23 નવેમ્બરે મહારાષ્ટ્ર (Maharashtra) અને ઝારખંડ (Jharkhand) વિધાનસભા ચૂંટણીઓના (Assembly Elections) પરિણામની સાથે સાથે ઉત્તરપ્રદેશમાં વિધાનસભાની 9 સીટો પર યોજાયેલ પેટાચૂંટણીના (UP Bypoll Elections) પરિણામો પણ આવ્યા હતા. જેમાં 9માંથી 7 સીટો પર ભારતીય જનતા પાર્ટીએ (BJP) જીત મેળવી હતી. ત્યારપછી ટીવી ડિબેટ્સમાં આ મામલે ચર્ચાઓ ચાલી રહી હતી. આ જ દરમિયાન News 18 પર આવતા ડિબેટ શો ‘ગુંજ વિથ રૂબિકા લિયાકત’માં (Gunj With Rubika Liaquat) સમાજવાદી પાર્ટીના (SP) નેતા અમીક જમેઈએ (Ameeque Jamei) પત્રકાર રૂબિકા લિયાકતને ચાલુ ટીવી ડિબેટમાં ધમકી આપી હોવાનો મામલો સામે આવ્યો હતો. જે પછી એન્કરે તેમને જડબાતોડ જવાબ આપ્યો હતો.
નોંધનીય છે કે પેટાચૂંટણીનું પરિણામ આવ્યા બાદ 24 નવેમ્બરે ટીવી ચેનલ પર એક ડિબેટ શો ચાલી રહ્યો હતો. જેમાં SP નેતા અમીક જમેઈ, BJP પ્રવક્તા શહેઝાદ પૂનાવાલા સહિતના નેતાઓ ઉપસ્થિત હતા. આ જ દરમિયાન SP નેતા અમીક જમેઈએ ડિબેટ શો ‘ગુંજ’ના એન્કર રૂબિકા લિયાકતને ચાલુ ડિબેટ શોમાં ધમકી આપી દીધી હતી. જેનો વિડીયો સોશિયલ મીડિયા પર ખૂબ વાયરલ થઇ રહ્યો છે.
WATCH –pic.twitter.com/0ivkW3gyVQ
— Times Algebra (@TimesAlgebraIND) November 24, 2024
અમીક જમેઈએ રૂબિકાને કહ્યું હતું કે, “જો અમારા નિયંત્રણ હેઠળ પોલીસ હોત, તો તમે અહીં બેઠા ન હોત.” આ સાંભળીને ન્યુઝ એન્કરે અમીકને કડક શબ્દોમાં જવાબ આપ્યો હતો અને કહ્યું હતું કે, “તમારા ઘરની મહિલાઓને આવી રીતે ડરાવજો, મને નહીં. આ દેશની દીકરી છું અને એક સ્ટ્રોંગ મહિલા છું.”
તેમણે એમ પણ કહ્યું હતું કે, “હવે UPમાંથી તમારી આ ગુંડાગીરી ખતમ થઇ ગઈ છે.” આગળ રૂબિકાએ કહ્યું કે, “તમે લોકો તમારા ઘરમાં મહિલાઓનું સન્માન નથી કરતા. તેથી જ તમે લોકો ક્યારેય ચૂંટણી જીતતા નથી. હું આવા શબ્દોને સહન નહીં કરું.”
રૂબિકાએ એમ પણ કહ્યું હતું કે, “છેડના મત મુજે, છોડુંગી નહીં મેં.” તેમણે કહ્યું કે, “તમારા ઘરમાં તમે મહિલાઓનું સન્માન નથી કરી શકતા, મહિલાઓને ઈજ્જત નથી આપી શકતા, પણ મને ઓળખતા નથી તમે, હું ઈજ્જત છીનવીને પણ મેળવીશ.” તેમણે કહ્યું કે “આ કારણોથી જ તમે ચૂંટણી નથી જીતી શકતા.”
ઉલ્લેખનીય છે કે સપા નેતાઓએ મહિલાઓનું અપમાન કર્યું હોય અને ધમકી આપી હોય એવી આ પ્રથમ ઘટના નથી. આ અગાઉ પેટાચૂંટણી પહેલા એક દલિત યુવતીએ ભાજપને વોટ આપીશું એમ કહ્યું હતું ત્યારે સપા નેતા પ્રશાંત યાદવે તે યુવતીને પણ ધમકી આપી હતી કે જો સાયકલને વોટ ન આપ્યો તો ગંભીર પરિણામો ભોગવવા પડશે. ત્યારપછી UPમાં કંજરા નદી પાસે નગ્નાવસ્થામાં તે યુવતીની લાશ મળી આવી હતી.
