મીડિયા રિપોર્ટ્સ અનુસાર, અત્યાર સુધીમાં સંભલ હિંસા દરમિયાન કુલ 4 મોત થયા હોવાની પુષ્ટિ થઈ છે. જેમાં ત્રણ મૃતકોના નામ નઈમ, બિલાલ અને નોમાન છે. આ ત્રણેય હુમલો કરવામાં સામેલ હોવાનું કહેવાય છે. અહેવાલો અનુસાર, આમાંથી બે લોકોને 315 બોરની ગોળીઓ વાગી છે. એક નિવૃત્ત પોલીસ અધિકારીએ ઑપઇન્ડિયાને જણાવ્યું કે પોલીસ 315 બોરની બુલેટનો ઉપયોગ કરતી નથી. પોલીસની કોઈ પિસ્તોલ કે રાઈફલમાં આ બુલેટનો ઉપયોગ કરવામાં આવતો નથી.
હિંસા બાદથી પોલીસ સતત આ સ્થાનો પર દરોડા પાડી રહી છે. અત્યાર સુધીમાં 20થી વધુ હુમલાખોરોની ધરપકડ કરવામાં આવી છે જેમાં 2 મહિલાઓનો પણ સમાવેશ થાય છે. આ હુમલાખોરોના ઘરેથી હથિયારો પણ મળી આવ્યા છે. જેમાં એક અન્ય હથિયાર પણ મળી આવ્યું છે જેમાં બંને તરફ ધાર હોય છે. આ તમામ વિરુદ્ધ નેશનલ સિક્યુરિટી એક્ટ (NSA) અને ગેંગસ્ટર એક્ટ હેઠળ કાર્યવાહી કરવામાં આવશે. હિંસામાં સામેલ અન્ય ઘણા લોકોની ઓળખ અને ધરપકડ કરવાના પ્રયાસો ચાલુ છે.
SP કૃષ્ણ કુમાર વિશ્નોઈએ જણાવ્યું કે જિલ્લાના સંભલ તાલુકાના વિસ્તારમાં એક દિવસ માટે ઇન્ટરનેટ સેવાઓ બંધ કરવામાં આવી છે. વહીવટી પરવાનગી વગર જિલ્લામાં કોઈપણ બહારના વ્યક્તિ કે નેતાની અવરજવર પર પ્રતિબંધ લાદવામાં આવ્યો છે. ધોરણ 12 સુધીની શાળાઓ પણ સોમવાર સુધી બંધ રાખવામાં આવી છે. આ ઘટના પર મુરાદાબાદ ઝોનના કમિશનર IAS આંજનેય સિંઘે મૃતકોના સંબંધીઓને પૂછ્યું છે કે તેમના પરિવારના સભ્ય પથ્થરમારો કરવા માટે કેમ ગયા હતા?
मुरादाबाद मंडल कमिश्नर आंजनेय कुमार सिंह जी ने ऐसे सवाल उठाए, जो हर दंगे पर पूछे जाने चाहिए थे, लेकिन कभी पूछे नहीं गए। क्या दंगा करते हुए मारे गए लोगों के परिवार जिम्मेदारी नहीं लेंगे कि उनके सदस्य दंगा करने क्यों गए थे? पढ़ाई या नौकरी के लिए शहर को आग लगाने के इरादे से निकले थे pic.twitter.com/r5SCmgZgJA
— Hammer (@Hammer4radicals) November 25, 2024
સંભલ હિંસા અંગે આંજનેય સિંઘે એમ પણ કહ્યું કે પોલીસ પર હુમલો કરતી વખતે પથ્થરોની સાથે ગોળીઓ પણ છોડવામાં આવી હતી. તેમણે કહ્યું કે પોલીસ દ્વારા ટીયર ગેસના શેલ છોડવામાં આવ્યા છે. વર્તમાનમાં જે આરોપો લગાવવામાં આવી રહ્યા છે તેની તપાસ કર્યા બાદ આગળની કાર્યવાહી કરવામાં આવશે. તેમણે વધુમાં કહ્યું કે પોલીસ પાસે બધા જ રેકોર્ડિંગ ઉપલબ્ધ છે. તેમણે કહ્યું કે પથ્થરબાજો કોઈ ધર્મ-પુણ્ય કાર્ય કરવા ગયા ન હતા. હાલમાં જિલ્લામાં ઇંટો વગેરેની ખરીદી પર પણ પ્રતિબંધ મૂકી દેવામાં આવ્યો છે.
28 પોલીસકર્મીઓ થયા ઘાયલ
સંભલ જિલ્લાના તમામ રહેવાસીઓને સ્પષ્ટ સૂચના આપવામાં આવી છે કે જો તેમના ધાબા પર પથ્થર કે જ્વલનશીલ સામગ્રી જોવા મળશે તો કાયદેસરની કાર્યવાહી કરવામાં આવશે. રસ્તા પર પથરાયેલી કોઈપણ ચીજવસ્તુઓને તાત્કાલિક જપ્ત કરવા માટે પણ પાલિકાને સૂચના આપવામાં આવી છે. આ હિંસામાં લગભગ 28 પોલીસકર્મી ઘાયલ થયા છે, જેમની સારવાર ચાલી રહી છે. ઘાયલોમાં SP PRO અને DSP અનુજ વિશ્નોઈ પણ સામેલ છે. એક કોન્સ્ટેબલને પણ માથામાં ગંભીર ઈજા થઈ હોવાનું સામે આવ્યું છે.
આ સમગ્ર મામલે અત્યાર સુધીમાં કુલ 4 FIR નોંધવામાં આવી છે. તેમાંથી 3 FIR કોતવાલી સંભલમાં જ્યારે બીજી નખાસા પોલીસ સ્ટેશનમાં નોંધાઈ છે. કોતવાલી સંભાલમાં ઘાયલ SDM, SHO અને 2 સબ ઇન્સ્પેક્ટરની ફરિયાદ પર કેસ નોંધવામાં આવ્યો છે. પોલીસ ફરિયાદના આધારે નખાસા પોલીસ સ્ટેશનમાં પણ ગુનો નોંધવામાં આવ્યો છે. અહીં હુમલાખોરોએ પોલીસ પર પથ્થરમારો કર્યો હતો. આ દરમિયાન પોલીસની બાઇક પણ સળગાવી દેવામાં આવી હતી.
