ઉત્તર પ્રદેશમાં ગેસ સિલિન્ડરોની અછત વચ્ચે કાળાબજારી કરનારાઓ પર પોલીસે શિકંજો કસવાનું શરૂ કરી દીધું છે. હાપુડના ગામ અસૌડામાં સમાજવાદી પાર્ટીના નેતા અબ્દુલ રેહાનના ઘરે પોલીસ અને જિલ્લા પૂર્તિ વિભાગે દરોડો પાડ્યો હતો. આ કાર્યવાહીમાં રેહાનના ઘરમાંથી 55 ભરેલા અને અનેક ખાલી ગેસ સિલિન્ડરો મળી આવ્યા હત. દરોડાની જાણ થતાં જ આરોપી નેતા ઘટનાસ્થળેથી ફરાર થઈ ગયો છે, હાલ પોલીસ તેની શોધખોળ કરી રહી છે.
સ્થાનિક નિવાસીઓનો આરોપ છે કે અબ્દુલ રેહાન મજબૂરીનો લાભ ઉઠાવીને જરૂરિયાતમંદોને એક સિલિન્ડર ₹2000 સુધીમાં વેચી રહ્યો હતો. પોલીસને માહિતી મળી હતી કે પંચાયતી ઘરની નજીક રહેતા રેહાને પોતાના ઘરમાં ગેરકાયદેસર રીતે સિલિન્ડરોનો મોટો સ્ટોક જમા કરી રાખ્યો છે. માહિતી મળતાં જ ટીમે રેડ પાડી અને તમામ સિલિન્ડરો જપ્ત કરી લીધા છે.
यूपी हापुड़ में सपा नेता अब्दुल रेहान के घर से 55 भरे और कई खाली सिलेंडर बरामद हुये।
— Sudhir Mishra 🇮🇳 (@Sudhir_mish) March 12, 2026
योगी जी को बदनाम करने की करारी साजिश-
जनता सब देख रही है… आपके आसपास कोई कालाबाजारी दिखे तो तुरंत पुलिस से शिकायत करें! pic.twitter.com/6nKxLF2LRs
પ્રદેશમાં સિલિન્ડરોની અછત વચ્ચે આવી કાળાબજારીને યોગી સરકારને બદનામ કરવાનાં કાવતરાં તરીકે પણ જોવામાં આવી રહી છે. અધિકારીઓનું કહેવું છે કે ગેરકાયદે ભંડારણ વિરુદ્ધ આ અભિયાન ચાલુ રહેશે. સાથે જ જનતાને અપીલ કરવામાં આવી છે કે જો ક્યાંય આવી કાળાબજારી દેખાય તો તરત જ પોલીસને જાણ કરે.
