડી તેમ તેમ તેમને હોશ આવવા માંડ્યો કે જેમ ધંધામાં ગ્રાહક જ ભગવાન હોય છે એમ ફિલ્મ ઇન્ડસ્ટ્રીમાં દર્શક જ ભગવાન હોય છે.

    ‘દર્શકો જ ફિલ્મ ઇન્ડસ્ટ્રીના ભગવાન’ એ બોલીવુડ સમજી ના શક્યું

    હવે જ્યારે દાયકાઓથી ફિલ્મી પડદાઓ પર એકહથ્થું રાજ કરનારા નિર્માતા/કલાકારોની ફિલ્મો, જે પહેલા આંખ બંધ કરીને 200 કરોડ ઉપર પહોંચી જતી હતી, ફ્લોપ થવા માંડી ત્યારે તે કલાકરો/નિર્માતાઓ ઉપરાંત અન્ય બોલીવુડ સાથે સંલગ્ન લોકો ઉલટા દર્શકો પર જ ભડકવા માંડ્યા કે ‘તેમને સારી ફિલ્મ શું કહેવાય એ ખબર નથી પડતી’, ‘તેમનો ટેસ્ટ ખરાબ છે’, ‘તેઓ ફિલ્મને સમજી નથી શકતા’ વગેરે વગેરે.

    પરંતુ સત્ય તો એ જ છે કે આ નિર્માતાઓ અને કલાકારોને પોતાના પ્રોપગેન્ડાથી એટલો પ્રેમ હતો કે જેણે તેમના દર્શકોને જ તેમનાથી દૂર કરી દીધા. નહિ તો પહેલા એ લોકો જે પણ 100, 200 કે 500 કરોડ કમાતા હતા એ પણ આ દર્શકો જ આપતા હતા ને!

    જે લોકો પોતાની ભૂલ સમજી ગયા અને જેમને પોતાના દર્શકોની કિંમત હતી તેઓએ સમયસર પોતાની ભૂલો માટે માફી પણ માંગી લીધી હતી. પરંતુ જે લોકો હજુય અભિમાનમાં રાચતા હતા તેમણે ‘જેને અમારી ફિલ્મ ના ગમે તેમણે ફિલ્મ જોવા ના જવું’ જેવા અયોગ્ય નિવેદનો આપ્યા. પરંતુ અંતે તો તેમણે પણ આર્થિક નુકશાન અને નામોશીઓથી બચવા માટે ઇન્ડસ્ટ્રીના ભગવાન એવા દર્શકોની માફી માંગવાનું પસંદ કર્યું હતું.

    દર્શકોનો વિરોધ કોઈ એક ફિલ્મ સામે નહિ, ખોટા પ્રોપગેન્ડા સામે છે

    રખેને કોઈ એમ સમજતું હોય કે દર્શકોને જે તે ફિલ્મ સાથે અણગમો છે માટે તેઓ તેનો વિરોધ કરી રહ્યા છે. પરંતુ હકીકતે એવું નથી. પોતાના વિરોધને જે તે ફિલ્મો સાથે કે કલાકારો સાથે જોડવો એ એક પ્રતીકાત્મક પગલાં હોય છે.

    મોટા ભાગે જયારે કોઈ ફિલ્મનો વિરોધ શરુ થાય ત્યારે તેનું મુખ્ય કારણ તે ફિલ્મ મુખ્ય અભિનેતા કે અભિનેત્રી દ્વારા ઓનસ્ક્રીન કે ઓફસ્ક્રીન દેશવિરોધી કે ધર્મવિરોધી પ્રોપાગેન્ડા ચલાવવું જ હોય છે. જયારે કોઈ કલાકાર દ્વારા કોઈ પણ સ્તરે ધર્મ કે દેશનું અપમાન થતું દેખાય એટલે દર્શકોના મનમાંથી તેઓ ઉતરી જતા હોય છે અને તેઓ નક્કી કરી દે છે કે તેમની આગામી ફિલ્મો ન જોવી અને તેનો બહિષ્કાર કરવો.

    બોલીવુડ ફિલ્મો નિષ્ફ્ળ જવાનું બીજું એક મહત્વનું કારણ છે સર્જનાત્મકતાનો અભાવ. જો ફિલ્મો જ સારી ન બની રહી હોય તો તેમનું નિષ્ફ્ળ જવું તો નક્કી જ હોય ને! પછી તેના માટે કોઈ દર્શકોનો વાંક કઈ રીતે કાઢી શકે? ફિલ્મમાં ના યોગ્ય અદાકારી હોય, ના કથાવસ્તુમાં દમ હોય, ગીતો કાનમાંથી લોહી કાઢે એવા હોય અને જોનરનું કાંઈ નક્કી જ ના હોય, આ સ્થિતિમાં દર્શકો માટે બે અઢી કલાક સિનેમાઘરોમાં કાઢવા મુશ્કેલ થઇ પડતા હોય છે અને ઘણા તો ફિલ્મ અધૂરી મૂકીને ભાગતા પણ નજરે પડતા હોય છે.

    તાજા ઉદાહરણ તરીકે આમિર ખાનની લાલ સિંહ ચઢ્ઢાના રીવીવ જે બોલીવુડના સારા રીવીવર્સે કર્યા છે તે એકદમ નિમ્ન કક્ષાના છે. કોઈએ તેને 1 સ્ટાર તો કોઈએ 2 સ્ટાર આપ્યા છે. તરણ આદર્શે 2 સ્ટાર સાથે આ ફિલ્મને ડિસપોઈંટ્મેન્ટ ગણાવી છે. KRKએ કહ્યું છે કે આમિર ખાનની કારકિર્દીના છેલ્લા 10 વર્ષની આ સૌથી ગંદી શરૂઆત કરનાર ફિલ્મ છે.

    KRKએ કોઈ એક મેસેજનો સ્ક્રીનશોટ જોડીને એમ પણ લખ્યું છે કે, “LaalSinghChaddha ના ઘણા શો દર્શકો ન હોવાને કારણે રદ કરવામાં આવ્યા છે.” પરંતુ આ વાતની પુષ્ટિ ઑપઇન્ડિયા નથી કરતું.

    મૂળ વાત એ છે કે, હવે જયારે તેમની ફિલ્મોમાં જ દમ ના હોય તો પછી તેની નિષ્ફળતાનો દોષ કોઈ દર્શકો પર ઠાલવે એ તો યોગ્ય નથી જ ને!

    દર્શકોની ઉઘડી છે આંખો

    ન માત્ર બોલીવુડ પરંતુ ઘણા વેબ સ્ટ્રીમિંગ પ્લેટફોર્મ્સએ એવું માની લીધું હતું કે દર્શકોને માત્ર સેક્સ, ન્યૂડિટી, ગાળા ગાળી, હિન્દૂદ્વેષ, લિબરલ વિચારો જ ગમતા હોય છે; અને તેમને એકધારી એ જ પ્રકારની ફિલ્મો અને સિરીઝો બનાવવાનું શરૂ કરી દીધું.

    દર્શકોથી થાય એટલું સહન કર્યું અને પછી શું થયું એ બોલીવુડ અને નેટફ્લિક્સના ભારતમાં વર્તમાનના હાલ જોઈને સમજી જ શકાય છે. એટલે એ પણ નક્કી થાય છે કે દર્શકોને બોલીવુડની કોઈ ફિલ્મથી નહિ પરંતુ કોઈ પણ પ્લેટફોર્મ પર મનોરંજનના નામે પીરસાતા નકામા કચરાથી છે.

    આ જ સમયગાળા દરમિયાન આ જ દર્શકોએ બીજી ઘણી ફિલ્મો અને સિરીઝો કે જેમાં કથાવસ્તુ સારી અને માણવા લાયક હોય તેમને માથે પણ ચડાવ્યા છે. જેના તાજા ઉદાહરણ પુષ્પા, RRR, KGJ 1 અને 2, ધ કાશ્મીર ફાઇલ્સ, પંચાયત સિરીઝ વગેરે છે જ.

    તો હવે જોવાનું એ રહેશે કે શું બોલીવુડ હજુય પોતાના પ્રોપગેન્ડા ફેલાવવાના એ જ રસ્તે આગળ વધશે કે પછી પોતાની ભૂલ સમજીને રસ્તો બદલીને ખરા અર્થમાં મનોરંજન પીરસવાનું કામ કરશે.

    જગદીપ ધનખર દેશના 14મા ઉપરાષ્ટ્રપતિ બન્યા, રાષ્ટ્રપતિ દ્રૌપદી મુર્મુએ લેવડાવ્યા શપથ

    ઑપઇન્ડિયા સ્ટાફ
    -
    0
    જગદીપ ધનખર દેશના 14મા ઉપરાષ્ટ્રપતિ બન્યા, રાષ્ટ્રપતિ દ્રૌપદી મુર્મુએ લેવડાવ્યા શપથ

    જગદીપ ધનખર દેશના 14મા ઉપરાષ્ટ્રપતિ બન્યા, પશ્ચિમ બંગાળના પૂર્વ રાજ્યપાલ જગદીપ ધનખરને આજે મહામહિમ રાષ્ટ્રપતિ દ્રૌપદી મુર્મુએ તેમને પદ અને ગોપનીયતાના શપથ લેવડાવ્યા હતા. રાષ્ટ્રપતિ ભવનમાં આયોજિત શપથ ગ્રહણ સમારોહમાં જગદીપ ધનખરે વડાપ્રધાન નરેન્દ્ર મોદી સહિત દેશના તમામ મોટા નેતાઓની હાજરીમાં ઉપરાષ્ટ્રપતિ તરીકે શપથ લીધા હતા.

    અહેવાલો મુજબ શપથ ગ્રહણ સમારોહમાં વડાપ્રધાન નરેન્દ્ર મોદી, લોકસભા સ્પીકર ઓમ બિરલા, પૂર્વ ઉપરાષ્ટ્રપતિ એમ વેંકૈયા નાયડુ, પૂર્વ ઉપરાષ્ટ્રપતિ હામિદ અંસારી, ગૃહમંત્રી અમિત શાહ સહિત અનેક કેન્દ્રીય મંત્રીઓ અને મહાનુભાવો હાજર રહ્યા હતા. અગાઉ, લોકસભાના અધ્યક્ષ ઓમ બિરલાએ મંગળવારે તેમના નિવાસસ્થાને વેંકૈયા નાયડુ અને તેમના અનુગામી ધનખરની યજમાની કરી હતી. એક નિવેદનમાં લોકસભા સચિવાલયે કહ્યું હતું કે નાયડુ અને બિરલાએ રાષ્ટ્રીય હિત અને સંસદીય બાબતોના મુદ્દાઓ પર નવા ચૂંટાયેલા ઉપરાષ્ટ્રપતિ જગદીપ ધનખર સાથે તેમના પરિપ્રેક્ષ્ય અને અનુભવો શેર કર્યા હતા. શપથ ગ્રહણ સમારોહ પહેલા જગદીપ ધનખરે રાજઘાટ પર મહાત્મા ગાંધીને શ્રદ્ધાંજલિ આપી હતી.

    ઉપરાષ્ટ્રપતિ જગદીપ ધનખરનો ટૂંકો પરિચય

    મળતી માહિતી મુજબ ઉપરાષ્ટ્રપતિ જગદીપ ધનખરનો જન્મ 18 મે 1951ના રોજ રાજસ્થાનના ઝુંઝુનુ જિલ્લાના કિથાણામાં થયો હતો. ધનખરનું પ્રારંભિક શિક્ષણ કિથાણા ગામની સરકારી માધ્યમિક શાળામાં થયું હતું. પાંચમા ધોરણ પછી ગાર્ધનાની સરકારી માધ્યમિક શાળામાં તેમને દાખલ કરવામાં આવ્યા. આ પછી તેમણે ચિત્તોડગઢની સૈનિક સ્કૂલમાં પણ અભ્યાસ કર્યો. ઉપરાષ્ટ્રપતિ ધનખરે ભૌતિકશાસ્ત્રમાં સ્નાતક પૂર્ણ કર્યું છે. આ પછી તેમણે રાજસ્થાન યુનિવર્સિટીમાંથી કાયદાનો અભ્યાસ પૂર્ણ કર્યો હતો. ઉપરાષ્ટ્રપતિ ધનખરે રાજસ્થાન હાઈકોર્ટમાંથી વકીલાત શરૂ કરી હતી. તેઓ રાજસ્થાન બાર કાઉન્સિલના અધ્યક્ષ પણ હતા.

    ઉપરાષ્ટ્રપતિની ચૂંટણીમાં ભાજપ અને એનડીએના ઉમેદવાર જગદીપ ધનખરે 74.36 ટકા મતો સાથે જીત નોંધાવી હતી. પાછલી 6 ઉપરાષ્ટ્રપતિની ચૂંટણીમાં જગદીપ ધનખરે સૌથી વધુ મતોથી જીત મેળવી છે. જગદીપ ધનખરને ઉપરાષ્ટ્રપતિની ચૂંટણીમાં 528 વોટ મળ્યા હતાં, જ્યારે તેમના હરીફ માર્ગારેટ આલ્વાને માત્ર 182 વોટથી સંતોષ માનવો પડ્યો હતો.

    નવસારી: મુસ્લિમ સગીરે ઇન્સ્ટાગ્રામ ડીપીમાં પાકિસ્તાનનો રાષ્ટ્રધ્વજ મૂકતાં વિવાદ, પોલીસની કાર્યવાહી બાદ માફીનામું આપ્યું

    ઑપઇન્ડિયા સ્ટાફ
    -
    0
    નવસારી: મુસ્લિમ સગીરે ઇન્સ્ટાગ્રામ ડીપીમાં પાકિસ્તાનનો રાષ્ટ્રધ્વજ મૂકતાં વિવાદ, પોલીસની કાર્યવાહી બાદ માફીનામું આપ્યું

    નવસારીમાં મહોરમ અગાઉ એક મુસ્લિમ સગીરે પોતાના ઇન્સ્ટાગ્રામ ઉપર પાકિસ્તાનનો ઝંડો મૂકી દેતાં આખા શહેરમાં મુદ્દો ‘ટૉક ઓફ ધ ટાઉન’ બન્યો હતો. જે મામલે પોલીસે કાર્યવાહી કરી સગીર અને તેના પિતાને પકડી લીધા હતા. જે બાદ બંનેએ માફીપત્ર લખી આપતાં મામલો પોલીસે આગળની કાર્યવાહી પડતી મૂકી હતી. 

    પ્રાપ્ત વિગતો અનુસાર, મંગળવારે (9 ઓગસ્ટ 2022) સાંજે નવસારીના સોશિયલ મીડિયા ગ્રુપોમાં કેટલાક સ્ક્રીનશોટ વાયરલ થયા હતા, જેમાં એક સગીર મુસ્લિમ યુવકે પોતાના ઇન્સ્ટાગ્રામ અકાઉન્ટ ઉપર પાકિસ્તાનનો રાષ્ટ્રધ્વજ મૂકેલો દેખાયો હતો. સ્ક્રીનશોટ ઝડપથી સોશિયલ મીડિયા પર ફરતા થતાં પોલીસ પણ આ મામલે સક્રિય થઇ હતી. 

    સ્ક્રીનશોટમાં દેખાય છે કે સગીરના ઇન્સ્ટાગ્રામ ઉપર પ્રોફાઈલ પિક્ચરમાં પાકિસ્તાનનો ઝંડો મૂકવામાં આવ્યો છે. જેની સાથે બાજુમાં મોટા અક્ષરે ‘Pakistan’ લખેલું પણ વંચાય છે. જોકે, આ સ્ક્રીનશોટ વાયરલ થઇ જતાં તેણે પ્રોફાઈલ ફોટો બદલી નાંખ્યો હતો અને અકાઉન્ટ પણ લૉક કરી દીધું હતું. 

    આ મામલે જાણ થતાં જ નવસારી લોકલ ક્રાઇમ બ્રાન્ચ સક્રિય થઇ હતી અને આ સગીરની શોધખોળ શરૂ કરી દેવામાં આવી હતી અને ગણતરીના કલાકોમાં જ સગીર અને તેના પિતા બંનેને પકડી લેવામાં આવ્યા હતા. જે બાદ બંનેને પોલીસ મથકે લાવવામાં આવતાં તેમણે માફીપત્ર લખી આપ્યું હતું અને દાવો કર્યો હતો કે સગીરે ભૂલથી પાકિસ્તાનનો ધ્વજ મૂકી દીધો હતો. 

    આ મામલે નવસારી લોકલ ક્રાઈમ બ્રાન્ચના સૂત્રો અનુસાર, પોલીસને તે રાત્રે જ આ બાબતે શહેરના નાગરિકો દ્વારા જાણ કરવામાં આવી હતી. જે બાદ બીજા દિવસે પોલીસે કાર્યવાહી આરંભી હતી અને સગીર અને તેના પિતા બંનેને પોલીસ મથકે બોલાવવામાં આવ્યા હતા. 

    પોલીસ સૂત્રો અનુસાર, સગીર અને તેના પિતાએ પોલીસ સમક્ષ દાવો કર્યો હતો કે તેને ઝંડો પાકિસ્તાનનો રાષ્ટ્રધ્વજ હોવાની જાણ ન હતી અને ધાર્મિક ઝંડો માનીને સરતચૂકથી સોશિયલ મીડિયા પર મૂકાઈ ગયો હતો. તેમજ તેના આ કૃત્યની પરિવારને જાણ ન હતી. જોકે, તેમ છતાં પોલીસે તેમની પાસે માફીપત્ર લખાવીને આગળ આ પ્રકારની હરકત ન થાય તેની બાહેંધરી લખાવી લીધી હતી. 

    પોલીસ સૂત્રો પાસેથી જાણવા મળ્યા અનુસાર, આરોપી સગીર છે અને માફીપત્ર પણ લખી આપવામાં આવ્યું હોવાથી પોલીસે પણ કાર્યવાહી બંધ કરી મામલો થાળે પાડ્યો છે. 

    કેરળ સરકારે પોલીસ ડીપાર્ટમેન્ટ ભાડે ચડાવ્યો: ઈન્સ્પેક્ટર 2.5 હજારમાં અને કોન્સ્ટેબલ 700 રૂપિયામાં મળશે: સ્નીફર ડોગ અને ફોરેન્સિક લેબ પણ ભાડે મળશે

    ઑપઇન્ડિયા સ્ટાફ
    -
    0
    કેરળ સરકારે પોલીસ ડીપાર્ટમેન્ટ ભાડે ચડાવ્યો: ઈન્સ્પેક્ટર 2.5 હજારમાં અને કોન્સ્ટેબલ 700 રૂપિયામાં મળશે: સ્નીફર ડોગ અને ફોરેન્સિક લેબ પણ ભાડે મળશે

    કેરળ સરકારે પોલીસ ડીપાર્ટમેન્ટ ભાડે ચડાવ્યો છે, દેશમાં આ સમયે જ્યારે મોટાભાગના રાજ્યોમાં વહીવટીતંત્ર પર્યાપ્ત પોલીસ દળની અછતનો સામનો કરી રહ્યું છે, ત્યારે દેશના દક્ષિણી રાજ્ય કેરળમાં ધોંસ જમાવવાનો આ નવો કીમિયો ખૂબ વેગ પકડી રહ્યો છે, કેરળ સરકારે પોલીસ ડીપાર્ટમેન્ટ ભાડે ચડાવ્યો છે એટલું જ નહીં, રૂપિયા ખર્ચ કરતા આખે આખું પોલીસ સ્ટેશન પણ ભાડે મળી શકે છે.

    TV9 ના અહેવાલ મુજબ લગ્ન, જન્મદિવસ કે અન્ય કોઈ પ્રસંગો માટે પોલીસ ભાડા પર ઉપલબ્ધ છે. કેરળમાં યુનિફોર્મધારી કોન્સ્ટેબલ માટે 700 રૂપિયા ચૂકવવા પડશે અને તે દિવસભર ઉપલબ્ધ રહેશે. એક કોન્સ્ટેબલ માટે રાત્રી દરમિયાન ખાનગી ડ્યુટી માટે રૂ. 1,040 ખર્ચવા પડશે. આટલું જ નહીં, જો તમે સબ-ઇન્સ્પેક્ટર અથવા સીઓ રાખવા માંગો છો, તો તમે તેમને પણ ભાડે લઈ શકો છો.

    નાઇટ ડ્યુટી માટે વધુ પૈસા ચૂકવવા પડશે

    દૈનિક ભાસ્કરમાં પ્રસિદ્ધ થયેલા સમાચાર મુજબ, એક સબ-ઇન્સ્પેક્ટરને દિવસની ડ્યુટી માટે 1,870 રૂપિયા અને નાઇટ ડ્યૂટી માટે 2,210 રૂપિયા ચૂકવવા પડશે. ઈન્સ્પેક્ટરને તેમની સેવામાં બોલાવવા માટે, દિવસ દરમિયાન 2,560 રૂપિયા અને નાઈટ શિફ્ટ માટે 4,360 રૂપિયા ચૂકવવા પડશે. જ્યારે દિવસ દરમિયાન COને ભાડે રાખવા માટે 3,795 રૂપિયા, અને રાત્રે ફરજ પર ભાડે રાખવા માટે 4,750 રૂપિયા ચૂકવવા પડશે.

    અહેવાલ મુજબ પોલીસકર્મીઓ ઉપરાંત પોલીસ વિભાગને લગતી અન્ય ઘણી વસ્તુઓ ભાડે આપવાની પણ સુવિધા છે. જો તમે સ્નિફર ડોગનો ભાડે ઉપયોગ કરવા માંગો છો અને તેને હાયર કરવા માંગો છો, તો તમારે તેના માટે 6,950 રૂપિયા ચૂકવવા પડશે. આ સિવાય વાયરલેસ સેટ ભાડે મેળવવા માટે 2,315 રૂપિયા ચૂકવવા પડશે. ફિંગર પ્રિન્ટ નિષ્ણાતને તેમના અંગત કામ માટે બોલાવવા માટે 6,070 રૂપિયાનું ભાડું ચૂકવવું પડશે. એટલું જ નહીં ફોરેન્સિક લેબના ભાડા માટે 12,130 રૂપિયા ચૂકવવા પડશે. લેબ માટે આ કિંમત માત્ર એક કેસ માટે છે. દરેક કેસ માટે અલગ-અલગ કિંમત ચૂકવવી પડશે.

    પોલીસ સ્ટેશન અને લેબ પણ ભાડે મળશે

    પોલીસ કર્મચારીઓ ઉપરાંત અધિકારીઓ, સ્નિફર ડોગ્સ અને ફોરેન્સિક લેબ તેમજ પોલીસ સ્ટેશન પણ ભાડા પર ઉપલબ્ધ છે. પોલીસ સ્ટેશન ભાડે આપવા માટે 33,100 રૂપિયા ચૂકવવા પડશે. જો કે, પોલીસ પ્રશાસનમાં આ પ્રથાની સતત નિંદા થઈ રહી છે અને ઘણા અધિકારીઓ તેને રોકવાની વાત કરી રહ્યા છે. કેરળ પોલીસ ઓફિસર્સ એસોસિએશનના પ્રમુખ સની જોસેફ કહે છે કે અમે પોલીસ મહાનિર્દેશક અને ગૃહ વિભાગને તેને બંધ કરવા અરજી કરી છે.

    આ મામલો ત્યારે ચર્ચામાં આવ્યો જ્યારે કુન્નૂર જિલ્લાના કેકે અંસારે તેની પુત્રીના લગ્ન માટે 2800 રૂપિયા આપીને 4 કોન્સ્ટેબલને દિવસના ભાડા પર બોલાવ્યા હતા. ખાસ વાત એ છે કે તેમની દીકરીના લગ્નમાં કોઈ VIP ગેસ્ટ આવ્યા ન હતા. જોકે લોકો શૂટિંગ માટે પોલીસને ભાડે રોકે છે.

    ‘પીરાણાની દરગાહ મૂળ હિંદુઓનું ધાર્મિક સ્થળ’: ઇમામશાહ ટ્રસ્ટનું હાઇકોર્ટમાં સોગંદનામું, 2 અઠવાડિયા બાદ થશે સુનાવણી

    ઑપઇન્ડિયા સ્ટાફ
    -
    0
    ‘પીરાણાની દરગાહ મૂળ હિંદુઓનું ધાર્મિક સ્થળ’: ઇમામશાહ ટ્રસ્ટનું હાઇકોર્ટમાં સોગંદનામું, 2 અઠવાડિયા બાદ થશે સુનાવણી

    અમદાવાદના પીરાણાની ઇમામશાહ દરગાહ મામલે ચાલતા કેસમાં દરગાહ ટ્રસ્ટ તરફથી હાઇકોર્ટમાં એક સોગંદનામું દાખલ કરવામાં આવ્યું છે. ઇમામશાહ બાવા રોઝા ટ્રસ્ટ તરફથી કોર્ટને સોગંદનામું કરીને કહેવામાં આવ્યું છે કે, વાસ્તવમાં આ મૂળ ધાર્મિક સ્થળ હિંદુઓનું છે અને સંસ્થા ‘સતપંથીઓ’ની છે. આ મામલે હાઇકોર્ટે બે સપ્તાહ બાદ આગળની સુનાવણી કરવાનું નક્કી કર્યું છે. 

    ઇમામશાહ બાવા રોઝા ટ્રસ્ટે એફિડેવિટ રજૂ કરીને કહ્યું કે, પીરાણા સ્થિત આ સ્થળે 600 વર્ષ જૂની મસ્જિદ, દરગાહ અને મંદિરો આવેલાં છે. ટ્રસ્ટ કહે છે કે, આ સ્થળ મૂળભૂત રીતે મુસ્લિમ સંસ્થા છે તેમ કહેવું યોગ્ય ગણાશે નહીં અને તે હિંદુઓનું જ ધાર્મિક સ્થળ છે. તેમજ એમ પણ કહેવામાં આવ્યું છે કે ટ્રસ્ટના ટ્રસ્ટીઓમાં હિંદુ અને મુસ્લિમ બંને સમુદાયના લોકો સામેલ છે. 

    1939માં એક નીચલી કોર્ટે જારી કરેલ ચુકાદા અનુસાર મંજૂર કરવામાં આવેલ યોજનાના આધારે ટ્રસ્ટ દ્વારા આ દાવો કરવામાં આવ્યો છે અને કહેવામાં આવ્યું છે કે પીરાણા મંદિર હિંદુ સતપંથીઓની સંસ્થા છે. 

    આ ઉપરાંત, જણાવવામાં આવ્યું છે કે સૈયદ ટ્રસ્ટીઓ દ્વારા ધાર્મિક સ્થળને વક્ફ મિલ્કત જાહેર કરવાની માંગ કરવામાં આવી હતી અને આ મામલે રજૂઆત પણ કરવામાં આવી હતી પરંતુ તે નકારી દેવામાં આવી હતી. જે બાદ જિલ્લા કોર્ટ, હાઇકોર્ટ અને સુપ્રીમ કોર્ટ સુધી પણ અપીલ કરવામાં આવી હતી, પરંતુ કોર્ટે તે પણ નામંજૂર રાખી હતી. 

    ટ્રસ્ટનો દાવો છે કે આ કેસમાં માત્ર નામ મુસ્લિમ છે પરંતુ સંસ્થા સતપંથીઓની છે. સાથે ટ્રસ્ટ દ્વારા કોર્ટનો એક હુકમ ટાંકવામાં આવ્યો છે, જેના આધારે જ તેઓ સંચાલન કરતા જોવાનું કહ્યું છે. તેમજ એમ પણ જણાવ્યું છે કે, ઇમામશાહ બાવાએ ગાદીની સ્થાપના કરી સૌથી પહેલા હિંદુને ગાદીપતિ બનાવ્યા હતા તેમજ હાલના ગાદીપતિ પણ હિંદુ છે. 

    ઉલ્લેખનીય છે કે ગત મે મહિનામાં મુસ્લિમ સંગઠન સુન્ની આવામ ફોરમે ગુજરાત હાઇકોર્ટ સમક્ષ એક જાહેરહિતની અરજી દાખલ કરીને ઇમામશાહ બાવા રોઝ ટ્રસ્ટ પર પીરાણાની દરગાહ અને આસપાસના મુસ્લિમ ધાર્મિક સ્થળોને હિંદુ સ્થળોમાં તબદીલ કરવાનો આરોપ લગાવ્યો હતો. ઉપરાંત, સ્થળ પર મંદિર બનાવવાની કામગીરી પણ ચાલતી હોવાનું કહ્યું હતું અને પ્લેસ ઓફ વર્શિપ એક્ટ 1991ને ટાંકીને તેનો વિરોધ કર્યો હતો. અરજદારે દરગાહ પરિસરમાં કોઈ પણ પ્રકારના નવા બાંધકામ કે ફેરફાર કરવા સામે સ્ટે મૂકવાની માંગ પણ કરી હતી, જોકે હાઇકોર્ટે માંગણી ફગાવી દીધી હતી. 

    આ અરજી સ્વીકારીને હાઇકોર્ટે પીરાણા ટ્રસ્ટ, અમદાવાદ જિલ્લા કલેક્ટર અને રાજ્ય સરકાર સહિતના પક્ષકારોને નોટીસ પાઠવીને ઓગસ્ટ મહિનામાં સુનાવણી મુકરર કરી હતી. આ મામલે હવે ટ્રસ્ટ દ્વારા સોગંદનામું દાખલ કરીને કહેવામાં આવ્યું છે કે, આ સ્થળ મૂળ હિંદુઓનું જ ધાર્મિક સ્થાન છે.  

    આમિરની ફિલ્મ દંગલે ચીનમાં કરેલી 1400 કરોડની કમાણી પર સવાલ ઉઠ્યા: ED સમક્ષ થશે ફરિયાદ, લાલ સિંઘ ચઢ્ઢાના ફર્જી બુકિંગનો પણ આરોપ 

    ઑપઇન્ડિયા સ્ટાફ
    -
    0
    આમિરની ફિલ્મ દંગલે ચીનમાં કરેલી 1400 કરોડની કમાણી પર સવાલ ઉઠ્યા: ED સમક્ષ થશે ફરિયાદ, લાલ સિંઘ ચઢ્ઢાના ફર્જી બુકિંગનો પણ આરોપ 

    આમિરની ફિલ્મ દંગલની ચીનમાં થયેલી 1400 કરોડની કમાણીનું રહસ્ય જાણવા માટે એક સંસ્થા મેદાને આવી છે. ‘દંગલ’નું બોક્સ ઓફિસ કલેક્શન 2024 કરોડ હોવાનું કહેવાય છે, જેમાંથી 1400 કરોડ એકલા ચીનમાંથી આવ્યા હતા. આ સિવાય તાઈવાન અને હોંગકોંગમાંથી પણ આ ફિલ્મની કમાણી 60 કરોડની નજીક હોવાનું માનવામાં આવે છે. ‘લાલ સિંહ ચઢ્ઢા‘ના સમયે, દંગલની વાત એટલા માટે થઇ રહી છે કારણ કે તેની કમાણી અંગે ED (એન્ફોર્સમેન્ટ ડિરેક્ટોરેટ) સુધી ફરિયાદ પહોંચવાની શક્યતાઓ છે. લોકોને શંકા છે કે આ કમાણી નકલી છે.

    સોશિયલ મીડિયામાં એવી વાતો ચાલી રહી છે કે ઘણીવાર બોલિવૂડના લોકો બ્લેક મની વ્હાઇટ કરવા માટે ફિલ્મોના ખોટા કલેક્શનનો સહારો લે છે. ‘લીગલ રાઈટ્સ ઓબ્ઝર્વેટરી- LRO’ નામની સંસ્થાએ સોશિયલ મીડિયા પર જાહેરાત કરી છે કે તે આમિર ખાનની દંગલની 2000 કરોડની કમાણી અંગે ED અને આવકવેરા વિભાગ (IT)ને ફરિયાદ કરશે. ઉલ્લેખનીય છે કે ‘દંગલ’ સહિત આમિર ખાન દ્વારા નિર્મિત ઘણી ફિલ્મોનું બોક્સ ઓફિસ કલેક્શન ચીનમાં ઘણું વધારે દેખાડવામાં આવ્યું છે.

    અહી નોંધનીય છે કે હાલમાં Xiaomi, Oppo અને Vivo જેવી ચીની કંપનીઓ હજારો કરોડની કરચોરી માટે કાર્યવાહીનો સામનો કરી રહી છે. આવી સ્થિતિમાં એલઆરઓનું કહેવું છે કે ચીનમાં ફિલ્મોની રિલીઝ દ્વારા મની લોન્ડરિંગ કરવામાં આવી રહ્યું છે તે વાતને નકારી શકાય નહીં. ઉપરાંત, ‘લાલ સિંહ ચઢ્ઢા’નું બુકિંગ ખોટા હોવાનો આરોપ લગાવતા એલઆરઓએ નકલી કરન્સી ફ્લો પર લગામ લગાવવા માટે તપાસ એજન્સીઓને પત્ર લખવાની પણ જાહેરાત કરી છે.

    અન્ય યુઝરે ચીનમાં આમિર ખાનની ફિલ્મોના બોક્સ ઓફિસ કલેક્શન પર પણ શંકા વ્યક્ત કરી છે. જેમકે ‘સિક્રેટ સુપરસ્ટાર’, જે એક ઓછા બજેટની ફિલ્મ હતી જેણે ભારતમાં માત્ર રૂ. 57 કરોડની કમાણી કરી હતી, પરંતુ ચીનમાં તેનું બોક્સ ઓફિસ કલેક્શન રૂ. 900 કરોડ દર્શાવવામાં આવ્યું છે. જ્યારે વિશ્વભરમાં ભારતમાં 1429 કરોડ રૂપિયાનો જોરદાર બિઝનેસ કરનાર ‘બાહુબલી 2’એ ચીનમાં માત્ર 80 કરોડ રૂપિયાની કમાણી કરી હતી.

    ધાર્યું હતું એમ જ થયું: રજાના દિવસે કેવી છે લાલ સિંઘ ચઢ્ઢાની શરૂઆત? – ફિલ્મ ક્રિટિક તરન આદર્શે આપી સલાહ; સ્વરા ભાસ્કર પણ મેદાનમાં

    ઑપઇન્ડિયા સ્ટાફ
    -
    0
    ધાર્યું હતું એમ જ થયું: રજાના દિવસે કેવી છે લાલ સિંઘ ચઢ્ઢાની શરૂઆત? – ફિલ્મ ક્રિટિક તરન આદર્શે આપી સલાહ; સ્વરા ભાસ્કર પણ મેદાનમાં

    વિવાદોમાં ઘેરાયેલી આમિર ખાન અને કરીના કપૂર ખાન અભિનીત ફિલ્મ લાલ સિંઘ ચઢ્ઢા આખરે આજે દેશભરનાં થીએટરોમાં રિલીઝ થઇ ગઈ છે. જોકે, જે પ્રકારનું અનુમાન હતું તેવું જ બન્યું છે અને ફિલ્મની શરૂઆત ઘણી નબળી થઇ છે. ફિલ્મ બહુ મોટા ખર્ચે બનાવવામાં આવી હતી અને પ્રચાર કરવાના પણ બહુ પ્રયત્નો કરવામાં આવ્યા હતા, પરંતુ દર્શકોનો પ્રતિસાદ જોઈએ તેવો મળ્યો નથી. 

    આમિર ખાનની ફિલ્મને પહેલા દિવસે 15-20 ટકાની જ શરૂઆત મળી છે. જ્યારે અક્ષય કુમારની રક્ષાબંધનને 12-15 ટકાની શરૂઆત મળી છે. અગાઉની ફિલ્મો ફ્લૉપ થયા બાદ લાલ સિંઘ ચઢ્ઢા પર બૉલીવુડને આશા હતી, પરંતુ તેની ઉપર પણ પાણી ફરી વળ્યું છે. અગાઉ લાલ સિંઘ ચઢ્ઢા 15-17 કરોડની શરૂઆત કરશે તેમ માનવામાં આવી રહ્યું હતું, પરંતુ હવે તે 10-15 કરોડ પર અટકી જાય તેમ લાગી રહ્યું છે. રક્ષાબંધન, 15 ઓગસ્ટ, પતેતી વગેરે રજાઓનો પણ ફિલ્મને કોઈ લાભ મળતો જણાઈ રહ્યો નથી.

    કોરોના મહામારી પછીના સમયગાળામાં બૉલીવુડની મોટાભાગની ફિલ્મો ફ્લૉપ રહી છે. હાલમાં જ આવેલી શમશેરા હોય કે, તે પહેલાં આવેલી તાપસી પન્નુની ‘શાબાશ મિથુ’, ફિલ્મોને દર્શકોનો જોઈએ તેવો પ્રતિસાદ મળ્યો ન હતો અને લોકો ફિલ્મ જોવા માટે જ પહોંચ્યા ન હતા. શમશેરા જેવી ફિલ્મોના શૉ પણ રદ કરવા પડ્યા હતા. 

    ફિલ્મ રજાના દિવસે રિલીઝ કરવામાં આવી છે. ઉપરાંત 15 ઓગસ્ટ, પતેતી જેવા તહેવારોની પણ રજા રહેશે. તેમ છતાં ફિલ્મનું કલેક્શન અગાઉની ફિલ્મો કરતાં પણ ઓછું રહેવાનું અનુમાન છે. આ વર્ષે કોઈ ફિલ્મ પહેલા દિવસે 15 કરોડની પણ કમાણી કરી શકી નથી. લાલ સિંઘ ચઢ્ઢાની પણ શરૂઆત નબળી થતાં તેનું કલેક્શન પણ ઓછું જ થશે તેમ માનવામાં આવી રહ્યું છે. 

    બીજી તરફ, ફિલ્મને લઈને રિવ્યૂ આવવાના શરૂ થઇ ગયા છે. જાણીતા ફિલ્મ ક્રિટીક તરન આદર્શે આ ફિલ્મને નિરાશ કરનારી ગણાવી છે. તેમણે કહ્યું કે, ફિલ્મ અડધેથી પકડ ગુમાવી દે છે અને સ્ક્રીનપ્લે પણ નબળો જોવા મળે છે તેમજ બીજા ભાગમાં ફિલ્મ વધુ નિરાશ કરે છે. તેમણે ફિલ્મને 5માંથી 2 સ્ટાર આપ્યા છે.

    રિપોર્ટ અનુસાર, આમિર ખાનની ફિલ્મની શરૂઆત 10 મહિના પહેલાં આવેલી અક્ષય કુમાર અને રણવીર સિંઘ અભિનીત ફિલ્મ ‘સૂર્યવંશી’ કરતાં પણ નબળી રહી છે. ફિલ્મ ક્રિટીક તરન આદર્શે એક ટ્વિટમાં જણાવ્યું છે કે, 10 મહિના પહેલાં સૂર્યવંશી ફિલ્મે સૌથી સારી શરૂઆત કરી હતી, જે બાદ એકેય ફિલ્મ એવી શરૂઆત કરી શકી નથી. આ ફિલ્મે ત્રણ દિવસમાં લગભગ 75 કરોડની કમાણી કરી હતી. આ એ સમય હતો જ્યારે કેટલાંક રાજ્યોમાં થીએટરો 50 ટકા ક્ષમતા સાથે જ ચાલતાં હતાં. 

    બીજી તરફ, આજે 100 ટકા ક્ષમતા સાથે ચાલતાં થીએટરો અને મોટા અભિનેતાઓની ફિલ્મો પણ ખાસ કમાલ કરી શકી નથી. તરન આદર્શ કહે છે કે બૉલીવુડે બહાનાં શોધવાની જગ્યાએ આત્મમંથન કરવાની જરૂર છે. 

    વર્ષ 2022માં ભૂલ ભુલૈયા ફિલ્મે પહેલા દિવસે 14.11 કરોડની કમાણી કરી હતી. જ્યારે ત્રણ દિવસની કમાણી 55.96 કરોડ જેટલી હતી. જે આ વર્ષનો રેકોર્ડ છે. એટલે કે આ વર્ષે બૉલીવુડની કોઈ ફિલ્મ પહેલા દિવસે 15 કરોડ રૂપિયા પણ કમાઈ શકી નથી.

    બીજી તરફ, ફિલ્મની શરૂઆત નબળી જણાતાં બૉલીવુડ ‘અભિનેત્રી’ સ્વરા ભાસ્કરે પણ ટ્વિટર પર પ્રચાર કરવા માંડ્યો છે અને લોકોને મોટા પડદે ફિલ્મ જોવા માટે અપીલ કરી છે. જોકે, લોકોએ આવી અપીલ બહુ ગંભીરતાથી લેવાનું માંડી વાળ્યું હોય તેમ લાગી રહ્યું છે.

    બિહારમાં ફરી જંગલરાજ શરુ? નવી સરકારની પહેલી રાત્રેજ બદમાશો બેફામ; રાજધાની પટનામાં હત્યા સાથે 25 લાખની લુંટ

    ઑપઇન્ડિયા સ્ટાફ
    -
    0
    બિહારમાં ફરી જંગલરાજ શરુ? નવી સરકારની પહેલી રાત્રેજ બદમાશો બેફામ; રાજધાની પટનામાં હત્યા સાથે 25 લાખની લુંટ

    બિહારમાં ફરી જંગલરાજ શરુ થઇ ગયું હોય તેવું લાગી રહ્યું છે, રાજધાની પટનામાં હત્યા અને લુંટની ઘટના સામે આવી છે. પટનામાં એક ટોયોટાના શોરૂમમાં બદમાશોએ ગાર્ડને બંધક બનાવીને લગભગ 25 લાખ રૂપિયા લૂંટીને ફરાર થઈ ગયા હતા. ઘટનાનો વિરોધ કરવા પર બદમાશોએ એક ગાર્ડની છરી વડે હત્યા કરી નાખી. જ્યારે અન્ય એક ગાર્ડ ગંભીર રીતે ઘાયલ થયો હતો.

    મીડિયા અહેવાલ મુજબ ઘટના દિદરગંજ પોલીસ સ્ટેશન વિસ્તારના ટોલ પ્લાઝા પાસે સ્થિત બુદ્ધ ટોયોટા શો રૂમની છે. અહીં મામલાની માહિતી મળતાં જ પોલીસે ઘટનાસ્થળે પહોંચીને મૃતક ગાર્ડની લાશનો કબજો લીધો હતો. જ્યારે અન્ય ઈજાગ્રસ્ત ગાર્ડને સારવાર માટે હોસ્પિટલમાં દાખલ કરવામાં આવ્યા હતા.

    બદમાશો દિવાલ પર ચઢીને શોરૂમમાં પ્રવેશ્યા હતા

    અહેવાલોમાં ઘટના વિશે જણાવ્યા મુજબ મંગળવારે મોડી રાત્રે એક ડઝનથી વધુ બદમાશો શો રૂમની પાછળની બાજુથી દિવાલ કૂદીને શો રૂમની અંદર આવ્યા હતા અને શો રૂમના કાચ તોડી અંદર પ્રવેશ્યા હતા. આ પછી બદમાશો લગભગ 25 લાખ રૂપિયા લઈને ફરાર થઈ ગયા. જ્યારે ગાર્ડે વિરોધ કર્યો તો બદમાશોએ એકની ચાકુ મારીને હત્યા કરી નાખી. જ્યારે અન્ય ગાર્ડ ગંભીર રીતે ઘાયલ થયો હતો. મૃતકની ઓળખ જહાનાબાદના રહેવાસી તરીકે અને ઘાયલની ઓળખ બખ્તિયારપુરના રહેવાસી તરીકે થઈ છે.

    10 જુલાઈના રોજ પણ બદમાશો ઘૂસ્યા હતા

    જાગરણના અહેવાલ મુજબ ટોયોટા શોરૂમના જનરલ મેનેજર સેલ્સ સત્યેન્દ્ર કુમાર દુબેએ જણાવ્યું કે 10 જુલાઈની રાત્રે પણ બદમાશો ચોરીના ઈરાદે શોરૂમમાં ઘુસ્યા હતા. તે સમયે ખાનગી સિક્યોરિટી ગાર્ડ પેટ્રોલિંગ કરી રહ્યા હતા, જેથી બદમાશો ભાગી ગયા હતા. આ અંગે પોલીસને જાણ કરવામાં આવી હતી. બરાબર એક મહિના બાદ 10 ઓગસ્ટની રાત્રે ફરી એક ડઝન બદમાશોએ ઘૂસીને લૂંટની ઘટનાને અંજામ આપ્યો હતો.

    પોલીસ તપાસમાં જોડાઈ

    ઘટનાની માહિતી મળતાં જ ઘટનાસ્થળે પહોંચી પોલીસે મૃતક ગાર્ડની લાશને પોતાના કબજામાં લઈ પોસ્ટમોર્ટમ માટે મોકલી આપી હતી. જ્યારે ઈજાગ્રસ્ત ગાર્ડને સારવાર અર્થે હોસ્પિટલમાં ખસેડવામાં આવ્યો હતો. હાલ પોલીસ ઘટનાસ્થળની આસપાસ લાગેલા સીસીટીવી ફૂટેજની તપાસ કરી રહી છે. પોલીસે ટૂંક સમયમાં આ ઘટનાનો ખુલાસો કરવાની વાત કરી હતી.

    તો બીજીતરફ બિહારની મોટી ઉથલપાથલ બાદ હજુ નવી સરકારે સત્તા સંભાળી છે, તેવામાં સત્તા પર આવ્યાની પ્રથમ રાત્રેજ બદમાશો બેખોફ થઈને આવી મોટી ઘટનાને અંજામ આપે અને એ પણ રાજધાની પટના જેવા મોટા શહેરમાં, તેવામાં અગામી સમયમાં કાયદો વ્યવસ્થા જળવાશે કે કેમ તે જોવું રહ્યું.

    1...1,0311,0321,033...1,175Page 1,032 of 1,175

    © Copyright - OpIndia.com